သတင်းနှင့် လှုပ်ရှားမှုများ

    ၂၀၂၄ ခုနှစ်၊ ဒီဇင်ဘာလ (၁၁)ရက်နေ့တွင် စားသုံးသူရေးရာဦးစီးဌာနမှ ဖျာပုံမြို့နယ်တာဝန်ခံ ဦးမင်းဇော်သည်  (၁၁)ရပ်ကွက် ဇီဝကာရာမ(အ.မ.က) ကျောင်းတွင် ကျောင်းသူ/သား (၅၂) ဦးအား စားသုံးသူကာကွယ်ရေး အသိပညာပေးဟောပြောခြင်းနှင့်  အစားအသောက်များ ဘေးအန္တရာယ်ကင်းရှင်းစွာ ဝယ်ယူစားသောက်တက်စေရန် အသိပညာပေး ဟောပြောခဲ့ပါသည်။

     အဆိုပါ ဟောပြောပွဲ အခမ်းအနားတွင် မြို့နယ်တာဝန်ခံသည် စားသုံးသူကာကွယ်ရေးဆိုင်ရာ အကြောင်းများဖြစ်သည့်  အစားအသောက်များတွင် ပဋိဇီဝဆေးဝါးများ ပါဝင်လာနိုင်ကြောင်းနှင့် စားသုံးသင့်သည်ထက် ကျော်လွန်ပြီး အရောင်၊အနံ၊အရသာ လှလှပပစားချင်ဖွယ် ပြုလုပ်စားသောက်ကြ၍လည်းကောင်း၊  တာရှည်ခံရန် ဘေးအန္တရာယ်ရှိ ဖော်မလင်ဆေးများ ထည့်သွင်းသုံးစွဲမှုများကြောင့် ထိခိုက်ဆုံးရှုံးမှုများမရှိစေရန် ကျောင်းသူ/သားများ အစားအသောက်ထုတ်ကုန်များ ဝယ်ယူစားသုံးရာတွင် သက်တမ်းကုန်ဆုံးရက်ကြည့်ရန်နှင့် ကုန်အညွှန်းအမှတ်အသားကို စိစစ်ပြီးမှ ဝယ်ယူစားသုံးရန် ပြောကြားခဲ့သည်။

DOCA(ဧရာဝတီ)

    ဖျာပုံခရိုင်အတွင်းရှိ မြို့နယ်များဖြစ်သော ကျိုက်လတ်၊ ဒေးဒရဲမြို့နယ်များမှ ထွက်ရှိသော ပေါ်ဆန်း၊ ဧည့်မထဆန်များအား  တနင်္သာရီတိုင်းဒေသကြီး၊ မြိတ်ခရိုင်အတွင်းရှိ ဒေသခံပြည်သူများ ဈေးနှုန်းသက်သာစွာ ဝယ်ယူစားသုံးနိုင်ရန် (မြိတ်မြို့)သို့ ရေလမ်းဖြင့် တင်ပို့လျက်ရှိပါသည်။  ဒီဇင်ဘာလ(၁)ရက်နေ့မှ (၁၃)ရက်နေ့အထိ (မြိတ်မြို)သို့ ဖျာပုံခရိုင်၊ဒေးဒရဲမြို့နယ်မှ  ဧည့်မထဆန်(၃၀၀၀)အိတ် တင်ပို့ခဲ့ပြီး ဖြစ်ပါသည်။ ထိုသို့တင်ပို့ရာတွင် မြန်မာနိုင်ငံ ဆန်စပါးအသင်းချုပ် ( MRF )၏ ရည်ညွှန်း သတ်မှတ်ဈေးများဖြင့် ရောင်းဝယ်လျက်ရှိကြောင်း၊ ဈေးကွက်သတင်းများအရ သိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ ဖျာပုံခရိုင် ၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၄ ခုနှစ်၊ ဒီဇင်ဘာလ(၁၀) ရက်နေ့ ၊ နေ့လယ် (၁၃:၀၀) နာရီအချိန်တွင် ဒေးဒရဲမြို့ ၊  မြို့မဈေးအတွင်း ကုန်မျိုးစုံဆိုင်များရှိ အသင့်စားမုန့်များတွင် ကုန်အညွှန်း အမှတ်အသားများပြည့်စုံမှုရှိ/မရှိအား စည်ပင်သာယာရေးအဖွဲ့နှင့် ပူးပေါင်းစစ်ဆေးခဲ့ကြပါသည်။

