သတင်းနှင့် လှုပ်ရှားမှုများ

         ၂၀၂၆ ခုနှစ် ဖေဖော်ဝါရီလ ၂၀ ရက်နေ့ နံနက်(၁၁:၃၀)နာရီအချိန်တွင် စားသုံးသူရေးရာဦးစီးဌာန၊ ညောင်တုန်းမြို့နယ်တာဝန်ခံရုံးမှ ဒေါ်ချိုမီဇင် ဒုဦးစီးမှူးသည် သက်ဆိုင်ရာဌာနဆိုင်ရာများနှင့် ပူးပေါင်း၍ ညောင်တုန်းမြို့၊ ၇လမ်းရှိ “ Polo Cyi ” ဖုန်းနှင့် လျှပ်စစ်ပစ္စည်းအမျိုးမျိုးအရောင်းဆိုင်သို့ ဆက်သွယ်ရေးဝန်ဆောင်မှုနှင့် စပ်လျဉ်း၍  ဈေးကွက်စောင့်ကြည့် စစ်ဆေးခြင်းကို ဆောင်ရွက်ခဲ့ကြောင်း သိရသည်။

         ထိုသို့ကွင်းဆင်းခဲ့ရာတွင် ဆက်သွယ်ရေးဝန်ဆောင်မှုလုပ်ငန်းနှင့် ပတ်သတ်၍ အရည်အသွေးပြည့်မီသော အင်တာနက်ဝန်ဆောင်မှုများရရှိစေရန်၊ DaTa အမျိုးမျိုးရောင်းချရာတွင် စားသုံးသူစိတ်ကျေနပ်မှုရှိစေရန်  သတ်မှတ်ချက်များ ဝန်ဆောင်မှုကောင်းမွန်သော သတ်မှတ်ချက်များနှင့်အညီရောင်းချရန်၊  စားသုံးသူများ စိတ်ကျေနပ်မှုရရှိအောင် ဆောင်ရွက်ပေးနိုင်ရန်၊ သတင်းအချက်အလက်များ ပြည့်စုံမှန်ကန်စွာ ကြိုတင်အသိပေးချက်များရှိ/ မရှိ၊ တိုင်ကြားမှုများအား ဖြေရှင်းဆောင်ရွက်ပေးနိုင်ရန်နှင့် စားသုံးသူအခွင့်အရေး ပြည့်ဝစွာရရှိစေရန် စစ်ဆေးခဲ့ပြီး၊ ဖုန်းဆိုင်တွင် သက်ဆိုင်ရာဌာန ထောက်ခံချက်များရှိကြောင်း၊ တရားဝင်ကုန်စည်များ ရောင်းချနေကြောင်းနှင့် ကုန်အညွှန်အမှတ်အသား သတ်မှတ်ချက်ပြည်စုံသော ကုန်စည်ကိုစစ်ဆေးတွေ့ရှိခဲ့ပြီး  လုပ်ငန်းရှင်နှင့်တွေ့ဆုံ၍ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏တာဝန်များအကြောင်း အသိပညာပေးဆွေးနွေးခဲ့ပြီး ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

    MyRO တွင် မှတ်ပုံတင်ထားသော သိုလှောင်ရုံများ သက်တမ်းတစ်နှစ်ပြည့်မြောက်ပြီးပါက သက်တမ်းပြန်လည်တိုးနိုင်ရေးနှင့် www.myro.com.mmတွင် လစဉ်လဆန်း(၁)ရက်နေ့ မှ(၁၀)ရက်နေ့ အတွင်း သိုလှောင်ရုံ လုပ်ငန်းရှင်များအနေဖြင့် မိမိတို့သိုလှောင်ရုံများ၏ ကုန်ရ/ ကုန်ထုတ်/ ကုန် လက်ကျန်စာရင်းများကို ထည့်သွင်းပေးနိုင်ရေး ဓနုဖြူမြို့နယ်တာဝန်ခံရုံးအနေဖြင့် မြို့နယ်အတွင်း လုပ်ငန်းရှင်များအား ကြပ်မတ် ဆောင်ရွက်လျက်ရှိရာ ၂၀.၂.၂၀၂၆ ရက်နေ့၊ နံနက် (၁၀:၀၀) နာရီအချိန်တွင် မြို့နယ်တာဝန်ခံရုံးတွင် မြို့နယ်တာဝန်ခံနှင့် My RO လုပ်ငန်းရှင်(၃၀)ဦးတို့ တွေ့ဆုံဆွေးနွေးခဲ့ပါသည်။

