သတင်းနှင့် လှုပ်ရှားမှုများ

   ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်မှု အရ အလုံခရိုင်၊ မရမ်းကုန်းခရိုင်၊ ကျောက်တံတားခရိုင် တရားမဝင်ကုန်သွယ်မှုတိုက်ဖျက်ရေး အထူးအဖွဲ့ အတွင်းရေးမှူး စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူး ဦးအောင်တင်စိုး ဦးဆောင်သော ပူးပေါင်းအဖွဲ့သည် ၂၈.၈.၂၀၂၅ ရက်နေ့တွင် ကမ်းရိုးတန်းသွားရေယာဉ်များ ဆိုက် ကပ်သည့် ဆိပ်ကမ်းများဖြစ်သော ဝါးတန်းဆိပ်ကမ်းနှင့် ဗားကရာဆိပ်ကမ်းအား အကောက်ခွန် ဦးစီးဌာန၊ စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန၊ စိုက်ပျိုးရေးဦးစီးဌာန၊ မြန်မာ့ဆိပ်ကမ်း အာဏာပိုင်၊ အမှတ်(၃) ရေကြောင်းရဲတပ်ဖွဲ့စသည့် ပူးပေါင်းအဖွဲ့များဖြင့် ပူးပေါင်း၍ ရေယာဉ်များတွင် တင်ဆောင်ထားသော တင်ဆောင်ကုန်များအား ရှောင်တခင်ဝင် ရောက် စစ်ဆေးခဲ့ပြီး လက်နက် ခဲယမ်းများတင်ဆောင်မှု မရှိစေရေးအတွက် ရဲတပ်ဖွဲ့နှင့်ပူးပေါင်း ၍ စစ်ဆေးမှုများပြုလုပ်ခဲ့ကြောင်း သိရှိရပါသည်။

DOCA(ရန်ကုန်)

   စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်နီနီတိုး (စာရင်းကိုင်-၃ ) သည်(၂၈.၈.၂၀၂၅) ရက်နေ့တွင် ပုဇွန်တောင်မြို့နယ်၊ ပုဇွန်တောင်ဈေးအတွင်းရှိ စားဖိုဆောင် သုံးစားသောက်ကုန်များအား ကွင်းဆင်းစစ်ဆေးခဲ့ကြောင်းသိရှိရပါသည်။

   ထိုသို့ ကွင်းဆင်းစစ်ဆေးရာတွင် ပုဇွန်တောင်ဈေးအတွင်းရှိ စားဖိုဆောင်သုံးစားသောက် ကုန်များတွင် ဆီ(စားအုန်းဆီ)  တစ်ပိဿာ(၆၇၀၀)  ကျပ်၊  ပဲဆီ တစ်ပိဿာ ၂၁၀၀၀ ကျပ် ၊ ကြက်သွန်နီ တစ်ပိဿာ (၂၃၀၀) ကျပ် ၊ ကြက်သွန်ဖြူ (ရှမ်း)တစ်ပိဿာ (၁၂၀၀၀) ကျပ် ၊ (အမွှာ) တစ်ပိဿာ (၁၂၀၀၀) ကျပ်၊ (ဥတလုံး) တစ်ပိဿာ (၂၃၀၀၀) ကျပ်တို့ဖြစ်ပြီး အာလူးတစ်ပိဿာ ၆၀၀၀ ကျပ်၊ နနွင်းမှုန့်တစ်ပိဿာ (၂၀၀၀၀) ကျပ်၊ နနွင်းတက် တစ်ပိဿာ ၉၀၀၀ ကျပ်၊ အိုင်အိုဒင်းဆားတစ်ပိဿာ ၂၅၀၀ ကျပ် ၊  ရိုးရိုးဆား တစ် ပိဿာ (၂၀၀၀)ကျပ်၊  မန်ကျည်းသီးမှည့် တစ်ပိဿာ (၁၂၀၀၀) ကျပ်၊ ငရုပ်တောင့်(ရှည်) တစ် ပိဿာ (၁၄၀၀၀) ကျပ်၊ ငရုပ်တောင့်(ပု) တစ်ပိဿာ (၂၅၀၀၀) ကျပ်၊  မြန်မာပဲနီလေးတစ်ပိဿာ (၁၅၀၀၀) ကျပ်၊  ပဲဝါလေးတစ်ပိဿာ (၇၀၀၀) ကျပ်၊ ကုလားပဲခြမ်းတစ်ပိဿာ (၆၈၀၀) ကျပ်၊ ချင်းတစ်ပိဿာ (၅၀၀၀)ကျပ်တို့ဖြင့် အရောင်းအဝယ်ဖြစ်ပြီး ယခင်ဈေးနှုန်းနှင့် နှိုင်းယှဉ်ရာ ကုန်စည်ဒိုင်များတွင် ကုန်စည်စီးဆင်းဝင်ရောက်မှု နည်းပါးသဖြင့် ဈေးကွက်အတွင်း ဈေးအနည်းငယ်တက်ကြောင်း စုံစမ်းသိရှိရပါသည်။

