သတင်းနှင့် လှုပ်ရှားမှုများ

မွန်ပြည်နယ်၊ ရေးမြို့နယ်အတွင်းရှိ စက်သုံးဆီအရောင်းဆိုင်များအား သွားရောက်စစ်ဆေး

၂၆.၈.၂၀၂၄ ရက်နေ့တွင် ရေးမြို့နယ်ရှိ စက်သုံးဆီရောင်းချသည့်ဆီဆိုင်များကို ခရိုင်စီမံအုပ်ချုပ်ရေး ဥက္ကဌနှင့် ခရိုင်၊ မြို့နယ်အဆင့် ဌာနဆိုင်ရာ အဆက်စပ်အဖွဲ့များ၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်အိဖြိုးတို့မှ သွားရောက်စစ်ဆေးမှုများ ဆောင်ရွက်ခဲ့ကြောင်း သိရှိရပါသည်။

ထိုသို့ သွားရောက်စစ်ဆေးရာတွင် ခရိုင်စီမံအုပ်ချုပ်ရေး ဥက္ကဌမှ စက်သုံးဆီ လုံလောက်မှုရှိမရှိ၊ ရောင်းချသည့်စျေးနှုန်းနှင့် လက်ရှိဆီလက်ကျန်များကို စစ်ဆေးမေးမြန်းပြီး အမှန်ဖြစ်သင့်သည့် စျေးနှုန်းများနှင့်အညီ ရောင်းချပေးရန် မှာကြားခဲ့ကြောင်း သတင်းရရှိပါသည်။

DOCA(မွန်)

မွန်ပြည်နယ်၊ ရေးမြို့နယ်အတွင်းရှိ စာအုန်းဆီ ရောင်းချမှုများအား သွားရောက်စစ်ဆေး

သတင်းနှင့် လှုပ်ရှားမှုများ

၂၆.၈.၂၀၂၄ ရက်နေ့တွင် ရေးမြို့နယ်ရှိ ဆီကိုယ်စားလှယ်များ စားအုန်းဆီ ရောင်းချခြင်း၊ သိုလှောင်ခြင်းများကို ခရိုင်စီမံအုပ်ချုပ်ရေး ဥက္ကဌနှင့် ခရိုင်၊ မြို့နယ်အဆင့် ဌာနဆိုင်ရာဆက်စပ်အဖွဲ့များ၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်အိဖြိုးတို့မှ သွားရောက်စစ်ဆေးမှုများ ဆောင်ရွက်ခဲ့ကြောင်း သိရှိရပါသည်။

ထိုသို့ သွားရောက်စစ်ဆေးရာတွင် စားအုန်းဆီ ဖြန့်ဖြူးရောင်းချ သိုလှောင်ထားသည့် သတ်မှတ်နေရာများသို့ သွားရောက်ကာ ဆီရောက်ရှိမှု၊ တစ်နေ့တာရောင်းချမှု၊ ရောင်းချသည့် တည်နေရာတို့ကို မေးမြန်းစစ်ဆေးခဲ့ပြီး စားသုံးသူရေးရာဦးစီးဌာန၊ ရေးမြို့နယ်တာဝန်ခံ ဒေါ်အိဖြိုးမှ ရပ်ကွက်၊ ကျေးရွာများရှိ ရောင်းချမည့်နေရာများကို သတ်မှတ်ပေးခဲ့ကြောင်း၊ စျေးနှုန်းနှင့် ဖြန့်ဖြူးမှုကို ကိုယ်တိုင်ကြပ်မတ်၍ ဆောင်ရွက်ပေးခဲ့ကြောင်းတို့ကို တင်ပြပြီး ခရိုင်စီမံအုပ်ချုပ်ရေးဥက္ကဌမှ လိုအပ်သည်များကို မှာကြားကာ ဆီရောင်းချမှုနှင့် တစ်ဦးချင်း တန်းစီဝယ်ယူနေခြင်းများကို စစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA(မွန်)

မုဒုံမြို့နယ် စားအုန်းဆီများအား လက်လီရောင်းချပေးနေသည့် လုပ်ငန်းရှင်များနှင့်တွေ့ဆုံ

