သတင်းနှင့် လှုပ်ရှားမှုများ

     မကွေးတိုင်းဒေသကြီးအစိုးရအဖွဲ့မှ တိုင်း/ခရိုင်/မြို့နယ် စားသုံးဆီဖူလုံရေးကြီးကြပ်မှု ကော် မတီကို (၉.၆.၂၀၂၅)ရက်စွဲဖြင့် ဖွဲ့စည်းခဲ့ပြီး စက်မှုကြီးကြပ်ရေးနှင့်စစ်ဆေးရေးဦးစီးဌာန၊ စားသုံး သူရေးရာဦးစီးဌာန၊ စိုက်ပျိုးရေးဦးစီးဌာန ပါဝင်သော ပူးပေါင်းစစ်ဆေးရေးအဖွဲ့သည် မကွေးမြို့ပေါ် နှင့် မကွေးမြို့အနီးတစ်ဝိုက်ရှိ ဆီစက်လုပ်ငန်းများအား ကွင်းဆင်းစစ်ဆေးခဲ့ကြောင်း သိရသည်။

          ၂၀၂၅ခုနှစ်၊ ဇူလိုင်လအတွင်း စက်မှုကြီးကြပ်ရေးနှင့် စစ်ဆေးရေးဦးစီးဌာန၌ စက်မှုမှတ်ပုံ တင်ထားရှိသော ဆီစက်များသို့ သွားရောက်၍ (၁)ရက်၊ (၁)လ၊ (၁)နှစ်ကြိတ်ခွဲထုတ်လုပ်မှုအခြေ အနေနှင့် ပဲဆီ၊ နှမ်းဆီများရောင်းချသည့် ဈေးနှုန်းဈေးကွက်အခြေအနေများအား မေးမြန်းခဲ့ပြီး ရော နှောဆီ(Blanded Oil)အဖြစ် အစားအသောက်ထုတ်လုပ်ခြင်း၊ သိုလှောင်ခြင်း၊ သယ်ယူပို့ဆောင် ခြင်း၊ ဖြန့်ဖြူးခြင်း(သို့)ရောင်းချခြင်းနှင့် စပ်လျဉ်း၍ ၂၀၂၄ခုနှစ်၊ မတ်လ(၂၉)ရက်နေ့တွင် အမိန့် အမှတ်(၂/၂၀၂၄)ဖြင့် အစားအသောက်နှင့် ဆေးဝါးကွပ်ကဲရေး ဦးစီးဌာန(FDA) ထောက်ခံချက် ရရှိပြီးမှသာ ဆောင်ရွက်ခွင့်ပြုသွားမည်ဖြစ်ကြောင်း၊ ရောနှောဆီ(Blanded Oil)ကို အမှတ်တံဆိပ် ကပ်ရာတွင် မြန်မာနိုင်ငံအစားအသောက်နှင့် ဆေးဝါးအာဏာပိုင်အဖွဲ့၏ (၂၀.၁.၂၀၂၂) ရက်စွဲပါ အမိန့်ကြော်ငြာစာအမှတ် ၈/၂၀၂၂ ဖြင့် ထုတ်ပြန်ခဲ့သည့် အသင့်ထုပ်ပိုးထားသော အစားအသောက် များ အမှတ်တံဆိပ်ကပ်ခြင်းဆိုင်ရာ အမိန့်ပါဖော်ပြချက်များကို လိုက်နာရမည့်အပြင် မြန်မာ နိုင်ငံစားသုံးသူကာကွယ်ရေးကော်မရှင်က ညွှန်ကြားချက်အမှတ်(၂/၂၀၁၉)ဖြင့် (၃.၁၂.၂၀၁၉)ရက်နေ့ တွင် ဘူးသွပ်ဆီနှင့်ပတ်သက်၍ ကုန်အညွှန်အမှတ်အသားဖော်ပြရာတွင် အမျိုးအမည်၊ အသားတင် ပမာဏ၊ ထားသိုသိမ်းဆည်းမှု အညွှန်း စသည့်အချက်(၃)ချက်ကို မြန်မာဘာသာဖြင့် မဖြစ်မနေ ဖော်ပြပေးရမည်ဖြစ်ကြောင်း၊ ဆီစက်ပိုင်ရှင်များအနေဖြင့် မိမိတို့ရဲ့ကုန်အမှတ်တံဆိပ်ကို တခြားသူ များက တုပရောင်းချတာမျိုးမဖြစ်စေရန် မိမိတို့ ဝန်ကြီးဌာနလက်အောက်မှာရှိတဲ့ မူပိုင်ခွင့်ဦးစီးဌာန တွင် မူပိုင်ခွင့်လျှောက်ထားရန် ဆွေးနွေးပြောကြားခဲ့ကြောင်း သိရသည်။

