သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး မအူပင်ခရိုင်ဦးစီးမှူးရုံး လက်အောက်ရှိ ဓနုဖြူမြို့နယ်တာဝန်ခံသည် (၅-၂-၂၀၂၅) ရက်နေ့ နံနက်(၀၉:၀၀)နာရီ အချိန်တွင်  မြို့နယ်ကျန်းမာရေးဦးစီးဌာန၊ မြို့နယ် ပြန်ကြားရေး နှင့်ပြည်သူ့  ဆက်ဆံရေးဦးစီးဌာတို့နှင့် အတူ ဓနုဖြူမြို့နယ်၊ ကုန်းတန်း တောင်ကျေးရွာ အုပ်စု၊တော်ဝ ကျေးရွာကျောင်းမုန့်ဈေးဆိုင် များအား ဈေးကွက်စောင့်ကြည့် စစ်ဆေး ဆောင်ရွက်ခဲ့ ပါသည်။

       ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ဓနုဖြူမြို့နယ်တာဝန်ခံရုံးမှ ဦးခိုင်လွမ်းမိုးက  ဦးဆောင်၍ ကျောင်းကော်အတီအဖွဲ့ဝင် ဆရာ/ဆရာများ နှင့် ပူးပေါင်း၍ ကျောင်းမုန့်ဈေးတန်းရှိ မုန့်ဆိုင်တွင်ရောင်းချ လျက်ရှိသော အစားအသောက် ကုန်စည်များတွင် ကုန်အညွန်းအမှတ်အသားများကို မြန်မာဘာသာဖြင့် အသေးစိတ်စိစစ်ချက်များအတိုင်း ဖော်ပြထားခြင်း ရှိ/မရှိ နှင့် သက်တမ်းလွန်မုန့်များ ရောင်းချနေခြင်း ရှိ/မရှိ စစ်ဆေးခဲ့ရာ  ကုန်အညွှန်းအမှတ်အသား ပြည့်စုံသောမုန့်များနှင့် မိမိတို့ ဒေသထွက် ဘေးအန္တရာယ်ကင်း လွတ်သည့် သဘာဝ အစားအစာများကို သန့်ရှင်းသပ်ရပ်စွာရောင်းချနေသည်ကို စစ်ဆေးတွေ့ရှိရပြီး  မုန့်ဈေးရောင်းသူစီးပွားရေးလုပ်ငန်းရှင်များအနေဖြင့် မိမိတို့ရောင်းချသည့် မည်သည့်ကုန်စည်များတွင်မဆို စားသုံးသူကာကွယ် ရေးဥပဒေ အခန်း(၁၈)ပါ ကုန်အညွန်းအမှတ်အသားများကို မြန်မာဘာသာဖြင့် အသေးစိတ်စိစစ်ချက်များ အတိုင်း ဖော်ပြထားသည့် ကုန်စည်များ၊ သက်ဆိုင်ရာဌာန၏ ထောက်ခံချက်ပါရှိသော ကုန်စည်များကိုသာ ရောင်းချရန် နှင့်  ကလေးငယ်များ ဘေးအန္တရာယ် ကျ ရောက်ပြီး ထိခိုက်နစ်နာစေမည့်  မည်သည့်ကုန်ပစ္စည်းများကိုမှ မရောင်းချရန် အသိပညာပေးခဲ့ပြီး  အမိန့် ကြော်ငြာစာအမှတ်(၂/၂၀၁၉) ကုန်အညွှန်းအမှတ်အသား အသေးစိတ်စိစစ်ချက်များပါရှိသည့် လက်ကမ်းစာစောင်များအား ဖြန့်ဝေပေးခဲ့ကြောင်း သတင်းရရှိပါသည်။

Doca(ဧရာဝတီ)

