သတင်းနှင့် လှုပ်ရှားမှုများ

            ဧရာဝတီတိုင်းဒေသကြီး၊ ဖျာပုံခရိုင် ၊ဘိုကလေးမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းတို့သည် တရားမဝင်ကုန်သွယ်မှုတိုက်ဖျက်ရေးအဖွဲ့နှင့် ပူးပေါင်း၍ ၂၀၂၆ ခုနှစ်၊ ဧပြီလ ၂ ရက်နေ့၊ နံနက်(၁၀:၀၀) နာရီအချိန်တွင် မြို့ပေါ်ရှိ စက်သုံးဆီ အရောင်းဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။

          ဘိုကလေးမြို့နယ်အတွင်း ရောင်းချနေသော စက်သုံးဆီအရောင်းဆိုင်များသို့ လက်ကျန်စာရင်း ပေးပို့ထားမှု့အပေါ် မှန်ကန်မှုရှိ/ မရှိနှင့် ရောင်းချနေမှုအပေါ် စနစ်ကျမှုရှိ/မရှိ သက်ဆိုင်ရာဌာနများနှင့် ပူးပေါင်း၍ ကွင်းဆင်းစစ်ဆေးခဲ့ကြပါသည်။  စက်သုံးဆီပြတ်လပ်မှုမရှိစေရေး၊ သိုလှောင်ထားရှိမှုအခြေအနေ၊ ဈေးနှုန်းကြီးမြှင့်မှုမရှိစေရေး၊ သတ်မှတ်ထားသော ရည်ညွှန်းဈေးဖြင့်သာရောင်းချကြရန်နှင့် မီးဘေးအန္တရာယ်အတွက် စီစဉ်ထားရှိမှု အခြေအနေများနှင့် အလေးချိန် အချိန်အတွယ် ပြည့်မီစွာရောင်းချနေမှုရှိ/ မရှိတို့ကို ဌာနဆိုင်ရာပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

         ကျိုက်လတ်မြို့နယ် စားသုံးသူရေးရာဦးစီးဌာန မြိုနယ်တာဝန်ခံ ဦးမိုးမင်းသန်းနှင့် ဝန်ထမ်းများသည် မီးသတ်ဦးစီးဌာန၊ ကျန်းမာရေး၊ စည်ပင်သာယာရေးအဖွဲ့တို့နှင့် ပူးပေါင်း၍ ၂၀၂၆ ခုနှစ်၊ ဧပြီလ(၂) ရက်နေ့၊ နေ့လယ် (၁၄:၀၀) နာရီအချိန်တွင် ဈေးကွက်အတွင်း ရောင်းချနေသော ဆေးဆိုင်များသို့ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