          ထိုသို့ကွင်းဆင်းစစ်ဆေးခြင်းဖြင့် ဆီစက်များ၏ အမှတ်ကြိတ်ခွဲထုတ်လုပ်မှုကိုသိရှိပြီး ပြည်ပ မှ စားအုန်းဆီတင်သွင်းမှုနှင့်စပ်လျဉ်း၍ လိုအပ်သည့်မူဝါဒများ ချမှတ်နိုင်ရေးအတွက် အထောက် အကူပြုနိုင်မည်ဖြစ်ကြောင်း ရေးသားအပ်ပါသည်။

DOCA(မကွေး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံသည် တိုင်းဒေသကြီးဦးစီးမှူး၏ လမ်းညွှန်မှု၊ ခရိုင်ဦးစီးမှူး၏ ကြီးကြပ်မှုဖြင့် (၁၇.၇. ၂၀၂၅)ရက်နေ့၊ နံနက်(၀၉:၀၀)နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနှင့် ပူးပေါင်း၍ ဆိပ်ဖြူမြို့ပေါ်ရှိ မြေပဲဆီသန့် ကြိတ်ခွဲထုတ်လုပ်သည့်လုပ်ငန်းများသို့ သွားရောက်ပြီး ဝန်ဆောင်မှု ကဏ္ဍနှင့်စပ်လျဉ်း၍ ကွင်းဆင်း အသိပညာပေးဆောင်ရွက်ခဲ့ကြောင်း သိရသည်။  

     ဆိပ်ဖြူမြို့နယ်တာဝန်ခံနှင့်အဖွဲ့သည် စားသောက်ကုန် ထုတ်လုပ်သည့် လုပ်ငန်းရှင် များအား မိမိတို့ရောင်းချသော ကုန်စည်တွင် သန့်ရှင်းမှုရှိစေရန်အတွက် မြေပဲဆီသန့် ကြိတ်ခွဲထုတ်လုပ် သူများ၊ ဝန်ဆောင်မှုပေးသူများ၏ တစ်ကိုယ်ရေသန့်ရှင်းမှုများ ရှိစေရန်၊ ဝန်ဆောင်မှုနှင့်စပ်လျဉ်း၍ စားသုံးသူများအား လုံလောက်သည့် သတင်းအချက်အလက်များကို အသိပေးဖော်ပြစေရန်၊  စားသောက်ဖွယ်ရာများ၏ အမျိုးအစား၊ အချိန်အတွယ်ပမာဏ၊ ပိဿာ၊ ကျပ်သားအလိုက် ဈေးနှုန်း များအား မြန်မာဘာသာဖြင့် သိသာထင်ရှားစွာ ကုန်စည်တွင် ဖော်ပြပေးရန်၊ ပွင့်လင်းမြင်သာစွာ ကြိုတင်အသိပေးဖော်ပြထားရန်နှင့် စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင် ၏တာဝန်များအား အသိပညာပေးဆွေးနွေးခဲ့ကြောင်း သိရသည်။

DOCA(မကွေး)

           ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်တွင် စားသောက်ဆိုင်များ၊ အစားအသောက်ဝန်ဆောင်မှုပေးသည့် လုပ်ငန်း (၁၀)တိုင်အား (၁၄-၇-၂၀၂၅)ရက် နံနက်ပိုင်းက ဒုတိယအကြိမ် ဇူလိုင်လအတွင်း ကွင်းဆင်းစစ်ဆေးခဲ့ကြကြောင်း သိရသည်။

