သတင်းနှင့် လှုပ်ရှားမှုများ

       ပဲခူးတိုင်း‌ဒေသကြီး၊ သာယာဝတီခရိုင်၊ အုတ်ဖိုမြို့နယ်တွင် စားသုံးသူ၏ အခွင့်အရေးများတွင် စားသုံးသူသည် ကုန်စည်(သို့မဟုတ်) ဝန်ဆောင်မှုကို ဘေးအန္တရာယ်ကင်းရှင်းစွာ အသုံးပြုခွင့်ရရှိစေ ခြင်းသည် တစ်ခုအပါအဝင်ဖြစ်သည့်အတွက် စားသောက်ကုန်ပစ္စည်းများ ဈေးကွက်မရောက်မီ ကွင်းဆင်းစစ်ဆေးခြင်းကို အုတ်ဖိုမြို့နယ် စားသုံးသူရေးရာဦးစီးဌာန မြို့နယ်တာဝန်ခံရုံးမှ မြို့နယ် တာဝန်ခံနှင့် အုတ်ဖိုမြို့နယ်စည်ပင်သာယာရေးအဖွဲ့တို့ ပူးပေါင်း၍ ၂၁.၈.၂၀၂၅ ရက်နေ့ နေ့လယ် ၁၄း၀၀ နာရီတွင် အုတ်ဖိုမြို့နယ်အတွင်းရှိ Naing Zar ရေသန့်ထုတ်စက်ရုံအား  ကွင်းဆင်းစစ်ဆေး ခဲ့ပါသည်။

       ထိုသို့ကွင်းဆင်းစစ်ဆေးရာတွင် မြို့နယ်စည်ပင်သာယာရေးမှ ထုတ်လုပ်ခွင့်လိုင်ဆင်စစ်ဆေး ခြင်း၊သတ်မှတ်စည်းကမ်းချက်များနှင့်အညီ ရှိ/မရှိစစ်ဆေးခဲ့ပြီး စားသုံးသူရေးရာဦးစီးဌာန၊မြို့နယ် တာဝန်ခံမှစားသုံးသူကာကွယ်ရေး၊ ဥပဒေပါစီးပွားရေးလုပ်ငန်းရှင်၏ တာဝန်များရှင်းလင်းပြောကြား ပြီး ပြစ်မှုနှင့်ပြစ်ဒဏ်များအား အကျယ်တဝင့်ရှင်းလင်းဆွေးနွေးခဲ့ပါသည်။

DOCA(ပဲခူး)

        နိုင်ငံ့စီးပွားမြှင့်တင်ရေးရန်ပုံငွေစီမံကိန်းနှင့် အကျုံးမဝင်သည့်တောင်သူများအား သွင်းအားစု ဓာတ်မြေဩဇာများဖြန့်ဖြူးပေးအပ်ပွဲအခမ်းအနားကို (၂၄.၈.၂၀၂၅) ရက်နေ့တွင်  မြောင်းမြမြို့နယ်နှင့် ဝါးခယ်မမြို့နယ်တို့တွင်ပြုလုပ်ခဲ့ရာ တိုင်းဒေသကြီးဝန်ကြီးချုပ်ဦးတင်မောင်ဝင်းသည် တာဝန်ရှိသူများ နှင့် တက်ရောက်၍ တောင်သူများအား ဓာတ်မြေဩဇာများပေးအပ်ခဲ့သည်။

