သတင်းနှင့် လှုပ်ရှားမှုများ

  စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံးရှိ စားသုံးသူရေးရာဌာနခွဲတာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ၊ ပဲခူးမြို့နယ်တာဝန်ခံနှင့် တာဝန်ရှိသူတို့သည်  (၂၆.၈.၂၀၂၄)ရက်နေ့၊ နံနက် (၁၀:၃၀)နာရီတွင် ကဝမြို့ပေါ်ရှိ စားအုန်းဆီ လက်လီ/ လက်ကား ရောင်းချနေသော ကုန်စုံဆိုင်များအား သွားရောက်ကွင်းဆင်းစစ်ဆေးခြင်း ပြုလုပ်ဆောင်ရွက်ခဲ့‌ကြောင်းသိရှိရပါသည်။

     ကွင်းဆင်းဆောင်ရွက်ရာတွင် စားအုန်းဆီလက်လီ/ လက်ကားရောင်းချလျက်ရှိသော လုပ်ငန်းရှင်များအနေဖြင့် သက်ဆိုင်ရာဌာနများမှ ထုတ်ပြန်ထားသည့် အမိန့်၊ ညွှန်ကြားချက်များနှင့် အညီ ရောင်းချဖြန့်ဖြူးကြရန်တို့ကို ရှင်းလင်းပြောကြားခဲ့၍ စားအုန်းဆီခွဲတမ်းများကို သတ်မှတ်စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချရန်၊ အချိန်အတွယ်မှန်ကန်စွာ ရောင်းချကြရန်နှင့် ခွဲတမ်းရရှိသည့်ဆိုင်များအနေဖြင့် ဈေးနှုန်းကိုအများမြင်သာသောနေရာများတွင် မြင်သာသည့် စာလုံးအရွယ်အစားများဖြင့် Vinyl ချိတ်ဆွဲထားရှိရန် အသိပညာပေးပြောကြားခဲ့၍ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

  စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံး၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ၊ စားသုံးသူရေးရာဌာနခွဲတာဝန်ခံနှင့် ဝန်ထမ်းများသည် (၂၆.၈.၂၀၂၄)ရက်နေ့ နေ့လယ်(၁၄:၃၀)နာရီအချိန်တွင် ပဲခူးမြို့အတွင်းရှိ လက်လီ/ လက်ကားရောင်းချနေသော ဆန်ဆိုင်များနှင့်ဆန်သိုလှောင်များသို့ သွားရောက်ကာ ကွင်းဆင်းစစ်ဆေးခြင်းများ ပြုလုပ် ဆောင် ရွက်ခဲ့ကြောင်းသိရှိရပါသည်။

     အဆိုပါ ကွင်းဆင်းစစ်ဆေးခြင်းများ ဆောင်ရွက်ခဲ့ရာ လက်လီ/ လက်ကားရောင်းချနေသော ဆန်ဆိုင်များနှင့်ဆန်သိုလှောင်ရုံများအနေဖြင့် ဈေးကစားရန်ရည်ရွယ်ချက်ဖြင့်  ဆန်များသိုလှောင်ထားခြင်း မပြုလုပ်ကြစေရန်၊ ဈေးနှုန်းများကို အများပြည်သူများ မြင်သာသောနေရာတွင် မြင်သာသည့်စာလုံးအရွယ်အစားနှင့် ‌ရေးသားဖော်ပြ၍ရောင်းချရန်၊ သတ်မှတ်ထားသည့် သင့်တင့်မျှတသော ဈေးနှုန်းများဖြင့် ရောင်းချနိုင်ရန်နှင့် မြန်မာဆန်စပါးအွန်လိုင်း (Myanmar Rice Online) (MyRo)တွင် မှတ်ပုံတင်ထားခြင်းရှိ/ မရှိနှင့် မှတ်ပုံတင်ထားခြင်းမရှိပါက သက်ဆိုင်ရာမြို့နယ်အလိုက် စားသုံးသူရေးရာဦးစီးဌာနရုံးများနှင့် ချိတ်ဆက်၍ မှတ်ပုံတင်ခြင်း ဆောင်ရွက်နိုင်ရေးကိစ္စရပ်များကို အသိပညာပေးဆွေးနွေးကာ အလေးချိန်ပြည့်ဝမှန်ကန်စွာ ရောင်းချခြင်းရှိ/ မရှိတို့ကို ကွင်းဆင်းစစ်ဆေးခြင်းများပြုလုပ် ဆောင်ရွက်ခဲ့ကြောင်း သိရှိရပါသည်။

