သတင်းနှင့် လှုပ်ရှားမှုများ

   စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံ ဆန်စပါးအသင်းချုပ်တို့ ပူးပေါင်း၍  မြန်မာ ဆန်/စပါး အွန်လိုင်း(Myro)တွင် မှတ်ပုံတင်ခြင်း လုပ်ငန်းများ ကိုဆောင်ရွက်လျှက်ရှိရာ  နတ်တလင်းခရိုင်၊ နတ်တလင်းမြို့နယ် စားသုံးသူရေးရာ ဦးစီးဌာန ၌ (၁၀.၁၁.၂၀၂၅)ရက်၊ နံနက် (၁၀;၀၀)နာရီတွင် နတ်တလင်းခရိုင်၊ ခရိုင်ဦးစီးမှူး ဒေါ်အေးအေးသင်းက Myro တွင်  ဆန်/စပါး သိုလှောင်ရုံ လုပ်ငန်းရှင်များနှင့် တွေ့ဆုံ၍  Myro တစ်နှစ်သက်တမ်းပြည့်ပြီးသူများ ပြန်လည်သက်တမ်း တိုးရန်နှင့် သက်တမ်းတိုးပြီးသူများနှင့် အသစ်လျှောက်  ထားသည့် လုပ်ငန်းရှင်များ အနေဖြင့်  www.myro.com.mm  တွင် လစဉ်လဆန်း (၁)ရက်နေ့မှ (၇) ရက်အတွင်း ကုန်ပစ္စည်း ကုန်ရ၊ ကုန်ထုတ်၊ လက်ကျန် စာရင်းများဖြည့်သွင်းရေး တို့ကိုဆွေးနွေးခဲ့ပြီး စာရင်းထည့်သွင်းရာတွင် အခက်အခဲများရှိပါက ကူညီဆောင်ရွက်ပေးမည် ဖြစ်ကြောင်း အသိပေးပြောကြား ခဲ့ကြောင်းသိရသည်။

DOCA(ပဲခူး)

 ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ်၊မြို့မရပ်ကွက်၊ လမ်းမတော်လမ်း၌ (၂၇.၁၀.၂၀၂၅) ရက်နေ့၊ နံနက် ၁၀:၀၀ နာရီအချိန်တွင် ရပ်ကွက်နေပြည်သူများအား အသိပညာပေးဟောပြောပွဲကို ပြည်သူ(၁၇၈)ဦးနှင့်တွေ့ဆုံ၍စားသုံးသူရေးရာဦးစီးဌာန၊ခရိုင်ဦးစီးမှူးရုံးမှဦးစီးမှူးဒေါ်ခိုင်ခိုင်ရီမှ စားသုံးသူကာကွယ်ရေး ဥပဒေပါအကြောင်း အရာများ အသိပညာပေး ဆွေးနွေးဟောပြောခဲ့ပါသည်။ စားသုံးသူသူရေးဦစီးဌာန ဆိုတာကတော့    ယခင်ကုန်သွယ်လယ်ယာဌာနကို ပြောင်းလဲ၍ဖွဲ့စည်းထားသည့် ဌာန ဖြစ် ကြောင်း၊ စားသုံးသူရေးရာဦးစီးဌာနကို ၂၀၁၆ခုနှစ် ဧပြီလ(၁)ရက်နေ့ တွင် စတင်  ဖွဲ့စည်း ခဲ့ပါကြောင်း  စားသုံးသူရေးရာဦးစီးဌာနရဲ့ ဆောင်ပုဒ်ကတော့ စားသုံးသူအခွင့်အရေးဦးစားပေး မျှော်မှန်းချက်ကတော့  ပြည်တွင်းကုန်သွယ်မှုဖွံ့ ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့်နိုင်ငံ့စီးပွားဖွံ့ဖြိုး တိုးတက်စေရန်တို့ဖြစ်ပြီး ရည်မှန်းချက်(၄) ချက် ကိုလည်းရှင်းလင်းဆွေးနွေးခဲ့ပါသည်။ဆက်လက်၍ စားသုံးသူရေးရာဦးစီးဌာနဆိုတာ  စီးပွား/ကူးသန်းဝန်ကြီးဌာနလက်အောက်မှာရှိတဲ့ ဌာနတစ်ခုဖြစ် ပြီးစားသုံးသူရေးရာဦးစီးဌာနလက်အောက်မှာတော့ဌာနခွဲ(၆)ခုရှိပါတယ်၊ ဌာနခွဲတိုင်းဟာလည်းဌာနခွဲအလိုက်လုပ်ငန်းတာဝန်များလုပ်ဆောင်လျှက်ရှိပါကြောင်း၊   စားသုံးသူကာကွယ်ရေးဥပဒေပါ စားသုံးသူ၏ အခွင့်အရေးနှင့်တာဝန်များ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ စားသုံးသူပြည်သူများ သိရှိစေရန်နှင့်  စားသုံးသူရေးရာဦးစီးဌာနတွင် Online  Sale ဖြင့် မှတ်ပုံတင်ခြင်း ဆိုင်ရာလုပ်ငန်းများကိုဌာနမှ တာဝန်ယူ၍ လုပ်ဆောင် ပေးလျှက်ရှိကြောင်း အသိပေးဆွေးနွေးပြောကြားခဲ့ပြီး လက်ကမ်းစာစောင့်များဖြန့်ဝေခဲ့ပါသည်။

DOCA(ပဲခူး)