          ဦးစွာ တိုင်းဒေသကြီးဝန်ကြီးချုပ်ဦးတင်မောင်ဝင်းသည် တာဝန်ရှိသူများနှင့်အတူ မြောင်းမြ မြို့နယ်၊ ကျုံဝါးကျေးရွာရှိ နည်းပညာပြန့်ပွားရေးစင်တာတွင်ပြုလုပ်သည့် နိုင်ငံ့စီးပွားမြှင့်တင်ရေး ရန်ပုံငွေ စီမံကိန်းနှင့် အကျုံးမဝင်သည့်တောင်သူများအား သွင်းအားစုဓာတ်မြေဩဇာများ ဖြန့်ဖြူး ပေးအပ်ပွဲ အခမ်းအနားတက်ရောက်ခဲ့ပြီး တိုင်းဒေသကြီးဝန်ကြီးချုပ်က“ တိုင်းဒေသကြီးအတွင်း နည်းပညာပြန့်ပွားရေးစင်တာများဖွင့်လှစ်၍ တောင်သူများအားအသိပညာများပေးလုပ်ငန်းများ ဆောင်ရွက် ပေးလျက်ရှိပါကြောင်း၊ မြောင်း‌မြခရိုင်အားစံပြခရိုင်အဖြစ်သတ်မှတ်ထားရှိပါကြောင်းနှင့် စိုက်ပျိုးရေးတွင် ပန်းတိုင်အထွက်နှုန်းရောက်ရှိရုံသာမက သီးနှံစိုက်စွမ်းအားများလည်း တိုးတက်လာခဲ့ ပါကြောင်း၊ ယခုနှစ်သည်တိုင်းဒေသကြီးအနေဖြင့် သီးနှံစုံပန်းတိုင်အထွက်နှုန်းရောက်ရှိရမည့် နှစ်ဖြစ်ပါ ကြောင်းနှင့် မိုးစပါးသည်လည်းပန်းတိုင်အထွက်နှုန်းရောက်ရှိရမည်ဖြစ်ပါကြောင်း၊ စပါးအထွက်နှုန်းများ တိုးတက်ရန်အတွက် စိုက်နည်းစနစ်များပြောင်းလဲခြင်းနှင့် ကြဲခင်းစနစ်များပပျောက်အောင် ဆောင်ရွက် ရမည်ဖြစ်ပါကြောင်း၊ တစ်ဧကအထွက်နှုန်းများတိုးတက်ရန်အတွက် သဘာဝမြေဩဇာ၊ ဓာတ်မြေဩဇာ များကို အချိန်ကိုက် အချိုးကျထည့်သွင်းရန် လိုအပ်မည်ဖြစ်ပါကြောင်း၊ ကြဲခင်းစနစ်များပပျောက်စေရန် ပျိုးထောင်စိုက်ပျိုးခြင်းများ၊ ကောက်စိုက်စက်များ၊ ကောက်စိုက်သမများ၊ မျိုးစေ့ချကိရိယာ(Drum Seeder) များဖြင့် စိုက်ပျိုးခြင်းများ ဆောင်ရွက်လျက်ရှိပြီး ယခုနှစ်နွေစပါးစိုက်ရာသီတွင် ကြဲခင်းများ လုံးဝပပျောက် စေရေးအတွက် မျိုးစေ့ချကိရိယာ(Drum Seeder)များဖြင့် စိုက်ပျိုးခြင်းများ ပိုမို ဆောင်ရွက်နိုင်စေရေး မျိုးစေ့ချကိရိယာ (Drum Seeder) များ ပိုမိုထုတ်လုပ်ဆောင်ရွက်သွားမည် ဖြစ်ပါကြောင်း၊ တိုင်းဒေသကြီးအနေဖြင့် မိုးစပါးနွေစပါး(၅၂)သိန်းကျော်စိုက်ပျိုးလျက်ရှိပြီး နိုင်ငံ့ စီးပွားရေးမြှင့်တင်ရေးရန်ပုံငွေများဖြင့် တောင်သူများအား သွင်းအားစုများပေးအပ်ခဲ့ပါကြောင်း၊ ဝယ်ယူ ကြိတ်ခွဲတင်ပို့သူအစုအဖွဲ့အနေဖြင့်လည်း Contract Farming စနစ်ဖြင့် အကျိုးတူပူးပေါင်း ဆောင်ရွက်ခြင်း နှင့်ယခုတွင် နိုင်ငံ့စီးပွားမြှင့်တင်ရေးရန်ပုံငွေစီမံကိန်းနှင့် အကျုံးမဝင်သည့် တောင်သူ များအား သွင်းအားစုဓာတ်မြေဩဇာများ ဖြန့်ဖြူးဆောင်ရွက်ပေးလျက်ရှိပါကြောင်း၊ နိုင်ငံ့စီးပွားမြှင့်တင် ရေးနှင့် အကျုံးမဝင်သည့် တောင်သူများအား ဓာတ်မြေဩဇာများ တိုက်ရိုက်သက်သာစွာ ဖြန့်ဖြူးပေး ခြင်းဖြင့် ပန်းတိုင် အထွက်နှုန်းရရှိရေးအတွက် များစွာအထောက်အပံ့ရမည်ဖြစ်ကြောင်း၊ တောင်သူကြီး များ အနေဖြင့်လည်း မိုးစပါးပန်းတိုင်အထွက်နှုန်းရောက်ရှိရေးသာမက သီးနှံစုံပန်းတိုင်အထွက်နှုန်း ရောက်ရှိရေးအတွက်လည်း တတ်နိုင်သည့်ဘက်မှဝိုင်းဝန်းကြိုးပမ်းဆောင်ရွက်သွားကြစေလိုကြောင်း” မှာကြားခဲ့ပြီး တိုင်းဒေသကြီးဝန်ကြီးချုပ်သည် တာဝန်ရှိသူများနှင့်အတူ တောင်သူများအား သွင်းအားစု မြေဩဇာများပေးအပ်ခဲ့ကြောင်း သတင်းရရှိပါသည်။

DOCA (ဧရာဝတီ)