(DOCA)ပဲခူး

      စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၌ ၂၇.၈.၂၀၂၄ ရက်နေ့ ၊နေ့လယ် (၁၄:၀၀) နာရီအချိန်တွင် “ကလေးအလုပ်သမားပပျောက်ရေး ဆိုင်ရာ/ ဥပဒေရေးရာ လုပ်ငန်းကော်မတီ၏ အသိပညာပေးဟောပြောပွဲနှင့် အွန်းလိုင်းစနစ်ဖြင့် ရောင်းချ ခြင်း Online Sale လုပ်ငန်းများ မှတ်ပုံတင်လက်မှတ်လျှောက်ထားခြင်းနှင့် ပတ်သက်၍ သိကောင်း စရာများ ရှင်းလင်းဆွေးနွေးခြင်း ” အခမ်းအနားကို ကျင်းပပြုလုပ်ခဲ့ရာ စစ်ကိုင်းတိုင်းဒေသကြီး၊ ဥပဒေချုပ်ရုံးမှ  ဥပဒေချုပ်၊ ဒု-တိုင်းဒေသကြီးဦးစီးမှူးနှင့် ဥပဒေအရာရှိများ ၊စားသုံးသူရေးရာ ဦးစီးဌာနမှ  ခေတ္တတိုင်းဒေသကြီးဦးစီးမှူးနှင့် အရာထမ်းများ၊ မုံရွာမြို့ပေါ်ရှိ စတိုးဆိုင်ပိုင်ရှင်များ၊ ဆီကုန်သည်များ ၊ဆန်ကုန်သည်များ စုစုပေါင်း (၄၀) ဦးတက်ရောက်ခဲ့ကြောင်း သိရပါသည်။

    အဆိုပါ ဆွေးနွေးပွဲကို ဥပဒေချုပ်ရုံးမှ ဥပဒေချုပ် ဒေါ်လှလှဝင်းက  မိတ်ဆက်စကား ပြောကြားခဲ့ပြီး ၊ ဥပဒေအရာရှိ ဒေါ်ခင်ဆွေထွန်းက ကလေးအလုပ်သမားပပျောက်ရေးဆိုင်ရာ/ ဥပဒေရေးရာအကြောင်း ရှင်းလင်းဆွေးနွေးခဲ့ပြီး စားသုံးသူရေးရာဦးစီးဌာန၊ တိုင်းဒေသကြီး ဦးစီးမှူးရုံး၊ ထုတ်ကုန်လုံခြုံ စိတ်ချရမှုဌာနခွဲတာဝန်ခံအရာရှိ ဒေါ်အေးမြင့်ငြိမ်းက အွန်းလိုင်းစနစ်ဖြင့် ရောင်းချခြင်း Online Sale လုပ်ငန်းများ မှတ်ပုံတင်လက်မှတ်လျှောက်ထားခြင်းနှင့် ပတ်သက်၍ ရှင်းလင်းဆွေးနွေးခဲ့ရာ အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်မှု လုပ်ငန်းအဖြစ် သတ်မှတ်သည့်အမိန့်အကြောင်း၊ ကုန်စည်/ဝန်ဆောင်မှုကို Online ဖြင့် အရောင်းအဝယ်လုပ်ငန်း လုပ်ကိုင်နေကြသူ မည်သူမဆို အွန်လိုင်းစနစ်ဖြင့် ရောင်းချခြင်းလုပ်ငန်းကို မှတ်ပုံတင်လက်မှတ်လျှောက်ထားရရှိပြီးမှသာ လုပ်ကိုင် ရမှာဖြစ်ကြောင်း၊ အွန်လိုင်းစနစ်ဖြင့် ရောင်းချခြင်းလုပ်ငန်းကို ဆောင်ရွက်လိုသူများအနေဖြင့် စီးပွားရေးနှင့်ကူးသန်းရောင်းဝယ်ရေးဦးစီးဌာန၊ ကုန်သွယ်ရေးဦးစီးဌာနက သတ်မှတ်ထားသော လျှောက်လွှာပုံစံများတွင် ဖြည့်သွင်းပြီး အွန်လိုင်းစနစ်နှင့် ဦးစီးဌာနသို့ လျှောက်ထားရမည်ဖြစ်ကြောင်း၊  Online မှတ်ပုံတင် လျှောက်ထားရာတွင် အမျိုးအစား (၂) မျိုးရှိပြီး မှတ်ပုံတင်လျှောက်ထားလျှင် ပေးသွင်းရမည် မှတ်ပုံတင်ကြေးများ၊ သက်တမ်းတိုးကြေးများ၊ ပြင်ဆင်ချက် တစ်ချက် ပြင်ဆင်လိုလျှင် သတ်မှတ်ထားသည့်ပြင်ဆင်ကြေးများအကြောင်း၊ မှတ်ပုံတင်လက်မှတ် ရရှိပြီး ရောင်းချသူများအနေဖြင့် ရရှိနိုင်သည့် အခွင့်အရေးများအကြောင်း ရှင်းလင်းခဲ့ကြောင်း သိရှိရပါသည်။

