“ ကော့မှူးမြို့နယ်၌ စားအုန်းဆီဖြန့်ဖြူးရောင်းချနေမှုအခြေအနေအား ပူးပေါင်းအဖွဲ့ဖြင့် ကွင်းဆင်းစစ်ဆေး ”
ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌ စားအုန်းဆီဖြန့်ဖြူးရောင်းချနေမှု အခြေအနေအား စက်တင်ဘာလ(၂၂)ရက်နေ့၊ နံနက်(၁၀:၀၀)နာရီအချိန်တွင် ရပ်ကွက်၊ ကျေးရွာအုပ်စုများနှင့် စည်ပင်သာယာမြို့မဈေးအတွင်းရှိ စားအုန်းဆီလက်လီလက်ကား ဖြန့်ဖြူးရောင်းချလျက်ရှိသော နေရာများသို့ သက်ဆိုင်ရာမြို့နယ်အဆင့်ဌာနဆိုင်ရာတာဝန်ရှိသူများ ပူးပေါင်း၍ ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးခဲ့ရာတွင် သက်ဆိုင်ရာဌာနများဖြစ်သော မြို့နယ်အထွေထွေအုပ် ချုပ်ရေးဦးစီးဌာန၊ မြို့နယ်စီမံကိန်းဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာနမှ တာဝန်ရှိသူများနှင့် ရပ်ကွက်၊ ကျေးရွာအုပ်စုအုပ်ချုပ်ရေးမှူးများ ပူးပေါင်းအဖွဲ့ဖြင့် ကော့မှူးမြို့နယ် စားအုန်းဆီကုန်သည်များအသင်းမှ ခွဲဝေကြီးကြပ်မှုဖြင့် လက်လီလက်ကား ဖြန့်ဖြူးရောင်းချလျက်ရှိသော ရပ်ကွက်၊ ကျေးရွာအုပ်စုများနှင့် စည်ပင်သာယာမြို့မဈေးအတွင်း/ အပြင်ရှိ အရောင်းကိုယ်စားလှယ်များအား သက်ဆိုင်ရာဌာနများမှ ထုတ်ပြန်ထားသော ညွှန်ကြား ချက်များအတိုင်း စနစ်တကျလုပ်ကိုင်ဆောင်ရွက်ကြရန်နှင့် ဈေးနှုန်းအဆမတန်ရောင်းချခြင်းမရှိစေရေး၊ သတ်မှတ်ထားသော ထုတ်ပြန်ထားသည့် ရည်ညွှန်းဈေးအတိုင်း ပြန်လည်ဖြန့်ဖြူးရောင်းချစေရေး၊ စားသုံးဆီကုန်သည်များအသင်းမှ ဖြန့်ဝေထားသည့် စားအုန်းဆီထုတ်ယူခွင့်စာအုပ်ဖြင့်သာ ရပ်ကွက်၊ ကျေးရွာအုပ်စုများရှိ အိမ်ထောင်စုများ စားအုန်းဆီအပြည့်အဝရရှိစေရေးတို့အတွက် ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရှိရပါသည်။
DOCA(ရန်ကုန်)
