သတင်းနှင့် လှုပ်ရှားမှုများ

              စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမင်းဇော်နှင့် လက်ထောက်ကြီးကြပ်ရေးမှူး ဦးဇော်မိုးအောင်တို့သည် အစားအသောက်နှင့်ဆေးဝါးကွပ်ကဲရေး ဦးစီးဌာနသည် ရေတာရှည်မြို့၊ ဆွာမြို့တွင် ဈေးကွက်စောင့် ကြည့်စစ်ဆေးခြင်း ဆောင်ရွက်ရာ၌ ပူးပေါင်းပါဝင်ဆောင်ရွက်ပေးနိုင်ပါရန် ညှိနှိုင်းချက်အရ (၁၄.၂.၂၀၂၅) ရက်နေ့ နံနက်ပိုင်းက ဈေးကွက်စောင့်ကြည့်စစ်ဆေးခြင်းကို ပူးပေါင်းအဖွဲ့ဝင်များနှင့်အတူ ဆောင်ရွက်ခဲ့ပါသည်။

              ပူးပေါင်းအဖွဲ့သည် ဆွာဈေးနှင့် ဈေးပြင်ပကုန်စုံဆိုင်ကြီးများတွင် ရောင်းချလျှက်ရှိသော အစားအသောက်များနှင့် အလှကုန်ပစ္စည်းများတွင် တားမြစ်ဓါတုဆေးဝါးများ ပါဝင်မှုရှိ/မရှိနှင့် ရက်လွန်/မလွန်ကိုလည်းကောင်း၊ ဆေးဆိုင်များ၌ ရောင်းချလျှက်ရှိသော ဆေးဝါးများတွင် ရက်လွန်/ မလွန်နှင့် တရားမဝင်ဆေးဝါးများ ရောင်းချမှုရှိ/မရှိကိုလည်းကောင်း ကွင်းဆင်း စောင့်ကြည့် စစ်ဆေးခဲ့ပါသည်။

              ပူးပေါင်းအဖွဲ့တွင် အစားအသောက်နှင့် ဆေးဝါးကွပ်ကဲရေးဦးစီးဌာန၊ တောင်ငူခရိုင် ဦးစီးမှူးရုံးမှ ဒု-ကြီးကြပ်ရေးမှူး ဒေါ်သူသူဟန်၊ ပြည်သူ့ကျန်းမာရေးဦးစီးဌာန ဆွာတိုက်နယ်ဆေးရုံ မှ ဒေါက်တာပွင့်ဦးဇွန်ဝေလှိုင်နှင့် မြို့နယ်စည်ပင်သာယာရေးအဖွဲ့မှ ဆွာဈေးတာန်ခံ ဦးဗညားထွန်း တို့ဦးဆောင်သော ဝန်ထမ်းများ ပူးပေါင်းပါဝင်ဆောင်ရွက်ကြောင်း သိရပါသည်။

DOCA(ပဲခူး)

            ဧရာဝတီတိုင်းဒေသကြီး၊ ဖျာပုံခရိုင် ဘိုကလေးမြို့ (၃)ရပ်ကွက်ရှိ မူလွန် ကျောင်းတွင် ဆရာ/ဆရာမနှင့်ကျောင်းသူ/သား (၂၁၇)ဦးအား၊ ၂၀၂၅ခုနှစ်၊ ဖေဖော်ဝါရီလ (၁၇)ရက်နေ့တွင်   စားသုံးသူကာကွယ်ရေး အသိပညာပေးဟောပြောမှု ဆောင်ရွက်ခဲ့ပါသည်။