   ထိုသို့ကွင်းဆင်းစစ်ဆေးခဲ့ရာတွင် မြို့မဈေးရှိ ကုန်စုံဆိုင်ကြီးများနှင့် မုန့်မျိုးစုံအရောင်းဆိုင်များတွင် ရောင်းချနေသော ရွှေကျီးဘီစကစ်၊ ရွှေကျီးမရွေး၊ ရွှေနဒီ ပဲပေါင်မုန့်၊ ရွှေနဒီ ပူးတင်းပေါင်မုန့်၊ Gold နို့ခရင်မ် ပေါင်မုန့်တို့တွင် ကုန်အညွှန်းအမှတ်အသားများ ပြည့်စုံစွာ ပါရှိပြီး FDA ထောက်ခံချက်များကိုလည်း တွေ့ရှိရပါသည်။ထို့နောက် မြို့နယ်တာဝန်ခံမှ ကုန်အညွှန်းအမှတ်အသား မပြည့်စုံသော ကုန်စည်များအား ရောင်းချခြင်း မပြုရန် အကြံပြု ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန ၊မြောင်းမြခရိုင်၊ ဝါးခယ်မမြို့နယ် တာဝန်ခံဦးအောင်မိုးနှင့်   ဝန်ထမ်းများသည်     (၁၁-၁၂-၂၀၂၄)ရက်နေ့ ၊ ညနေ(၁၆:၀၀)နာရီတွင် ဝါးခယ်မမြိုု့နယ်ရှိ   ဆီကိုယ်စားလှယ်များသို့     ရန်ကုန်မြို့ရှိ စားအုန်းဆီကုမ္ပဏီများမှ စားအုန်းဆီများ တော်ဝင်ဧကရာဇ်ကုမ္ပဏီမှ (ယာဉ်အမှတ်5M-5905) မော်တော်ယာဉ်ဖြင့် စားအုန်းဆီ (၃၇)ပေပါ ရောက်ရှိလာခဲ့ကြောင်း သိရှိရပါသည်။

    အဆိုပါ စားအုန်းဆီများကို မြောင်းမြခရိုင် ဝါးခယ်မမြို့နယ် စားသုံးသူရေးရာဦးစီးဌာန မြို့နယ်တာဝန်ခံမှ သွားရောက်စစ်ဆေးခဲ့ပြီး ခွဲတမ်းရရှိသောစားအုန်းဆီများကို ရည်ညွန်းဈေး၊သယ်ယူပို့ဆောင်ကုန်ကျစရိတ်နှင့် ၂% အမြတ်တို့ဖြင့် လက်လီ/လက်ကားဆိုင်ခွဲများသို့ ခွဲဝေရောင်းချပေးသွားမည်ဖြစ်ကြောင်း၊ လက်လီလက်ကားဆိုင်များအနေဖြင့်လည်း စားသုံးသူပြည်သူများထံသို့  ၂% အမြတ်ဖြင့် ပြန်လည်ရောင်းချပေးသွားမည်ဖြစ်ကြောင်း စားအုန်းဆီရောင်းချရန် ခွဲတမ်းရရှိသော ကိုယ်စားလှယ်များထံမှ သိရှိရပါသည်။

DOCA(ဧရာဝတီ)

              တောင်ငူခရိုင်၊ အုတ်တွင်းမြို့နယ်တွင် စားသုံးသူရေးရာဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ အခြေခံပညာကျောင်းသားကျောင်းသူများ သိသင့်သိထိုက်သည့် အသိပညာဗဟုသုတများရရှိစေရန်အတွက် အသိပညာပေးဟောပြောပွဲကို ဒီဇင်ဘာလ (၁၀)ရက်နေ့ နံနက်ပိုင်းတွင် အုတ်တွင်းမြို့နယ်၊ ဘန့်ဘွေးကုန်းကျေးရွာ အခြေခံပညာအထက်တန်းကျောင်း(ခွဲ)တွင် ကျောင်းသားကျောင်းသူများအား သက်ဆိုင်ရာဌာနများအလိုက် အသိပညာပေးဟောပြောခဲ့ကြောင်းသိရသည်။

              ဟောပြောပွဲတွင် စားသုံးသူရေးရာဦးစီးဌာန စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်သန္တာစိုးက စားသုံးသူအခွင့်အရေးနှင့် တာဝန်များ၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့်ပုံများ၊ အွန်လိုင်းမှတစ်ဆင့်ဈေးဝယ်ယူရာတွင် သတိပြုရမည့်အချက်များ၊ စားသုံးသူနစ်နာဆုံးရှုံးမှုများဖြစ်ပေါ်ပါက တိုင်ကြားနိုင်ခြင်းများကို ဟောပြောခဲ့ကြောင်းသိရသည်။

              ဆက်လက်၍ ပြန်ကြားရေးနှင့် ပြည်သူ့ဆက်ဆံရေးဦးစီးဌာန မြို့နယ်ဦးစီးမှူး ဒေါ်ခင်မူမူဝင်းမှ ကျောင်းသားကျောင်းသူများနှင့် လူငယ်စကားဝိုင်းအစီအစဉ်ဆောင်ရွက်ကြောင်း၊ ဟောပြောပွဲသို့ ကျောင်းသား/ကျောင်းသူ ၁၅၀ ဦး တက်ရောက်ကြောင်း သိရှိရပါသည်။

DOCA(ပဲခူး)