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်တာဝန်ခံသည် (၂၇.၈.၂၀၂၄) ရက်နေ့တွင် မုဒုံမြို့နယ်ရှိ စားအုန်းဆီများအား လက်လီရောင်းချပေးနေသည့် လုပ်ငန်းရှင်များနှင့် တွေ့ဆုံခဲ့ပါသည်။

ထိုသို့တွေ့ဆုံရာတွင် မုဒုံမြို့နယ် တာဝန်ခံမှ လုပ်ငန်းရှင်များအား စားအုန်ဆီများကို ကျေးရွာ၊ရပ်ကွက်များအရောက် ပြန့်နှံ့စွာရောင်းချပေးနိုင်ရေး၊ သတ်မှတ်အရေအတွက် အတိုင်းရောင်းချပေးရေး၊ စားသုံးသူများစိတ်ကျေနပ်မှုရှိစေရေး၊ အလေးချိန်မှန်ကန်စွာ ရောင်းချပေးရေး၊ ဈေးနူန်းမြှင့်တင်ရောင်းချမှု မရှိစေရေးနှင့် ဈေးနူန်းမြှင့်တင်ရောင်းချပါက အရေးကြီးကုန်စည်နှင့်ဝန်ဆောင်မှုဥပဒေ ပုဒ်မ(၅)အရ ထောင်ဒဏ်၊ ငွေဒဏ် ဖြင့် အရေးယူခံရမည့်အကြောင်းအား ဆွေးနွေးခဲ့ပြီး လုပ်ငန်းရှင်များမှလည်း ၄င်းတို့လက်ရှိ ရောင်းချပေးနေသည့် အခြေအနေများအား အပြန်အလှန် ဆွေးနွေးခဲ့ကြောင်း သိရသည်။

DOCA(မွန်)

မော်လမြိုင်မြို့တွင် ထိန်းချုပ်ဓာတုပစ္စည်းများတွင် ပါဝင်ခြင်းမရှိသည့် Acid ဟုယူဆရသော အရည်များအား ဖျက်ဆီး

သတင်းနှင့် လှုပ်ရှားမှုများ

၂၇.၈.၂၀၂၄ ရက်နေ့တွင် စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်မြန်မာနိုင်ငံရဲတပ်ဖွဲ့၊ မူးယစ်တပ်ဖွဲ့၊ အထူးစုံစမ်းစစ်ဆေးရေးဦးစီးဌာန၊ အကောက်ခွန်ဦးစီးဌာန၊ စစ်ဖက်ရေးရာလုံခြုံရေးအဖွဲ့တို့ ပါဝင်သော ပူးပေါင်းအဖွဲ့နှင့်အတူ မော်လမြိုင်မြို့၊ အကောက်ခွန်ဦးစီးဌာနရုံးဝင်းအတွင်း၌ Acid ဟုယူဆရသော အရည်ပုံး ( 1x 25kg) (၁၀) ပုံးအား ဖျက်ဆီးခြင်း ဆောင်ရွက်ခဲ့ကြောင်း သိရှိရသည်။

အဆိုပါ Acid ဟုယူဆရသော အရည်ပုံး (၁၀) ပုံးမှာ ၁၆.၆.၂၀၂၄ ရက်နေ့က မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်မြန်မာနိုင်ငံရဲတပ်ဖွဲ့၊ မူးယစ်တပ်ဖွဲ့၊ အထူးစုံစမ်းစစ်ဆေးရေးဦးစီးဌာန၊ အကောက်ခွန်ဦးစီးဌာန၊ စစ်ဖက်ရေးရာလုံခြုံရေးအဖွဲ့၊ စားသုံးသူရေးရာဦးစီးဌာနတို့ပါဝင်သော ပူးပေါင်းအဖွဲ့မှ ဖွင့်ဖောက်စစ်ဆေးခဲ့သည့် တရားမဝင်ကုန်ပစ္စည်းများ တင်ဆောင်လာသော ယာဉ်ပေါ်ပါပစ္စည်းများအနက် Acid ဟု ယူဆရသော အရည် ပုံး ( 1x 25kg) (၁၀) ပုံးအား ဖျက်ဆီးခြင်းဖြစ်ကြောင်း သိရှိရသည်။

DOCA(မွန်)

