၂၀၂၆ ခုနှစ် စက်တင်ဘာလ ၁၀ ရက်နေ့ နေ့လည်(၁၃း၀၀)နာရီအချိန်တွင် ဧရာဝတီတိုင်း ဒေသကြီး၊ မြန်အောင်ခရိုင် ၊အင်္ဂပူမြို့နယ်အတွင်းရှိ တိုင်းရင်းဆေးဝါးရောင်းချသည့် ဆိုင်များတွင် စံမညီတိုင်းရင်းဆေးဝါး၊ အများပြည်သူသုံးစွဲရန်မသင့်ကြောင်း နိုင်ငံပိုင်သတင်းစာတွင် ကြော်ငြာထား ပြီးဖြစ်သော တိုင်းရင်းဆေးဝါး၊ တိုင်းရင်းဆေးဝါးမှတ်ပုံတင်၊ တိုင်းရင်းဆေးဝါးထုတ်လုပ်ခွင့် လိုင်စင် ရရှိထားခြင်းမရှိသော တိုင်းရင်းဆေးဝါးများဈေးကွက်အတွင်းရောင်းချနေခြင်းရှိ/မရှိအား မြို့နယ် တိုင်းရင်းဆေးတာဝန်ခံ၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ မြို့နယ်စားသုံး သူရေးရာဦးစီးဌာန၊မြို့နယ်ပြည်သူ့ကျန်းမာရေးဦးစီးဌာနတို့ပူးပေါင်း၍ရှောင်တခင်ကွင်းဆင်းစစ်ဆေးခြင်းများကို ဆောင်ရွက်ခဲ့ပါသည်။

           ထိုသို့ကွင်းဆင်းခဲ့ရာတွင် အစားအသောက်နှင့် ဆေးဝါးကွပ်ကဲရေးဦးစီးဌာန၏ ထောက်ခံချက် မရှိသောဆေးဝါးများ၊အရည်အသွေး နှင့် စံချိန်စံညွှန်းစစ်ဆေးမှုခံယူထားခြင်းမရှိသည့် အာမခံချက် မရှိသော တရားမဝင်ဆေးဝါးများ၊ Registration မရှိသော ဆေးဝါးများ၊ သက်တမ်းလွန်ဆေးဝါးများ၊ ရောင်းချမှုမရှိကြောင်း တွေ့ရှိရပြီး၊ ဆေးမျိုးစုံအရောင်းဆိုင်များတွင် ရောင်းချလျက်ရှိသော အိမ်သုံး ဆေးဝါးများ ဈေးနှုန်းမြှင့်တင်ရောင်းချမှု မရှိခြင်း၊ ဆေးဝါးများ ပြတ်လပ်မှုမရှိခြင်း၊ ဈေးကစား ရည်ရွယ်ချက် ဖြင့် သိုလှောင်ထားမှုမရှိကြောင်း စိစစ်တွေ့ရှိရသည်ဟု သတင်းရရှိပါသည်။

(DOCA ဧရာဝတီ)

            စားသုံးသူရေးရာဦးစီးဌာနသည် ဆေးနှင့်ဆေးပစ္စည်းများအား အဆမတန်ဈေးနှုန်းမြှင့်တင် ရောင်းချမှုမရှိစေရေးနှင့် ပစ္စည်းပြတ်လပ်မှုမရှိစေရေးတို့အတွက် အပတ်စဉ် ကွင်းဆင်းစိစစ် ကြပ် မတ်ဆောင်ရွက်လျက်ရှိရာ စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ မုံရွာ ခရိုင်ဦး စီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် အစားအသောက်နှင့်ဆေးဝါးကွပ်ကဲ ရေးဦးစီးဌာန၊ အထူးစုံစမ်းစစ်ဆေးရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာနတို့နှင့် ပူးပေါင်း၍ (၁၅.၉.၂၀၂၆)ရက်နေ့၊ နံနက် (၁၄:၀၀) နာရီအချိန်တွင် မုံရွာမြို့၊ မြဝတီ ရပ်ကွက်ရှိ ဆေးနှင့် ဆေးပစ္စည်း အရောင်းဆိုင်များအား အထူးစျေးကွက်စောင့်ကြည့် စစ်ဆေးခြင်းများ ဆောင်ရွက် ခဲ့ကြောင်း သိရပါသည်။

