သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ညွှန်ကြားချက်အရ တွံတေးမြို့နယ်အတွင်းရှိ စားသုံးသူပြည်သူများအနေဖြင့် စားသုံးဆီအမျိုးမျိုးအား ဝယ်ယူသုံးစွဲရာတွင် ဘေးကင်းလုံခြုံ စိတ်ချရမှု ရှိစေရေးနှင့်စနစ်တကျဝယ်ယူသုံးစွဲတတ်စေရန်ရည်ရွယ်၍ ထုတ်ကုန်လုံခြုံစိတ်ချရမှု ရှိစေရေးတို့အတွက် ဒီဇင်ဘာလ(၁၀)ရက်နေ့၊ နံနက်(၁၀:၃၀)နာရီအချိန်တွင် တွံတေးစည်ပင်သာယာဈေးတွင် ရောင်းချလျက်ရှိသော ကုန်စုံဆိုင်များရှိ စားသုံးဆီအမျိုးမျိုးတို့တွင် သတ်မှတ်ထားသော ကုန်အညွှန်းအမှတ်အသားဖော်ပြချက်ပြည့်စုံစွာဖော်ပြထားခြင်း ရှိ/မရှိ ကွင်းဆင်းစစ်ဆေးခဲ့ကြောင်း သိရသည်။

     ထို့သို့ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ ဈေးတာဝန်ခံနှင့်ဝန်ထမ်းများ၊ စားသုံးသူရေးရာဦးစီးဌာနမှမြို့နယ်တာဝန်ခံ ဦးအာကာမင်းတို့ပူးပေါင်းအဖွဲ့မှ တွံတေးစည်ပင်သာယာဈေးအတွင်းရှိ ကုန်စုံဆိုင်များ၌ ကုန်စုံဆိုင်ပိုင်ရှင်များနှင့်တွေ့ဆုံကာ စားသုံးဆီအမျိုးမျိုးအား ဖြန့်ဖြူးရောင်းချရာတွင်သက်ဆိုင်ရာဌာနများမှ ညွှန်ကြားထားသော ကုန်အညွှန်းအမှတ်အသားဆိုင်ရာ လိုက်နာရမည့်အချက်များ မြန်မာဘာသာဖြင့်လည်းကောင်း၊ မြန်မာဘာသာနှင့်အခြားဘာသာတစ်ခု(သို့) တစ်ခုထက်ပို၍တွဲလျက်ရေးသားဖော်ပြရမည့်အချက်များ စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် စံချိန်စံညွှန်းများနှင့်ကိုက်ညီမှုမရှိသည့် စားသုံးဆီများ၊ အစားအသောက်နှင့်ဆေးဝါးကွပ်ကဲရေးဦးစီးဌာန(FDA)၏ ခွင့်ပြုချက်မပါရှိသော စားသုံးဆီအမျိုးမျိုးနှင့် စားသောက်ကုန်ပစ္စည်းများ ဖြန့်ဖြူးရောင်းချခြင်းမပြုစေရန် စားသုံးသူကာကွယ်ပေးရေးဆိုင်ရာ အသိပညာများကို အသိပညာပေး ဆွေးနွေးခဲ့ပြီး စားသုံးဆီအမျိုးမျိုးတို့တွင် ကုန်အညွှန်းအမှတ်အသားပြည့်စုံစွာဖော်ပြထားခြင်း ရှိ/မရှိ ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)

   စားသုံးသူရေးရာဦးစီးဌာန ၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးသိန်းထွန်း(ဌာနခွဲစာရေး)  ၊ဦးရန်နိုင်ထွန်း(အငယ်တန်းစာရေး)နှင့် ဝန်ထမ်းများသည် (၁၁.၁၂.၂၀၂၄) ရက်နေ့၊ နေ့လယ်ပိုင်းတွင် အမှတ်(၁၃)၊ ဈေးလမ်း ၊(၆)ရပ်ကွက်၊ တပ်မြေပုဇွန်တောင်မြို့နယ်အတွင်းရှိ ဆန်လက်လီရောင်းချနေသော စိန်ရွှေမြဆန်ဆိုင်အား သွားရောက်၍ ဆန်ရောင်းချမှု ကွင်းဆင်းစစ်ဆေးမှုများ ဆောင်ရွက်ခဲ့ကြကြောင်း သိရှိရပါသည်။

     ထိုသို့ ကွင်းဆင်းအသိပညာပေးရာတွင် ဆန်ဆိုင်ရှိ ရောင်းချနေသော ဆန်များသည် ရွှေဘိုပေါ်ဆန်း(ရှယ်)၊ ရွှေဘို(လတ်)  ၊ ကျားပျံ ၊  ဧရာပေါ်ဆန်း ၊ (ရက် ၉၀) ၊ဧည့်မထ စသည့်ဆန်များ ၏(၁ပြည်) ဈေးနှုန်းများကို စစ်ဆေးရာ သတ်မှတ်ရည်ညွှန်းဈေးအတိုင်း ရောင်းချလျက်ရှိကြောင်း တွေ့ရှိရပြီး ၊ ဆန်ဈေးနှုန်းကြီးမြှင့်မှုမဖြစ်ပေါ်စေရေးအတွက် ဈေးကစားရန်အလို့ငှာ ဆန်များသိုလှောင်ထားခြင်းမပြုရန် မြန်မာနိုင်ငံဆန်စပါးအသင်းချုပ်မှ သတ်မှတ်ထားသောဈေးနှုန်းများအတိုင်း ရောင်းချသွားရန်၊ လိုက်နာမှုမရှိပါက ဥပဒေအရ အရေးယူခံရမည်ဖြစ်ကြောင်း  အသိပညာပေးပြောကြားခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

