သတင်းနှင့် လှုပ်ရှားမှုများ

              မအူပင်ခရိုင်၊ စားသုံးသူရေးရာဦးစီးဌာန ခရိုင်ဦးစီးမှူး၏ လမ်းညွှန်းချက်အရ မအူပင်မြို့နယ်၊ စားသုံးသူရေးရာဦးစီးဌာနမှ စစ်ဆေးရေးမှူး ဦးအောင်ဇော်ဦးနှင့် ဝန်ထမ်းများသည် မအူပင်မြို့ နယ်ရှိ မိတ်ဖက်အဖွဲ့အစည်းများဖြစ်သော စည်ပင်သာယာရေးဦးစီးဌာန၊ ကျန်းမာရေးဦးစီးဌာနတို့ နှင့်ပူးပေါင်း၍ မအူပင်မြို့နယ် အောင်ရတနာဈေးအတွင်းရှိ ကုန်စုံဆိုင်များနှင့် စားသောက်ကုန်ဆိုင် များအား ကုန်အညွှန်းအမှတ်အသား ဆောင်ရွက်ထားရှိမှု ရှိ/မရှိ စစ်ဆေးခြင်းနှင့်ဈေးကွက် စောင့်ကြည့်ခြင်းလုပ်ငန်းများ ၂၃-၉-၂၀၂၅ ရက်နေ့ နံနက် ၉နာရီအချိန်က ပူးပေါင်းဆောင်ရွက်ခဲ့ ပါသည်။

            အခြားဈေးကွက်စောင့်ကြည့်မှုကို မအူပင်ခရိုင်ဦးစီးမှူး ဦးဇော်မင်းက  မြို့ပေါ်ရှိ စတိုးဆိုင်များ လက်လီဈေးဆိုင်များနှင့် ဝန်ဆောင်မှုရှိသောလုပ်ငန်းများကိုလည်း စစ်ဆေးကြပ်မတ် ကွင်းဆင်းဆောင်ရွက်ခဲ့ကြောင်း စားသုံးသူကာကွယ်ရေးဥပဒေပါ အခန်း(၁၈) ကုန်အညွှန်အညွှန်းအမှတ်အသား ဆိုင်ရာဖော်ပြ ချက်များ၊ ညွှန်ကြားချက် ၂/၂၀၁၉ စပ်လျဉ်း၍ အသိပညာပေး ခဲ့ကြောင်း သိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ မအူပင်ခရိုင် အထွေထွေအုပ်ချုပ်ရေးဦးစီးဌာနမှဦး ဆောင်ကျင်းပ သော ခရိုင်စိုက်တိုးမြှင့်အဖွဲ့နှင့်အတူ  ငါးမွေးမြူရေး လုပ်ငန်းဖွံ့ဖြိုး တိုးတက်ရေး ဟောပြောဆွေးနွေးပွဲအခမ်းအနားကို ပြန်ကြားရေးနှင့် ပြည်သူ့ဆက်ဆံ ရေးဦးစီးဌာန ခရိုင်ဦးစီးမှူးရုံး Community Center ခန်းမတွင်(၂၂.၉.၂၀၂၅)နေ့နံနက်(၁၀:၀၀)နာရီ မှ(၁၂:၀၀)နာရီအထိ ကျင်းပပြုလုပ်ခဲ့ပါသည်။

            အဆိုပါအခမ်းအနားကို ခရိုင်စိုက်တိုးမြှင့် ဥက္ဥဌမှ ငါးလုပ်ငန်းမွေးမြူရေး အကြောင်းကို အဖွင့်အမှာစကားပြောကြားပြီးနောက် မအူပင်ခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူး ဦးဇော်မင်းက ငါးမွေးမြူရေးလုပ်ငန်းဖွံ့ဖြိုးတိုးတက်ရေးအတွက် သမရိုးကျ မွေးမြူမှုမှသည် နည်းစနစ်ကျအရည်အသွေးကောင်း ငါးမွေးမြူရေးလုပ်ငန်းများဖြစ်ပေါ်လာရေးနှင့် ပြည်တွင်းဈေး ကွက်မှသည် နိုင်ငံခြားဈေးကွက်ဝင်ရောက်နိုင်သည့် အခွင့်အလမ်းများရရှိနိုင်မှု အလားအလာ ကောင်းများကို အဖွင့်အမှာစကားပြောကြားရာတွင် ထည့်သွင်းဟောပြောခဲ့ပါသည်။

