သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် မော်ကျွန်းမြို့နယ် တာဝန်ခံဦးမင်းဇော်လတ်နှင့်ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၈.၁၀.၂၀၂၄)ရက်နေ့    မွန်းလွဲ(၁၃:၀၀)နာရီအချိန်တွင် (၁၃)လမ်းရှိ ကုန်မျိုးစုံဆိုင်များတွင်ရောင်းချ နေသောအသင့်စားခေါက်ဆွဲခြောက်ထုပ်များအား ကုန်အညွှန်းအမှတ်အသားပြည့်စုံမှု ရှိ/မရှိ ကွင်းဆင်းစစ်ဆေးခဲ့ပါသည်။   

    ထိုသို့ကွင်းဆင်းစစ်ဆေးဆောင်ရွက်ရာတွင်  မော်ကျွန်းမြို့နယ်တာဝန်ခံမှ (၁၃)လမ်းဈေးရှိ ကုန်မျိုးစုံဆိုင်များတွင်ရောင်းချနေသော အသင့်စားခေါက်ဆွဲခြောက်ထုပ်များအား ကုန်အညွှန်း ပြည့်စုံစွာဖော်ပြထားခြင်း ရှိ/မရှိ၊ စားသုံးသူဘေးအန္တရာယ်ဖြစ်စေနိုင်သော အစားအသောက်များ ရောင်းချခြင်း ရှိ/မရှိ ကွင်းဆင်းစစ်ဆေးခဲ့ပြီး သတ်မှတ်စံချိန်စံနှုန်းနှင့်ကိုက်ညီမှုရှိခြင်း၊ သက်ဆိုင်ရာ ဌာနမှခွင့်ပြုထား သောကုန်အညွှန်းအမှတ်အသား ပြည့်စုံစွာဖော်ပြထားသည့် ခေါက်ဆွဲခြောက်ထုပ်များကိုသာ ဈေးကွက်အတွင်းတင်သွင်းရောင်းချစေရန် အသိပညာပေးဆွေးနွေးခဲ့ကြောင်းသိရှိရ ပါသည်။

DOCA(ဧရာဝတီ)

         မြိတ်ခရိုင်စားသုံးသူရေးရာဦးစီးဌာနမှ ၂၀၂၄ခုနှစ်၊ အောက်တိုဘာလ(၉)ရက်နေ့၊ နံနက် (၁၀း၀၀) နာရီအချိန်တွင် မြိတ်မြို့၊ ကန်ခေါင်းရပ်၊ စကားဝါလမ်းတွင် ရောင်းချနေသော A.A.A အမှတ်တံဆိပ်ဒိန်ချဉ်၊ ထိုးမုန့်အမျိုးမျိုးရောင်းချနေသောလုပ်ငန်းရှင်နှင့် တွေ့ဆုံကာ ကုန်အညွှန်းအမှတ်အသားပါရှိစေရေးအတွက် မြန်မာဘာသာဖြင့်ဖော်ပြရမည့် ကုန်အညွှန်းအမှတ်အသားအကြောင်း အသိပညာပေးတွေ့ဆုံဆွေးနွေးခဲ့ကြပါသည်။

        ကွင်းဆင်းစစ်ဆေးရာတွင် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာဆောင်ရွက်ရမည့်အချက်များ၊ မိမိထုတ်လုပ်သောထုတ်ကုန်များပေါ်တွင် မြန်မာဘာသာဖြင့် မဖြစ်မနေဖော်ပြရမည့်အချက်များ၊ ဘေးအန္တရယ်ကင်းရှင်းရေးနှင့် သက်တမ်းလွန်မုန့်များ ရောင်းချခြင်းမရှိစေရေးဆောင်ရွက်ရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(တနင်္သာရီ)

