သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ နေပြည်တော်ဦးစီးမှူးမှ ဒေါ်လှိုင်ဖြိုးထက် (စစ်ဆေးရေးအရာရှိ) နှင့် အဖွဲ့သည် အွန်လိုင်းစနစ်ဖြင့် ရောင်းချခြင်း လုပ်ငန်းများမှတ်ပုံတင်လက်မှတ် စိစစ်ထုတ်ပေးခြင်း၊ မြေပြင် လုပ်ငန်းနှင့် မှတ်ပုံတင်ထားရှိမှု ကိုက်ညီမှု ရှိ/ မရှိ၊ လုပ်ငန်းလိပ်စာ မှန်ကန်မှု ရှိ/ မရှိတို့ကို (၁၇-၁၀-၂၀၂၅) ရက်နေ့၊ နံနက်(၁၀:၀၀)နာရီအချိန်တွင် အိမ်အမှတ် ၅၅၂၊ ရန်ကုန်-မန္တလေးလမ်း၊ အမှတ်(၂) ရပ်ကွက်၊ လယ်ဝေးမြို့နယ်ရှိ “ရွှေမြန်မာ တီဗွီဆိုင်”  အီလက်ထရောနစ်ပစ္စည်းများ ရောင်းချသည့် လုပ်ငန်းသို့ သွားရောက်စစ်ဆေးခဲ့ကြောင်း သိရှိရပါသည်။

   ကွင်းဆင်းစစ်ဆေးရာတွင် စစ်ဆေးရေးအရာရှိက လုပ်ငန်းရှင်များကို လိုအပ်သည်များမေး မြန်းခြင်း၊ မြေပြင်ကွင်းဆင်းစစ်ဆေးရမည့်အချက်(၁၈)ချက်နှင့် ကိုက်ညီမှု ရှိ/ မရှိ စစ်ဆေးခြင်း၊ စီးပွားရေးလုပ်ငန်းရှင်များ လိုက်နာရမည့်တာဝန်ဝတ္တရားများနှင့် စားသုံးသူကာကွယ်ရေးဥပဒေပါ အခန်း(၁၇)ရှိ ကုန်စည်(သို့မဟုတ်)ဝန်ဆောင်မှုအပေါ် တာဝန်ရှိမှုနှင့် ပတ်သက်၍လည်းကောင်း တရားမဝင်ကုန်ပစ္စည်းများ ရောင်းချမှုမရှိစေရေး အသိပညာပေးဟောပြောခဲ့ကြောင်း သိရှိရပါသည်။

DOCA(နေပြည်တော်)

  စားသုံးသူရေးရာဦးစီးဌာန၊ နေပြည်တော်ဦးစီးမှူးမှ ဦးမြင့်နိုင်(စစ်ဆေးရေးအရာရှိ)နှင့် အဖွဲ့ သည် အွန်လိုင်းစနစ်ဖြင့် ရောင်းချခြင်း လုပ်ငန်းများမှတ်ပုံတင်လက်မှတ် စိစစ်ထုတ်ပေးခြင်း၊ မြေပြင် လုပ်ငန်းနှင့် မှတ်ပုံတင်ထားရှိမှု ကိုက်ညီမှု ရှိ/ မရှိ၊ လုပ်ငန်းလိပ်စာ မှန်ကန်မှု ရှိ/ မရှိတို့ကို (၂၁-၁၀-၂၀၂၅) ရက်နေ့၊ နံနက်(၁၀:၀၀)နာရီအချိန်တွင် ဂုံးမင်းအင်းကျေးရွာ၊ တဲကြီးကုန်းအုပ်စု၊ ဇမ္ဗူသီရိမြို့ နယ်ရှိ “သီရိ-နေပြည်တော်”အလှကုန်ပစ္စည်းများ၊ လူသုံးကုန်ပစ္စည်းများရောင်းချသည့် လုပ်ငန်းသို့သွား ရောက် စစ်ဆေးခဲ့ကြောင်း သိရှိရပါသည်။

ကွင်းဆင်းစစ်ဆေးရာတွင် စစ်ဆေးရေးအရာရှိက လုပ်ငန်းရှင်များကို လိုအပ်သည်များ မေး မြန်းခြင်း၊ မြေပြင်ကွင်းဆင်းစစ်ဆေးရမည့်အချက်(၁၈)ချက်နှင့် ကိုက်ညီမှု ရှိ/ မရှိ စစ်ဆေးခြင်း၊ စီးပွားရေးလုပ်ငန်းရှင်များ လိုက်နာရမည့်တာဝန်ဝတ္တရားများနှင့် စားသုံးသူကာကွယ်ရေးဥပဒေပါ အခန်း(၁၇)ရှိ ကုန်စည်(သို့မဟုတ်)ဝန်ဆောင်မှုအပေါ် တာဝန်ရှိမှုနှင့် ပတ်သက်၍လည်းကောင်း တရားမဝင်ကုန်ပစ္စည်းများ ရောင်းချမှုမရှိစေရေး အသိပညာပေးဟောပြောခဲ့ကြောင်း သိရှိရပါသည်။