            ဆက်လက်၍ အစီအစဉ်အတိုင်း ဆက်လက်ကျင်းပရာ မအူပင်မြို့နယ် ငါးလုပ်ငန်းရှင် ဦးမြစိုး နှင့်ငါးရှဉ့်လုပ်ငန်းရှင် ဦးအောင်ကျော်သူတို့မှ ငါးလုပ်ငန်းဖွံ့ဖြိုးတိုးတက်ရေးအတွက် မြေပြင်အခြေ အနေများကိုတင်ပြပြီး မအူပင်ခရိုင်ငါးလုပ်ငန်းဦးစီးဌာနမှ ဒေါ်အေးအေးမင်းက ဌာန၏ဆောင်ရွက်မှု နည်းပညာပေးနိုင်မှုကို ငါးလုပ်ငန်းရှင်များနှင့် ပေါင်းစပ်ဆောင်ရွက်နိုင်မည့် နည်းလမ်းများကို အသေးစိတ်ဆွေးနွေးခဲ့ပြီး တက်ရောက်လာသော ငါးမွေးမြူရေးလုပ်ငန်းရှင်များ၊ ငါးရှဉ်ရောင်းဝယ် ရေးလုပ်ငန်းရှင် စုစုပေါင်း ၃၀ဦး တက်ရောက်ခဲ့ပြီး အခြားသိလိုသော အကြောင်းအရာများကို အကျယ်တဝင့်ဖြေကြားခဲ့ကြောင်း သတင်းရရှိပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် ပန်းတနော်မြို့နယ် တာဝန်ခံတို့သည် ပန်းတနော်မြို့နယ် အထွေထွေအုပ်ချုပ်ရေး ဦးစီးဌာန ရုံး၌ ကျေးရွာအုပ်ချုပ်ရေးမှူးများနှင့် ရပ်ကျေးစာရေးများအား (၂၀-၉-၂၀၂၅ ရက်နေ့ နေ့လယ် (၁၃း၀၀)နာရီအချိန်တွင် ကျေးရွာအုပ်ချုပ်ရေးမှူးများနှင့် ကျေးရွာစာရေးများကို စားအုန်းဆီထုတ်ယူခွင့် စာအုပ်များပေးအပ်ခဲ့ကြောင်း သိရသည်။

       ကျေးရွာနေပြည်သူများ စားအုန်းဆီဝယ်ယူခွင့်ရရှိစေရန် ကြပ်မတ်ဆောင်ရွက်လျက်ရှိပြီး မအူပင်ခရိုင်ဦးစီးမှူးက ကျေးရွာအုပ်ချုပ်ရေးမှူးများကို သက်ဆိုင်ရာ ကျေးရွာများအလိုက် စားအုန်းဆီထုတ်ယူခွင့် စာအုပ်များကို အိမ်ထောင်စုအလိုက် စနစ်တကျပေးအပ်ရန်၊ ရောင်းချပေးသော ဆီစျေးနှုန်များကို မှန်ကန်စွာရောင်းချပေးရန်၊  စားသုံးသူများ ဝယ်ယူသည့်အခါ အခက်အခဲမရှိစေရေး သတ်မှတ်စည်ကမ်းများကို သိရှိနားလည်နိုင်ရေး အသိပေးပြောကြားပြီး ပြည်သူလက်ဝယ်သတ်မှတ်ဆီများ ရောက်ရှိစေရေး စနစ်တကျရောင်းချပေးရန် အသိပေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်၊ စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံရုံး၌ ၂၀၂၅ခုနှစ်၊ စက်တင်ဘာလ (၂၂)ရက်နေ့၊ ညနေ (၁၅:၀၀) သကန်ဝကျေးရွာ အုပ်ချုပ်ရေးမှူးအပါအဝင်ကော်မတီအဖွဲ့ဝင်များလက်ဝယ်သို့ စားအုန်းဆီ ဝယ်ယူခွင့်စာအုပ်(၉၇၀)အုပ် ပေးအပ်ခဲ့ပါသည်။

         အဆိုပါစာအုပ်ဖြန့်ဝေမှုနှင့်ပတ်သက်၍ စားသုံးသူပြည်သူများအနေဖြင့် သတ်မှတ်ထားသော ရည်ညွှန်းဈေးနှုန်းအတိုင်း ဖြန့်ဖြူးရောင်းချခြင်းနှင့် အလေးအချိန်မှန်ကန်မှုရှိစေရေး၊ အိမ်ထောင်စုဝင်တိုင်း  စားသုံးဆီအပြည့်အဝရရှိစေရေး၊ ဆောင်ရွက်ခဲ့မှုအပေါ် သတင်းရရှိပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်ဦးစီးမှူးရုံး၊ စားသုံးသူရေးရာဦးစီးဌာနတွင် ၂၀၂၅ခုနှစ်၊ စက်တင်ဘာလ (၁၉)ရက်နေ့၊  နံနက် (၁၀:၀၀)နာရီအချိန်တွင် ခရိုင်ဦးစီးမှူးက သဲအိမ်တမံကျေးရွာရှိ စားအုန်းဆီကော်မတီအဖွဲ့ဝင်များအား တွေ့ဆုံဆွေးနွေးမှာကြားခဲ့ပါသည်။

       အဆိုပါတွေ့ဆုံပြောကြားရာတွင် သဲအိမ်တမံ ကျေးရွာရှိ ပြည်သူများသက်သာသောဈေးနှုန်းဖြင့် စာအုန်းဆီဖြန့်ဖြူးရောင်းချနိုင်ရေးအတွက်   ကျေးရွာအတွင်းရှိအိမ်ထောင်စုဝင်အားလုံး စားသုံးဆီရရှိစေ‌ရေး၊  သတ်မှတ်ညွှန်ကြားပေးသောဈေးနှုန်းအတိုင်းရောင်းချစေရေး၊ အလေးချိန် အချိန်အတွယ် မှန်ကန်မှုရှိစေရေးတို့အား ပြောကြားခဲ့ကြောင်းပြီး သဲအိမ်တမံကျေးရွာရှိ  စားသုံးဆီ ကော်မတီအဖွဲ့ဝင်များအား လိုအပ်သည်များကိုမှာကြားခဲ့ကြောင်း သတင်းရရှိပါသည်။

DOCA(ဧရာဝတီ)