သတင်းနှင့် လှုပ်ရှားမှုများ

   ဧရာဝတီတိုင်းဒေသကြီး မအူပင်ခရိုင်၊ စားသုံးသူရေးရာဦးစီးဌာနနှင့် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မအူပင်ခနောင် အခြေခံပညာအလယ်တန်း ကျောင်းခွဲတွင် (၁၃.၆.၂၀၂၄) ရက်နေ့ နံနက်(၉)နာရီက စားသုံသူအခွင့်အရေး အသိပညာပေးဟောပြောပွဲ၊ နံရံကပ်စာစောင်နှင့် ဓာတ်ပုံပြပွဲများ ပြုလုပ်ဆောင်ရွက်ခဲ့ကြောင်း သိရသည်။   

   ဟောပြောပွဲ၌ စားသုံးသူရေးရာဦးစီးဌာန မအူပင် ဒု-ခရိုင်ဦးစီးမှူး ဦးအောင်ဇော်ဦးက ကျောင်းသား/ ကျောင်းသူများအား စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းနှင့် ကိုက်ညီမှုရှိသော ကုန်ပစ္စည်းရွေးချယ် ဝယ်ယူသုံးစွဲတတ်စေရန်နှင့် ကုန်ပစ္စည်းများဝယ်ယူသုံးစွဲကြရာ၌ ထိခိုက်နစ်နာမှုရှိပါက တိုင်ကြားခွင့်၊ တရားစွဲဆိုပိုင်ခွင့်များအကြောင်းကို အကျယ်တဝင့် ဟောပြောဆွေးနွေးပြီး၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနက လူငယ်များ မူးယစ်ဆေးသုံးစွဲခြင်း၏ ဆိုးကျိုးနှင့် ဆေးလိပ်သောက်ခြင်း၏ ကျန်းမာရေးဆိုးကျိုးအကြောင်းကို အသိပညာပေး ဟောပြောဆွေးနွေးခဲ့ပါသည်။ဟောပြောပွဲသို့ ကျောင်းသား/ကျောင်းသူ၊ ဆရာ/ဆရာမ (၁၂၅)ဦးတက်ရောက်ကြောင်း သတင်းရရှိပါသည်။

DOCA(ဧရာဝတီ)

     ကျိုက်လတ်မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် မြို့နယ်တာဝန်ခံနှင့် ဝန်ထမ်းများသည် ၂၀၂၄ ခုနှစ်၊ ဇွန်လ (၁၄) ရက်နေ့ ၊ နံနက် (၁၀:၀၀) နာရီအချိန်တွင် စားသုံးဆီ ဖြန့်ဖြူးရောင်းချသည့် လုပ်ငန်းရှင်များအား အသိပညာပေးဟောပြောခဲ့ပါသည်။

    အဆိုပါ ဟောပြောရာတွင် မြို့နယ်တာဝန်ခံ ဦးမိုးမင်းသန်းက Royal နှင့် ငါးနှစ်ကောင် တံဆိပ်ပါ စားသုံးဆီများ ဖြန့်ဖြူးရောင်းချမည်ဆိုပါက သက်ဆိုင်ရာ မြို့နယ် စားသုံးသူရေးရာဦးစီးဌာနရုံးများသို့ ရောင်းချမည့် အရေအတွက်များကို လျှောက်လွှာတင်၍ အသိပေးရောင်းချရမည်ဖြစ်ကြောင်းနှင့် တရားဝင်ခွင့်ပြုထားသော စားသုံးဆီများ၊ကုန်အညွှန်းအမှတ်အသားပြည့်စုံစွာ ဖော်ပြထားသော ဆီများကိုသာရောင်းချရန်နှင့် လိုက်နာဆောင်ရွက်ခြင်းမရှိပါက တည်ဆဲဥပဒေအရ ထိရောက်စွာ အရေးယူမည်ဖြစ်ကြောင်း အသိပညာပေးဟောပြောခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည် မိတ်ဘက်ဌာနဆိုင်ရာများနှင့် ပူးပေါင်း ၍  ၂၀၂၄ ခုနှစ်  ဇွန်လ(၁၂)ရက်နေ့ နံနက် (၁၀:၀၀)နာရီအချိန်တွင် ကြံခင်းမြို့နယ်၊ ချင်းမြောင်ကျေးရွာအုပ်စုရှိ  အခြေခံပညာနှင့် စက်မှု/ စိုက်ပျိုး/ မွေးမြူရေးအထက်တန်းကျောင်း၌ ဆရာ/ဆရာမများနှင့် ကျောင်းသား/ကျောင်းသူ (၁၂၀)ဦးအား စားသုံးသူကာကွယ်ရေးဆိုင်ရာ အသိပညာပေး ဟောပြောခြင်းကို ဆောင်ရွက်ခဲ့ပါသည်။