DOCA(ရန်ကုန်)

   ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်၊ ထမလုံဈေးအတွင်း စားသုံးဆီ ခွဲတမ်းရရှိသည့် လက်လီလက်ကား ကိုယ်စားလှယ်များအား စားသုံးသူရေးရာဦးစီးဌာန၊ တောင်ပိုင်းခရိုင်ဦးစီးမှူးရုံး အစည်းအဝေးခန်းမ၌ ခရိုင်ဦးစီးမှူး ဦးအောင်စိုးမိုးမှ ခွဲတမ်းရရှိသည့် စားသုံးဆီများအား အိမ်ထောင်စုအလိုက် အလေးချိန်မှန်၊ ဈေးနှုန်းမှန်မှန်ကန်ကန်နှင့် ပြည့်ပြည့် ဝဝရောင်းချနိုင်ရေးအတွက် ဩဂုတ်လ(၂၇)ရက်နေ့၊ နေ့လည်(၁၃:၀၀)နာရီအချိန်တွင် တောင်ပိုင်း ခရိုင်ဦးစီးမှူးရုံး အစည်းအဝေးခန်းမတွင် ခေါ်ယူဆွေးနွေးခဲ့ကြောင်း သိရှိရပါသည်။

    အဆိုပါ ဆွေးနွေးပွဲတွင် စားသုံးသူရေးရာဦးစီးဌာန တောင်ပိုင်းခရိုင်ဦးစီးမှူး ဦးအောင်စိုးမိုး က တက်ရောက်လာသည့် စားသုံးဆီ ခွဲတမ်းရရှိသည့် ကိုယ်စားလှယ် (၃၅)ဦး တက်ရောက်ပြီး စားသုံးဆီများအား ရောင်းချရာတွင် စားသုံးသူပြည်သူများ လက်ဝယ်သို့ အိမ်ထောင်စုစာရင်း အလိုက် အလေးချိန်မှန်မှန်နှင့် ပြည့်ပြည့်ဝဝ ရောင်းချရန်၊ ရောင်းချရာတွင်လည်း အပတ်စဉ် တနင်္လာနေ့တိုင်း စားသုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီက ထုတ်ပြန်ကြေညာလျက်ရှိသည့် အခြေခံလက်ကားရည်ညွှန်းဈေးအပေါ် ဒေသအရောက် အမြတ် (၂%)ထက်မပိုသော ဈေးနှုန်းဖြင့်သာ ရောင်းချကြရန်၊ ဈေးနှုန်းမြှင့်တင်ရောင်းချခြင်း၊ ဈေးကစား ရန်ရည်ရွယ်ချက်ဖြင့် သိုလှောင်ခြင်း အပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူ ဆောင်ရွက်သွားမည်ဖြစ်ကြောင်း အကျယ်တဝင့် အသိပညာပေး ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

   ရန်ကုန်တိုင်းဒေသကြီး၊ တောင်ပိုင်းခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးရုံးမှ ဒုခရိုင်ဦးစီးမှူးနှင့်ဝန်ထမ်းများသည် သန်လျင်မြို့အတွင်း တစ်ပိုင်တစ်နိုင် ထုတ်ကုန်ထုတ်လုပ်သူ စီးပွားရေးလုပ်ငန်းရှင်အား တွေ့ဆုံပြီး စားသုံးသူရေးရာဦးစီးဌာနမှ ထုတ်ပြန်ထားသည့် အမိန့်နှင့် ညွှန်ကြားချက်များ စားသုံးသူကာကွယ်ရေး ဥပဒေအကြောင်းများနှင့် ကုန်အညွှန်းအမှတ်အသား များ ပြည့်စုံစွာထည့်သွင်းဖော်ပြနိုင်ရေးအတွက် ဩဂုတ်(၂၆)ရက်နေ့၊ နံနက်(၀၉:၃၀) နာရီအချိန် တွင် သန်လျင်မြို့နယ်ရှိ အမှတ်(၁)၊ အဓိပတိလမ်း (၂)ရပ်ကွက်ရှိ မုန့်ဟင်းခါး ထုတ်လုပ်ဖြန့်ဖြူး ရောင်းချသည့် စီးပွားရေးလုပ်ငန်းရှင်များနှင့် တွေ့ဆုံဆွေးနွေးခဲ့ပါသည်။

