သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်ဦးဆောင်၍ ဒုဦးစီးမှူး ဒေါ်ယဉ်ယဉ်မြင့်တို့သည် ၂၁-၄-၂၀၂၆ ရက်နေ့တွင် မိုးညှင်းမြို့၊ စိမ်းမြောက်ရပ်ကွက် ရှိ Win (ကုန်စုံဆိုင်) သို့ ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ စားသုံးသူကာကွယ်ရေး ဥပဒေပါ ပြဌာန်းချက်များ နှင့် ကိုက်ညီခြင်း ရှိ/မရှိ ဈေးကွက်စောင့်ကြည့် စစ်ဆေးခဲ့ပါသည်။

    ထိုသို့ ဈေးကွက်စောင့်ကြည့်စစ်ဆေးခဲ့ရာ One Tea အမှတ်တံဆိပ်ပါ နို့စိမ်းသည် နို့နှင့်နို့ထွက် ပစ္စည်းအမျိုးမျိုးတို့တွင် ညွှန်ကြားချက်အမှတ်(၂/၂၀၁၉)အရ ကုန်စည်အမျိုးအစားအလိုက် သတ်မှတ်ချက် များနှင့်အညီ မြန်မာဘာသာဖြင့် ပြည့်စုံစွာဖော်ပြရမည့် ကုန်စည်၏အမျိုးအမည်၊ အရွယ်အစား၊ အရေ အတွက် အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်း  ဖော်ပြ ချက်နှင့် ကြိုတင်သတိပေးချက်တို့ကို ကုန်အညွှန်းအမှတ်အသား ဖော်ပြထားခြင်း ရှိ/မရှိ ဈေးကွက်စောင့် ကြည့်စစ်ဆေးခဲ့ရာ ကုန်အညွှန်းအမှတ်အသား ပြည့်စုံစွာ ဖော်ပြထားရှိကြောင်း စစ်ဆေးတွေ့ရှိရပြီး ကုန်စုံဆိုင်လုပ်ငန်းရှင်အား ကုန်စည်အမျိုးမျိုး ရောင်းချဖြန့်ဖြူးရာတွင်လည်း ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြပါထားမှုမရှိသော ကုန်စည်များကို ဝယ်ယူရောင်းချဖြန့်ဖြူးခြင်းမပြုရန်နှင့် ဆင်တူ ရိုးမား အတုအပ အမှတ်တံဆိပ်များ ရောင်းဝယ်ခြင်း မပြုလုပ်ကြရန်တို့ကို အသိပညာပေး ဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ကြောင်း သတင်းရရှိ ပါသည်။

DOCAကချင်)

          ၂၀၂၆ ခုနှစ်၊ ဧပြီလ ၉ ရက်နေ့၊ နံနက်(၁၀း၀၀)နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးရုံးမှ ဦးစီးအရာရှိနှင့်ဝန်ထမ်းများသည် ထားဝယ်မြို့၊ ဝဲကျွန်းရပ်ရှိ ထားဝယ်ခရိုင်ဆန်စပါးကုန်သည်များအသင်းရုံးတွင် စားသုံးသူကာကွယ်ရေးဥပဒေအကြောင်း ဟော ပြောခဲ့ပါသည်။