           ထိုဟောပြောပွဲ အခမ်းအနားတွင် မြို့နယ်တာဝန်ခံသည် စားသုံးသူကာကွယ်ရေးဆိုင်ရာ အကြောင်းများဖြစ်သည့်  စားသုံးသင့်သည်ထက် ကျော်လွန်ပြီး အရောင်၊ အနံ၊ အရသာ လှလှပပစားချင်ဖွယ် ပြုလုပ်စားသောက်ကြ၍လည်းကောင်း၊  တာရှည်ခံရန်ဘေးအန္တရာယ်ရှိ ဖော်မလင်ဆေးများ ထည့်သွင်း သုံးစွဲမှုများကြောင့် ထိခိုက်ဆုံးရှုံးမှုများမရှိစေရန် ကျောင်းသူ/သားများ အစားအသောက် ထုတ်ကုန်များ ဝယ်ယူစားသုံးရာတွင် သက်တမ်းကုန်ဆုံးရက်ကြည့်ရန်နှင့် ကုန်အညွှန်းအမှတ်အသားကို စိစစ်ပြီးမှ ဝယ်ယူစားသုံးရန် ပြောကြားခဲ့ကြောင်းသိရှိရပါသည်။

DOCA(ဧရာဝတီ)

             စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဖေဖော်ဝါရီလ (၁၃)ရက်နေ့ နံနက် (၁၀:၀၀) နာရီအချိန်တွင် ဘိုကလေးမြို့ပေါ်ရှိ ကလေးအာဟာရဖြည့်စွက်စာရောင်းချသည့် ဆိုင်များအား ကွင်းဆင်းစိစစ်မှု ဆောင်ရွက်ခဲ့ကြောင်း သိရသည်။

          ထိုသို့ကွင်းဆင်းစစ်ဆေးရာတွင် ဈေးကွက်အတွင်း ရောင်းချနေသော ကလေးအာဟာရ ဖြည့်စွက်စာ (GOLD POWER/MIKKO MATE (NON,DAIRY CREAMER)) တို့တွင် မြန်မာ ဘာသာဖြင့် ရေးသားဖော်ပြထားသော ကုန်အညွှန်းအမှတ်အသား ဖော်ပြချက်များ၊ FDA ထောက်ခံချက် အမှတ်အသားများ ရေးသားဖော်ပြထားကြောင်း စိစစ်တွေ့ရှိရပါသည်။ ထိုနောက် ရောင်းချလျက်ရှိသော လုပ်ငန်းရှင်များအား  ကုန်အညွှန်းဖော်ပြချက်ပြည့်စုံမှုများကိုသာ ရောင်းချရန်နှင့် တရားမဝင်ကုန်စည်များနှင့် ကုန်အညွှန်းအမှတ်အသား မပါသော ကုန်စည်များကို ဝယ်ယူရောင်းချခြင်း မပြုကြရန် အသိပညာပေးခဲ့ကြောင်း သတင်းရရှိပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့ ပြန်ဆက်ရုံး၌၂၀၂၅ ခုနှစ်၊ ဖေဖော်ဝါရီလ (၁၃)ရက်နေ့တွင် ထုတ်ကုန်လုံခြုံစိတ်ချရမှုနှင့် ပတ်သက်၍ စားသုံးသူကာကွယ်ရေး အသိပညာ Talk Show ဆွေးနွေးခြင်း ပြုလုပ်ဆောင်ရွက်ခဲ့ကြောင်း သိရသည်။

          ထိုသို့  ဆွေးနွေးခြင်းတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးမင်းဇော်သည် စားသုံးကုန်စည်များတွင် ကုန်အညွှန်းအမှတ်အသားများ ပါရှိရမည်ဖြစ်ကြောင်း၊ ထုတ်လုပ်/ ဖြန့်ဖြူးရောင်းချသူများအနေဖြင့် ကုန်စည်အပေါ် အာမခံချက် အပြည့်အဝပေးဆောင်ရမည်ဖြစ်ကြောင်း ၊ ထုတ်ကုန်လုံခြုံစိတ်ချမှုများရှိစေရန် ကွင်းဆင်းကြီးကြပ် ဆောင်ရွက်မှု များ ပြုလုပ်လျက်ရှိကြောင်း ဆွေးနွေးခဲ့သည်ဟု  သတင်းရရှိပါသည်။

DOCA(ဧရာဝတီ)      

           ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ခုနှစ်၊ ဖေဖော်ဝါရီလ(၁၇)ရက်နေ့တွင် မြို့နယ် တာဝန်ခံရုံး၌စားသုံးသူကာကွယ်ရေး အသိပညာပေး ဟောပြောခြင်း ကိုဆောင်ရွက်ခဲ့ပါသည်။

            အဆိုပါဆွေးနွေးပွဲတွင် မြို့နယ်တာဝန်ခံက စီးပွားရေးလုပ်ငန်းရှင်များ လိုက်နာ ဆောင်ရွက်ရန် ညွှန်းကြားခဲ့ပြီးဖြစ်ကြောင်း၊ အဆိုပါ ဖော်ပြချက်များတွင် စားသုံးသူများ ထင်ယောင်ထင်မှား မဖြစ်စေရေးနှင့်  အခြေခံလိုအပ်ချက်များအပေါ် စိတ်ကျေနပ်မှု့ ရှိစေရေးအတွက် စီးပွားရေး လုပ်ငန်းရှင်များအနေဖြင့် ဈေးကွက်အတွင်း ရောင်းချသည့် ကုန်စည်များတွင် ကုန်အညွှန်း အမှတ်အသား ပြည့်စုံစွာပါဝင်သော ကုန်စည်များကိုသာ ဝယ်ယူရောင်းချရန် လိုအပ်ကြောင်း၊ ကုန်အညွှန်းအမှတ်အသား ဖော်ပြရာတွင် မြေပဲဆီ၊ နှမ်းဆီ၊ နေကြာဆီ၊ စားအုန်းဆီ၊  အဆင့်မြင့် စားအုန်းဆီ စသည့် အမျိုးအမည်များကို တိကျစွာ မြန်မာဘာသာဖြင့် ဖော်ပြရမည်ဖြစ်ကြောင်း၊  ကုန်စည် အသားတင် ပမာဏနှင့် အရွယ်အစား တို့အား မြန်မာအလေးချိန်ယူနစ်ဖြစ်သော ပိဿာ၊ ကျပ်သားတို့ကိုလည်း မြန်မာဘာသာဖြင့် ဖော်ပြရမည် ဖြစ်ပါကြေင်းနှင့် ဈေးကွက်အတွင်း ဖြန့်ဖြူးရာတွင် ဓါတုဗေဒပစ္စည်း ထည့်သွင်းအသုံးပြုထားသည့်ပုံများ ပေပါများတွင် စားအုန်းဆီများ ထည့်သွင်းသုံးစွဲခြင်း မပြုလိုပါကြောင်း၊ ဌာနအနေဖြင့် ပြည်ပမှတင်သွင်းလာသည့် စားအုန်းဆီများ အရည်အသွေး ပြည့်မီရေး၊ ပြည်သူများ ကျန်းမာရေးနှင့်ညီညွတ်ပြီး ဘေးအန္တရာယ်ကင်းရှင်းသည့် စားသုံးဆီ များကို သုံးစွဲနိုင်ရေး၊ ဈေးကွက်အတွင်း ဖြစ်သင့်ဖြစ်ထိုက်သည့်ဈေးနှုန်းဖြင့် ဝယ်ယူသုံးစွဲ နိုင်ရေးအတွက် ပြည်ပမှစားသုံးဆီများ တင်သွင်းခြင်း၊ သိုလှောင်ခြင်း၊ ဖြန့်ဖြူးခြင်း လုပ်ငန်းများကို ထိန်းကျောင်း ကြပ်မတ်ဆောင်ရွက်လျက်ရှိပါကြောင်း၊ လုပ်ငန်းရှင်များအနေဖြင့် ညွှန်းကြားချက်များကို လိုက်နာဆောင်ရွက်ကြရန်၊  ဌာနမှ ကွင်းဆင်းကြပ်မတ် ဆောင်ရွက်သွားမည်ဖြစ်ကြောင်း အသိပေးပြောကြားခဲ့ပါသည်။

DOCA(ဧရာဝတီ)