သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်အထွေထွေအုပ်ချုပ်ရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စည်ပင်သာယာရေးအဖွဲ့တို့သည် စားသုံးသူရေးရာဦးစီးဌာနနှင့်အတူ (၄-၉-၂၀၂၄) ရက်နေ့၊ နံနက် (၀၉:၃၀) နာရီအချိန်၌ ဓနုဖြူမြို့ပေါ်ရှိ ဆေးဆိုင် (၆)ဆိုင်တွင် ရောင်းချနေသောဆေးများအား ဈေးကွက်စောင့်ကြည့်စစ်ဆေးခဲ့ပါသည်။

        ထိုသို့ကွင်းဆင်းစစ်ဆေးမှုအရ စားသုံးသူရေးရာဦးစီးဌာနမှ မြို့နယ်ဦးစီးမှူး ဦးဝင်းမင်းစိုး (ဦးစီးအရာရှိ) နှင့် မြို့နယ်အစားအသောက်နှင့်ဆေးဝါးကြီးကြပ်မှုကော်မတီအဖွဲ့၊ စစ်ဆေးရေးဌာနစုံအဖွဲ့သည် ဓနုဖြူမြို့မဈေးအတွင်းရှိ  မိဘမေတ္တာ၊ လမင်းသစ်၊ ဦးတင်အေး(၂)၊ ရွှေတြိဂံ၊ ဦးတင်အေး (၁)၊ သိန်းကမ္ဘာ ဆေးဆိုင်များတွင် ဆေးဝါးပြတ်လပ်မှုရှိ/မရှိ၊ စံမမီဆေးဝါးများ ရောင်းချမှုရှိ/မရှိကိုစစ်ဆေးခဲ့ပြီး ဓနုဖြူမြို့နယ်အတွင်း ဆေးဝါးပြတ်လပ်မှုကြီးကြီးမားမားမရှိဘဲ ကုမ္ပဏီကို ဆေးများမှာယူသည့်အခါ ရက်အနည်းငယ်ထိစောင့်ရခြင်းသာရှိပြီး ဈေးနှုန်းအနေဖြင့် သယ်ယူစရိတ်ကြီးမြင့်မှုကြောင့် ယခင်ထက် ဈေးနှုန်းအနည်းငယ်မြင့်တက်လာကြောင်းစစ်ဆေးသိရှိရပြီး မြို့အတွင်းရောင်းချသည့်ဆိုင်များ၊ ဈေးကွက်တွင် ကုန်ပစ္စည်းပြတ်လပ် သွားမည်ကို မစိုးရိမ်ကြရန်နှင့် ပုံမှန်လည်ပတ်ရောင်းချရန် လိုအပ်သည်များကိုမှာကြားခဲ့ပြီး  ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်၌ ၄-၉-၂၀၂၄ ရက်နေ့၊ နံနက်ပိုင်းတွင် သတ်မှတ်ရည်ညွှန်းစျေးဖြင့် ရောင်းခြင်းရှိ/မရှိနှင့် ဆန်ဈေးကွက်ဖြစ်ပေါ်မှုအခြေအနေ၊ စားသုံးသူများအတွက် ဆန်ပြတ်လပ်မှုမရှိစေရေးအတွက် ဌာနဆိုင်ရာများပူးပေါင်းအဖွဲ့သည် လက်လီ/လက်ကားရောင်းချနေသော ဆန်ဆိုင် (၈)အား ကွင်းဆင်းစစ်ဆေးခဲ့ကြသည်။

       အဆိုပါ ကွင်းဆင်းစစ်ဆေးမှုတွင် စားသုံးသူရေးရာဦးစီးဌာန၊ မြို့နယ်ဦးစီးမှူး ဦးအောင်လွင်က ရောင်းချသူ ဆန်လက်လီ/ လက်ကားလုပ်ငန်းရှင်များကို မြန်မာနိုင်ငံဆန်စပါးအသင်းချုပ်မှ ထုတ်ပြန်သတ်မှတ်သော သတ်မှတ်ရည်ညွှန်းစျေးများအတိုင်း အမြတ် ၅ရာခိုင်းနှုန်း သင့်တင်မျှတသောဈေးဖြင့် ဆန်များကို စျေးကွက်အတွင်းရှိ ရောင်းချခြင်းရှိ/မရှိကိုစစ်ဆေးခြင်း၊ ဆန်မှောင်ခိုဈေးကွက်ရှိ/မရှိကို အသွင်ယူစစ်ဆေးခြင်း၊ ဆန်ဆိုင်များတွင် ဈေးနှုန်းဖော်ပြသော ကတ်ဖြင့်ရောင်းချခြင်းရှိ/မရှိကိုစစ်ဆေးခဲ့ကြသည်။