          ဓနုဖြူမြို့နယ်တွင် လက်ရှိအချိန်ထိ (My RO)တွင် မှတ်ပုံတင်ထားသော ဆန်သိုလှောင်ရုံ အလုံးရေ(၉၄)လုံး ရှိပြီး တစ်နှစ်ပြည့်မြောက်ပြီးသည့် ဆန်သိုလှောင်ရုံ (၃၀)လုံး အတွက် သက်တမ်းတိုးလုပ်ငန်းကို မဖြစ်မနေဆောင်ရွက်ရေးကို သက်တမ်းတိုးပြည်မီနေ့သည့် လုပ်ငန်းရှင်များအား သက်တမ်းတိုးလျှောက်ထားမှုလုပ်ငန်းစဉ် အဆင့်ဆင့်နှင့်ကို လုပ်ငန်းရှင်ကိုယ်တိုင် သက်တမ်းတိုးဆောင်ရွက်ရန်နှင့် လစဉ်လဆန်း(၁)ရက်နေ့မှ(၇)ရက်နေ့အတွင်း သိုလှောင်ရုံများ၏ ကုန်ရ/ ကုန်ထုတ်/ ကုန်လက်ကျန်အခြေအနေများအား ထည့်သွင်းပေးရန် ရှင်းလင်းဆွေးနွေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

                  ၂၀၂၆ ခုနှစ် ဖေဖော်ဝါရီလ (၂၂) ရက်နေ့၊ နံနက် (၀၉:၀၀)နာရီအချိန်တွင် စားသုံးသူရေးရာ ဦးစီးဌာန၊ မြင်းခြံဦးစီးမှူးရုံး၌ ခရိုင်ဦးစီးမှူးနှင့်မြို့နယ်အတွင်းရှိ MSME လုပ်ငန်းရှင်များတွေ့ဆုံ၍ ကုန်စည်များတွင် ကုန်အညွှန်းအမှတ်အသားများပြည့်စုံစွာ ထည့်သွင်းဖော်ပြပါရှိစေရေး၊ စက်မှုလုပ်ငန်း သုံးစားအုန်းဆီများ    အမှန်တကယ်အသုံးပြုစေရေးအတွက် တွေ့ဆုံဆွေးနွေးဟောပြောပွဲအား ကျင်းပခဲ့သည်။

          အဆိုပါ တွေ့ဆုံဆွေးနွေးမှုတွင် စားသုံးသူရေးရာဦးစီးဌာန၊ ဒု-ခရိုင်ဦးစီးမှူး ဦးတင်ဇော်ထွေး (ဦးစီးအရာရှိ)က လုပ်ငန်းရှင်များအနေဖြင့် မိမိတို့ထုတ်လုပ်သော ကုန်စည်များတွင် စားသုံးသူ ကာကွယ်ရေးဥပဒေပါ ကုန်အညွှန်းအမှတ်အသားများ ပြည့်စုံမှန်ကန်စွာ ထည့်သွင်းဖော်ပြနိုင်စေရေး တို့ကို အလေးထားလိုက်နာရမည်ဖြစ်ပါကြောင်း၊ မိမိတို့ထုတ်လုပ်သော ကုန်စည်အမျိုးအစားအလိုက် ထည့်သွင်းဖော်ပြပါဝင်ရမည့် သတ်မှတ်ချက်များနှင့် ကိုက်ညီရမည်ဖြစ်ပါကြောင်း၊ ကုန်စည်နှင့် ဝန်ဆောင်မှုများနှင့် ပတ်သက်၍ စားသုံးသူများ ထိခိုက်နစ်နာမှု မဖြစ်ပေါ်စေရေးအတွက် ကာကွယ် ပေးခြင်းဖြင့် စီးပွားရေးလုပ်ငန်းရှင်များကလည်း ဥပဒေနှင့်အညီ လိုက်နာဆောင်ရွက်ခြင်းဖြင့် ပြည်တွင်း ကုန်သွယ်မှုလုပ်ငန်းများ ဖွံဖြိုးတိုးတက်စေရေး ဝိုင်းဝန်းလုပ်ဆောင်ကြရမည်ဖြစ်ပါကြောင်း၊လုပ်ငန်း ရှင်များလိုအပ်လျက်ရှိသော လုပ်ငန်းသုံးစားအုန်းဆီများကိုလည်း သက်သာသောဈေးနှုန်းများဖြင့် ရောင်းချပေးလျက်ရှိရာ လုပ်ငန်းများတွင် မှန်ကန်စွာ အသုံးပြုရမည်ဖြစ်ပါကြောင်း၊ လစဉ်စားအုန်းဆီ လိုအပ်ချက်များကို ကွင်းဆင်းစိစစ်၍ လုပ်ငန်းပမာဏအလိုက် ခွင့်ပြုပေးလျှက်ရှိပါကြောင်း၊ ထုတ်ကုန်များလုံခြုံစိတ်ချရမှု၊ ဘေးအန္တရာယ်ကင်းရှင်းစေမှုသည် သက်ဆိုင်ရာအစိုးရဌာနများ၊ စီးပွား ရေးလုပ်ငန်းရှင်များ၊ စားသုံသူများ ညီညာစွာဖြင့် သတ်မှတ်ချက်များနှင့်အညီ မှန်ကန်သည့်လုပ် ဆောင်ချက်များအတိုင်း လိုက်နာဆောင်ရွက်ခြင်းဖြင့် ပြည်တွင်းဈေးကွက်မှတစ်ဆင့် ပြည်ပဈေးကွက် များသို့တိုင် ထိုးဖောက်နိုင်မည်ဖြစ်ပါကြောင်း ဆွေးနွေးပြောကြားခဲ့သည်။