        စက်မှုကြီးကြပ်ရေးနှင့်စစ်ဆေးရေးဦးစီးဌာန ၊ တိုင်းရုံးတွင် ဩဂုတ်လ (၂၅) ရက်နေ့ ၊ ၁၄:၀၀ နာရီ ပုဂ္ဂလိကစက်မှုလုပ်ငန်းကြီးကြပ်ရေးအဖွဲ့၏ ၈/၂၀၂၅ လုပ်ငန်းညှိနှိုင်းအစည်းအဝေး ကျင်းပ ပြုလုပ်ရာ စားသုံးသူရေးရာဦးစီးဌာန ၊ အထွေထွေအုပ်ချုပ်ရေးဦးစီးဌာနအပါအဝင် ဌာနဆိုင်ရာများ တက်ရောက်ခဲ့ပါသည်။

          ပုဂ္ဂလိကစက်မှုမှတ်ပုံတင်လျှောက်ထားလာသည့် ကွင်းဆင်းစစ်ဆေးပြီးသော လုပ်ငန်း (၃၀) ခုအား စက်မှုမှတ်ပုံတင်ခွင့်ပြုရန်အတွက် ဆွေးနွေးခဲ့ပါသည်။ ၂၀၂၅-၂၀၂၆ ဘဏ္ဍာရေးနှစ် မေလ အတွင်း သက်တမ်းစေ့ရောက်သော်လည်း သက်တမ်းတိုးမြှင့်ခြင်း မရှိသည့်လုပ်ငန်း (၁၇) ခုအား မှတ်ပုံတင်စာရင်းမှ ပယ်ဖျက်ရန် ဆွေးနွေးခဲ့ပါသည်။ ကွင်းဆင်စစ်ဆေးပြီးသော လုပ်ငန်း (၃၀) ခုမှာ ပုဂ္ဂလိကစက်မှုမှတ်ပုံတင်ရန် သက်ဆိုင်ရာဌာနများဖြစ်သော စည်ပင် ၊ မီးသတ် ၊ ကျန်းမာရေး ၊ လျှပ်စစ်၊ ခစဖ ၊ ပတ်ဝန်းကျင် ၊ သစ်တောဌာနတို့မှ အထောက်အထားများ ပြည့်စုံစွာတင်ပြလာမှုအပေါ် အဖွဲ့မှ ထောက်ခံတင်ပြခဲ့ပြီး အဖွဲ့ဝင်များ၏ သဘောထားမှတ်ချက်နှင့်အတူ ရုံးချုပ်သို့ တင်ပြနိုင်ရေး ဆွေးနွေး ဆုံးဖြတ်ခဲ့ပါသည်။

DOCA (ဧရာဝတီ)

     ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် အမှတ်၂ ရပ်ကွက် ရုံးရှေ့တွင် ၂၇-၈-၂၀၂၈ ရက်နေ့ နံနက် (၈:၀၀)နာရီအချိန်က ပြည်သူများကို သတ်မှတ်ရည်ညွှန်ဈေးဖြင့် ရောင်းချပေးလျက်ရှိကြောင်း သိရသည်။

       ဆီရောင်းချရာတွင် ရပ်ကွက်အုပ်ချုပ်ရေးမှူးများ၊ မြို့နယ်စည်ပင်သာယာရေးအဖွဲ့၊ ဆီကုန်သည်များ အသင်း ကြီးကြပ်မှုဖြင့် ဆီပိဿာ ၁၁၀ပိဿာ အား သတ်မှတ်ရည်ညွှန်ဈေးနှုန်းဖြင့် ၁ပိဿာ ၆၇၀၀ကျပ်၊ လူတစ်ဦးလျှင် ၅၀ကျပ်သား လွပ်လပ်စွာဝယ်ယူနိုင်ရေး၊ ဒေသတွင် ပြည်သူများ စားအုန်းဆီဖူလုံစွာ ဝယ်ယူနိုင်ရေးအတွက် စီစဉ် ဆောင်ရွက်ပေးလျက်ရှိကြောင်း ယခုလို ဆီရောင်းချခြင်းလုပ်ငန်းကို စားသုံးသူရေးရာဦးစီးဌာန’ ညွှန်ကြားချက် များအတိုင်း ရော်ငးချပေးခြင်း အခြားသော ဌာနများကြီးကြပ် မတ်ဆောင်ရွက်မှုဖြင့် တစ်လလျှင် ၂ကြိမ် ခန့် ရပ်ကွက်နှင့် ကျေးရွာများသို့ ရောင်းချပေးသွားမည်ဖြစ်ကြောင်း သိရပါသည်။

DOCA(ဧရာဝတီ)