မော်လမြိုင်မြို့၌ စားသုံးဆီအမျိုးမျိုးအား ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံနှင့် ဝန်ထမ်းများသည် ၂၇.၈.၂၀၂၄ ရက်နေ့တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင် သာယာရေးအဖွဲ့၊ အစားအသောက်နှင့်ဆေးဝါးကွပ်ကဲရေးဦးစီးဌာနတို့ ပါဝင်သော ပူးပေါင်းအဖွဲ့ဖြင့် မော်လမြိုင်မြို့၊ အမှတ် (၁) ဈေးနှင့် အောက်လမ်းမကြီး လမ်းဘေးဝဲယာ ကုန်စုံဆိုင်များ၌ ရောင်းချနေသော စားသုံးဆီ အမျိုးမျိုးတို့အား ဈေးကွက်စောင့်ကြည့် စစ်ဆေးခဲ့သည်။

ထိုသို့ဈေးကွက်စောင့်ကြည့်စစ်ဆေးရာတွင် စားသုံးဆီအမျိုးမျိုးတို့၌ ကုန်အညွှန်းအမှတ်အသားဖော်ပြရာ၌ မြန်မာနိုင်ငံစားသုံးသူကာကွယ်ရေးကော်မရှင်၏ ၂/၂၀၁၉ တွင် ဖော်ပြထားသော ကုန်အညွှန်းအမှတ်အသားဖော်ပြခြင်းဆိုင်ရာ အသေးစိတ်အချက်များနှင့် ကိုက်ညီမှုရှိ/မရှိ၊ သက်ဆိုင်ရာဌာနများ၏ ထောက်ခံချက်ပါရှိခြင်းရှိ/မရှိ စစ်ဆေးခဲ့ရာ ကုန်အညွှန်းအမှတ်အသားများ ပြည့်စုံစွာဖော်ပြထားပြီး သက်ဆိုင်ရာဌာနများ၏ ထောက်ခံချက်များပါရှိသည်ကို စစ်ဆေးတွေ့ရှိရကြောင်း သိရှိရပါသည်။

DOCA(မွန်)

ကျိုက်မရောမြို့တွင် အသင့်စားမုန့်အမျိုးမျိုးများနှင့်စားသုံးဆီအမျိုးမျိုးတို့အား ဈေးကွက် စောင့်ကြည့်စစ်ဆေး

သတင်းနှင့် လှုပ်ရှားမှုများ

၂၆.၈.၂၀၂၄ ရက်နေ့၌ စားသုံးသူရေးရာဦးစီးဌာန၊ မွန်ပြည်နယ်၊ ကျိုက်မရောမြို့နယ် တာဝန်ခံရုံးမှ ဝန်ထမ်းများသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် စည်ပင်သာယာရေးအဖွဲ့၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ် ကျန်းမာရေးဦးစီးဌာနနှင့် ပူးပေါင်း၍ ကျိုက်မရောမြို့နယ်၊ မြို့မဈေးနှင့် ရှင်စောပု ရပ်ကွက်(၂)အတွင်းရှိ ကုန်စုံဆိုင်များသို့သွားရောက်၍ စားသုံးသူများ ဘေးအန္တရာယ် ကင်းစေရန်အတွက် အသင့်စားမုန့်အမျိုးမျိုးများနှင့် စားသုံးဆီအမျိုးမျိုးတို့တွင် ကုန်အညွှန်းအမှတ်အသားပြည့်စုံစွာ ဖော်ပြထားခြင်း ရှိ/မရှိတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။

ထိုသို့ ကွင်းဆင်းစစ်ဆေးရာ အသင့်စားမုန့်အမျိုးမျိုးများနှင့် စားသုံးဆီအမျိုးမျိုးများတွင် မြန်မာစာဖြင့် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/ မရှိ၊ သက်ဆိုင်ရာ ဌာနများ၏ ထောက်ခံချက်ပါ/ မပါနှင့် စားသုံးသူများဘေးအန္တရာယ်ဖြစ်စေနိုင်သော အသင့်စားမုန့်အမျိုးမျိုးများနှင့် စားသုံဆီအမျိုးမျိုးများ ရောင်းချခြင်းရှိ/ မရှိတို့ကို စစ်ဆေးခဲ့ရာစားသုံးသူများ ဘေးအန္တရာယ်ကင်းပြီး ကုန်အညွှန်းအမှတ်အသား ပြည့်စုံစွာ ဖော်ပြထားသော အသင့်စားမုန့်အမျိုးမျိုးများနှင့် စားသုံးဆီအမျိုးမျိုးများကိုသာ တွေ့ရှိရပြီး ဘေးအန္တရာယ်ကင်းသောကုန်စည်များကိုသာ ဈေးကွက်အတွင်း ဖြန့်ဖြူးရောင်းချစေရန် အသိပေးဆောင်ရွက်ခဲ့ကြောင်း သိရှိရပါသည်။

