သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ ခုနှစ်၊ ဇွန်လ( ၂၆ ) ရက်နေ့၊ နေ့လယ်(၁၄:၀၀)နာရီအချိန်တွင် ကယားပြည်နယ်ဦးစီးမှူးရုံး အစည်းအဝေးခန်းမ၌ ခေတ္တပြည်နယ် ဦးစီးမှူးက ဦးဆောင်၍ ကယားပြည်နယ် ဆီကုန်သည်နှင့် ဆီလုပ်ငန်းရှင်များအသင်းအား တွေ့ဆုံဆွေးနွေးမှု ဆောင်ရွက်ခဲ့ပါသည်။ အဆိုပါ တွေ့ဆုံဆွေးနွေးပွဲတွင် စားသုံးသူရေးရာဦးစီးဌာန၊ ခေတ္တပြည်နယ်ဦးစီးမှူးက ပြည်နယ်အစိုးရအဖွဲ့၏ ကြီးကြပ်လမ်းညွှန်မှုဖြင့် ယခင် လွိုင်ကော်မြို့ပေါ်တွင် စားအုန်းဆီ အရောင်းဆိုင်(၁၀)ဆိုင်ဖြင့် ရောင်းချပေးလျက်ရှိရာ ယခုအခါ အရောင်းဆိုင်(၂)ဆိုင် ထပ်မံတိုးချဲ့ပြီး စားအုန်းဆီအရောင်းဆိုင်(၁၂)ဆိုင်ဖြင့် ရောင်းချပေးသွားမည်ဖြစ်ပါကြောင်း၊ စားအုန်းဆီအရောင်း ဆိုင်များအနေဖြင့်လည်း စားအုန်းဆီများအား သတ်မှတ်အချိန်ကာလအတွင်း သတ်မှတ်ပမာဏ၊ သတ်မှတ်ဈေးနှုန်းအတိုင်း အလေးချိန်ပြည့်မီစွာဖြင့် ပြည်သူလူထုလက်ဝယ်အရောက် ရောင်းချသွားရန်လိုအပ်ကြောင်း၊ မိမိတို့ဌာနအနေဖြင့်လည်း ကြီးကြပ်ဆောင်ရွက် လျက်ရှိပါကြောင်း၊ ပြော ကြားခဲ့ပြီး ပြည်နယ်အတွင်းသို့ ပြည်သူများ ပြန်လည်ဝင်‌ရောက်နေထိုင်မှုများပြားလာခြင်းကြောင့် ဇွန်လ တတိယကြိမ် ထုတ်ယူရောက်ရှိလာသည့် စားအုန်းဆီများ၏ ရောင်းလိုအား၊ ဝယ်လိုအား အခြေအနေများအား တက်ရောက်လာကြသော ပြည်နယ်ဆီကုန်သည်နှင့်ဆီလုပ်ငန်းရှင်များအသင်းနှင့် အပြန်အလှန် ဆွေးနွေးခဲ့ကြောင်းနှင့် တွေ့ဆုံဆွေးနွေးပွဲအား နေ့လယ်(၁၆:၀၀)နာရီအချိန်တွင် ရုပ်သိမ်းခဲ့ကြောင်း သိရှိရပါသည်။ DOCA(ကယား)