      ထိုပူးပေါင်းအဖွဲ့က ဆန်ရောင်းချသူမျာအား ဈေးနှုန်းဖော်ပြရောင်းချခြင်းနှင့် သင့်တင့်မျှတသော ဈေးနှုန်းဖြင့်သာရောင်းချနေပြီး  မြို့နယ်အတွင်း ဆန်ပြတ်လပ်မှုမရှိကြောင်း၊ ဆန်သိုလှောင်ထားသူများကလည်း  မြန်မာဆန်စပါးအွန်လိုင်း (Myanmar Rice Online) (MyRo) တွင် မှတ်ပုံတင်ထားသည်ကိုစစ်ဆေးတွေ့ရှိရပြီး ဆန်ဆိုင်လုပ်ငန်းရှင်များကို သတ်မှတ်ချက်များနှင့်အညီ ရောင်းချကြရန်၊ မြို့နယ်တွင်းပြည်သူများ သက်သာစွာဝယ်ယူစားသုံးနိုင်ရေးကို ယခုကဲ့သို့ အပတ်စဉ် စစ်ဆေးမှုများပြုလုပ်ဆောင်ရွက်လျက်ရှိကြောင်း အသိပေးပြောကြားခဲ့ကြောင်းသိရှိရပါသည်။

DOCA(ဧရာဝတီ)

    အထက်အကြီးအကဲများ၏    ညွှန်ကြားချက်အရ စားသုံးသူရေးရာဦးစီးဌာန၊ ရန်ကုန်တိုင်း ဒေသကြီးလက်အောက်ရှိ အရှေ့ပိုင်းခရိုင်ဦးစီးမှူးရုံးမှ ‌ဒေါ်အေးအေးမော် (ဒုကြီးကြပ်ရေးမှူး)နှင့် ဝန်ထမ်းများသည် ပုဇွန်တောင်မြို့နယ် ဈေးစည်ပင်သာယာရေး ဝန်ထမ်းများနှင့် ပူးပေါင်း၍ ပုဇွန်တောင်ဈေးအတွင်းရှိ ဒို့ညီနောင်ဆန်ဆိုင်၊ အောင်သိဒ္ဓိဆန်ဆိုင်၊ အင်ကြင်းခိုင်ဆန်ဆိုင်တို့အား (၅.၉.၂၀၂၄) ရက်နေ့၊ နေ့လယ် (၁၃:၀၀) နာရီတွင် ရှောင်တခင် ကွင်းဆင်း စစ်ဆေးမှုများ ပြုလုပ်ခဲ့ကြောင်း သိရှိရပါသည်။

     ထိုသို့ ကွင်းဆင်းစစ်ဆေးရာ ဖျာပုံပေါ်ဆန်း၊ ပုသိမ်ပေါ်ဆန်း၊ ဧရာဝတီပေါ်ဆန်း၊ ရွှေဘိုပေါ်ဆန်း၊ ဧည့်မထဆန်၊ ရက်(၉၀) စသည့် ဆန်များရောင်းချလျက်ရှိပြီး ပစ္စည်းပြတ်လပ်မှုမရှိစေရေး ဆောင်ရွက်ရန်နှင့် သတ်မှတ်စျေးနှုန်းထက် မြှင့်တင်‌ရောင်းချခြင်းမပြုရန် ဆွေးနွေးပြောကြားခဲ့ကြောင်း သိရပါသည်။

DOCA(ရန်ကုန်)

     အထက်အကြီးအကဲများ၏    ညွှန်ကြားချက်အရ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးလက်အောက်ရှိ အရှေ့ပိုင်းခရိုင်ဦးစီးမှူးရုံးမှ ‌ဒေါ်မိုးမိုးကြည် (ဌာနခွဲစာရေး)နှင့် ဝန်ထမ်းများသည် မင်္ဂလာတောင်ညွန့်မြို့နယ်၊ ရွှေပြည့်စုံဈေးရှိ ဆေးဆိုင်(၆) ဆိုင်တို့အား (၅.၉.၂၀၂၄) ရက်နေ့၊ နံနက် (၁၀:၀၀) နာရီတွင် ရှောင်တခင် ကွင်းဆင်းစစ်ဆေးမှုများ ပြုလုပ်ခဲ့ကြောင်း သိရှိရပါသည်။

    ထိုသို့ ကွင်းဆင်းစစ်ဆေးရာတွင် ဆေးဝါးများပြတ်လပ်ခြင်းရှိ / မရှိ စစ်ဆေးခဲ့ပြီး ဆီးချိုဆေးများဖြစ်သော Mixtard Injcation ၊ Galvus Met 50/1000 ၊ Metformin 500 ဆေးများနှင့် သွေးကျဆေးများဖြစ်သော Amlog 5  ၊ Amlog 10 Exforge 5mg/160mg စသည့် ဆေးတို့မှာ ဈေးကွက်အတွင်း    စားသူံးသူပြည်သူများမှ အများဆုံးဝယ်ယူသုံးစွဲကြကြောင်း ဆိုင်တာဝန်ခံများ၏ ပြောကြားချက်အရ သိရှိရပါသည်။