DOCA(မွန်)

ဘီးလင်းမြို့ပေါ်ရှိ ဆန်ဆိုင်များသို့ ကွင်းဆင်းစစ်ဆေး

သတင်းနှင့် လှုပ်ရှားမှုများ

၂၇.၈.၂၀၂၄ ရက်နေ့တွင် စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံရုံးမှ ဝန်ထမ်းများသည် ဘီးလင်းမြို့၊ ဘိုးရာဇာရပ်ကွက်၊ မင်္ဂလာဈေးအတွင်းရှိ ဆန်ဆိုင်များအား ဆန်ဈေးနှုန်းမြှင့်တင်ရောင်းချရန်အလို့ငှာ သိုလှောင်ခြင်းရှိ/မရှိ၊ ရောင်းချဖြန့်ဖြူးခြင်း၊ ဈေးနှုန်းအဆမတန်မြှင့်တင်ရောင်းချခြင်း ရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရသည်။

ထိုသို့ကွင်းဆင်းစစ်ဆေးရာတွင် မင်္ဂလာဈေးအတွင်းရှိ ဆန်ဆိုင်များတွင် ဈေးနှုန်း မြှင့်တင်ရောင်းချမှုအတွက် သိုလှောင်ခြင်း၊ ဖြန်းဖြူးရောင်းချခြင်းများမရှိကြောင်း တွေ့ရှိရသည်။

DOCA(မွန်)

တောင်ငူမြို့နယ် ချောင်းဖြူကျေးရွာတွင် စားသုံးသူကာကွယ်ရေးဆိုင်ရာအသိပညာပေး

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ တောင်ငူမြို့နယ်တာဝန်ခံ ဦးမြင့်သူသည် ဩဂုတ်လ ၂၃ ရက်နေ့ နံနက်ပိုင်းတွင် တောင်ငူမြို့နယ်၊ ချောင်းဖြူကျေးရွာ အခြေခံပညာအလယ်တန်းကျောင်းခွဲရှိ ကျောင်းသား/ ကျောင်းသူ ၇၀ ဦးအားလည်းကောင်း၊ ကျေးရွာအုပ်ချုပ်ရေးမှူးရုံး၌ ကျေးရွာနေပြည်သူ ၄၀ ဦးအားလည်းကောင်း စားသုံးသူကာကွယ်ရေးဆိုင်ရာများကို အသိပညာပေး ဟောပြောခဲ့ကြောင်းသိရှိရပါသည်။

အခြေခံပညာအလယ်တန်းကျောင်းခွဲတွင် ကျောင်းသား/ ကျောင်းသူများအား စားသုံးသူရေးရာဦးစီးဌာန ပေါ်ပေါက်လာပုံ၊ စားသုံးသူ၏ အခွင့်အရေးနှင့်တာဝန်များ၊ ကုန်စည်များတွင် ကုန် အညွှန်းအမှတ်အသားများဖော်ပြရန် ပြဌာန်းထားရှိပြီးဖြစ်ရာ ကုန်အညွှန်းအမှတ်အသားပြည့်စုံစွာ ဖော်ပြထားသော ကုန်စည်များကိုသာ ဝယ်ယူသုံးစွဲသင့်ပုံများနှင့် စားသုံးသူနစ်နာဆုံးရှုံးမှုများကို တိုင်ကြားနိုင်ခြင်းများကို အသိပညာပေးဟောပြောခဲ့ပကြောင်းသိရှိရပါသည်။