DOCA(နေပြည်တော်)

   ၂၀၂၅ ခုနှစ်၊ အောက်တိုဘာလ (၁၃) ရက်နေ့၊ နံနက် (၁၀:၀၀) နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာ ဦးစီးဌာန၊ တာချီလိတ်မြို့နယ်တာဝန်ခံရုံးမှ စစ်ဆေးရေးမှူး ဦးမြင့်နောင် (ဦးစီးမှူး) ဦးဆောင်၍ အစားအသောက်နှင့်ဆေးဝါးကွပ်ကဲ ရေးဦးစီးဌာနနှင့် ပူးပေါင်းကာ  မိုင်းဆတ်မြို့နယ်၊ ဝိန်းဝိုင်ရပ်ကွက်ရှိ နော်ရှဲလ်(လားဟူ) သောက်ရေသန့်လုပ်ငန်းအား ထုတ်ကုန်များ လုံခြုံစိတ်ချရမှုရှိစေရန် ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

           ထိုသို့စစ်ဆေးရာတွင် နော်ရှဲလ် (လားဟူ) သောက်ရေသန့်သည် စားသုံးသူကာကွယ်ရေး ဥပဒေအခန်း(၁၈)ပါ “ကုန်အညွှန်အမှတ်အသားဖော်ပြခြင်း” နှင့် ပတ်သက်၍ ပြည့်စုံစွာဖော်ပြထားပြီး ထုတ်ကုန်များကိုလည်း သန့်ရှင်းသပ်ရပ်စွာ ထုတ်လုပ်ဖြန့်ချီသည်ကို စစ်ဆေးတွေ့ရှိရပါသည်။ ထို့နောက် စစ်ဆေးရေးမှူးနှင့် ဌာနဆိုင်ရာတာဝန်ရှိသူများသည် လုပ်ငန်းရှင်အား စားသုံးသူများ ဘေးအန္တရာယ်ကင်းရှင်းစေရေးကို အလေးထားဆောင်ရွက်ရန်၊ ထုတ်လုပ်မှုအဆင့်တိုင်း စနစ်တကျရှိစေရန်နှင့်  စားသုံးသူကာကွယ်ရေးဥပဒေအခန်း(၁၀)ပါ “စီးပွားရေးလုပ်ငန်းရှင်၏တာဝန်များ” ကို လိုက်နာဆောင်ရွက်ရန် အသိပညာပေးဆွေးနွေးခဲ့ကြပါ သည်။

DOCA(ရှမ်း)

   စားသုံးသူဈေးကွက်လိုအပ်ချက်မှာ အရည်အသွေးပြည့်ဝသော၊ ဘေးအန္တရာယ်ကင်းရှင်းသော၊ ဈေးနှုန်းမျှတသော၊ သတင်း အချက်အလက်ပြည့်စုံမှန်ကန်သော ကုန်စည်များဖြစ်ပါသည်။

           ဈေးကွက်အတွင်း ကုန်အညွှန်းအမှတ်အသားပြည့်စုံမှန်ကန်စေရေး၊ အရည်အသွေးစစ်မှန်သော ကုန်စည်များထွန်းကားရေးနှင့် အတုအပနှင့် အရည်အသွေးနိမ့်ကုန်စည်များ ဈေးကွက်တွင်း ပပျောက်စေ ရေးရန်တောင်ကြီးမြို့နယ်တွင်းရှိ ဆေးဆိုင်များနှင့် ဖြည့်စွက်စာရောင်းချသည့် ဈေးဆိုင်များအား   အစား အသောက်နှင့် ဆေးဝါးကွက်ကဲရေးဦးစီးဌာန၊ စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီး ဌာန၊ စည်ပင်သာယာရေးဦးစီးဌာနနှင့် ကျန်းမာရေးဦးစီးဌာနတို့ပူးပေါင်း၍ အရောင်းဆိုင်များ၊ သိုလှောင်ရုံ များသို့ ရှောင်တခင် စစ်ဆေးခဲ့ကြောင်းသိရှိရပါသည်။

           ဈေးကွက်တွင် ကုန်အညွှန်းအမှတ်အသားပြည့်စုံသည့် ကုန်စည်များနှင့် သွင်းးကုန်ထောက်ခံချက် များပါဝင်သည့် ကုန်စည်များစစ်ဆေးတွေ့ရှိရပြီး ကုန်အမှတ်တံဆိပ်အားနည်းချက်များ မတွေ့ရှိရကြောင်း စစ်ဆေးတွေ့ရှိရပါသည်။