    အဆိုပါ စစ်ဆေးရာတွင် လက်ရှိဈေးကွက်အတွင်းရောင်းချနေသော ဆေးဝါးပစ္စည်းများတွင် သက်ဆိုင်ရာဌာနများ၏ ထောက်ခံချက်များ ပြည့်စုံမှု ရှိ/ မရှိနှင့် တရားဝင်မှတ်ပုံတင်ထားသော ဆေးဝါးများရောင်းချရေးနှင့် ဈေးနှုန်းမြှင့်တင်ရောင်းချခြင်းများမပြုကြရန်၊ ဆေးနှင့် ဆေးပစ္စည်းအရောင်းဆိုင်များအနေဖြင့် ဆေးဝါးများအား ဝယ်ယူစုဆောင်းသိုလှောင်မှုမရှိဘဲ လိုအပ်သည့်ဆေးဝါးများကို အပတ်စဉ် ဝယ်ယူရောင်းချလျက်ရှိပါသည်။ အဖွဲ့အနေဖြင့်လည်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်၍ ဝယ်ယူစုဆောင်း သိုလှောင်ခြင်းများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း ပူးပေါင်းအဖွဲ့မှ ဈေးကွက်စောင့်ကြည့်စစ်ဆေးမှုအပေါ် သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ဒေးဒရဲမြို့နယ်စားသုံးသူရေးရာဦးစီးဌာနတို့ ပူးပေါင်း၍ (၂.၄.၂၀၂၆)ရက်နေ့၊‌ နေ့လယ်(၁၂:၀၀)နာရီအချိန်တွင် ထုတ်ကုန်ဘေးကင်းလုံခြုံမှယုံကြည်စိတ်ချစားသုံးသူဘ၀အသိပညာပေး Talk Show ကို ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (CommunityCentre)ခန်းမ၌ကျင်းပပြုလုပ်ခဲ့သည်။
           အဆိုပါ Talk Show အခမ်းအနားတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဒုတိယဦးစီးမှူးဒေါ်အေးမြမွန်က ယခု Talk Show ပြုလုပ်ရခြင်း၏ရည်ရွယ်ချက်ကို‌‌ပြောကြားခဲ့ပြီး၊ စားသုံးသူရေးရာဦးစီးဌာနမှ ဒုတိယ-လက်‌ထောက်ကြီးကြပ်‌ရေးမှူးဦးခန့်စည်သူက ထုတ်ကုန်များ‌ဘေးကင်းလုံခြုံမှုရှိ‌စေရန် စားသုံးသူရေးရာဦးစီးဌာနအ‌နေဖြင့်‌ ကျောင်းများ၊‌ ဈေးများ၊‌ ကျေးရွာများ၊ ရပ်ကွက်များ၊ အသင်းအဖွဲ့များ၊ ဌာနဆိုင်ရာများနှင့် တက္ကသိုလ်အသီးသီးတွင် စားသုံးသူကာကွယ်‌ရေးအသိပညာ‌ပေးလုပ်ငန်းများကို‌ ဆောင်ရွက်လျက်ရှိသလို စက်လုပ်/အလုပ်ရုံများမှာလည်း ထုတ်ကုန်လုံခြုံစိတ်ချရမှုရှိ‌စေရေး အသိပညာ‌ပေးဟောပြောပွဲများကို‌ ဆောင်ရွက်လျက်ရှိပြီး ဒါအပြင်ကုန်စည်နှင့် ၀န်‌ဆောင်မှုများအား‌ ဈေးကွက်‌စောင့်ကြည့်စစ်‌ဆေးခြင်းကို သက်ဆိုင်ရာမိတ်ဖက်ဌာနများနှင့်‌‌ပေါင်းစပ် ဆောင်ရွက်လျက်ရှိပါ‌ကြောင်းနှင့် စားသုံးသူကာကွယ်‌ရေးဥပ‌ဒေ အခန်း(၁၁)၊ ကုန်စည်နှင့်စပ်လျဉ်း၍ အာမခံချက်‌ပေးခြင်းနှင့် ပတ်သက်ပြီး ပုဒ်မခွဲ(၂၂)နှင့်(၂၃)၊ ဒါအပြင်အခန်း(၁၂) ကုန်စည်နှင့်စပ်လျဉ်း၍ အာမခံ‌ပေးထားမှုအ‌ပေါ် စားသုံးသူက‌တောင်းဆိုနိုင်သည့် အခွင့်အ‌ရေးများမှ ပုဒ်မခွဲ(၂၄)နှင့် (၂၅)တို့ကို ရှင်းလင်း‌ပြောကြားခဲ့ပြီး စီးပွား‌ရေးလုပ်ငန်းရှင်များအ‌နေဖြင့် စားသုံးသူကာကွယ်‌ရေးဥပ‌ဒေပါကုန် အညွှန်းအမှတ်အသားပါအချက်များကိုအလေးထားဆောင်ရွက်မှသာ အရည်အ‌သွေးကောင်းမွန်‌‌သော ကုန်ပစ္စည်းများကို ထုတ်လုပ်နိုင်မှာဖြစ်ပြီး စားသုံးသူများအတွက်လည်း ‌ဘေးအန္တရာယ်ကင်းရှင်း‌စေမှာဖြစ်ပြီး ထုတ်ကုန်ဘေးကင်းလုံခြုံမှ ယုံကြည်စိတ်ချစားသုံးသူဘ၀ကို ရရှိ‌စေနိုင်မှာဖြစ်ကြောင်း သိရှိရပါသည်။ 

DOCA(ဧရာဝတီ)

          စားသုံးသူရေးရာဦးစီးဌာန၊ ဖျာပုံခရိုင်၊ ဒေးဒရဲမြို့နယ်ဦးစီးမှူးရုံးမှ  ဝန်ထမ်းများသည် (၂.၄.၂၀၂၆) ရက်နေ့ ညနေ(၁၅:၀၀)နာရီအချိန်တွင် ဒေးဒရဲမြို့နယ် စက်သုံးဆီဆိုင်များသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
           ထိုသို့ကွင်းဆင်းစစ်ဆေးရာတွင် ပူးပေါင်းစစ်ဆေးရေးအဖွဲ့သည် ဒေးဒရဲမြို့စက်သုံး ဆီဆိုင်များဖြစ်သော ရတနာကောင်းကင်၊ Denko၊နန်းထိုက်ဧရာဆိုင်များရှိ ဆီရောင်းချမှုများကို မေးမြန်းခြင်း၊ ရောင်းချမှုဆီဈေးနှုန်းများကို သတ်မှတ်ရည်ညွှန်းဈေးဖြင့် ကိုက်ညီမှုရှိ/မရှိစစ်ဆေးခြင်း၊ ဆီသိုလှောင်ကန်များ၏ လက်ကျန်အခြေအနေများနှင့် နေ့စဉ်ဆီဝင်ရောက်မှု အခြေအနေများကို သက်ဆိုင်ရာဌာနများသို့ စာရင်းများပေးပို့ရန် အသိပညာပေးဆွေးနွေးခဲ့ပြီး ရောင်းချသောဆီများကို တစ်ဦးလျှင် သတ်မှတ်ချက် လီတာဖြင့်သာရောင်းချနေကြောင်း တွေ့ရှိရပြီး၊ အများပြည်သူများ လုံလောက်စွာဝယ်ယူနိုင်ရန် ရောင်းချပေးနေကြောင်းတွေ့ရှိရပြီး စံချိန်စံညွှန်းကိုက်ညီမှု ရှိ/ မရှိကို တာဝန်ရှိသူများက ကွင်းဆင်းစစ်ဆေးလျက်ရှိပြီး သတ်မှတ်ချက်နှင့် တာမြစ်ချက်များကို ဖောက်ဖျက်ပါက ဆိုင်ပိတ်သိမ်းသည်အထိ အရေးယူမည်ဖြစ်ကြောင်း ဆီဆိုင်များမှ နေ့စဉ်ရောင်းချပေးနေပြီး မတ်လ (၇)ရက်နေ့မှစတင်ကာ တစ်နိုင်ငံလုံးအတိုင်းအတာဖြင့် စုံ/မ စနစ်ကို ကျင့်သုံးနေပြီဖြစ်ရာ (မတ် ၂၉) သည် "မ" ရက် ဖြစ်သဖြင့် ယာဉ်နံပါတ်အစ "မ" ဂဏန်းရှိ သောကားများသာ မောင်းနှင်ရမည်ဖြစ်ပြီး၊ မနက်ဖြန် (မတ် ၃၀) တွင် "စုံ" ကားများသာ မောင်းနှင်ခွင့်ရှိမည်ဖြစ်သည်။ သို့သော် EV ယာဉ်များ၊ Taxi နှင့် လုပ်ငန်းသုံးယာဉ်များမှာမူ နေ့စဉ်ပုံမှန် မောင်းနှင်နိုင်ကြောင်းနှင့် စက်သုံးဆီများအား အလွန်အကျွံဝယ်ယူစုဆောင်းခြင်းမပြုရန် တိုက်တွန်းနိုးဆော်အသိပညာပေးခဲ့ကြောင်း သိရှိရပါသည်။