          ဆက်လက်၍ဆွေးနွေးပွဲသို့ တက်ရောက်လာသည့် MSME လုပ်ငန်းရှင်များမှ သိရှိလိုသည်များ မေးမြန်းဆွေးနွေးရာ ဒု-ခရိုင်ဦးစီးမှူးမှ ပြန်လည်ရှင်းလင်းဆွေးနွေးခဲ့ပါကြောင်းနှင့် ဟောပြောပွဲသို့ လုပ်ငန်းရှင် ( ၂၈ ) ဦး တက်ရောက်ခဲ့ကြောင်းသိရသည်။

DOCA(မန္တလေး)

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီး ဦးစီးမှူးရုံး၊ ထုတ်ကုန်လုံခြုံစိတ်ချရမှုဌာနခွဲမှ ဒေါ်လှလှဝင်း၊ ဒု-ဦးစီးမှူးသည် ၂၆-၂-၂၀၂၆ ရက်နေ့ နေ့လည်(၁:၃၀)နာရီအချိန်တွင် “ဖက်တီးမ" အမှတ်တံဆိပ်ဖြင့် စားသောက်ကုန်အမျိုးမျိုး ထုတ်လုပ် ရောင်းချသောလုပ်ငန်းရှင်အား စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးရှိ ထုတ်ကုန်လုံခြုံစိတ်ချရမှုဌာနခွဲရုံးခန်းအတွင်း၌ အသိပညာပေးဆွေးနွေးခဲ့ပါသည်။         

            ထိုသို့အသိပညာပေး ဆွေးနွေးဆောင်ရွက်ရာတွင် လုပ်ငန်းရှင်အား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ တားမြစ်ချက်များနှင့် အခန်း(၁၈)ပါကုန်ပစ္စည်းထုပ်ပိုးမှုပေါ်တွင် ကုန်အညွှန်းအမှတ်အသားဖော်ပြခြင်းဆိုင်ရာအချက်အလက်များနှင့် မြန်မာနိုင်ငံစားသုံးသူကာကွယ်ရေး ကော်မရှင်၏ ညွှန်ကြားချက်အမှတ်(၂/၂၀၁၉)ပါအချက်အလက်များအား အကျယ်တဝင့် ရှင်းလင်း ပြောကြားခဲ့ပြီး ဥပဒေပါပြဋ္ဌာန်းချက်များကိုလည်း  သိရှိလိုက်နာဆောင်ရွက်ရန် လိုအပ်ကြောင်း အသိပညာပေး ဆွေးနွေးခဲ့ကြောင်း သတင်းရရှိပါသည်။  DOCA(မန္တလေး)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မမြို့နယ် တာဝန်ခံ ဦးအောင်မိုးသည် (၂၀.၂.၂၀၂၆)ရက်နေ့၊ နံနက်(၁၁:၃၀)နာရီအချိန်တွင်  မြို့နယ်စည်ပင်သာယာရေးအဖွဲ့နှင့်ပူးပေါင်း၍ ဝါးခယ်မမြို့၊ ရတနာဈေးရှိ ကုန်မျိုးစုံဆိုင်များတွင် ရောင်းချနေသောကုန်ပစ္စည်းများ၌ ကုန်အညွှန်းအမှတ်အသားပြည့်စုံမှုရှိ/ မရှိ ဈေးကွက်စောင့်ကြည့် စစ်ဆေးခဲ့ပါသည်၊၊

          ထိုသို့ကွင်းဆင်းစိစစ်ရာတွင် မြို့နယ်တာဝန်ခံမှ ဝါးခယ်မမြို့နယ်၊ ရတနာဈေးအတွင်း  ရောင်းချနေသော   ဟင်းခတ်အမွှေးအကြိုုင်၊ ခရုဆီ၊ မဆလာထုတ်အမျိုးမျိုးတို့တွင် ကုန်အညွှန်းအမှတ်အသားပြည့်စုံမှုရှိ/ မရှိကွင်းဆင်းစစ်ဆေးခဲ့ပြီး ကုန်စုံဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးမှ ထုတ်ပြန်ထားသော စားသုံးသူကာကွယ်ရေး ဥပဒေ၂၀၁၉ ပါ ပြဌာန်းချက်များမှ စားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊  ပြစ်မှုပြစ်ဒဏ်များ၊ ဥပဒေအခန်း(၁၈) ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ မည်သည့်စီးပွားရေး လုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစား အလိုက်သတ်မှတ်ထားသည့် ဥပဒေညွှန်ကြားချက်များနှင့်အညီ လိုက်နာဆောင်ရွက်ကြရန် ဈေးကွက်တွင်ရောင်းချနေသော ကုန်စည်များတွင်လည်း ကုန်အညွှန်းအမှတ်အသား ပြည်စုံစွာဖော်ပြထားမှုရှိ/ မရှိအား ဌာနမှဈေးကွက်စောင့်ကြည့်စစ်ဆေးမှုအား စဉ်ဆက်မပြတ်ဆောင်ရွက်သွားမည်ဖြစ်ကြောင်း အသိပေးစစ်ဆေးခဲ့ကြောင်း သိရှိရပါသည်။

DOCA (ဧရာဝတီ)