စားသုံးသူရေးရာဦးစီးဌာန ၊ ရန်ကုန်အရှေ့ပိုင်း ခရိုင်ဦးစီးမှူးရုံးမှ ဦးမင်းမင်းစိုး (ဌာနခွဲစာရေး)နှင့်ဝန်ထမ်းများသည် မင်္ဂလာတောင်ညွှန့်မြို့နယ် City  Mark (ATRIUM) brand ရှိ (၁၁.၁၂.၂၀၂၄) ရက်နေ့ ၊ နေ့လယ်ပိုင်း တွင်  အထက်ပန်းဆိုးတန်း လမ်းနှင့် ဗိုလ်မင်းခေါင်လမ်းထောင့်၊ ATRIUM Condo မင်္ဂလာတောင်ညွှန့် မြို့နယ် City Mark (ATRIUM) brand    အားသွားရောက်၍ ဆန်ရောင်းချမှု ကွင်းဆင်းအသိပညာပေးမှုများ ဆောင်ရွက်ခဲ့ကြကြောင်း သိရှိရပါ သည်။

         ထိုသို့ ကွင်းဆင်းအသိပညာပေးရာတွင် City Mark (ATRIUM) brand     ဆန်ဆိုင်ရှိ ရောင်းချနေ သော ဆန်များသည် Meizan (ပေါ်ဆန်းမွှေး) (၁၂kg) ၊ Ayeyar (ပေါ်ဆန်းမွှေး ) (၁၀kg) ၊ Cityselection (ဧရာပေါ်ဆန်း)(၁၂kg) ၊ City Valalue (ရက် ၉၀)(၁၂kg) ၊ Nursery (ပေါ်ဆန်းမွှေး) (၅kg) ၊ ဂွတ်ရှယ်ကောင်း(ဧရာပေါ်ဆန်း) (၂kg) ၊ မြ (ရွှေဘိုပေါ်ဆန်း) (၅kg) ၊ Goody (ရွှေဘိုပေါ်ဆန်း)(၂kg) စသည့်ဆန်များကို   သတ်မှတ်ရည်ညွှန်းဈေးအတိုင်း ရောင်းချလျက်ရှိကြောင်းနှင့် ဆန်ဈေးနှုန်းကြီးမြှင့်မှု မဖြစ်ပေါ်စေရေးအတွက် ဈေးကစားရန်အလို့ငှာ ဆန်များသိုလှောင်ထားခြင်းမပြုရန် မြန်မာနိုင်ငံ ဆန်စပါးအသင်းချုပ်မှ သတ်မှတ်ထားသောဈေးနှုန်းများအတိုင်း ရောင်းချသွားရန်၊ လိုက်နာမှုမရှိပါက ဥပဒေအရ အရေးယူခံရမည်ဖြစ်ကြောင်း  အသိပညာပေးပြောကြားခြင်းများ  ဆောင်ရွက်ခဲ့ကြောင်း သိရှိရ ပါသည်။

DOCA(ရန်ကုန်)