          အဆိုပါဟောပြောပွဲတွင် တနင်္သာရီတိုင်းဒေသကြီးဦးစီးမှူးရုံး၊ အကြီးတန်းစာရေး ဦးထက် အောင်လှိုင်မှ စားသုံးသူကာကွယ်‌ရေးဥပဒေအကြောင်း၊ စားသုံးသူကာကွယ်ရေးဥပဒေပါ အခန်းများ အလိုက် စားသုံးသူများလိုက်နာရမည့် အချက်များ၊ စီးပွားရေးလုပ်ငန်းရှင်များအနေဖြင့် မိမိတို့၏ ထုတ်ကုန်များ ထုတ်လုပ်မည်ဆိုပါက ကုန်အညွှန်းအမှတ်အသားများအား ပြည်စုံစွာဖော်ပြရန် လိုအပ် ပါကြောင်းနှင့် လိုက်နာဆောင်ရွက်ခြင်းမရှိပါက စားသုံးသူကာကွယ်‌ရေးဥပဒေအရ အရေးယူခြင်း ခံရမည် ဖြစ်ကြောင်း၊ စားသုံးသူများအနေဖြင့်လည်း ကုန်စည်နှင့် ဝန်ဆောင်မှုများနှင့်ပတ်သက်၍ နစ်နာဆုံးရှုံးမှုများ ပေါ်ပေါ်က်လာပါက စားသုံးသူရေးရာဦးစီးဌာနသို့ လူကိုယ်တိုင်ဖြစ်စေ၊ စာဖြင့် ဖြစ်စေ၊ ဖုန်းဖြင့် ဖြစ်စေ၊ ဆက်သွယ်တိုင်ကြားနိုင်ကြောင်း၊ စားသုံးသူရေးရာဦးစီးဌာန၏ Website သို့လည်းကောင်း၊ စားသုံးသူရေးရာဦးစီးဌာန၏ Call Center No.1535 သို့ ရုံးချိန်အတွင်း ဆက်သွယ် တိုင်ကြားနိုင်ကြောင်းနှင့် စီးပွားရေးလုပ်ငန်းရှင်များ၏ တာဝန်များအကြောင်း၊ ဟောပြောခဲ့ကြောင်း သိရှိရပါသည်။

DOCA(တနင်္သာရီ)

                   မန္တလေးတိုင်းဒေသကြီး၊ မြင်းခြံမြို့နယ်အတွင်းရှိ MSME လုပ်ငန်းရှင်များအား  စားသုံးသူ ရေးရာဦးစီးဌာနမှ   စားသုံးသူကာကွယ်ရေး အသိပညာပေးဟောပြောပွဲကို (၉.၄.၂၀၂၆) ရက်နေ့၊ မွန်းလွဲ (၁၃:၃၀) နာရီ အချိန်တွင် မြင်းခြံခရိုင်ဦးစီးမှူးရုံးတွင် ကျင်းပပြုလုပ်ခဲ့ပါသည်။

                          အဆိုပါ ဆွေးနွေးပွဲတွင် စားသုံးသူရေးရာဦးစီးဌာန၊ ခရိုင်ဦးစီးမှူး ဦးသန်းစိုး က  စားသုံးသူကာကွယ်ရေးဆိုင်ရာ ဥပဒေများအကြောင်း၊ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက် များနှင့် စားသုံးသူကာကွယ်ရေးဥပဒေ အခန်း(၁၈)ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ စီးပွားရေးလုပ်ငန်းရှင်များက ကုန်စည်အမျိုးအစားအလိုက် ကုန်စည်၏တံဆိပ်အမှတ်အသား၊ အမျိုး အမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံ နည်းလမ်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲ၊ ကုန်ကြမ်းပစ္စည်းအမျိုးအမည်နှင့် ပါဝင်မှုနှုန်းအချိုးအစား၊ ထုတ်လုပ်မှုအမှတ်စဉ်၊ ကျန်းမာရေးဆိုင်ရာဘေးထွက်ဆိုးကျိုး၊ ဓာတ်မတည့် ကြောင်းဖော်ပြချက်နှင့်ကြိုတင်သတိပေးချက်၊ သက်ဆိုင်ရာဌာနများမှ ဖော်ပြရန်သတ်မှတ်ထားသော အချက်များ၊ ဥပဒေပါပြဌာန်းချက်များ၊ လုပ်ထုံးလုပ်နည်း၊ အမိန့်ညွှန်ကြားချက်များနှင့်အညီ လိုက်နာ ဆောင်ရွက်ကြရန်နှင့် စားသုံးသူများနစ်နာဆုံးရှုံးမှုများဖြစ်လာပါက တိုင်းဒေသကြီး၊ ပြည်နယ်နှင့် ခရိုင်ရုံးများတွင် ဖွင့်လှစ်ထားသော စားသုံးသူသတင်းပြန်ကြားရေးနှင့်တိုင်ကြားမှု လက်ခံဆောင်ရွက် ရေးစင်တာ(CICC)ရုံးများတွင် တိုင်ကြားနိုင်သလို၊ အွန်လိုင်းမှလည်းတိုင်ကြားနိုင်ခြင်း၊ Consumer Call Center ဖုန်းနံပါတ်(1535)သို့လည်း ရုံးချိန် အတွင်း ဆက်သွယ်မေးမြန်းတိုင်ကြား ဆောင်ရွက်နိုင်ပါ ကြောင်း၊ မိမိတို့စားသုံးသူရေးရာဦးစီးဌာန၏ Website မှလည်း ဝင်ရောက်တိုင်ကြားနိုင်ပါကြောင်းနှင့် ဦးစီးဌာနအကြောင်း၊ဌာန၏လုပ်ငန်းဆောင်ရွက်ချက်များ၊ကုန်သွယ်မှုသတင်းများ၊ကွင်းဆင်းဆောင်ရွက်မှုသတင်းများနှင့် ဥပဒေအကြောင်းအရာများကိုလည်း ဝင်ရောက်ကြည့်ရှု့လေ့လာနိုင်ပါ ကြောင်း စသည်ဖြင့်အကျယ်တဝင့် အသိပညာပေးဟောပြောပြီးနောက် တက်ရောက်လာသော လုပ်ငန်းရှင်များက သိရှိလိုသည်များကို မေးမြန်းကြရာ ခရိုင်ဦးစီးမှူးနှင့်ဒု-ခရိုင်ဦးစီးတို့မှ ပြန်လည် ဆွေးနွေးခဲ့ကြောင်း သိရသည်။

