သတင်းနှင့် လှုပ်ရှားမှုများ

    ၂၀.၉.၂၀၂၄ ရက်နေ့တွင် စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံသည် မော်လမြိုင်မြို့၊ မြိုင်သာယာရပ်ကွက်ရှိ အိမ်တွင်းမှုတစ်ပိုင်တစ်နိုင် ထုတ်လုပ်သည့် “ရွှေလက်ရာ” အမှတ်တံဆိပ် ဝဥကြာဇံမာလာနှင့် မာလာရှမ်းကော အသင့်စားလုပ်ငန်းသို့ ကွင်းဆင်းလေ့လာခဲ့သည်။

    ထိုသို့ ကွင်းဆင်းရာတွင် မော်လမြိုင်မြို့နယ်တာဝန်ခံက တစ်လထုတ်လုပ်နိုင်မှု၊ ရောင်းချဖြန့်ဖြူးသည့် ဈေးကွက်အခြေအနေ၊ ဈေးနှုန်းအခြေအနေများ၊ အလုပ်အကိုင်ဖန်တီးပေးနိုင်မှုအခြေအနေများအား ဆွေးနွေးမေးမြန်းခဲ့ပြီး လုပ်ငန်းရှင်က တစ်လလျှင် မာလာရှမ်း ကောဘူးပေါင်း (၆၀၀၀) ဝန်းကျင်ခန့် ထုတ်လုပ်ကြောင်း၊ ၎င်းတို့၏ ထုတ်ကုန်ပစ္စည်းများကို မော်လမြိုင်မြို့ပေါ် Super Market များ၊ ရန်ကုန်၊ မန္တလေးနှင့် ဒေသအသီးသီးသို့ ဖြန့်ဖြူးကြောင်း လုပ်သားအင်အား (၁၂) ဦးအလုပ်အကိုင်ဖန်တီးပေးနိုင်ကြောင်း ပြန်လည်ဆွေးနွေးခဲ့ပါသည်။ ထို့နောက် မော်လမြိုင်မြို့နယ် တာဝန်ခံက ကုန်အညွှန်းအမှတ်အသားဖော်ပြချက် များနှင့် စပ်လျဉ်း၍ စားသုံးသူကာကွယ်ရေး ဥပဒေနှင့်အညီ လိုက်နာဆောင်ရွက်ရန် ဆွေးနွေးခဲ့ပါသည်။

DOCA(မွန်)

     ၂၀၂၄  ခုနှစ်၊ စက်တင်ဘာလ ၂၃ ရက်နေ့၊ နံနက် ၁၀း၀၀ နာရီအချိန်တွင် စားသုံးသူ‌ရေးရာဦးစီးဌာန၊ တနင်္သာရီတိုင်း‌ဒေသကြီးဦးစီးမှူးရုံး အစည်းအဝေးခန်းတွင် ဝန်ထမ်းစွမ်းဆောင်ရည် မြှင့်တင်ရေးသင်တန်း(၁/၂၀၂၄)ကို ကျင်းပပြုလုပ်ခဲ့ပါသည်။ အဆိုပါသင်တန်းတွင် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၊ ဦးစိုးဦးမှ အဖွင့်အမှာစကားပြောကြားခဲ့ပြီး ရင်းနှီးမြှပ်နှံမှု နှင့်ကုမ္ပဏီများညွှန်ကြားမှုဦးစီးဌာန၊ ဒုတိယညွှန်ကြားရေးမှူး၊ ဒေါ်သန်းသန်းနုမှ မြန်မာနိုင်ငံ ရင်းနှီးမြှုပ်နှံမှုဥပဒေ၊ နည်းဥပဒေ၏ ထူးခြားချက်များ၊ SOP လုပ်ငန်းစဥ်များ၊ မိမိတို့ဦးစီးဌာနမှ ဆောင်ရွက်ပေးသည့်လုပ်ငန်းစဉ်များအကြောင်းရှင်းလင်းပို့ချခဲ့ကာ ဆက်လက်၍ တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ညွှန်ကြားရေးမှူး၊ ဒေါ်မြင့်မြင့်ခိုင်မှသတင်း ဆောင်းပါးများရေးသားရာတွင် လိုက်နာဆောင်ရွက်ရမည့်အချက်အလက်များနှင့်သတင်းဆောင်းပါးရေးသားပုံ၊ ရေးသားနည်းများကို သင်တန်းသားများအား ရှင်းလင်းပို့ချခဲ့ကာ သင်တန်းမနက်ပိုင်းအား ရုပ်သိမ်းခဲ့ပါသည်။