         ထိုသို့ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ခရိုင်ဦးစီးမှူး ဦးဇော်မင်း၊ မြို့နယ်အထွေထွေ အုပ်ချုပ်ရေး ဦးစီးဌာန၊ စားသုံးသူရေးရာဦးစီးဌာနမြို့နယ်ဦးစီးမှူး၊ မြို့နယ်ကျန်းမာရေးဦးစီးဌာန၊ မြို့နယ်မီးသတ်ဦးစီးဌာနတို့​ပူးပေါင်း၍ ပန်းတနော်မြို့နယ်အတွင်းရှိ စားသောက်ဆိုင်များ၊ အစားသောက်ဝန်ဆောင်မှုပေးသည့်လုပ်ငန်းများသို့ ကွင်းဆင်းစစ် ဆေးရာ မေလက စစ်ဆေးဆောင်ရွက်ချက်များအရ မှာကြားခဲ့သော၊ အစားအသောက်ချက်ပြုတ်ရာအခန့်များ သန့်ရှင်းသပ်ရပ်စွာ ကိုင်တွယ်ထားရှိမှုရှိ/ မရှိ၊ စားသုံးသူများ ဈေးနှုန်းကို ကြိုတင်အသိပေးကြေငြာထားမှုရှိ/ မရှိကို စစ်ဆေးခြင်း၊ စားသုံးသူများအတွက် အခွန်အခပါအဝင် ကြိုတင်သတင်းအချက်အလက် ကြေငြာဆောင်ရွက်ထားရှိမှုရှိ/ မရှိကို စစ်ဆေးခြင်းများကို မှာကြားပြောကြားခဲ့ပြီး ဒုတိယအကြိမ်စစ်ဆေးသည့်အခါ လိုက်နာဆောင်ရွက်မှုရှိ/ မရှိကို စစ်ဆေးခဲ့ပြီး စားသောက်ဆိုင်များက  လိုက်နာဆောင်ရွက်ထားကြောင်း တွေ့ရှိရပြီး၊ စားသောက်ဆိုင်များမှ စွန်ပစ်ပစ္စည်းများကို အမှိုက်ပုံး ၄မျိုးခွဲခြားပြီး စွန်ပစ်ခြင်းမျိုးပြုလုပ်ထားရန် ထပ်မံမှာကြားခဲ့ကြောင်းနှင့်  စားသုံးသူပြည်သူများ သန့်ရှင်းလက်ဆက်သော အစားအသောက်များ ဖြစ်စေရေး၊ စားသောက်ဆိုင်သုံးပစ္စည်းများ သန့်ရှင်းမှုရှိစေရေးနှင့် သက်တမ်းလွန်ပစ္စည်းများ အသုံးမပြုစေရေးအတွက် အသိပညာပေးပြောကြားကာ စစ်ဆေးကြည့်ရှုခဲ့ကြကြောင်း သိရှိရပါသည်။

DOCA(ဧရာဝတီ)

           စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံ ဆန်စပါး အသင်းချုပ်တို့ ပူးပေါင်းအကောင်အထည် ဖော်ဆောင်ရွက်လျက်ရှိသည့်  မြန်မာ့ဆန်စပါး အွန်လိုင်း မြန်မာ့ဆန်စပါး အွန်လိုင်း (Myanmar Rice Online MyRo) တွင် ၂၀၂၃ခုနှစ် နိုဝင်ဘာလ (၃) ရက်နေ့မှ စ၍ ဆန်တန်ချိန် ၂၅ နှင့် အထက် သိုလှောင်ရုံ သို့မဟုတ် စပါးတင်း ၂၅၀၀ နှင့် အထက် သိုလှောင်မှုများအား မှတ်ပုံတင်ခြင်းလုပ်ငန်းများကို ဆောင်ရွက်လျက်ရှိပြီး၊ သက်တမ်း၁နှစ်ပြည့် မြောက်ပြီးသော ဓနုဖြူမြို့နယ် လုပ်ငန်းရှင်များအား သက်တမ်းတို့ဆောင်ရွက်နိုင်ရေးနှင့် ဇူလိုင်လ ဆန်စပါးသိုလှောင်ရုံ မှတ်ပုံတင်ထားသည့် သိုလှောင်ရုံများ၏ ကုန်ရ၊ ကုန်ထုတ်၊ ကုန်လက်ကျန် စာရင်းများအား ဖြည့်သွင်းပေးနိုင်ရေးနှင့် လစဉ် လဆန်း (၁)ရက်နေ့မှ ရရက်အတွင်း Update ပြုလုပ်နိုင်ရေးကို လုပ်ငန်းရှင်များ သိရှိနိုင်ရန် ဓနုဖြူမြို့နယ်၊ စားသုံးသူရေးရာဦးစီးဌာနမှ ဦးဝင်မင်းစိုး ဦးစီးအရာရှိနှင့် ဝန်ထမ်းများက (၁၅-၇-၂၀၂၅)ရက်နေ့တွင် ဓနုဖြူမြို့နယ် ဆန်စက်အသင်းရုံးတွင် ဓနုဖြူမြို့နယ် ဆန်စက်လုပ်ငန်းရှင် (၅)ဦးနှင့်အတူ အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

             စားသုံးသူရေးရာဦးစီးဌာန၊ ရုံးချုပ်(နေပြည်တော်) ၏ ၇/၂၀၂၅ကြိမ်မြောက်ဝန်ထမ်းထုဆန္ဒဖော်ထုတ်ပွဲအခမ်းအနားကို စားသုံးသူရေးဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံးမှ အရာထမ်း၊ အမှုထမ်းများခရိုင်မှ ဝန်ထမ်း(၉)ဦး၊ မြို့နယ်ဝန်ထမ်း(၈)ဦးစုစုပေါင်း (၁၇)ဦး Virtual စနစ်ဖြင့် (၁၆-၇-၂၀၂၅) ရက်နေ့ နံနက် (၀၉း၃၀) နာရီအချိန်မှ စတင်တက်ရောက့်ခဲ့ကြောင်း သိရှိရပါသည်။

           အစည်းအဝေးတွင် စားသုံးသူရေးရာဦးစီးဌာန ညွှန်ကြားရေးမှူးချုပ် ဦးခင်မောင်လှိုင်မှ အဖွင့်အမှာစကားပြောကြားခဲ့ပြီး၊ စီးမံရေးရာဌာနခွဲ ညွှန်ကြားရေးမှူး ဦးကျော်စွာဝင်းက ၆/၂၀၂၆ အစည်းအဝေးဆုံးဖြတ်ချက်များ ဖြေရှင်းဆောင်ရွက်ပြီးစီးမှု အခြေအနေများကို တင်ပြဖတ်ကြားခဲ့ပြီးနောက် တိုင်းဒေသကြီး/ ပြည်နယ် ဦးစီးမှူးများနှင့် ဝန်ထမ်းများက အခက်အခဲများကို တင်ပြဆွေးနွေး ဆန္ဒဖော်ထုတ်ခဲ့ကြပြီး အစည်းအဝေးတင်ပြချက်များကို မှတ်တမ်းထားရှိပြီး၊ စားသုံးသူရေးရာဦးစီးဌာန၊  ညွှန်ကြားရေးမှူးချုပ် ဦးခင်မောင်လှိုင်မှ ခရိုင်/မြို့နယ်အဆင့် ဝန်ထမ်းများနှင့် ရင်းနှီဖော်ရွေစွာ နှုတ်ဆက်အမှာစကားပြောကြားခဲ့ ဝန်ထမ်းတစ်ဦးခြင်းအလိုက် အရည်အသွေးပြည့်ဝစွာဖြင့် ကြိုစားအားထုတ်ကြရန်တို့ကို မှာကြားခဲ့ကြောင်း သိရှိရပါသည်။

DOCA(ဧရာဝတီ)