    စားသုံးသူရေးရာဦးစီးဌာန ၊  ကျန်းမာရေးဦးစီးဌာန၊ ကျောင်းကျန်းမာရေးအဖွဲ့တို့နှင့် ပူးပေါင်း၍ (၇-၁၀-၂၀၂၄) ရက် ၊ နံနက်(၀၉:၀၀) နာရီအချိန်တွင် ဓနုဖြူမြို့ရှိ  သပြုအ.ထ.က.ခွဲ အခြေခံပညာအထက် တန်းကျောင်းခွဲ၌ ကျောင်းမုန့်ဈေးတန်း (၆)ဆိုင်တွင် ရောင်းချနေသော စားသောက်ကုန်များကို ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကိုက်ညီမှုရှိ /မရှိ ‌ဈေးကွက် စောင့်ကြည့်စစ်ဆေးခဲ့ကြောင်း သိရသည်။

   ထိုသို့ဈေးကွက်စောင့်ကြည့်စစ်ဆေးရာတွင် စစ်ဆေးရေးအရာရှိ ဦးဝင်းမင်းစိုး ဦးစီးအရာရှိက ကျောင်းမုန့်ဈေးတန်းတွင် ရောင်းချနေသော အသင့်စားမုန့်အမျိုးမျိုးတို့ကို ကုန်အညွှန်းအမှတ်အသား ပြည်စုံစွာဖော်ပြထားမှုရှိ/မရှိ စစ်ဆေးဆောင်ရွက်ခြင်း၊ ကလေးသူငယ်များကို  ရောင်းချနေသည့် မြန်မာမုန့်များ၊ လက်သုပ်မုန့်များကို သန့်ရှင်းသောလက်အိတ်သုံး၍ ရောင်းချရန် မသန့်ရှင်းသော အစားအသောက်များ ရောင်းချမှုမရှိစေရေး ပညာပေးခြင်း၊  တိုင်းဒေသကြီး စားသုံးသူရေးရာ ကော်မတီက  သတ်မှတ်ထားသော ဦးစားပေးဆောင်ရွက်မည့်  ကုန်စည် (၁၀) မျိုးထဲမှ အချိုရည်နှင့် ယိုမျိုးစုံ၊ အသင့်ဖျော်ကော်ဖီ လက်ဖက်ရည်ထုတ်၊ အသင့်စားခေါက်ဆွဲခြောက်ထုတ် အမျိုးမျိုး၊ အသင့်စားမုန့်အမျိုးမျိုးတို့တွင် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါ သတ်မှတ်ချက်အတိုင်း ဈေးကွက်စောင့်ကြည့်စစ်ဆေးခြင်း၊ စားသုံးသူ အခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင် သည့် အတွက် တိုင်ကြားနိုင်သည့်နေရာများ၊ စားသုံးသူကာကွယ်ရေးနှင့် စပ်လျဉ်း၍ သက်ဆိုင်သော အကြောင်းများကို မေးမြန်းစုံစမ်းနိုင်သည့် Consumer Call Center 1535 အကြောင်းများ မုန့်ဆိုင်လုပ်ငန်းရှင်များကို ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဝန်ထမ်းများသည် အောက်တိုဘာလအတွက် သင့်တင့်မျှတသော ဆန်ဈေးကွက်ဈေးနှုန်းဖြင့်  Super Market, Mini Mart, Grocery  တို့တွင်  Consumer Packaging ပြုလုပ်ရောင်းချနေသောဆန်များသည် မြန်မာနိုင်ငံဆန်စပါးအသင်းချုပ် MRF မှ သတ်မှတ်ထုတ်ပြန်ထားသည့် ဈေးနှုန်းများအပေါ်ဈေးမြှင့်တင်ရောင်းချမှုရှိ/ မရှိ ကွင်းဆင်းစစ်ဆေးခဲ့ကြောင်းသိရှိရပါသည်၊၊