DOCA(ရန်ကုန်)

   စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ သုံးခွမြို့နယ်တာဝန်ခံ ဒေါ်စန်းစန်းမော်သည် စက်တင်ဘာလ(၅)ရက်နေ့၊ နေ့လယ်(၁၁:၀၀)နာရီအချိန်တွင် သုံးခွမြို့နယ်၊ အမှတ်(၅) ရပ်ကွက်ရှိ အ.ထ.က(၁) စာသင်ကျောင်းတွင် စားသုံးသူအသိပညာပေး ဟောပြောခဲ့ကြောင်း သိရသည်။

   အဆိုပါဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ် စားသုံးသူရေးရာဦးစီးဌာနနှင့် မြို့နယ်အား/ကာဦးစီးဌာနတို့ပူးပေါင်း၍ လူငယ်ရေးရာ အသိပညာပေး ဟောပြောပွဲကျင်းပခဲ့ရာ ရှေးဦးစွာကျောင်းအုပ်ဆရာမကြီးက အဖွင့်အမှာစကား ပြောကြားခဲ့ပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင်တင်ထွေးမှ စာဖတ်ရှိန်မြှင့်တင်ရေးအတွက် အသိပညာဗဟုသုတရရှိမည့်စာပေများအား ဖတ်ရှုလေ့လာကြရန် စာဖတ်ခြင်းကြောင့် ရရှိလာမည့်အကျိုးကျေးဇူးများအကြောင်း၊ လူငယ်နှင့်မူးယစ်ဆေးဝါး အန္တရာယ်များအကြောင်း သိကောင်းစရာများပြောကြားခဲ့ကြောင်း သိရသည်။ ထို့နောက် စားသုံးသူရေးရာဦးစီးဌာန မြို့နယ်တာဝန်ခံ ဒေါ်စန်းစန်းမော်မှ ဝန်ကြီးဌာနနှင့်စားသုံးသူရေးရာဦးစီးဌာနအကြောင်း၊ ဌာန၏လုပ်ငန်းဆောင်ရွက်ချက်များနှင့် စားသုံးသူကာကွယ်ရေးဥပဒေပါ စားသုံးသူ၏အခွင့်အရေးနှင့် တာဝန်များ၊ နစ်နာဆုံးရှုံးမှုများနှင့်စပ်လျဉ်း၍ တိုင်ကြားနိုင်မည့် နည်းလမ်းများ၊ ကုန်အညွှန်း အမှတ်အသားဆိုင်ရာအချက်အလက်များမှ မြန်မာဘာသာဖြင့် မဖြစ်မနေဖော်ပြရမည့် အချက်များအား ရှင်းလင်းပြောကြားခြင်းအပြင် အွန်လိုင်းမှတစ်ဆင့် ဝယ်ယူခြင်းနှင့်စပ်လျဉ်း၍ စားသုံးသူများ စိစစ်သင့်သည့် အချက်အလက်များအကြောင်း၊ မှတ်ပုံတင်ထားသည့်အွန်လိုင်းရောင်းချမှု လုပ်ငန်းများမှ ဈေးဝယ်ယူခြင်းဖြင့် ရရှိလာမည့် အကျိုးရလဒ်များအကြောင်း၊ အားသာချက်နှင့် အားနည်းချက်များအကြောင်း၊ တိုင်ကြားမှု ဖြေရှင်း သည့်နည်းလမ်းများအကြောင်း အသိပညာပေး ဟောပြောခဲ့ကြောင်း သိရသည်။ ဆက်လက်၍မြို့နယ်အားကာမှူးမှ လူငယ်နှင့်အားကစားနည်းအကြောင်း၊ စာပေဗဟုသုတအပြင် ကျန်းမာကြံ့ခိုင်စေရန် ကိုယ်လက်လှုပ်ရှားအားကစားများ ပြုလုပ်ကြစေလိုကြောင်း ဟောပြောဆွေးနွေးခဲ့ပြီး ကျောင်းအုပ်ဆရာမကြီးမှ နိဂုံးချုပ်စကား ပြောကြားခဲ့ရာတွင် ကျောင်းသား/ သူများအား ဌာနဆိုင်ရာများမှ ပူးပေါင်း၍ အသိပညာပေး ဟောပြောဆွေးနွေးမှုများအား  သေချာစွာလေ့လာမှတ်သားထားကြရန် ကျောင်းစည်းကမ်းများကိုလည်း လိုက်နာကျင့်သုံးကြရန် ပြောကြားခဲကြောင်း သိရသည်။

   အဆိုပါအသိပညာပေးဟောပြောပွဲတွင် ဆရာ/မ (၈)ဦး၊ ကျောင်းသား/သူ (၁၃၅)ဦး စုစုပေါင်း (၁၄၃)ဦး တက်ရောက်ခဲ့ကြောင်း သိရသည်။

DOCA(ရန်ကုန်)