           စားသုံးသူရေးရာဦးစီးဌာန၊ ပဲခူးတိုင်းဒေသကြီးအတွင်း ပြည်ခရိုင်ရှိ မြို့နယ်များဖြစ်သော ပေါက်ခေါင်းမြို့နယ်တွင် (၅.၁၁.၂၀၂၄)နေ့၌ စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် ပေါက်ခေါင်းမြို့ပေါ်ရှိ ကုန်မျိုးစုံရောင်းချသည့် စတိုးဆိုင်လုပ်ငန်းရှင်များအားလည်းကောင်း၊ ပြည်မြို့နယ်တွင် (၁၂.၁၁.၂၀၂၄)နေ့၌ နဝဒေးရပ်ကွက်အုပ်ချုပ်ရေးမှူးရုံးတွင် နဝဒေးစက်မှုဇုန် ရှိလုပ်ငန်းရှင်များ အားလည်းကောင်း၊ ရွှေ‌တောင်မြို့နယ်တွင် (၁၉.၁၁.၂၀၂၄)နေ့၌ စားသုံးသူရေးရာ ဦးစီးဌာန၊ မြို့နယ်တာဝန်ခံရုံးတွင် ရွှေ‌တောင်မြို့ပေါ်ရှိ Onlineစနစ်ဖြင့် ရောင်းချသည့် လုပ်ငန်းရှင်များအားလည်းကောင်း၊ ပန်းတောင်းမြို့နယ်တွင် (၂၇.၁၁.၂၀၂၄)နေ့၌ မင်းရပ်ရပ်ကွက်ရှိ Online စနစ်ဖြင့်ရောင်းချသည့် လုပ်ငန်းရှင်များအားလည်းကောင်း မြို့နယ်အသီးသီးတွင် တွေ့ဆုံ၍ မြို့နယ်တာဝန်ခံနှင့်ဝန်ထမ်းများသည် အဆိုပါလုပ်ငန်းရှင်များအား Online စနစ်ဖြင့်ရောင်းချခြင်း လုပ်ငန်းကို မှတ်ပုံတင်လက်မှတ် လျှောက်ထားရရှိပြီးမှ လုပ်ကိုင်ရမည်ဖြစ်ပြီး မှတ်ပုံတင်လက်မှတ် မရှိဘဲ ဆောင်ရွက်ကြောင်းတွေ့ရှိပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူခြင်း ခံရမည်ဖြစ်ကြောင်း၊ Online စနစ်ဖြင့်ရောင်းချခြင်းလုပ်ငန်းမှတ်ပုံတင်ကို Online ဖြင့် ကုန်သွယ်ရေးဦးစီးဌာနသို့လျှောက်ထားရမည်ဖြစ်ကြောင်း၊ စားသုံးသူရေးရာဦးစီးဌာနအနေ ဖြင့် အဆိုပါ မှတ်ပုံတင်ပါဖော်ပြပါ အချက်အလက်များနှင့် မြေပြင်အချက်အလက်များ မှန်ကန်ခြင်းရှိ/မရှိ ဆောင်ရွက်ရမည့်အကြောင်း၊ Online စနစ်ဖြင့်ရောင်းချခြင်းလုပ်ငန်း မှတ်ပုံတင်ခြင်း ဆိုင်ရာ အမိန့်အရ မှတ်ပုံတင်လက်မှတ်လျှောက်ထားခြင်းဆိုင်ရာ အကြောင်းအရာများ၊ မှတ်ပုံတင် လက်မှတ်ရရှိသူ၏ အခွင့် အရေးနှင့်တာဝန်များအကြောင်း၊ အဆိုပါလိုက်နာရမည့် တာဝန်တစ်ရပ်ရပ်ကိုဖောက်ဖျက်ကြောင်းတွေ့ရှိပါက သက်ဆိုင်ရာမှတ်ပုံတင်လက်မှတ်ကို ကာလအကန့်အသတ်ဖြင့်ဆိုင်းငံ့ခြင်းနှင့် မှတ်ပုံတင်လက်မှတ်ပယ်ဖျက်ခြင်းတို့ကို အရေးယူဆောင်ရွက်မည်ဖြစ်ကြောင်း စသည့်အချက်များကို အသိပညာပေးဆွေးနွေးပြောကြားခဲ့ကြောင်း သိရှိရပါသည်။

DOCA(ပဲခူး)

          ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် မဲတောအုပ်စု၊ ရှင်ညိုကျေးရွာရှိ အ.မ.က ရှင်ညိုကျောင်းတွင် (၁၂.၁၂.၂၀၂၄)ရက်နေ့ နံနက်(၀၉:၀၀)နာရီအချိန်မှ (၁၁:၀၀)နာရီအချိန်အထိ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဝန်ထမ်းများသည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့် ပူးပေါင်း၍ စားသုံးသူအသိပညာပေး ဟောပြောပွဲကျင်းပ ဆောင်ရွက်ခဲ့ပါသည်။

          ထိုသို့ စားသုံးသူအသိပညာပေးဟောပြောပွဲတွင် စားသုံးသူရေးရာဦးစီးဌာန၊ ရွှေတောင်မြို့နယ်တာဝန်ခံရုံးမှ ဒု-ဦးစီးမှူး ဒေါ်ဇင်မာချောစုကြည်မှ ကုန်အညွှန်းအမှတ်အသား (၈)ချက်ကိုလည်းကောင်း၊ ကျောင်းသား/ ကျောင်းသူများ မုန့်မျိုးစုံနှင့် ကုန်ပစ္စည်းများဝယ်ယူသုံးစွဲသည့်အခါ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေးအတွက် ကုန်အညွှန်းအမှတ်အသားများကို မြန်မာဘာသာဖြင့်ထည့်သွင်းဖော်ပြသော ကုန်ပစ္စည်းများအားဝယ်ယူသုံးစွဲရန်အား ရှင်းလင်းဆွေးနွေးဟောပြောခဲ့ပါသည်။ ထိုနောက် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ငြိမ်းငြိမ်းသန့်မှ ကလေးအလုပ်သမားပပျောက်ရေး ပိုစတာများအားရှင်းလင်းခြင်း၊ လက်ချောင်းလေးများသန်မာစေရန် လက်လေ့ကျင့်ခန်းများပြုလုပ်ခြင်း၊ ပုံပြင်ပြောပြခြင်းနှင့် ပုံပြင်စာအုပ်များကို ကျောင်းသား/ ကျောင်းသူ (၅၈)ဦးအား ဖတ်စေခြင်းစသောအသိပညာပေး အကြောင်းအရာများကို ဟောပြောခဲ့ကြောင်းသိရှိရပါသည်။

DOCA(ပဲခူး)