    ဒုတိယပိုင်းတွင် တိုင်းဒေသကြီး အစားအသောက်နှင့်ဆေးဝါးကွပ်ကဲရေးဦးစီးဌာနမှ တိုင်းတာဝန်ခံ၊ ဦးလင်းကျော်ဇံစိုးမှ ကောင်းမွန်သောဆေးဝါးရောင်းချမှု ကျင့်စဉ်များအ‌ကြောင်း၊ ဆေးဝါးနှင့်ဆေးဝါးအမျိုးအစားများအား ရှင်းလင်းပို့ချခဲ့ပါသည်။

     အဆိုပါသင်တန်းအား တိုင်းဒေသကြီးဦးစီးမှူးရုံး၊ မြိတ်ခရိုင်နှင့်ကော့သောင်းခရိုင်ဦးစီးမှူးရုံးတို့မှ  အရာထမ်း၊အမှုထမ်း (၂၃) ဦးတို့မှ Physical၊ Virtual စနစ်ဖြင့် တက်ရောက်ခဲ့ကာ သင်တန်းကာလမှာ (၂၃.၉.၂၀၂၄) ရက်နေ့မှ (၂၄.၉.၂၀၂၄) ရက်နေ့ထိ ကျင်းပပြုလုပ်မည်ဖြစ်ကြောင်း သိရှိရပါသည်။

DOCA(တနင်္သာရီ)

   တနင်္သာရီတိုင်းဒေသကြီး၊ မြိတ်မြို့အတွက် စားအုန်းဆီများကို ရန်ကုန်မြို့ဆီကုမ္ပဏီများမှ ဖြန့်ခွဲရောင်းချပေးလျက်ရှိရာ Mahar Phone Let Yone ကုမ္ပဏီမှ မြိတ်ဆီကိုယ်စားလှယ်သို့ ရောင်းချပေးသော စားအုန်းဆီ ၅၇ ပေပါ (သို့) ပိဿာ ၆၂၇၀ကို တင်ဆောင်လာသောမော်တော်ယာဥ်သည် ၂၀၂၄ ခုနှစ်၊ စက်တင်ဘာလ(၂၃) ရက်နေ့တွင် မြိတ်မြို့သို့ ရောက်ရှိလာခဲ့ကြောင်း သိရှိရပါသည်။

    အဆိုပါစားအုန်းဆီများကို မြိတ်ခရိုင်စားသုံးသူရေးရာဦးစီးဌာနမှ သွားရောက်စစ်ဆေးခဲ့ပြီး ရည်ညွှန်း‌စျေး၊ သယ်ယူပို့ဆောင်ကုန်ကျစရိတ်နှင့် ၂% အမြတ်တို့ဖြင့် လက်လီဆိုင်များသို့ ခွဲဝေရောင်းချပေးသွားမည်ဖြစ်ကြောင်း၊ လက်လီဆိုင်များမှ ပြည်သူများသို့ ပြန်လည်ရောင်းချမည်ဖြစ်ကြောင်း ဆီကိုယ်စားလှယ်ထံမှ သိရှိရပါသည်။

DOCA(တနင်္သာရီ)