DOCA(မန္တလေး)                                                                      

                       စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူး ဦးသန်းစိုး(လက်ထောက်ညွှန်ကြားရေးမှူး)ဦး ဆောင်ကျင်းပသော လစဉ်လုပ်ငန်းညှိနှိုင်းအစည်းအဝေးအား (၆.၄.၂၀၂၆)ရက်နေ့ နံနက်(၁၁:၀၀) နာရီအချိန်၌ မြင်းခြံခရိုင်ရုံးရှိ အရာထမ်း/ အမှုထမ်းများ၊ ညောင်ဦးခရိုင်ဝန်ထမ်းများနှင့် ကျောက်ပန်း တောင်းမြို့နယ်တာဝန်ခံရုံးရှိ ဝန်ထမ်းများOnlineVirtualစနစ် ဖြင့်ကျင်းပပြုလုပ်ခဲ့ပါသည်။  ခရိုင်ဦးစီး မှူး မှ အဖွင့်အမှာစကားပြောကြားပြီး ဌာနခွဲတာဝန်ခံများ၊ ခရိုင်တာဝန်ခံ/ မြို့နယ်တာဝန်ခံများမှ လုပ်ငန်းဆောင်ရွက်မှုများနှင့် ပတ်သက်၍ အသီးသီးရှင်းလင်းဆွေးနွေးကြရာ ယခင်လအစည်းအဝေးဆုံး ဖြတ်ချက်ဆောင်ရွက်ပြီးစီးမှုများ၊ ခရိုင်ဦးစီးမှူးမှနိဂုံးချုပ်စကားပြောကြားရာတွင် မိမိအနေဖြင့်လစဉ် တင်ပြလျက်ရှိသည့် ရှေ့ဆက်လက်‌ဆောင်ရွက်မည့်အစီအမံများအပေါ် အကောင်အထည်ဖော်ဆောင် ရွက် နိုင်ရေးဝန်ထမ်းအားလုံးမှ အလေးထားဆောင်ရွက်ကြရန်လိုအပ်ပါကြောင်း၊ ဝန်ထမ်းများ၏လုံခြုံ ရေးသည် အဓိကဖြစ်ပါသဖြင့် လုံခြုံရေးကိုဦးစားပေးဆောင်ရွက်ကြရန် အထူးမှာကြားလိုပါကြောင်း၊ တာဝန်ထမ်းဆောင်ရာတွင်ဖြစ်စေ၊ မိမိတို့၏မိသားစုကိုယ်ရေးကိုယ်တာကိစ္စများတွင် ဖြစ်စေထူးခြားမှု ရှိပါက ခရိုင်ဦးစီးမှူးထံ နေ့ညမရွေးသတင်းပေးပို့ရန်လိုအပ်ပါကြောင်း၊ မြင်းခြံခရိုင်ဦးစီးမှူး ရုံးအနေဖြင့် လုံခြုံရေးမကောင်းသည့်အတွက် လုပ်ငန်းများဆောင်ရွက်ရာတွင် အကန့်အသတ်ရှိနေပါသဖြင့် လုံခြုံ ရေးအရ အဆင်ပြေသည့် မြို့နယ်များမှ ဌာနလုပ်ငန်းများကိုပိုမိုဆောင်ရွက်ပေးခြင်းဖြင့် မိမိတို့ခရိုင်၏ လုပ်ငန်းဆောင်ရွက်ချက်များကို တိုးတက်အောင်ညီညီညာညာ ဝိုင်းဝန်းကြိုးစားကြစေလိုကြောင်း ဆွေးနွေးပြောကြားခဲ့ပါသည်။ လုပ်ငန်းစဉ်များအား အသေးစိတ် ဆွေးနွေးဆောင်ရွက်တင်ပြခဲ့ပြီး မြင်းခြံခရိုင်မှ အရာထမ်း(၃)ဦး၊ အမှုထမ်း(၇)ဦး တက်ရောက်ခဲ့ ကြောင်းသိရသည်။

