သတင်းနှင့် လှုပ်ရှားမှုများ

ဖျာပုံခရိုင် ၊ ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးနှင့် ဝန်ထမ်းတို့သည် ၂၀၂၅ ခုနှစ်၊ ဇွန်လ ( ၂၅ ) ရက်နေ့ ၊ နံနက် (၁၀:၃၀) နာရီအချိန်တွင် (၄) ရက်ကွက် ၊ ပိတောက်လမ်းရှိ ဒေါ်တင်ဇာ ပိုင် စည်းစိမ်ခေါက်ဆွဲဖို လုပ်ငန်း သို့ ကွင်းဆင်းစိစစ်ခဲ့ကြပါသည်။ စည်းစိမ်ခေါက်ဆွဲဖို လုပ်ငန်းမှာ စားသောက်ကုန် ဖြစ်ပြီး ကုန်ကြမ်းဖြင့် ထုတ်လုပ်သော ထုတ်ကုန် ပစ္စည်းဖြစ်ပါသည်။ တစ်နေ့အသုံးပြုမှုမှာ ဆန်ကြမ်းအိတ် (၁) အိတ်ခွဲ အသုံးပြုရပြီး ထွက်ရှိသော မုန့်ပိဿာချိန်မှာ (၇၀) ပိဿာ ထုတ်လုပ်လျက်ရှိပါသည်။ မုန့်ဖတ် လက်လီ/ လက်ကား ဈေးတစ်ပိဿာ လျှင် (၂၈၀၀) ကျပ်ပေးရပြီး လုပ်သားဦးရေ (၄) ဦးရှိပြီး လုပ်သားတစ်ဦးလျှင် လုပ်သားခ (၁၈၀၀၀၀ - ၂၀၀၀၀၀) ကျပ်ပေးရပါသည်။ ဈေးကွက်အနေ ဖြင့် မြို့တွင်း၌သာ ရောင်းချ ပေးလျက်ရှိပါသည်။ မြို့နယ်တာဝန်ခံမှ ထုတ်လုပ်သော ကုန်စည်နှင့် ပက်သက်၍ ကုန်စည်အား အရည်အသွေး ပြည့်မီစွာ ထုတ်လုပ်နိုင်ရေး၊ ဈေးနှုန်းဈေးကွက်အခြေအနေများ ပြည့်မီစွာ မှန်ကန်စွာ ထုတ်လုပ်နိုင်ရေး နှင့် ထုတ်ကုန်လုံခြုံစိတ်ချရမှုရှိစေရေး ၊ စားသုံးသူများ ဘေးအန္တရာယ်ကင်းရှင်းစေရေးစေရေး၊ ဓာတု ဆိုးဆေးများ သုံးစွဲခြင်းမပြုစေရေး တို့ ဆွေးနွေးမှု အပေါ် သတင်းရရှိပါသည်။ DOCA(ဧရာဝတီ)

