သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် မိတ်ဘက်ဌာနဆိုင်ရာများနှင့် ပူးပေါင်း၍ (၉.၅.၂၀၂၅)ရက်နေ့၊ နံနက်(၀၉:၃၀)အချိန်တွင် လေးမျက်နှာမြို့၊ အမှတ်(၅)ရပ်ကွက်ရှိ စားအုန်းဆီအရောင်းဆိုင်များအား ဈေးနှုန်းမြှင့်တင်ရောင်းချမှုရှိ/မရှိ ဈေးကွက်စောင့်ကြည့်စစ်ဆေးခြင်း များ ဆောင်ရွက်ခဲ့ပါသည်။

   ထိုသို့ကွင်းဆင်းစစ်ဆေးခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အ တွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန် အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိတို့ကိုစစ်ဆေးခဲ့ပြီး၊ မြန်မာနိုင်ငံ စားသုံးသူ ကာကွယ်ရေးကော်မရှင်မှ ထုတ်ပြန် ကြော်ငြာထားသော ညွှန်းကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာ ရောင်းချရန်နှင့် စီးပွားရေးလုပ်ငန်း ရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ် အရည်အသွေး ပြည့်မီသောကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်၏ တာဝန်များအကြောင်း၊ တားမြစ်ချက်များနှင့် ပြစ်မှုပြစ်ဒဏ်များ၊ စားသုံးဆီ ရောင်းချသောလုပ်ငန်းရှင် များအနေဖြင့် ဈေးနှုန်းမြှင့်တင်ရောင်းချမှုမရှိစေရေး၊ ဈေးကွက်အတွင်း ဈေးနှုန်းမြှင့်တင်ရောင်းချခြင်း များတွေ့ရှိပါက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော အရေးကြီးကုန် စည် နှင့်ဝန်ဆောင်မှုဥပဒေပါ ပြစ်မှုပြစ်ဒဏ်များအရ အရေးယူဆောင်ရွက်နိုင်သည့် အကြောင်း စသည်တို့ကို အသိပညာပေးပြောကြားခဲ့ပြီး၊ စားသုံးဆီအရောင်းဆိုင်(၅)ဆိုင်အား ဈေးကွက်စောင့် ကြည့်စစ်ဆေးခြင်းများဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

          (၁၃.၅.၂၀၂၅)ရက်နေ့ နံနက်(၁၀:၀၀)နာရီအချိန်တွင် ရွှေပြည်သာမြို့နယ် မြို့နယ်အထွေထွေ အုပ်ချုပ်ရေးဉီးစီးဌာနမှ ဦးဆောင်၍ မြို့နယ်စည်ပင်သာယာအုပ်ချုပ်ရေးမှူးရုံး၊ ပြည်တွင်းအခွန်များဦးစီးဌာန၊ စားသုံးသူရေးရာဦးစီးဌာန၊ အထူးစုံစမ်းစစ်ဆေးရေးဦးစီးဌာန၊ မြို့နယ်ရဲတပ်ဖွဲ့မှူးရုံး၊ သက်ဆိုင်ရာရပ်ကွက်အုပ်ချုပ်ရေးမှူးတို့ ပူးပေါင်းပါဝင်သောအဖွဲ့များသည် ဆန်နှင့်ဆန်သိုလှောင်ရုံများသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

       ထိုသို့ဆောင်ရွက်ရာတွင် ရွှေပြည်သာမြို့နယ်အတွင်းရှိ ဆန်လက်လီ/လက်ကားရောင်းချ လျက်ရှိသော ဆိုင်များနှင့်ဆန်သိုလှောင်ရုံများသို့ သွားရောက်ခဲ့ပြီး ဆန်သိုလှောင်ရုံများအား မြန်မာ့ ဆန်စပါးအွန်လိုင်း(MyRo)တွင် မှတ်ပုံတင်ထားမှုရှိ/မရှိ၊ ဈေးကစားရန် ရည်ရွယ်ချက်ဖြင့် သိုလှောင်ထားရှိမှု မဖြစ်ပေါ်စေရေး စစ်ဆေးခဲ့ပြီး ဆန်ဆိုင်များအနေဖြင့်လည်း ဆန်ဈေးနှုန်း မြှင့်တင်ရောင်းချခြင်းမပြုရန်၊ သတ်မှတ်ရည်ညွှန်းဈေးအတိုင်း ရောင်းချရန်နှင့် ဆန်များကို အရောအနှောကင်းစွာ ရောင်းချရန် စစ်ဆေးမှုများ ပြုလုပ်ခဲ့ပြီး လိုက်နာဆောင်ရွက်မှုများ မရှိပါက အရေးယူမှုများ ပြုလုပ်သွားမည်ဖြစ်ပါကြောင်း သိရှိရပါသည်။