          ထိုသို့ကွင်းဆင်းစစ်ဆေးဆောင်ရွက်ရာမှာ ၈-၁၀-၂၀၂၄ ရက်နေ့တွင် မြောက်ဒဂုံမြို့နယ် Capital Supermarket နှင့် သင်္ဃန်းကျွန်းမြို့နယ် Junction (ဇဝန) အရောင်းစင်တာများရှိ ဆန်ဈေးနှုန်းများကိုစစ်ဆေးခဲ့ပြီး၊ တာဝန်ရှိသူအား စားသုံးသူပြည်သူများသို့ ဆန်များရောင်းချရာတွင် ဈေးနှုန်းမြှင့်တင်ရောင်းချခြင်းမပြုရန်နှင့် သင့်တင့်မျှတသော ဈေးနှုန်းဖြင့်သာရောင်းချပေးရန် အသိပညာပေးပြောကြားခဲ့ကြောင်းသိရှိရပါသည်။

DOCA(ရန်ကုန်)

    ဧရာဝတီတိုင်းဒေသကြီး၊ ဖျာပုံခရိုင်စားသုံးသူရေးရာဦးစီးဌာနမှ ဦးစီးအရာရှိ ဦးစိုးမင်းထိုက် (စစ်ဆေးရေးအရာရှိ)၊မြို့နယ်တာဝန်ခံ ဦးမင်းဇော် (စစ်ဆေးရေးအရာရှိ)နှင့် ဝန်ထမ်းတို့သည် စည်ပင်သာယာရေးအဖွဲ့နှင့် ပူးပေါင်း၍ ၂၀၂၄ ခုနှစ်၊ အောက်တိုဘာလ (၇) ရက်နေ့ ၊ နံနက် (၁၀:၀၀) နာရီအချိန်တွင် ဖျာပုံမြို့နယ်ရှိ အချိုရည်အရောင်းဆိုင်များ ကွင်းဆင်းစစ်ဆေးခဲ့ကြပါသည်။

    အဆိုပါ ကွင်းဆင်းစစ်ဆေးရာတွင် ဈေးကွက်အတွင်း ရောင်းချနေသော အချိုရည်ဘူးများ၌  ကုန်အညွှန်းအမှတ်အသားများပြည့်စုံမှုရှိ/မရှိ၊ သက်တမ်းလွန်အချိုရည်ဘူးများ ရောင်းချနေခြင်းရှိ/မရှိ ၊ FDA ထောက်ခံချက်များ ပြည့်စုံမှန်ကန်မှုရှိ/မရှိတို့ကို စစ်ဆေးခဲ့ကြပါသည်။ ထို့နောက် စားသုံးသူရေးရာဦးစီးဌာနမှ ဦးစိုးမင်းထိုက် (စစ်ဆေးရေးအရာရှိ)က ရောင်းချနေသော အချိုရည်ဘူးများနှင့်ပတ်သက်၍ ကုန်အညွှန်းအမှတ်အသား ဖော်ပြချက်များတွင် မြန်မာဘာသာဖြင့်ဖြစ်စေ ၊ မြန်မာဘာသာနှင့် အခြားဘာသာ တစ်ခုထက်ပို၍ တွဲလျက်ဖော်ပြထားသော အချိုရည်ဘူးများကိုသာရောင်းချကြရန်နှင့် ပါဝင်ပစ္စည်း၊ ထားသိုသိမ်းဆည်းပုံအညွှန်း၊ ဓာတ်မတည့်ကြောင်းဖော်ပြချက်၊ FDA ထောက်ခံချက်၊ Expired Dateများဖော်ပြထားရှိခြင်းရှိ/မရှိ တို့ကိုစစ်ဆေးခဲ့ကြရာ ပြည့်စုံမှန်ကန်ကြောင်းတွေ့ရှိရသဖြင့် ‌အချိုရည်အရောင်းဆိုင်များအနေဖြင့်လည်း ကုန်အညွှန်းအမှတ်အသား ဖော်ပြချက်များ ပြည့်စုံစွာ ပါဝင်သော အချိုရည်များကိုသာ ရောင်းချကြရန် အသိပညာပေးခဲ့ကြောင်း၊ ကွင်းဆင်းစစ်ဆေးမှုအရ သတင်းရရှိပါ သည်။

DOCA(ဧရာဝတီ)