DOCA(ဧရာဝတီ)
 

         ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် စားသုံးသူရေးရာဦးစီးဌာနအနေဖြင့် ငှက်ပျော်ကြော် MSME လုပ်ငန်းများဖွံ့ဖြိုးတိုးတက်ရေး၊ ထုတ်ကုန်များလုံခြုံစိတ်ချမှုရှိရေး၊ ဥပဒေနှင့်အညီထုတ်လုပ်ရေး စဉ်ဆက်မပြတ် ကွင်းဆင်းဆောင်ရွက်လျက်ရှိရာ ၂၀၂၆ခုနှစ် ဧပြီလ ၂ ရက်နေ့ နံနက်ပိုင်းက ဆားမလောက်ကျေးရွာရှိ စားသောက်ကုန်ထုတ်လုပ်သည့် လုပ်ငန်းများသို့ ကွင်းဆင်း၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရသည်။

           ထိုသို့ကွင်းဆင်းစစ်ဆေးခြင်းများဆောင်ရွက်ရာ၌ မြို့နယ်စားသုံးသူရေးရာဦးစီးဌာနမှ ဦးစီးအရာရှိ ဦးအောင်လွင်နှင့် ဝန်ထမ်းများသည် “က္ကုစ္ဆိတံ” ငှက်ပျောကြော်လုပ်ငန်း၊ “ထက်ဝေ” ငှက်ပျောကြော်လုပ်ငန်း၊ “မွမွလေး” ငှက်ပျောကြော်နှင့် ကိတ်အမျိုးမျိုးလုပ်ငန်းများသို့ ကွင်းဆင်း၍ ထုတ်ကုန်များတွင် ပါဝင်သည့် ပါဝင်ပစ္စည်းများ၊ ထားသိုနည်းများ၊ စားသုံးရန်အညွှန်းများ၊ သတိပြုရန်အချက်အလက်များအား ကြည့်ရှု စစ်ဆေးခဲ့ကြောင်း သိရသည်။ စားသုံးသူရေးရာဦးစီးဌာနအနေဖြင့် MSME လုပ်ငန်းများဖွံ့ဖြိုးတိုးတက်ရေးကို အားပေးလျက်ရှိပြီး လုပ်ငန်းသုံးစားအုန်းဆီများ သတ်မှတ်အရည်အသွေးပြည့်မီရေးနှင့် လုပ်ငန်းခွင်၌ မှန်ကန်စွာသုံးစွဲရေး၊ ကုန်ချောများထုတ်လုပ်ရာ၌ အရည်အသွေးပြည့်ဝသည့် ကုန်ကြမ်းပစ္စည်းများသုံးစွဲရေး၊ ထုတ်ကုန်များကို ကျန်းမာရေးနှင့်အညီ သန့်ရှင်းသပ်ရပ်စွာထုပ်ပိုး၍ အလေးထားဆောင်ရွက်ရေး၊ ကုန်အညွှန်းအမှတ်သားများ ပြည့်စုံမှန်ကန်စွာထည့်သွင်းဖော်ပြရေး၊ စားသုံးသူများ ဘေးအန္တရာယ်ကင်းရှင်းစွာ စားသုံးနိုင်ရေးနှင့် သက်ဆိုင်ရာဌာနများ၏ ပြဌာန်းချက်များ လိုက်နာစေရေးများကို စိစစ်ဆောင်ရွက်လျက်ရှိကြောင်း သိရှိရပါသည်။

DOCA(ဧရာဝတီ)