အဆိုပါကျေးရွာအုပ်ချုပ်ရေးမှူးရုံး၌ အသိပညာပေးဟောပြောရာတွင် စားသုံးသူ၏ အခွင့်အရေး နှင့်တာဝန်များ၊ စားသုံးသူနစ်နာဆုံးရှုံးမှုမရှိစေရေးအတွက် ဦးစီးဌာန၏ ဆောင်ရွက်ချက်များ၊ အွန်လိုင်းဝန်ဆောင်မှုများနှင့်ပတ်သက်၍ သိသင့်သိထိုက်သည့်အချက်များ၊ ကုန်စည်ဝန်ဆောင်မှုများ နှင့်ပတ်သက်၍ စားသုံးသူနစ်နာဆုံးရှုံးမှုများကို တိုင်ကြားခြင်းများအား ဖြေရှင်းဆောင်ရွက်ပေးမှု များကို အသိပညာပေးဟောပြောခဲ့ကြောင်း သိရှိရပါသည်။

DOCA(ပဲခူး)

ဘီးလင်းမြို့၌ စားသုံးဆီအမျိုးမျိုးအား ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာနမှ ဝန်ထမ်းများသည် ၂၃.၈.၂၀၂၄ ရက်နေ့တွင် မြို့နယ်စည်ပင်သာယာရေးအဖွဲ့နှင့်ပူးပေါင်း၍ ဘီးလင်းမြို့နယ်၊ ကန်သာယာရပ်ကွက်၊ နီလာဈေးအတွင်းရှိ ကုန်စုံဆိုင်များတွင် ရောင်းချနေသော စားသုံးဆီအမျိုးမျိုးတို့အား ဈေးကွက်စောင့်ကြည့်စစ်ဆေးခဲ့သည်။

ထိုသို့ဈေးကွက်စောင့်ကြည့်စစ်ဆေးရာတွင် စားသုံးဆီအမျိုးမျိုးတို့၌ ကုန်အညွှန်းအမှတ်အသားဖော်ပြရာ၌ မြန်မာနိုင်ငံစားသုံးသူကာကွယ်ရေးကော်မရှင်၏ ၂/၂၀၁၉ တွင် ဖော်ပြထားသော ကုန်အညွှန်းအမှတ်အသားဖော်ပြခြင်းဆိုင်ရာ အသေးစိတ်အချက်များနှင့် ကိုက်ညီမှု ရှိ/မရှိ စစ်ဆေးခဲ့ရာ ကုန်အညွှန်းအမှတ်အသားများ ပြည့်စုံစွာဖော်ပြထားသည်ကို စစ်ဆေးတွေ့ရှိရကြောင်း သိရှိရပါသည်။

DOCA(မွန်)

တောင်ငူမြို့ အထက(၂)ကျောင်းမုန့်ဈေးတန်းတွင်ဈေးကွက်စောင့်ကြည့်စစ်ဆေး

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမင်းဇော်နှင့် ဝန်ထမ်းများသည် အစားအသောက်နှင့်ဆေးဝါးကွပ်ကဲရေးဦးစီးဌာနနှင့် ပူးပေါင်းကာ တောင်ငူမြို့ အမှတ်(၂)အခြေခံပညာအထက်တန်းကျောင်း၊ ကျောင်းမုန့်ဈေးတန်းအား ကွင်းဆင်းစစ်ဆေးရာတွင် ပူးပေါင်းပါဝင် ဆောင်ရွက်ပေးနိုင်ပါရန် ညှိနှိုင်းချက်များအရ ဩဂုတ်လ ၂၃ရက်နေ့ နံနက်ပိုင်းတွင် ပူးပေါင်းအဖွဲ့ဝင်များနှင့်အတူ ဈေးကွက်စောင့်ကြည့်စစ်ဆေးခြင်းကို ပူးပေါင်းပါဝင်ဆောင်ရွက်ခဲ့ကြောင်းသိရှိရပါသည်။