        မကွေးတိုင်းဒေသကြီး၊ ဂန့်ဂေါခရိုင်ဦးစီးမှူးရုံးမှ ဒုတိယဦးစီးမှူးနှင့်ဝန်ထမ်းသည် စားသုံးသူများ ဘေးကင်းလုံခြုံစိတ်ချရမှုရှိစေရေး၊ ကုန်စည်နှင့်ဝန်ဆောင်မှုကို ဝယ်ယူသုံးစွဲရာတွင် နစ်နာဆုံးရှုံးမှုမဖြစ်ပေါ်စေရေးရည်ရွယ်၍ (၁၉-၉-၂၀၂၄)ရက်နေ့၊ နံနက်(ဝ၉:၀၀)နာရီအချိန်တွင် ဂန့်ဂေါမြို့၊ အခြေခံပညာအလယ်တန်းကျောင်း (မြောက်ကုန်း) ၌ စားသုံးသူကာကွယ်ရေးအသိပညာပေးဟောပြောပွဲကျင်းပပြုလုပ်ခဲ့ကြောင်းသိရသည်။

         အဆိုပါဟောပြောပွဲတွင် ဒုတိယဦးစီးမှုးက စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ၊ ကုန်စည်၊ ဝန်ဆောင်မှုနှင့်စပ်လျဉ်း၍ ဝယ်ယူရာတွင် နစ်နာဆုံးရှုံးမှု ဖြစ်ပေါ်ပါက တိုင်ကြားခွင့်၊ ကုစားခွင့်ရရှိနိုင်သည့်အကြောင်းအရာများနှင့် တိုင်ကြားနိုင်သည့်နေရာများအား အသေးစိတ်ရှင်းလင်းဆွေးနွေးခဲ့ကြောင်းသိရှိရပါသည်။

DOCA(မကွေး)

       မကွေးတိုင်းဒေသကြီး၊ မကွေးခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့်ဝန်ထမ်းသည် (၂၀-၉-၂၀၂၄)ရက်နေ့၊ နံနက်(၀၈:၃၀)နာရီအချိန်တွင် မကွေးမြို့၊ ဆည်မြောင်းစျေး၌ အစားအသောက်နှင့်ဆေးဝါးကွပ်ကဲရေးဦးစီးဌာန၊ ရပ်ကွက်အုပ်ချုပ်ရေးမှူးတို့နှင့်ပူးပေါင်းပြီး စျေးကွက်အတွင်းရှိ စားသောက်ကုန်များအား နမူနာဝယ်ယူ၍ Mobile Lab Van စစ်ဆေးဆောင်ရွက်ခဲ့ကြောင်းသိရသည်။

          နမူနာဝယ်ယူ၍ Mobile Lab Van ဖြင့် ချက်ချင်းစစ်ဆေးခဲ့သော လက်ဖက်၊ မုန့်ဖက်၊ သရက်ချဉ်၊ ဇီးဖြူသီးထောင်း၊ ကြက်သွန်ချဉ်နှင့် မျှစ်အဝါတို့၌ ခွင့်မပြုတာရှည်ခံဆေးနှင့် ချွတ်ဆေးများသုံးစွဲထားခြင်းမရှိကြောင်းကိုစစ်ဆေးတွေ့ရှိရပြီး ကျန်ရှိသော ငရုတ်သီးမှုန့်၊ အရောင်တင်မှုန့်၊ ပဲခွက်၊ ငါးပိထောင်း၊ ဝက်အူချောင်းနှင့် ပဲသွေးတို့အား အစားအသောက်နှင့် ဆေးဝါးကွပ်ကဲရေးဦးစီးဌာနပိုင် ဓာတ်ခွဲခန်းသို့ ယူဆောင်စစ်ဆေးပြီး ခွင့်မပြုတာရှည်ခံဆေးနှင့် ခွင့်မပြုချွတ်ဆေးများသုံးစွဲထားကြောင်းကိုတွေ့ရှိပါက ကုန်စည်ပိုင်ရှင်များအား အရေးယူဆောင်ရွက်သွားမည်ဖြစ်ကြောင်းသိရှိရပါသည်။

DOCA(မကွေး)