DOCA (ရန်ကုန်)

     စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၉.၅.၂၀၂၅)ရက်နေ့ နံနက်(၀၉:၀၀) နာရီအချိန်တွင် ဇလွန်မြို့နယ်၊ အဒါးလမ်း၊လမ်းမတော်(မ)ရပ်ကွက်ရှိ မြို့နယ်စားသုံးသူရေးရာဦးစီးဌာန ရုံး၊ အစည်းအဝေးခန်းမ၌ ကုန်စုံဆိုင်လုပ်ငန်းရှင်(၂၇)ဦးအား စားသုံးသူကာကွယ်ရေးဆိုင်ရာ အသိပညာ ပေးဟောပြောခြင်း ဆောင်ရွက်ခဲ့ပါသည်။

     ထိုသို့ဆောင်ရွက်ရာတွင် မြို့နယ်တာဝန်ခံ ဦးသန့်ဇင်ဦးက စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့် စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ(ခ)နှင့်(ဆ)တို့ပါ ကုန်စည်၏အမျိုးအမည်၊ အရွယ်အစား၊ အသားတင်ပမာဏနှင့် ထားသိုသိမ်း ဆည်းမှုအညွှန်း၊ကျန်းမာရေးဆိုင်ရာဘေးထွက်ဆိုးကျိုးဖော်ပြချက်နှင် ကြိုတင်သတိပေးချက်များအား ပြည့်စုံစွာဖော်ပြထားသောကုန်စည်များကိုသာ ရောင်းချရန်၊ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့မဟုတ်)တစ်ခု ထက်ပို၍ တွဲလျက် ဖြစ်စေ ရေးသားဖော်ပြရမည့်အကြောင်း စသည်တို့ကို အသိပညာပေးဟောပြောခဲ့ပြီး လုပ်ငန်းရှင် များမှလည်း သိလိုသည်များကို မေးမြန်း၍ အပြန်အလှန်ဆွေးနွေးခဲ့ကြကြောင်းသိရှိရပါသည်။

DOCA(ဧရာဝတီ)

     ကလေးမြို့၊ အောင်သစ္စာရပ်ကွက်သို့သွားရောက်၍ ( ၁၄.၅.၂၀၂၅ )ရက်နေ့ နံနက်(၁၀:၃၀ )နာရီအချိန်တွင်  ဆန်စက်၊ ဆီစက်၊ သံဂဟေ၊ ပဲပွဲရုံ၊ ပဲကြော်လုပ်ငန်းရှင် (၂၀ ) ဦး အား အသိပညာပေး ဟောပြောပွဲ ကျင်းပပြုလုပ်ခဲ့ပါသည်။  

