သတင်းနှင့် လှုပ်ရှားမှုများ

ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ဝန်ထမ်းများသည် ၂၆.၆.၂၀၂၂ နေ့(၁၂း၁၅) အချိန်တွင်လ မအူပင်မြို့ အ.ထ.က-၁ ကျောင်း မုန့်ဈေးတန်းအား ကွင်းဆင်းဈေးကွက်စောင့်ကြည့်စစ်းဆေးခဲ့ကြပါသည်။ ထိုသို့ စစ်ဆေးရာတွင် မိတ်ဖက်ဌာနများဖြစ်သော ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ကျန်းမာရေးလူ့စွမ်းအား အရင်းအမြစ်ဦးစီးဌာန၊ ပါတ်ဝန်းကျင်ထိန်းသိမ်းရေးဦးစီးဌာန ပူးပေါင်း ပါဝင်ဆောင်ရွက်ခဲ့ကြပြီး၊ စားသုံးသူရေးရာဦးစီးဌာန၊ နှ တာဝန်ရှိသူ စစ်ဆေးရေးမှူးက ကျောင်းမုန့်ဈေးတန်းရှိ ရောင်းချနေသောမုန့်များတွင် ကုန်အညွှန်းအမှတ်အသား ပါဝင်ခြင်းရှိ-မရှိကို စစ်ဆေးပြီး မုန့်ဆိုင်ရောင်းချသူများအား ကျောင်းမုန့်ဈေးတန်းတွင် ကုန်အညွှန်းအမှတ်အသားပြည့်စုံစွာပါရှိသော မုန့်များရောင်းချနေမှုကို တွေ့ရှိရပြီး စားသုံးရန်မသင့်သော မုန့်များနှင့် ကလေးများ ဝမ်းပျက်ဝမ်းလျောစေမည့် လက်လုပ်ချဉ်မုန့်များကို မရောင်းချရန်၊ မြန်မာထမင်းနှင့် ဟင်းများရောင်းချခြင်း၊ မြန်မာမုန့်များကို ယင်မနားစေဘဲ သန့်ရှင်းသပ်ရပ်စွာထားသိုရောင်းချရန်၊ ဈေးဆိုင်ခန်းပတ်ဝန်ကျင် သန့်ရှင်သပ်ရပ်မှုရှိစေရန်၊ ရောင်းချသူ ဆိုင်ရှင်များ တစ်ကိုယ်ရည်ကျန်းမာရေး စစ်ဆေးဆောင်ရွက်ပီဲးမှ ရောင်းချရန် တို့ကို အသိပညာပေးပြောကြားခဲ့ပြီး၊ ကျောင်းမုန်းဈေးတန်းရှိ မုန့်ဆိုင် (၁၂)အား ဈေးကွက်စောင့်ကြည့် စစ်ဆေး ခဲ့ကြောင်း သတင်းရရှိပါသည်။ DOCA(ဧရာဝတီ)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဧရာဝတီတိုင်း ဒေသကြီး၊ မအူပင်ခရိုင်ဦးစီးမှူးရုံး၊ ခရိုင်ဦးစီးမှူးနှင့်ဝန်ထမ်းများသည် (၂၇-၆-၂၀၂၅)ရက်နေ့ တွင် မအူပင်မြို့နယ်၊ မင်းလမ်းမကြီးပေါ်ရှိ “ကျား” ပဲမုန့်နှင့် မုန့်မျိုးစုံ ထုတ်လုပ်သော စားသောက်ကုန်လုပ်ငန်းသို့ ထုတ်လုပ်မှုနှင့် ဈေးနှုန်းဈေးကွက်အခြေအနေများနှင့် ကုန်အညွှန်းအမှတ်အသားဖော်ပြခြင်းနှင့် ပတ်သက်၍ စားသုံးသူရေးရာဦးစီးဌာနနှင့် အသေးစားစက်မှုလက်မှုလုပ်ငန်းဦးစီးဌာန တို့ပူးပေါင်း၍ ကွင်းဆင်းစစ်ဆေးခြင်းဆောင်ရွက်ခဲ့ ပါသည်။ ထိုသို့ကွင်းဆင်းစစ်ဆေးရာတွင် ပဲမုန့်ထုတ်လုပ်သူ လုပ်ငန်းရှင်အား စက်မှုလိုင်စင်းရှိ/မရှိနှင့် လိုင်စင်ရှိပါက သက်တမ်းတို့ဆောင်ရွက်ထားမှု ရှိမရှိကို စစ်ဆေးခြင်း၊ ဈေးကွက်မရောက်မှီ ကုန်စည်များ ထုတ်ကုန်လုံခြံစိတ်ချရမှု ရှိစေရေးနှင့် ဈေးကွက်ရောက်ပြီးကုန်စည်များ ဘေးအန္တရာယ်ကင်းစွာ ရောင်းချနိုင်ရေးကို လုပ်ငန်းခွင်အရောက် ကွင်းဆင်းစစ်ဆေးခဲ့ပြီး ကျန်းမာရေးနှင့်ညီညွှတ်စွာ ထုတ်လုပ်ရောင်းချနိုင်ရေး အသိပညာပေးခြင်းနှင့် ထုတ်လုပ်သော ပဲမုန့်၊ ဘဲဥမုန့်၊ အငံမုန့် ပေါင်မုန့်၊ ကိတ်မုန့် ထုတ်လုပ်နေမှုအဆင့်ဆင့်ကို ကြည်ရှုစစ်ဆေးခဲ့ပြီး စီးပွားရေးလုပ်ငန်းရှင်၏ တာဝန်များအကြောင်း၊ စားသောက်ကုန် အမျိုးမျိုးထုတ်လုပ်ရာတွင် ကုန်စည်များ၌ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်း ဆည်းပုံအညွှန်းနှင့် ဓါတ်မတည့်ကြောင်းဖော်ပြချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ ဖြစ်စေ၊ တွဲလျက်ဖြစ်စေ ဖော်ပြရမည်ဖြစ်ကြောင်းနှင့် ဈေးကွက်အတွင်းတင်ပို့ရောင်းချရာတွင် ကုန်အညွှန်းအမှတ်အသားများ ပြည့်စုံစွာပါရှိသည့် ကုန်ပစ္စည်း များကိုသာ ရောင်းချပါရန် အသိပညာပေးဆွေးနွေးခဲံ့ပြီး စစ်ဆေးဆောင်ရွက်ခဲ့ကြောင်း သိရသည်။ DOCA(ဧရာဝတီ)

ကယားပြည်နယ်၊ စားသုံးသူရေးရာဦးစီးဌာနမှ ၂၀၂၅ ခုနှစ်၊ ဇွန်လ ( ၂၄ )ရက်နေ့၊ နေ့လယ် (၁၄:၀၀)နာရီအချိန်တွင် ကယားပြည်နယ်အစိုးရအဖွဲ့ စီးပွားရေးရာဝန်ကြီးရုံးခန်း၌ ပြည်နယ်စားသုံး သူရေးရာကော်မတီ လုပ်ငန်းညှိနှိုင်းအစည်းအဝေး(၂/၂၀၂၅)ကျင်းပပြုလုပ်ဆောင်ရွက်ခဲ့ရာ ပြည်နယ် စားသုံးသူရေးရာကော်မတီ ဒုတိယဥက္ကဌ၊ အတွင်းရေးမှူးနှင့် အဖွဲ့ဝင်များ တက်ရောက်ခဲ့ကြပါသည်။ အဆိုပါ လုပ်ငန်းညှိနှိုင်းအစည်းအဝေးတွင် ပြည်နယ်စားသုံးသူရေးရာကော်မတီ ဥက္ကဌက အဖွင့်အမှာစကားပြောကြားခဲ့ပြီး စားသုံးသူရေးရာကော်မတီ အတွင်းရေးမှူးက အစည်းအဝေးတွင် တင်ပြထားသည့် အမှာစာများအား ဖတ်ကြားရှင်းလင်းပြီးနောက် တက်ရောက်လာသော အဖွဲ့ဝင် အသီးသီးက ဆွေးနွေးခဲ့ကြကြောင်း သတင်းရရှိပါသည်။ DOCA(ကယား)