       ဧရာဝတီတိုင်းဒေသကြီး၊ မအူပင်ခရိုင် စားသုံးသူရေးရာကော်မတီ၏ ဒုတိယအကြိမ်မြောက် လုပ်ငန်း ညှိနှိုင်းအစည်းအဝေးကို ၂၆.၈.၂၀၂၅ ရက်နေ့ ၊ နေ့လယ်  (၁၄:၀၀) နာရီအချိန်တွင် မအူပင်ခရိုင် အထွေထွေ အုပ်ချုပ်ရေး ဦးစီးဌာန အစည်းအဝေးခန်းမတွင် ကျင်းပပြုလုပ်ခဲ့ပါသည်။

        အစည်းအဝေးတွင် မအူပင် ခရိုင်စားသုံးသူရေးရာကော်မတီဥက္ကဌ မှ အဖွင့်အမှာစကားပြောကြားရာ ပြည်သူများအတွက် အစားအသောက်၊ ကုန်ပစ္စည်း သုံးစွဲမှုဟာ ညေးကင်းရျင်းစေဖို့ အရေးကြီးကြောင်း၊ စားသုံးသူအခွင့်အရေးနှင့် အကျိုးစီးပွာကာကွယ်ရေးလုပ်ငန်းသည် အဓိကအလေးထား ဆောင်ရွက်ပေးဖို့ လိုအပ်ကြောင်း၊ ဈေးကွက်တွင်း စစ်ဆေးခြင်းများ၊ အသိပညာပေးခြင်းများ၊ ထုတ်ကုန်မလုံခြုံသော ကုန်စည်များ ပပျောက်စေရန် အရေးကြီးကြောင်း၊ စားသုံးသူနစ်နာမှု မရှိစေရေး အောက်ခြေအထိ အသိပညာပေးခြင်းလုပ်ငန်းများကို ဆောင်ရွက်သင့်ကြောင်း အမှာစကားပြောကြားခဲ့သည်။ ဆက်လက်၍  အတွင်းရေးမှူး မှ အထက်ဌာနများ၏ ညွှန်ကြားချက်များနှင့် အမှာစာများကိုဆွေးနွေးခဲပြီး အခြား သက်ဆိုင်ရာဌာနအဖွဲ့ဝင်များက စားသောက်ဆိုင်ဝန်ဆောင်မှု လုပ်ငန်းများကို မကြာခဏ စစ်ဆေးဆောင်ရွက်ရန်လိုအပ်ကြောင်း၊ စားသုံးသူများ နေ့စဉ် ထိတွေ့မှု အများဆုံးရှိသော စားသောက်ဆိုင်များတွင် သန့်ရှင်သပ်ရပ်စွာ ကိုင်တွယ်ခြင်း၊ ဝန်ဆောင်မှု ပေးနိုင်ရန်အတွက် ဆောင်ရွက်ပေးသင့်ကြောင်း၊ ဌာနများ၏ လမ်းညွှန်ချက်များအတိုင်း လိုက်နာမှုမ၇ှိသော လုပ်ငန်းများကို ထိရောက်စွာ အရေးယူဆောင်ရွက်သင့်ကြောင်း၊ စားသုံးသူကာကွယ်ရေး ကော်မတီသည် ခရိုင်မြို့နယ်အတွင်း အဓိကအရေးပါသော အဖွဲ့အစည်းဖြစ်၍ ပြည်သူများ ဘေးအန္တရာယ်ကင်းစွာ ကုန်စည်နှင့် ဝန်ဆောင်မှု ကဏ္ဍများကို အသုံးပြုနိုင်ရန် ကာကွယ်ဆောင်ရွက်နိုင်ရန်လိုအပ်ကြောင်း ဆွေးနွေးကြသည်။  မအူပင် ခရိုင်စားသုံးသူရေးရာကော်မတီဥက္ကဌ မအူပင် ခရိုင်စားသုံးသူရေးရာကော်မတီဥက္ကဌ နိဂုံးချုပ်အနေဖြင့် အဖွဲ့ဝင်များက အစည်းအဝေးကို ဆောင်ရွက်ရာတွင် ကဏ္ဍအသီးသီးအလိုက် တင်ပြဆွေးနွေးနိုင် ရန်နှင့် အခြေခံလူတန်းစားမှ ၊ အလွှာအသီးသီး လူတန်းစားမခွဲခြားပဲ စားသုံးသူ တန်းတူအခွင့်အရေး ရရှိရေး အခြေခံအဆင့်ဆင့် ဆွေးနွေးတင်ပြနိုင်ရန်လိုအပ်ကြောင်း အထက်ဌာန၏ အမိန်၊ ညွှန်ကြားချက်များနှင့် အညီ ဆောင်ရွက်ရန်ကို အသိပေးမှာကြား ဆွေးနွေးခဲ့ပြီး အစည်းအဝေးကို (၁၅:၃၀)နာရီတွင် ရှုပ်သိမ်းခဲ့ကြောင်း သိရပါသည်၊၊

DOCA(ဧရာဝတီ)