  အဆိုပါဟောပြောပွဲတွင် အသေးစားစက်မှုလက်မှုလုပ်ငန်းဦးစီးဌာနမှ ဦးထိုက်တန် (ခရိုင်ဦးစီးမှူး)၊ စက်မှုကြီးကြပ်ရေးနှင့်စစ်ဆေးရေးဦးစီးဌာန ဦးရဲမင်းသိန်း(ခရိုင်ဦးစီးမှူး) နှင့် စားသုံးသူရေးရာဉီးစီးဌာန ဒေါ်သိမ့်သိမ့်ထွန်း(ဒု-ဦးစီးမှူး) တို့သည် အောင်သစ္စာရပ်ကွက်ရှိ လုပ်ငန်းရှင်များအား အသိပညာပေး ဟောပြောရာတွင် ဦးစွာပထမ အသေးစားစက်မှုလက်မှု လုပ်ငန်းဦးစီးဌာနမှ ခရိုင်ဉီးစီးမှူး ဦးထိုက်တန်က လုပ်ငန်းရှင်များအနေဖြင့် လုပ်ငန်းများလုပ်ကိုင် ဆောင်ရွက်လျှက်ရှိရာ လုပ်ငန်းမှတ်ပုံတင်များရရှိမှုမရှိသေးပါက မိမိတို့ဌာနမှ လုပ်ငန်းမှတ်ပုံတင် များရရှိရေး လုပ်ကိုင်ဆောင်ရွက်ပေးသွားမည်ဖြစ်ပါကြောင်း၊ စက်မှုကြီးကြပ်ရေးနှင့် စစ်ဆေးရေး ဦးစီးဌာနမှ ဦးရဲမင်းသိန်း(ခရိုင်ဦးစီးမှူး)က ပုဂ္ဂလိက စက်မှုလက်မှုလုပ်ငန်းများမှတ်ပုံတင် ဆောင်ရွက်ရန် လိုအပ်ပါကြောင်း၊ မှတ်ပုံတင်ကတ်ပြားများမှလည်း မိမိတို့စက်ရုံများတွင် Upto Date ဖြစ်အောင်ဆောင်ရွက်ထားရမည်ဖြစ်ပြီး မြင်သာသည့်နေရာများတွင် ချိတ်ဆွဲထားရမည်ဖြစ်ပါ ကြောင်းပြောကြား၍ စားသုံးသူရေးရာဉီးစီးဌာန၊ ကလေးခရိုင်ရုံးမှ ဒေါ်သိမ့်သိမ့်ထွန်းက ကုန်အညွန်း အမှတ်အသား လျှောက်ထားရန်နှင့် စားသုံးသူအခွင့်အရေးများနှင့် စားသုံးသူများ နစ်နာဆုံးရှုံးမှု ရှိပါက တိုင်းဒေသကြီး၊ ပြည်နယ်များရှိ Consumer Information& Complaint Center (CICC) များနှင့် Consumer Call Center(1535)များသို့ ခေါ်ဆို၍ တိုင်ကြားနိုင်ပါကြောင်း စားသုံးသူ ကိစ္စရပ်များနှင့် ပတ်သက်၍မရှင်းလင်းသည်များရှိပါက ကလေးခရိုင်ဦးစီးမှူးရုံး စားသုံးသူရေးရာ ဦးစီးဌာနသို့ လာရောက်၍ဆွေးနွေးနိုင်ပါကြောင်း ပြောကြား၍ အသိပညာပေးဟောပြောပွဲ အခမ်းအနားကို (၁၂:၃၀)နာရီ အချိန်တွင် ပြီးဆုံးကြောင်း သတင်းရရှိရပါသည်။

DOCA (စစ်ကိုင်း)

   ၁၃.၅.၂၀၂၅ ရက်နေ့ နံနက်(၁၁:၀၀)အချိန်မှစ၍ မြောက်ပိုင်းခရိုင်ဦးစီးမှူးရုံးကွပ်ကဲမှု အောက်ရှိ မှော်ဘီမြို့နယ်ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးနှင့် ဝန်ထမ်းများသည် မှော်ဘီမြို့နယ်၊ မြို့မဈေးသို့ အွန်လိုင်းစနစ်ဖြင့် ရောင်းချခြင်းလုပ်ငန်းနှင့်ပတ်သက်၍ အသိပညာပေးဟောပြောဆွေးနွေး ခဲ့ပါသည်။

   ထိုသို့ဆွေးနွေးရာတွင် မြို့မဈေးမှ ဈေးတာဝန်ခံ ဉီးဝေလင်းအောင်မှ အဖွင့်အမှာစကား ပြောကြားပြီး စားသုံးသူရေးရာဉီးစီးဌာနမှ ဒေါ်ဖြူဖြူမြင့်၊ ဒုကြီးကြပ်ရေးမှူးက စားသုံးသူ အဓိပ္ပါယ်၊ အခွင့်အရေး(၈)ချက်၊ တာဝန်(၄)ချက်၊ အွန်လိုင်းစနစ်ဖြင့် ရောင်းချခြင်းလုပ်ငန်းများ၊ မှတ်ပုံတင်လက်မှတ် လျှောက်ထားရာတွင် ပူးတွဲတင်ပြရမည့်အချက်များကိုလည်းကောင်း၊ အွန်လိုင်းမှဝယ်ယူခြင်းအတွက် အားသာချက်/အားနည်းချက်များ အွန်လိုင်းရောင်းချမှုလုပ်ငန်း နှင့်စပ်လျဉ်း၍ စိစစ်သင့်သည့်အချက်များအား ပြောကြားပြီး ဆုံးရှုံးနစ်နာမှုများရှိခဲ့လျှင်လည်း တိုင်ကြားနိုင်သည့်နေရာများနှင့် ဖြေရှင်း ဆောင်ရွက်ပေးမည့်နည်းလမ်း(၂)မျိုးအား ဆွေးနွေးခဲ့ပြီး ဟောပြောပွဲသို့ စားသုံးသူ (၁၅)ဦးတက်ရောက်ခဲ့ပြီး ဆွေးနွေးပွဲကို (၁၁:၄၀)အချိန်တွင် ရုပ်သိမ်းခဲ့ကြောင်း သိရှိရပါသည်။

DOCA (ရန်ကုန်)