ပဲခူးတိုင်းဒေသကြီး၊ သာယာဝတီခရိုင်၊အုတ်ဖိုမြို့နယ်၊ စားသုံးသူရေးရာဦးစီးဌာန မြို့နယ် တာဝန်ခံရုံးမှ စစ်ဆေးရေးအရာရှိ ဦးအေးဇော်ထိုက် ဦးဆောင်လျက် ၂၇.၁၀.၂၀၂၅ရက်နေ့၊ နံနက် (၉:၃၀) နာရီအချိန်တွင် မြို့နယ်စည်ပင်သာယာရေးအဖွဲ့ ဆီလုပ်ငန်းများအသင်း၊ မြန်မာနိုင်ငံ ရဲတပ်ဖွဲ့တို့ ပါဝင်သောပူးပေါင်းအဖွဲ့သည် အုတ်ဖိုမြို့မဈေး အတွင်း ရောင်းချနေသော ဘူးသွတ်ဆီ အမျိုးမျိုးအား သတ်မှတ်စံချိန်စံညွှန်းများနှင့်အညီ ရောင်းချမှု ရှိမရှိအား ကွင်းဆင်း စစ်ဆေး ခဲ့ပါသည်။

          ကွင်းဆင်းစစ်ဆေးတွေ့ရှိချက်အရ Goody (ဟင်းသီးဟင်းရွက်ဆီ)၊Mas (အဆင့်မြင့်စား အုန်းဆီ)၊LoTus (ဟင်းသီးဟင်းရွက်ဆီ)၊Fortune (နေကြာဆီ) စသောတံဆိပ်အမျိုးအစားများဖြင့် 1Litre၊ 5Liters ဘူးများဖြင့် ရောင်းချကြပြီး ကုန်းအညွှန်းအမှတ်အသားများ ပြည့်စုံစွာပါရှိကြောင်း စစ်ဆေးတွေ့ရှိရပါသည်။

DOCA(ပဲခူး)

        ၈.၁၁.၂၀၂၅ ရက်နေ့ နံနက်(၀၉:၃၀) နာရီအချိန်တွင် လှိုင်မြို့နယ် ရတနာမွန်ဈေးနှင့် ကမာရွတ်မြို့နယ် လှည်းတန်းဈေးတို့တွင် ရောင်းချလျက်ရှိသော  အသင့်သောက်အချိုရည်အမျိုးမျိုးတို့တွင် ကုန်အညွှန်းအမှတ်အသားများ ပြည့်စုံစွာပါဝင်ခြင်းရှိ/ မရှိအား ကွင်းဆင်းစစ်ဆေးခြင်းများကို  ရန်ကုန်အနောက်ပိုင်းခရိုင်ဦးစီးမှူးရုံးမှ စစ်ဆေးရေးမှူး ဒေါ်မြတ်မွန် ဒု-ကြီးကြပ်ရေးမှူးနှင့် ဝန်ထမ်း(၂) ဦးနှင့် ဈေးမှတာဝန်ရှိသူတို့မှ ပူးပေါင်း၍ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးခဲ့ရာ ဈေးများတွင်ရောင်းချနေသော  အသင့်သောက် အချိုရည်အမျိုးမျိုးတို့တွင် ကုန်အညွှန်းအမှတ်အသားများ ပြည့်စုံစွာပါဝင်ခြင်းရှိ/ မရှိတို့အား ကွင်းဆင်းစစ်ဆေးခဲ့ရာတွင် အသင့်သောက်အချိုရည်အမျိုးမျိုးတို့တွင် ကုန်အညွှန်းအမှတ်အသားများ ပြည့်စုံစွာပါဝင်မှုရှိကြောင်း သိရှိရပါသည်။ ဒေါ်မြတ်မွန် ဒု-ကြီးကြပ်ရေးမှူးမှ ၎င်းတို့ဈေးတွင် ရောင်းချနေသော အသင့်သောက်အချိုရည်များတွင် စားသုံးသူများဘေးအန္တရာယ်မရှိစေရန်အတွက် ထုတ်လုပ်သည့် ရက်စွဲ၊ သက်တမ်းကုန်ဆုံးသည့်ရက်စွဲ၊ ထားသိုသိမ်းဆည်းမှု၊ ဓါတ်မတည့်ကြောင်းဖော်ပြချက်၊ ပါဝင်ပစ္စည်း၊ အလေးချိန်အရွယ်အစားစသည့် ကုန်အညွှန်းအမှတ်အသားများအား မြန်မာဘာသာဖြင့် ပြည့်စုံစွာထည့်သွင်းထားသည့် အသင့်သောက်အချိုရည်များကိုသာ ရောင်းချစေလိုကြောင်း အသိပညာပေးဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

 ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့်ဝန်ထမ်းများသည် မိုးညိုမြို့နယ်အတွင်း စားအုန်းဆီလက်လီ/လက္ကားရောင်းချနေသော ပြည်တော်အေးလမ်း၊ ရွှေဥဒေါင်းရပ်ကွက်ရှိ  ဦးအေးလွင် ကုန်စုံဆိုင်အား ၂၄.၁၀.၂၀၂၅ ရက်နေ့ နံနက်(၁၀:၀၀) အချိန်တွင် ရှောင်တခင်ဝင်ရောက် စစ်ဆေး  ခဲ့ကြပါသည်။

     ထိုသို့စစ်ဆေးရာတွင် မိုးညိုမြို့နယ်အတွင်းရှိ စားအုန်းဆီရောင်းချနေသော ဆိုင်များအနေ ဖြင့်သတ်မှတ်ထားသော စည်းကမ်းချက်များနှင့်အညီ ဗွီနိုင်းများချိတ်ဆွဲရောင်းချကြောင်း သတ်မှတ်  ဈေးနှုန်းများအတိုင်း အိမ်ထောင်စုအလိုက်၊ စားအုန်းဆီဝယ်ယူခွင့်၊ စားအုပ်များဖြင့်ရောင်းချနေ ကြောင်းစစ်ဆေးတွေ့ရှိရပါသည်။

DOCA(ပဲခူး)