   ထိုသို့ တွေ့ဆုံရာတွင် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်များ၏ တာ ဝန်များ၊ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ဖော်ပြရမည့် အချက်အလက် အကြောင်းများ၊ မြန်မာနိုင်ငံစားသုံးသူကာကွယ်ရေးကော်မရှင်ညွှန်ကြားချက်အမှတ် (၂/၂၀၁၉)ပါ အကြောင်းများ မုန့်ဟင်းခါးဟင်းရည်ခြောက် ထုတ်လုပ်ရာတွင် ကုန်စည်အမျိုးအမည်၊ အရွယ် အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်းနှင့် ဓာတ်မတည့် ကြောင်း ဖော်ပြချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ ဖော်ပြရမည့်အကြောင်းများ၊ မုန့်ဟင်းခါးဟင်းရည် ခြောက် မုန့်ဖြစ်၍ သက်တမ်းကုန်ရက်စွဲကို မဖြစ်မနေထည့်သွင်းဖော်ပြရန် မှာကြားပြီး စားသုံးသူ များသာမက စီးပွားရေးလုပ်ငန်းရှင်များ အနေဖြင့် ဌာနမှဆောင်ရွက်နေသော လုပ်ငန်းများကို သိရှိလိုပါက ရုံးဖွင့်ရက် ရုံးချိန်အတွင်း Consumer Call Center No.1535 သို့ ဆက်သွယ်မေးမြန်း နိုင်ကြောင်း အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

          ၂၀၂၅ ခုနှစ်၊ ဩဂုတ်လ(၁၉)ရက်နေ့၊ နံနက်(၁၀း၀၀)နာရီအချိန်တွင် ကန့်ဘလူခရိုင်၊ ပတ်ဝန်းကျင်ထိန်းသိမ်းရေးဦးစီးဌာနရုံးခန်း၌ ကျင်းပပြုလုပ်သည့် အမျိုးသမီးနှင့်ပတ်ဝန်းကျင်ကဏ္ဍဆိုင်ရာ စွမ်းဆောင်ရည်မြှင့်တင်ရေးသင်တန်း ဖွင့်ပွဲအခမ်းအနားနှင့် သင်တန်းကို(၁၉.၈.၂၀၂၅) မှ (၂၁.၈.၂၀၂၅)ရက်နေ့ အထိ သင်တန်းဖွင့်လှစ်ပို့ချသွားမည်ဖြစ်ကြောင်း ထိုသင်တန်းသို့ ကန့်ဘလူခရိုင် စားသုံးသူရေးရာဦးစီး ဌာနမှဝန်ထမ်း(၂)ဦး တက်ရောက်ခဲ့ပါသည်။

          အဆိုပါသင်တန်းတွင် ပတ်ဝန်းကျင်ထိန်းသိမ်းရေးဦးစီးဌာန ခရိုင်တာဝန်ခံမှ အဖွင့်အမှာစကား ပြောကြားခြင်း၊ ဦးစီးဌာနဖြစ်ပေါ်လာပုံ၊ ဦးစီးဌာန၏ ရည်ရွယ်ချက်၊ ဝန်ကြီးဌာန၊ ဦးစီးဌာန၊ တိုင်း၊ ခရိုင်၊ မြို့နယ်တို့၏ ဖွဲ့စည်းထားရှိပုံများ၊ ဦးစီးဌာန၏ အထိမ်းအမှတ် အခမ်းအနားနေ့(၄)ခုရှိကြောင်း၊ ဝန်ကြီးဌာန/ဦးစီးဌာန၏ လက်ရှိလုပ်ငန်းဆောင်ရွက်နေမှုများအသေးစိတ်ရှင်းလင်းခြင်းနှင့် သင်တန်းတွင် “ပတ်ဝန်းကျင်ထိန်းသိမ်းရေးအကြောင်းသိကောင်းစရာ” ခေါင်းစဉ်ဖြင့် သင်တန်းဖွင့်လှစ်ပို့ချခဲ့ပါသည်။ ထိုသင်တန်းခေါင်းစဉ်အောက်တွင် မြန်မာနိုင်ငံ၏ပတ်ဝန်ကျင်ထိန်းသိမ်းရေးကြိုပမ်းမှုများ၊ လတ်တလော ပတ်ဝန်းကျင်ထိန်းသိမ်းရေးဆောင်ရွက်နေမှုများ၊ ပတ်ဝန်းကျင်ထိန်းသိမ်းရေးဆိုင်ရာမူဝါဒများ၊ ပတ်ဝန်းကျင်ထိန်းသိမ်းရေး နည်းဥပဒေများ၊ ပတ်ဝန်းကျင်ထိခိုက်မှုလျော့နိုင်ရန် အကြံပြုချက်များ၊ ပတ်ဝန်းကျင် ဆိုင်ရာကြုံတွေ့နေရမှုများ၊ ပတ်ဝန်းကျင်ထိန်းသိမ်းရေးဆောင်ရွက်ရန် လိုအပ်ရခြင်းအကြောင်းရင်းများ၊ တိုးမြှင့်ဆောင်ရွက်ရန်လိုအပ်သော ပတ်ဝန်းကျင်ထိန်းသိမ်းရေးလုပ်ငန်းများနှင့် သန်းရှင်းသော ပတ်ဝန်းကျင်နှင့် ကောင်းမွန်သောဂေဟစနစ်များ ရေရှည်ထိန်းသိမ်းနိုင်ရန်တို့ကို အကျယ်တဝင့် သင်တန်းပို့ချခဲ့ပြီး သင်တန်းသူ/သား(၂၀)ဦး တက်ရောက်ခဲ့ကြောင်း သတင်းရရှိပါသည်။

DOCA(စစ်ကိုင်း)