ဧရာဝတီတိုင်းဒေသကြီး၊ ဖျာပုံခရိုင် ၊ ဘိုကလေးမြို့နယ် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနရုံးတွင် စားသုံးသူရေးရာဦးစီးဌာနမှ မြို့နယ်တာဝန်ခံ စစ်ဆေးရေးအရာရှိ ဒေါ်ခင်စန်းအေးနှင့်ဝန်ထမ်းတို့သည် ၂၀၂၅ ခုနှစ်၊ ဇွန်လ (၂၅) ရက်နေ့ ၊ နံနက် (၁၀:၀၀) နာရီအချိန်တွင် စားသုံးသူကာကွယ်ရေး ဥပဒေအခန်းများမှ စစ်ဆေးရေး အရာရှိ၏ လုပ်ငန်းတာဝန်များ အကြောင်းကို အသိပညာပေး Talk Show ကျင်းပပြုလုပ်ခဲ့ကြပါသည်။ အဆိုပါ Talk Show တွင် စားသုံးသူကာကွယ်ရေး ဥပဒေအနေဖြင့် အခန်း (၂၄) ခန်း ၊ ပုဒ်မ (၈၄) ခုဖြင့် ပြဌာန်းထားရှိပြီး စစ်ဆေးရေးအရာရှိ၏ လုပ်ငန်းတာဝန်များကို အခန်း(၆) ပုဒ်မ (၁၄/၁၅/၁၆) တွင် ပြဌာန်းထားရှိပါသည်။ ပုဒ်မ (၁၄) အရ စစ်ဆေးရေးအရာရှိသည် တိုင်ကြားလာမှုအပေါ် စုံစမ်းစစ်ဆေးရန် (သို့) ဘေးအန္တရာယ်ရှိသည်ဟု ထင်မြင်ယူဆရသော ကုန်စည် (သို့) ဝန်ဆောင်မှုများကို စောင့်ကြည့်စစ်ဆေးရန်နှင့် ဈေးကွက်အတွင်းမှ ပပျောက်ရန်အလို့ဌာ ကုန်စည်နှင့် ဝန်ဆောင်မှု စစ်ဆေးရေး လုပ်ငန်းများ ဆောင်ရွက်ရန် တာဝန်ရှိပါကြောင်း နှင့် စစ်ဆေးရေးအရာရှိမှ ကုန်အညွှန်းအမှတ်အသား ဖော်ပြရမည့်အချက်များ ပါဝင်မှုရှိ/မရှိ စောင့်ကြည့်စစ်ဆေးခြင်း၊ဘေးအန္တရာယ်ရှိသည်ဟု ထင်မြင်ယူဆရသော ကုန်စည် (သို့) ဝန်ဆောင်မှုများ တွေ့ရှိသည်ဟု သတင်းရရှိပါက မှန်ကန်မှုရှိ/မရှိ စစ်ဆေးခြင်းနှင့် ပုဒ်မ (၁၆) အရ မိမိ၏ တာဝန်များကို ဆောင်ရွက်ရာတွင် လိုအပ်ပါက မြန်မာနိုင်ငံ ရဲတပ်ဖွဲ့၏ အကူအညီကို ရယူဆောင်ရွက်နိုင်ကြောင်း တိုင်း/ပြည်နယ်/ခရိုင် မြို့နယ်များ အားလုံး ဈေးကွက်ကွင်းဆင်းစစ်ဆေးမှုများကို စစ်ဆေးရေးအရာရှိများကသာ တာဝန်ယူစိစစ်လျက်ရှိကြောင်း အသိပညာပေး Talk Show ကျင်းပပြုလုပ်ခဲ့သည်ဟု သတင်းရရှိပါသည်။ DOCA(ဧရာဝတီ)

ဖျာပုံခရိုင်စားသုံးသူရေးရာဦးစီးဌာန ဦးစီးမှူး ဒေါ်ကေသွယ်ဝင်းသည် ၂၀၂၅ ခုနှစ်၊ ဇွန်လ (၂၃) ရက်နေ့၊နံနက်(၁၀:၀၀) နာရီအချိန်တွင် ဖျာပုံမြို့ ပြန်ကြားရေးနှင့် ပြည်သူ့ဆက်ဆံရေးဦးစီးဌာန Community Centre ခန်းမ၌ စားသုံးသူကာကွယ်ရေး အသိပညာပေး Talk Show ကျင်းပပြုလုပ်ခဲ့ ပါသည်။ စားသုံးသူရေးရာဦးစီးဌာန ဦးစီးမှူး ဒေါ်ကေသွယ်ဝင်းက စားသုံးသူကာကွယ်ရေး နှင့် ပက်သက်၍ စားသုံးသူ၏ အခွင့်အရေးနှင့် တာဝန်များ၊ စားသုံးသူများ လုံခြုံစိတ်ချရမှု ရှိစေရေးအတွက် ကုန်စည်နှင့် ဝန်ဆောင်မှုများ ဝယ်ယူခြင်းမပြုမီ သတိပြုဆောင်ရွက်ရမည့်အချက်များ၊ စားသုံးသူ ကာကွယ် ရေးဥပဒေ အခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ စားသုံးသူ များ ရွေးချယ်ဝယ်ယူခွင့် နှင့်၊ဈေးကွက်အတွင်း ရောင်းချနေသော ကုန်စည်များတွင် မြန်မာဘာသာဖြင့် ဖြစ်စေ၊ အခြားဘာသာတစ်ခုထက်ပို၍ ဖြစ်စေ ဖော်ပြထားသော ကုန်စည်များကို ရွေးချယ်ဝယ်ယူ စားသုံးကြရန်နှင့် စားသုံးသူများ နစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်သည့် စင်တာများ ဖွင့်လှစ်ထားရှိ ကြောင်း၊ Call Center 1535 သို့ ဆက်သွယ်တိုင်ကြားနိုင်ကြောင်း အသိပညာပေး Talk Show ပြုလုပ်ခဲ့ဟုသတင်းရရှိပါသည်။ DOCA(ဧရာဝတီ)