    ဆက်လက်၍ တက်ရောက်လာသူများက မေးမြန်းဆွေးနွေးခြင်းနှင့် ကလေးအလုပ်သမားပပျောက်ရေးဆိုင်ရာ/ ဥပဒေရေးရာလုပ်ငန်းကော်မတီဝင်များက ဖြည့်စွက်ဆွေးနွေးခဲ့ပြီး  ပြည်လည်ဖြေကြားခြင်းများဆောင်ရွက်ခဲ့ကြောင်း သိရှိရပါသည်။

DOCA(စစ်ကိုင်း)

     ၂၀၂၄ ခုနှစ်၊ သြဂုတ်လ (၂၇) ရက်နေ့၊ နေ့လယ် (၁၃:၀၀)အချိန်တွင် တနင်္သာရီတိုင်းဒေသကြီး၊ မြိတ်မြို့ ရှိ မြိတ်ဆီကိုယ်စားလှယ်သို့ ရန်ကုန်မှ စားအုန်းဆီ ၈၀ ပေပါ (သို့) ပိဿာ ၈၈၀၀ သည်  6R-5629 မော်တော်ယာဥ်ဖြင့် မြိတ်မြို့သို့ ရောက်ရှိလာခဲ့ပြီး အဆိုပါစားအုန်းဆီများကို မြိတ်ခရိုင် စားသုံးသူရေးရာဦးစီးဌာနမှ သွားရောက်စစ်ဆေးခဲ့ကြောင်း သိရှိရပါသည်။ ၎င်းတို့ကို ရည်ညွှန်း‌စျေး၊ သယ်ယူပို့ဆောင်ကုန်ကျစရိတ်နှင့် ၂% အမြတ်တို့ဖြင့် လက်လီဆိုင်များသို့ ခွဲဝေရောင်းချပေးသွားမည်ဖြစ်ကြောင်း၊ လက်လီဆိုင်များမှ ပြည်သူများသို့ ၂% အမြတ်ဖြင့် ပြန်လည်ရောင်းချမည်ဖြစ်ကြောင်း ဆီကိုယ်စားလှယ်ထံမှ သိရှိရပါသည်။   

DOCA(တနင်္သာရီ)

    အသက်အရွယ်ကြီးမားသည့် လူကြီးများနှင့် ကလေးသူငယ်များ အများဆုံးအသုံးပြုသည့် ဆေးဝါးဖြစ်သည့်အတွက် ဘေးအန္တရာယ်မရှိစေရန် (၂၂.၈.၂၀၂၄) ရက်နေ့တွင် ကမာရွတ်မြို့နယ် လှည်းတန်းဈေးနှင့် (၂၃.၈.၂၀၂၄) ရက်နေ့တွင် ကြည့်မြင်တိုင်မြို့နယ် ကမ်းနားဈေးတို့တွင် ကွင်းဆင်းစစ်ဆေးခဲ့ရာ လှည်းတန်းဈေးရှိ ဦးသိန်းဟန်+ဒေါ်မြရီဆေးဆိုင်တွင် အံ့ဖွယ်ခေါင်းကိုက် ပျောက်ဆေး၊ အဘထရှုဆေး၊ လင်ဇီးဒဏ်ကြေလိမ်းဆေး၊ စင်္ကြာမင်းအရိုးကျီးပေါင်းဆေး၊ ပန်းဝတ်မှုန်အပူငြိမ်းဆေး၊ ဆရာခိုအနာလိမ်းဆေး၊ ရှမ်းပျိုမယ် ရွှေရုပ်လွှာသွေးဆေး၊ ကေသီပန် သွေးပုပ်ချဆေးတို့အားစစ်ဆေးခဲ့ပြီး ကမ်းနားဈေးအတွင်းရှိ နေလဆေးဆိုင်တွင် ဆရာမိုးဝမ်းမှန်ဆေး၊ ဆန္ဒမွန်ဆီးဝမ်းလေမှန်ဆေး၊ မှန်ချိုသလိပ်ပျော်ဆေး၊ ရှမ်းရိုးမအကြောပြေဆေး၊ ကချင် အကြောလိမ်းဆေး၊ မင်္ဂလာရွှေအုပ်အစာအိမ်ဆေး၊ ရွှေဝါဝင်းနံ့သာသွေးဆေး၊ ပြည်သူသဒ္ဒါ သွေးဆေးကြီးတို့အား ကွင်းဆင်းစစ်ဆေးခဲ့ရာ ကုန်အညွှန်းအမှတ်အသားများ ပြည့်စုံစွာပါရှိသည် ကိုစစ်ဆေးတွေ့ရှိရပါသည်။

DOCA(ရန်ကုန်)