      ၅.၁၂.၂၀၂၅ ရက်နေ့ (၁၄:၀၀) နာရီအချိန်တွင် မွန်ပြည်နယ်၊ စားသုံးသူရေးရာဦးစီးဌာန၊ သထုံခရိုင်ဦးစီးမှူး ဦးထွန်းအောင်ဖြူနှင့် ဝန်ထမ်းများသည် မွန်ပြည်နယ်၊ ဘီးလင်းမြို့နယ်၊ (အ.ထ.က) ဘီးလင်းကျောင်း၌ စားသုံးသူကာကွယ်ရေးဆိုင်ရာ အသိပညာပေးဟောပြောပွဲ ပြုလုပ်ခဲ့ကြောင်း သိရသည်။

      အဆိုပါ အသိပညာပေးဟောပြောပွဲတွင် ဘီးလင်းမြို့နယ်ပညာရေးမှူး ဦးဝင်းရှိန်မှ အဖွင့် အမှာစကားပြောကြား၍ စားသုံးသူရေးရာဦးစီးဌာန၊ သထုံခရိုင်ဦးစီးမှူး ဦးထွန်းအောင်ဖြူမှ ဌာန၏ မျှော်မှန်းချက်၊ ရည်မှန်းချက် လုပ်ငန်းတာဝန်များကို ဟောပြောရှင်းလင်းပြီးနောက်၊ ဦးစီးအရာရှိ ဦးအောင်ကျော်မင်းမှ စားသုံးသူကာကွယ်ရေးဥပဒေအကြောင်းသိကောင်းစရာများ ကို ဟောပြောဆွေးနွေးပြီး စားသုံးသူများဆုံးရှုံးနစ်နာမှုများဖြစ်ပေါ်လာပါက တိုင်ကြားဖြေရှင်း နိုင်သည့်နည်းလမ်းများနှင့် ထိုနည်းလမ်းများထဲမှ Consumer Call Center သို့ ဆက်သွယ် တိုင်ကြားနိုင်သည့်နည်းလမ်းအား လက်တွေ့ဖုန်းခေါ်ဆိုဆွေးနွေးပြသခဲ့ပြီး စားသုံးသူရေးရာ ဦးစီးဌာန၊ ဘီးလင်းမြို့နယ်တာဝန်ခံမှ ကျောင်းအုပ်ဆရာမကြီး ဒေါ်စိုးစိုးအေးထံသို့ ဌာန၏ လက်ကမ်းစာစောင်များ ပေးအပ်ခဲ့ပါသည်။ ထိုဟောပြောဆွေးနွေးပွဲသို့ မြို့နယ်ပညာရေးမှူး ဦးဝင်းရှိန်၊ ကျောင်းအုပ်ဆရာမကြီး ဒေါ်စိုးစိုးအေးနှင့် ဆရာ/ဆရာမ (၂၀) ဦး၊ ကျောင်းသား/ ကျောင်းသူ (၃၂၀) ဦး တက်ရောက်ခဲ့ကြောင်း သိရှိရပါသည်။

DOCA (မွန်)

 မအူပင်ခရိုင်၊ စားသုံးသူရေးရာဦးစီးဌာန၊ ညောင်တုန်းမြို့နယ်စစ်ဆေးရေးမှူး ဦးအောင်လွင်နှင့် ဝန်ထမ်းများသည် ညောင်တုန်းမြို့၊ အ.ထ.က (၄)အတွင်းရှိ ကျောင်းမုန့်ဈေးအရောင်းဆိုင်များသို့ သွားရောက်၍ ၎င်းတို့ရောင်းချနေသော စားသောက်ကုန်များတွင် မြန်မာဘာသာဖြင့် ကုန်အညွှန်းအမှတ်အသား ပြည့်စုံမှန်ကန်စွာဖော်ပြပါရှိမှု ရှိ/မရှိတို့ကို ကျန်းမာရေးဦးစီးဌာနနှင့်အတူ  (၇-၁၂-၂၀၂၅) ရက်နေ့၊ နေ့လည် (၁၃:၀၀)နာရီအချိန်တွင် ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