အမှတ်(၂)အခြေခံပညာအထက်တန်း ကျောင်းမုန့်ဈေးတန်းတွင် အသင့်စားမုန့်များ၊ အသင့်သောက်အချိုရည်များ၊ မြန်မာ့ရိုးရာမုန့်များ၊ အသုပ်များ၊ သစ်သီးသုပ်များကိုရောင်းချလျက်ရှိ ရာ အသင့်စားမုန့်များနှင့် အချိုရည်များတွင်ပါရှိသော ကုန်အညွှန်းအမှတ်အသားများအား စစ်ဆေးခြင်း၊ မြန်မာ့ရိုးရာမုန့်များ၊ အသုပ်စုံများနှင့် သစ်သီးသုပ်များတွင် စားသုံးရန်မသင့်သည့် ဓါတုဆေးများ မပါရှိစေရေးနှင့် သန့်ရှင်းမှု ရှိ/ မရှိ စစ်ဆေးခြင်းများကို ပြုလုပ်ဆောင်ရွက်ခဲ့ကြောင်းသိရှိရပါသည်။

စားသုံးသူရေးရာဦးစီးဌာန ဒုတိယခရိုင်ဦးစီးမှူးမှ မြန်မာဘာသာဖြင့် ကုန်အညွှန်းအမှတ် အသားဖော်ပြထားခြင်းမရှိသော မုန့်နှင့်အချိုရည်များအား ရောင်းချခြင်းမပြုရန်ကိုလည်းကောင်း၊ အစားအသောက်နှင့်ဆေးဝါးကွပ်ကဲရေးဦးစီးဌာနနှင့် ပြည်သူ့ကျန်းမာရေးဦးစီးဌာနတို့မှ တာဝန်ရှိသူများက အစားအသောက်များသန့်ရှင်းရေး၊ ဓါတုဆေးဝါးများမရှိစေရေးတို့ကိုလည်းကောင်း ရှင်းလင်း ပြောကြားခဲ့ကြောင်း သိရှိရပါသည်။

ထိုသို့ဈေးကွက်စောင့်ကြည့်စစ်ဆေးရာတွင် အခြေခံပညာဦးစီးဌာန၊ ဒုတိယမြို့နယ်ပညာရေးမှူး ဦးစိုးအောင်၊ အစားအသောက်နှင့်ဆေးဝါးကွပ်ကဲရေးဦးစီးဌာနမှ ဌာနခွဲစာရေး ဒေါ်သူသူဟန်၊ ပြည်သူ့ကျန်းမာရေးဦးစီးဌာနမှ သားဖွားဆရာမ ဒေါ်ဇင်မာဌေးတို့ဦးဆောင်သောဝန်ထမ်းများ ပါဝင်ဆောင်ရွက်ခဲ့ကြောင်း သိရှိှိရသည်။

DOCA(ပဲခူး)

Languages

Main menu

သတင်းနှင့် လှုပ်ရှားမှုများ

မွန်ပြည်နယ်၊ ရေးမြို့နယ်အတွင်းရှိ စက်သုံးဆီအရောင်းဆိုင်များအား သွားရောက်စစ်ဆေး

မွန်ပြည်နယ်၊ ရေးမြို့နယ်အတွင်းရှိ စာအုန်းဆီ ရောင်းချမှုများအား သွားရောက်စစ်ဆေး

မုဒုံမြို့နယ် စားအုန်းဆီများအား လက်လီရောင်းချပေးနေသည့် လုပ်ငန်းရှင်များနှင့်တွေ့ဆုံ

မော်လမြိုင်မြို့တွင် ထိန်းချုပ်ဓာတုပစ္စည်းများတွင် ပါဝင်ခြင်းမရှိသည့် Acid ဟုယူဆရသော အရည်များအား ဖျက်ဆီး

မော်လမြိုင်မြို့၌ စားသုံးဆီအမျိုးမျိုးအား ဈေးကွက်စောင့်ကြည့်စစ်ဆေးခြင်း

ဘီးလင်းမြို့ပေါ်ရှိ ဆန်ဆိုင်များသို့ ကွင်းဆင်းစစ်ဆေး

တောင်ငူမြို့နယ် ချောင်းဖြူကျေးရွာတွင် စားသုံးသူကာကွယ်ရေးဆိုင်ရာအသိပညာပေး

ဘီးလင်းမြို့၌ စားသုံးဆီအမျိုးမျိုးအား ဈေးကွက်စောင့်ကြည့်စစ်ဆေးခြင်း

တောင်ငူမြို့ အထက(၂)ကျောင်းမုန့်ဈေးတန်းတွင်ဈေးကွက်စောင့်ကြည့်စစ်ဆေး

Pages

You are here

သတင်းနှင့် လှုပ်ရှားမှုများ

Pages