Doca(မန္တလေး)                  

         စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးနှင့်စပ်လျဉ်း၍ စားသုံးသူအခွင့် အရေးနှင့်အကျိုးစီးပွားကာကွယ်ရေး၊ လုံခြုံစိတ်ချရမှုရှိသော ကုန်စည်နှင့်ဝန်ဆောင်မှုများ ရွေးချယ်ဝယ်ယူသုံးစွဲတတ်စေရေး၊ ထုတ်လုပ်လာစေရေး၊ တို့အတွက် စားသုံးသူများအပြင် စီးပွားရေးလုပ်ငန်းရှင်များ ကိုလည်း စားသုံးသူကာကွယ်ရေးဆိုင်ရာ အသိပညာဗဟုသုတများ အသိပညာပေးလျက်ရှိရာ ၆.၄. ၂၀၂၆ ရက်နေ့၊ နံနက် ၁၀:၀၀ နာရီ အချိန်တွင် စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် မြို့နယ်အတွင်းရှိ စီးပွားရေးလုပ်ငန်းရှင်များအား အသိပညာပေးဟောပြောဆွေးနွေး ခဲ့ပါသည်။

          အဆိုပါ ဟောပြောပွဲတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြသန္တာထွန်း(ဒု-ဦးစီးမှူး) က စားသုံးသူကာကွယ်ရေးဆိုသည်မှာ ကုန်စည် သို့မဟုတ် ဝန်ဆောင်မှုနှင့် စပ်လျဉ်း၍ စားသုံးသူ၏အခွင့်အရေးနှင့်အကျိုးစီးပွားကို ကာကွယ်ပေးခြင်းနှင့် စားသုံးသူနှင့်စီးပွားရေး လုပ်ငန်းရှင် တို့အကြား ကော်မရှင်နှင့်ကော်မတီအဆင့်ဆင့်တို့မှ သတ်မှတ်ဆောင်ရွက်ပေးသည့် မျှတမှုရှိသော လုပ်ငန်းစဉ်ကို ဆိုတာဖြစ်ကြောင်း၊ ဆက်လက်၍ စားသုံးသူနှင့်စီးပွားရေးလုပ်ငန်းရှင်၏ အဓိပ္ပာယ်၊ ကုန်စည်နှင့်ဝန်ဆောင်မှု၏ အဓိပ္ပာယ်များ၊ နစ်နာဆုံးရှုံးမှုနှင့် ကုန်အညွှန်းအမှတ်အသားတို့၏ အဓိပ္ပာယ်များ၊ စားသုံးသူများ ကုန်စည်နှင့်ဝန်ဆောင်မှုကို သုံးစွဲခြင်းကြောင့် ထိခိုက်နစ်နာဆုံးရှုံးမှု များဖြစ်ပေါ်လာပါက တိုင်ကြားနိုင်သည့် နေရာများနှင့်နည်းလမ်းများ၊ စီးပွားရေးလုပ်ငန်းရှင်၏ တာဝန်များနှင့်တားမြစ်ချက်များကိုး အသိပညာပေးဟောပြောဆွေးနွေးခဲ့ရာ လုပ်ငန်းရှင်များက သိရှိလို သည်များကို မေးမြန်းဆွေးနွေးခဲ့ကြကြောင်းနှင့် ဟောပြောပွဲသို့ လုပ်ငန်းရှင်(၅၂)ဦးတက်ရောက်ခဲ့ ကြောင်း သိရသည်။

 Doca(မန္တလေး)