သတင်းနှင့် လှုပ်ရှားမှုများ

ဧရာဝတီတိုင်းဒေသကြီးအစိုးရအဖွဲ့၏ လမ်းညွှန်ချက်ဖြင့် ဇွန်လ တတိယပတ်အတွင်း စားသုံးသူရေးရာဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနနှင့် စက်မှုကြီးကြပ်ရေးနှင့် စစ်ဆေးရေးဦးစီးဌာန ကိုယ်စားလှယ်များပါဝင်သော မြေပြင်ကွင်းဆင်းစစ်ဆေးရေးအဖွဲ့ဖြင့် Gasifier အသုံးပြု၍ လည်ပတ်ဆောင်ရွက်လျက်ရှိသော ညောင်ဝိုင်းရပ်ကွက်၊ ဝါးခယ်မမြို့နယ်ရှိ လင်းရောင်နီ ဆန်စက်၏ ရေဆိုးသန့်စင်မှု စနစ်ဆောင်ရွက်ထားရှိမှု အခြေအနေများကို စစ်ဆေးခြင်း ဆောင်ရွက်ခဲ့ပါသည်၊၊ အဆိုပါ ဆန်စက်၏ Gasifer မီးဖိုးမှထွက်ရှိသော စက်ဖွဲပြာများအား စစ်ထုတ်နိုင်ရန်အတွက် ရေစစ်ကန်အတွင်း စတီးဇကာဖြင့် စစ်ထုတ်ထားသော ဖွဲပြာများအား စနစ်တကျသယ်ယူ သန့်ရှင်းခြင်းများပြုလုပ်ရေး၊ ရေစစ်ကန်အတွင်း ရေစီးဆင်းမှုကောင်းမွန်စေရေး သတ်မှတ် စံချိန်စံညွှန်းများနှင့်အညီ ဆောင်ရွက်ထားရှိစေရေးနှင့် ပတ်ဝန်းကျင် ထိခိုက်မှုမရှိစေရေး စစ်ဆေးခဲ့ပြီး လိုအပ်သည်များကို သက်ဆိုင်ရာ ဌာနများအလိုက် ကြီးကြပ်ဆောင်ရွက်ရန် ကွင်းဆင်းမှာကြားခဲ့ပါသည်၊၊ DOCA(ဧရာဝတီ)

စားသုံးသူ‌ရေးရာဦးစီးဌာနနှင့် ဓနုဖြူမြို့နယ် အတွင်းရှိ မှတ်ပုံတင်ထားရှိသော ကုမ္ပဏီမှ ထုတ်လုပ်ဖြန့်ဖြူရောင်းသော အသင့်ကင်စားနိုင်သည့် ကြက်အူချောင်း၊ ဝက်အူချောင်းများ၏ ရောင်းချမှု အခြေအနေများကို ဓနုဖြူမြို့နယ် ဈေး၊ ဈေးကြီး ၃ဈေးအတွင်း ရောင်းချသူလုပ်ငန်းရှင် (၈)ဦးထံမှ ကုန်စည်များအား ကွင်းဆင်းစစ်ဆေးခဲ့ကြောင်း သတင်းရရှိပါသည်။ ကွင်းဆင်းစစ်ဆေးရာတွင် ဓနုဖြူမြို့နယ် ဇကာကြီးဈေး၊ မြို့မဈေး၊ မင်္ဂလာဈေး အတွင်းရောင်းချလျက်ရှိသော အသင့်ကင်စားနိုင်သည့် ကြက်အူချောင်း၊ ဝက်အူချောင်းများ ရောင်းချနေသဖြင့် ကြက်အူချောင်းနှင့် ဝက်အူချောင်း ပါကင်အထုတ်များတွင် တရားဝင်မှတ်ပုံတင်ထားရှိသော ကုန်စည်များ ရောင်းချမှု ရှိ-မရှိနှင့် ကုန်အညွှန်းအမှတ်မသား ပါဝင်မှု ရှိ-မရှိကို စစ်ဆေးခဲ့ရာ တရားဝင်မှတ်ပုံတင်ထားသည့် ကုမ္ပဏီမှ ဖြန့်ဖြူ ရောင်းချလျက်ရှိသည့် အသင့်ကင်စားနိုင်သည့် ကြက်အူချောင်း၊ ဝက်အူချောင်းများ၏ ဝယ်ယူရောင်းချနေကြောင်း တွေ့ရှိရပြီး ကြက်အူချောင်းနှင့် ဝက်အူချောင်းရောင်းချသူ များကို ကုန်စည်များတွင် မြန်မာနိုင်ငံစားသုံးသူကာကွယ်ရေး ကော်မရှင်မှ ထုတ်ပြန်ကြော်ငြာထားသော ညွှန်ကြားချက်အမှတ် (၂/၂၀၁၉)နှင့်အညီ မြန်မာဘာသာဖြင့် ပြည်စုံစွာဖော်ပြထားသည့် ကုန်စည်နှင့် FDA ဌာနမှ ခွင်ပြုချက်ပါရှိသောကုန်စည်များကို ဦးစားပေးရောင်းချရေးတို့ကို အသိပညာပေးပြောကြားခဲ့ကြောင်း သိရပါသည်။ DOCA(ဧရာဝတီ)