  ထိုသို့ ကျောင်းမုန့်ဈေးဆိုင်များအား ကွင်းဆင်းစစ်ရေးရာတွင် ကျောင်းမုန့်ဈေးရောင်းချသူများအနေဖြင့် ကျောင်းသား/ကျောင်းသူများ ဘေးအန္တရာယ်ကင်းရှင်းစေရန်အတွက် မိမိတို့ရောင်းချနေ သော ကုန်စည်များပေါ်တွင် ကုန်စည်အမျိုးအစားအလိုက် ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြပါရှိသည့် ကုန်စည်များကိုသာရောင်းချရန်၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာဘာသာနှင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့) တစ်ခုထက်ပို၍ တွဲလျက်ဖြစ်စေ ရေးသားဖော်ပြထားသည့် ကုန်စည်နှင့် သန့်ရှင်းလတ်ဆက်သည့်ကုန်စည်များကိုသာ ရောင်းချရန် ကျောင်းမုန့်ဆိုင်များတွင် ရက်လွန်မုန့်များ ရောင်းချခြင်းမပြုရန်၊ သတ်မှတ်ကုန် အညွှန်းအမှတ်အသားပါသည့် မုန့်များကိုသာရောင်းချရန်၊ ယင်နားစာများမဖြစ်စေရန်အတွက် သန့်ရှင်းသပ်ရပ်စွာဖုံးအုပ်ထားရန်၊  အသိပညာပေး၍ ကွင်းဆင်းစစ်ဆေးခဲ့ပါသည်။

DOCA (ဧရာဝတီ)

   ယနေ့ခေတ် ကျောင်းသားလူငယ်များ စကားပြောစွမ်းရည်နှင့် လူအများရှေ့မောက်တွင်ဝိုင်းဖွဲ့ပြီး အပြန်အလှန် ဦးဆောင်ဆွေးနွေးတတ်သည့် အလေ့အကျင့်ကောင်းများရရှိစေရန် ရည်ရွယ်ကျင်းပသည့် လူငယ်စကားဝိုင်းများကို မြို့နယ်စားသုံးသူရေးရာဦးစီးဌာနနှင့် ပူးပေါင်း၍ ၇-၁၂-၂၀၂၅ ရက်နေ့ နေ့လည် ၁၃နာရီ အချိန်က ညောင်းတုန်းမြို့နယ် ပြန်ကြားရေးနှင့် ပြည်သူ့ဆက်ဆံရေး ရုံးခန်းမတွင် ကျောင်းသား၊ ကျောင်းသူ ၁၂၀ဦးနှင့် ဆွေ့ဆုံ၍ စားသုံးသူ ကာကွယ်ရေး အသိပညာပေး ဝိုင်းဝန်ဆွေးနွေး ပွဲပြုလုပ် ခဲ့ကြသည်။

    အခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လူငယ်စကားဝိုင်းများကျင်းပပြုလုပ်ရခြင်း ရည်ရွယ်ချက်များကို ရှင်းလင်းပြောကြားပြီး ကျောင်းသား/ကျောင်းသူလေးများက လူငယ်နှင့် ယဉ်ကျေးမှုတန်ဖိုး၊ လူငယ်နှင့်စာရိတ္တ၊ လူငယ်နှင့်ပညာရေး၊ လူငယ်နှင့်ကျန်းမာရေး၊ လူငယ်နှင့်နည်းပညာ၊ လူငယ်နှင့် စာဖတ်ခြင်းအကျိုးကျေးဇူး နှင့် စားသုံးသူအခွင့်အရေး ဦးစားပေး စသည့်ခေါင်းစဉ်များဖြင့် ဦးဆောင်ဝိုင်းဖွဲ့၍ ဆွေးနွေးခဲ့ကြပြီးနောက် တက်ရောက်လာကြသူများ၏ သိရှိလိုသောမေးမြန်းချက်များကို တာဝန်ရှိသူ ဌာနဆိုင်ရာများမှ အသီးသီးပြန်လည်ဆွေးနွေးကာ ယနေ့ခေတ်ကျောင်းသားလူငယ်များ ဗလငါးတန်ဖွံ့ဖြိုးတိုးတက်စေရန်၊ လူငယ်များ စကားပြောစွမ်းရည်နှင့် လူအများရှေ့မောက်တွင် ပြောရဲ၊ ဆိုရဲသည့် စိတ်သတ္တိရှိစေပြီး နှုတ်မှုစွမ်းရည်များ တိုးတက်စေကာ မိမိတို့ပြောကြားလိုသည့် အကြောင်း အရာများကို အချင်းချင်းအပြန်အလှန် ချပြဆွေးနွေးတတ်သည့် အလေ့အကျင့်ကောင်း များရရှိစေရန်နှင့် အဖွဲ့အစည်းစိတ်ဓါတ်ဖြင့် ပူးပေါင်းပါဝင်၍ ဝိုင်းဖွဲ့ဦးဆောင်ဆွေးနွေးတတ်သည့် အလေ့အကျင့် ကောင်းများရရှိစေရန် အသိပညာပေးခြင်း၊ နေ့စဉ်လူမှုဘဝ လိုအပ်ချက်မများဖြစ်သည့် ကုန်စည်နှင့် ဝန်ဆောင်မှု ဝယ်ယူခြင်း၊ သုံးစွဲခြင်း၊ အသုံးပြုသည့်အခါ နစ်နာဆုံးရှုံမှု ရှိလာပါက အရေးဆိုတိုင်ကြားနိုင်သည့် နည်းလမ်းများကို လူငယ်များ ကျယ် ကျယ်ပြန့်ပြန့် သိရှိနားလည်နိုင်စေရန် လေ့ကျင့်သင်ကြားပေးခြင်း စသည့်ရည်ရွယ်ချက်အစီအစဉ်များဖြင့် အသိပညာပေး လက်ကမ်းစာစောင်များ ချိတ်ဆွဲကာ ပြုလုပ် ဆောင်ရွက်ခဲ့ကြောင်း သိရသည်။

DOCA (ဧရာဝတီ)

     မွန်ပြည်နယ်၊ သထုံမြို့နယ်တွင် ဆေးဝါးများကို ဈေးနှုန်းမှန်ကန်စွာ ရောင်းချရေးနှင့် သက်တမ်းလွန် ဆေးဝါးများ ရောင်းချခြင်း ရှိ/မရှိအား တာဝန်ရှိသူများပူးပေါင်းကာ ၅.၁၂.၂၀၂၅ ရက်နေ့ နံနက်ပိုင်းက ဆေးအရောင်းဆိုင်များ၌ လိုက်လံကွင်းဆင်း စစ်ဆေးခဲ့ကြသည်။

    ထိုသို့ ကွင်းဆင်းစစ်ဆေးရာတွင် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီအဖွဲ့ဝင် ဦးမင်းတင်နွယ်၊ မြို့နယ်စားသုံးသူရေးရာဦးစီးဌာန၊ ပြည်သူ့ကျန်းမာရေးဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြိုနယ်စည်ပင်သာယာရေးအဖွဲ့တို့မှ တာဝန်ရှိသူ များပူးပေါင်းကာ သထုံမြို့ပေါ် ရပ်ကွက်အသီးသီးတို့ရှိ လိုင်စင်ရ ဆေးဝါးအရောင်းဆိုင်များ၌ သတ်မှတ်လိုင်စင်စည်းကမ်းများနှင့်အညီ ရောင်းချခြင်း ရှိ/မရှိ၊ ဈေးနှုန်းမှန်ကန်စွာ ရောင်းချခြင်း ရှိ/မရှိ၊ သက်တမ်းလွန်ဆေးဝါးများ ရောင်းခြခြင်း ရှိ/မရှိတို့အား လိုက်လံစစ်ဆေးကာ လိုအပ်သည်တို့ကို အသိပညာပေး ညှိနှိုင်းဆွေးနွေးခဲ့ကြ‌ကြောင်း သိရသည်။

DOCA (မွန်)