      ထိုသို့စစ်ဆေးရာတွင် ဆေးနှင့်ဆေးပစ္စည်းအရောင်းဆိုင်များ၌ ဆေးဆိုင်လိုင်စင် သက်တမ်းတိုးစစ်ဆေးခြင်းနှင့် ထိန်းချုပ်ဆေးဝါးများ ထားသိုသိမ်းဆည်းမှု မှတ်ပုံတင်စာရင်းများ အား စစ်ဆေးခြင်း၊ တရားမဝင်မှတ်ပုံတင်မဲ့ဆေးဝါးများရောင်းချခြင်းရှိ/ မရှိ၊ သက်တမ်းလွန် ဆေးဝါးများရောင်းချခြင်းရှိ/ မရှိ၊ ဆေးနှင့်ဆေးပစ္စည်းများအား ဈေးနှုန်းများမြှင့်တင် ရောင်းချ ခြင်းရှိ/ မရှိ၊ ဆေးဈေးနှုန်းများမြှင့်တင် ရောင်းချရန်ရည်ရွယ်ချက်ဖြင့် ဆေးများစုပုံသိုလှောင်ထား ခြင်း ရှိ/မရှိနှင့် ဆေးများပစ္စည်းပြတ်လပ်မှုရှိ/ မရှိ စစ်ဆေးခဲ့ပြီး စီးပွားရေးလုပ်ငန်းရှင်၏ ကျင့် ဝတ်တို့နှင့်အညီ ရောင်းချရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(စစ်ကိုင်း)

       ပြည်သူများအနေဖြင့် အရည်အသွေးပြည့်မီပြီး လုံခြုံစိတ်ချရသော ဆေးဝါးများ ဝယ်ယူသုံးစွဲနိုင်ရေးနှင့် ဆေးဝါးရောင်းချမှုများကို စည်းကမ်းတကျဆောင်ရွက်နိုင်ရေးအတွက် ညောင်တုန်းမြို့နယ်ရှိ ဆေးဆိုင်များအား ၂၀၂၆ ခုနှစ် ဩဂုတ်လ ၄ ရက်နေ့ နံနက် (၁၀:၀၀)နာရီအချိန်တွင် သက်ဆိုင်ရာဌာနများ ပူးပေါင်းကွင်းဆင်းစစ်ဆေးခဲ့ကြောင်း သိရသည်။

       အဆိုပါကွင်းဆင်းစစ်ဆေးမှုကို မြို့နယ်ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာနနှင့် မြို့နယ်အခွန်ဦးစီးဌာနတို့မှ တာဝန်ရှိသူများ ပူးပေါင်းဆောင်ရွက်ခဲ့ခြင်းဖြစ်သည်။

ကွင်းဆင်းစစ်ဆေးရာတွင် ဆေးဆိုင်များ၏ လိုင်စင်များ သက်တမ်းတိုးထားရှိမှုရှိ/မရှိကို စစ်ဆေးခဲ့ပြီး၊ ဆေးဝါးများ၏ ထုတ်လုပ်ရက်စွဲနှင့် သက်တမ်းကုန်ဆုံးရက်များကို စိစစ်ကာ သက်တမ်းကုန်ဆုံးရန် နီးကပ်နေသည့် ဆေးဝါးများအား ရောင်းချခြင်းမပြုရန် အသိပညာပေးခဲ့ကြောင်း သိရသည်။

        ထို့အပြင် ဆေးဝါးများတွင် ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြထားရှိမှုရှိ/မရှိကိုလည်း စစ်ဆေးခဲ့ပြီး စားသုံးသူများအတွက် အရည်အသွေးပြည့်မီ၍ သတ်မှတ်ချက်များနှင့် ကိုက်ညီသော ဆေးဝါးများကိုသာ ရောင်းချပေးရန် ဆေးဆိုင်လုပ်ငန်းရှင်များအား လမ်းညွှန်မှာကြားခဲ့သည်။ ပူးပေါင်းအဖွဲ့မှ ဆေးဝါးရောင်းချသူ များအနေဖြင့် သက်ဆိုင်ရာလိုင်စင်များကို အချိန်မီသက်တမ်းတိုးထားရှိရန်၊ ဆေးဝါးများကို စနစ်တကျ သိုလှောင်ရန် နှင့် ကုန်အညွှန်းအမှတ်အသား ပြည့်စုံမှန်ကန်သည့် ဆေးဝါးများကိုသာရောင်းချရန် အသိပညာပေး ဆွေးနွေးခဲ့ ကြောင်း သိရသည်။

DOCA(ဧရာဝတီ)

          စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံးသည် အွန်လိုင်းစနစ်ဖြင့် ရောင်းချသည့် လုပ်ငန်းများအား မြေပြင်စစ်ဆေးရန် ညွှန်ကြားချက်အတိုင်း ဆောင်ရွက်လျက်ရှိရာ ၂၀၂၆ ခုနှစ်၊ စက်တင်ဘာလ ၁၄ ရက်နေ့တွင် စစ်ကိုင်းခရိုင်ဦးစီးမှူးရုံးမှ ဝန်ထမ်း(၂)ဦး သည် အွန်လိုင်းမှတ်ပုံတင် လျှောက်ထားလာသည့် စစ်ကိုင်းမြို့၊ သမတက္ကသိုလ်လမ်း၊ ရွှေသမားရပ်ရှိ  “Lwinmoeoo bootyking (လွင်မိုးဦးဘူတီကင်း)”  ကျန်းမာရေးဝန်ဆောင်မှုလုပ်ငန်းနှင့် စစ်ကိုင်းမြို့၊ နယ်မြေ 12 စိန်ကုန်း တိုးချဲ့ရပ်ရှိ “Chic & Chew(ချစ်ခ်အန်ချူး)”ဖက်ရှင်အသုံးအဆောင်ပစ္စည်းများ၊ အဝတ်အထည်နှင့် ဆက်စပ်ပစ္စည်းများလုပ်ငန်းအား မြေပြင်စစ်ဆေးခဲ့ကြောင်း သိရှိရသည်။

ထိုသို့ မြေပြင်စစ်ဆေးခဲ့မှုတွင် အွန်လိုင်းမှတ်ပုံတင်လျှောက်ထားစဉ်က အချက်အလက်များနှင့် မြေပြင်အချက်အလက်များ ကိုက်ညီမှု ရှိ/မရှိ၊ DOCA Mobile Application ဖြင့် စစ်ဆေးခဲ့ပြီး စားသုံးသူ ရေးရာဦးစီးဌာနမှ တာဝန်ရှိသူက မှတ်ပုံတင်လက်မှတ်ရရှိသူ၏ တာဝန်များနှင့်အခွင့်အရေးများ၊ မှတ်ပုံတင်၊ သက်တမ်းတိုး၊ ပြင်ဆင်ကြေးတို့အတွက် သတ်မှတ်နှုန်းထားများအကြောင်း၊ စားသုံးသူ ကာကွယ်ရေး ဥပဒေအခန်း(၁၈)ပါ ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များ၊ ဥပဒေအခန်း(၁၀)ပါ စီးပွားရေးလုပ်ငန်းရှင်၏ တာဝန်များ၊ အခန်း(၁၁)ပါ ကုန်စည်နှင့် စပ်လျဉ်း၍ အာမခံချက်ပေးခြင်းဆိုင်ရာ အချက်အလက်များ ရှင်းလင်းပြောကြားခဲ့ကြောင်း သတင်းရရှိပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်း ဒေသကြီး၊ မုံရွာခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/မရှိ၊ စားသုံးသူများနေ့စဉ် အသုံးပြုလျက်ရှိသော ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိ စေရေး၊ ကုန်စည်များကို သတ်မှတ်စံချိန်စံညွှန်းများ၊ညွှန်ကြားချက်များနှင့်ကိုက်ညီမှုရှိ/မရှိ ဈေးကွက် စောင့်ကြည့်စစ်ဆေးခြင်းများ ဆောင်ရွက်လျက်ရှိပါသည်။

          ခရိုင်ဦးစီးမှူးမှ ဦးဆောင်၍ ထုတ်ကုန်လုံခြုံစိတ်ချ ရမှုဌာနခွဲမှ ဝန်ထမ်းများသည် မုံရွာမြို့  ချမ်းမြဝတီရပ်ကွက်ရှိ K-Mark စတိုးဆိုင်သို့  ၁၇.၉. ၂၀၂၆ရက်နေ့  နံနက် ၁၁း၀၀ နာရီ အချိန်ခန့်တွင် ထောပတ်ကိတ်၊ ပလိန်းကကိတ်၊ ငှက်ပျော ကိတ်နှင့် နို့စိမ်းကိတ်များပေါ်တွင် ကပ်နှိပ်ထားသော ကုန်ညွှန်းအမှတ်အသားများသည် မြန်မာ ဘာသာဖြင့် ဖော်ပြထားခြင်း ရှိ/မရှိ၊ ညွှန်ကြားချက် ၂/၂၀၁၉ နှင့် ကိုက်ညီမှု့ ရှိ/မရှိ  ဈေးကွက် စောင့်ကြည့်စစ်ဆေးခြင်းများ ဆောင်ရွက်ခဲ့ကြပြီး ဌာန၏ ဥပဒေ၊ အမိန့်နှင့် ညွှန်ကြားချက်ပါ အကြောင်းများကို အသိပညာပေးခြင်းများ ဆောင်ရွက်ခဲ့ကြကြောင်း သတင်း ရရှိပါသည်။

DOCA(စစ်ကိုင်း)