           ပူးပေါင်းအဖွဲ့သည် စီးပွားရေးလုပ်ငန်းရှင်များနှင့် တွေ့ဆုံ၍ ကုန်စည်များ ရောင်းဝယ်ရာတွင် စီးပွားရေးကျင့်ဝတ်စည်ကမ်းများနှင့်အညီ ရောင်းဝယ်ရေး၊ ကုန်စည်များကို ကုန်အညွှန်းအမှတ်အသား နှင့်အရည်အသွေးကို အမြဲစိစစ်၍ ရောင်းချရန်နှင့် သွင်းကုန်ထောက်ခံချက်စသည့် အထောက်အထား ပြည့်စုံမှန်ကန်စေရေး ဝိုင်းဝန်းဆောင်ရွက်ကြရန် စိစစ်ညှိနှိုင်း၍ ကြီးကြပ်ဆောင်ရွက်ခဲ့ကြောင်း ရေးသား တင်ပြအပ်ပါသည်။

DOCA(ရှမ်း)

   ၂၀၂၅ ခုနှစ်၊ အောက်တိုဘာလ ၁၄ ရက်နေ့၊ နေ့လည်(၁၃:၀၀)နာရီတွင် ကျင်းပသော နိုင်ငံတော်သံဃမဟာနာယက အဖွဲ့ဥက္ကဋ္ဌ၊ သန်လျင်မင်းကျောင်းဆရာတော်ဘုရားကြီးအား ဦးထိပ် ထား၍ ရန်ကုန်မြို့၊ ဓမ္မစကြာရိပ်သာကျောင်းတိုက်ဆရာတော်၊ သိမ်တောင်တိုက်သစ်ကျောင်း ဓာတ်တော်ပြတိုက် ဆရာတော်များနှင့် မလေးရှားနိုင်ငံမှ အလှူရှင်ဖြစ်သော Dr. Teo Choo Guan (Chairman of WAKI International Group) Malaysia မှ ဓာတုစေတီတော်များ ပေးအပ်လှူဒါန်းပွဲ အခမ်းအနားကို တောင်ကြီးမြို့၊ မြို့တော်ခန်းမ၌ ကျင်းပပြုလုပ်ခဲ့ပါသည်။

  ဓာတုစေတီတော်များ ပေးအပ်လှူဒါန်းပွဲအခမ်းအနားသို့ နိုင်ငံတော်သံဃမဟာနာယကအဖွဲ့ ဥက္ကဋ္ဌနှင့် ဆရာတော်ပင့် သံဃာဆရာတော်များ၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးများ၊ ဌာန ဆိုင်ရာများနှင့် ဧည့်ပရိသတ်များတက်ရောက်ခဲ့ကြပြီး အခမ်းအနားကို နမောတဿ သုံးကြိမ်ရွတ်ဆို ဘုရားကန်တော့ဖွင့်လှစ်ပြီး နိုင်ငံတော်သြဝါဒါစရိယ နိုင်ငံတော်သံဃမဟာနာယကအဖွဲ့ ဥက္ကဋ္ဌ၊ အဂ္ဂမဟာ ပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ သန်လျင်မင်းကျောင်းဆရာတော် ဒေါက်တာဘဒ္ဒန္တ စန္ဒိမာဘိဝံသ ထံမှ ငါးပါးသီလ ခံယူတော်ဆောက်တည်၍ ပရိတ်တရားတော်များ နာယူကြည်ညို ကြသည်။

   ဆက်လက်၍  ပြည်နယ်အစိုးရအဖွဲ့၊ ပြည်နယ်ဝန်ကြီးများ၊ အလှူရှင်များမှ   ဆရာတော်၊ သံဃာတော် အရှင်သူမြတ်များအား လှူဖွယ်ဝတ္ထုပစ္စည်းများ ဆက်ကပ်လှူဒါန်းကြပြီး  နိုင်ငံတော် သံဃမဟာနာယကအဖွဲ့ ဥက္ကဋ္ဌ၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ သန်လျင် မင်းကျောင်း ဆရာတော် ဒေါက်တာ ဘဒ္ဒန္တစန္ဒိမာဘိဝံသထံမှ အနုမောဒနာ တရားနာယူ ကြည်ညိုပြီး လှူဒါန်းမှု အစုစုအတွက် ရေစက်သွန်းချ အမျှပေးဝေကာ အခမ်းအနားကို ဗုဒ္ဓသာသနံစိရံတိဋ္ဌတု သုံးကြိမ်ရွတ်ဆို ဆုတောင်းပြီး ရုပ်သိမ်းလိုက်ကြောင်း သိရသည်။

DOCA(ရှမ်း)