     ဟောပြောပွဲတွင်မြို့နယ်တာဝန်ခံဦးကျော်နိုင်ဝင်းက စားသုံးသူရေးရာဦးစီးဌာန၏ သမိုင်းအကျဉ်း၊  စားသုံးသူကာကွယ်ရေးဥပဒေများအကြောင်း၊  စားသုံးကာကွယ်ရေးဥပဒေပါ စားသုံးသူ အခွင့်အရေးနှင့် တာဝန်များအကြောင်း၊ အခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ သိကောင်းစရာများအကြောင်း၊ ကုန်စည် (သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှုများနှင့်စပ်လျဉ်း၍ ကုစားခွင့်ရရှိခြင်းများအကြောင်း၊ ပြစ်မှုနှင့်ပြစ်ဒဏ်များအကြောင်း၊ ဈေးကွက်အတွင်းရောင်းချနေသော ကုန်ပစ္စည်းများကို ရွေးချယ်ဝယ်ယူအသုံးပြုတတ်စေရန် အသိပညာပေးခြင်းများ၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက www.doca. gov.mm Website တွင် ဝင်ရောက် လေ့လာနိုင်ကြောင်း၊ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ်ထားရှိမှု အခြေအနေကိုလည်းကောင်း၊ Consumer Call Center 1535 သို့ ဆက်သွယ်မေးမြန်းနိုင်ကြောင်း စသည့်တို့ကို အသိပညာပေး ဟောပြောခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန အင်္ဂပူမြို့နယ်တာဝန်ခံသည် (၁၁.၆.၂၀၂၄)ရက်နေ့၊ နံနက်(၀၉:၃၀) နာရီအချိန်တွင် အင်္ဂပူမြို့နယ်၊ကွင်းကောက်ဈေးအတွင်းရှိ စားအုန်းဆီအရောင်းဆိုင်များအား  ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

    ထိုသို့ကွင်းဆင်းစစ်ဆေးခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန် အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိတို့ကိုစစ်ဆေးခဲ့ပြီး၊ မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန် ကြော်ငြာထားသော ညွှန်းကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာ ရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေး ပြည့်မီသောကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်၏ တာဝန်များအကြောင်း၊ တားမြစ်ချက်များနှင့် ပြစ်မှုပြစ်ဒဏ်များ၊ စားသုံးဆီ ရောင်းချသောလုပ်ငန်းရှင် များအနေဖြင့် ဈေးနှုန်းမြှင့်တင်ရောင်းချမှုမရှိစေရေး၊ ဈေးကွက်အတွင်း ဈေးနှုန်းမြှင့်တင်ရောင်းချခြင်းများတွေ့ရှိပါက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော  အရေးကြီး ကုန်စည်နှင့်ဝန်ဆောင်မှုဥပဒေပါ ပြစ်မှုပြစ်ဒဏ်များအရ အရေးယူဆောင်ရွက်နိုင်သည့်အကြောင်းစသည်တို့ကို အသိပညာပေးပြောကြားခဲ့ပြီး၊ စားအုန်းဆီအရောင်းဆိုင်(၅)ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန ၊ ဘိုကလေးမြို့နယ် တာဝန်ခံနှင့် ဝန်ထမ်းတို့သည် ၂၀၂၄ခုနှစ်၊ ဇွန်လ(၁၁) ရက်နေ့ ၊ နေ့လယ်(၁၃:၀၀) နာရီအချိန်တွင် ဘိုကလေးမြို့ (၉) ရပ်ကွက် ၊ ဇေယျာတိုး ဆန်စက်သို့ ထုတ်ကုန်လုံခြုံစိတ်ချရမှုနှင့် MSMEs လုပ်ငန်းဖွံ့ဖြိုးတိုးတက်ရေး ကွင်းဆင်းစိစစ် ဆောင်ရွက်ခဲ့ပါသည်။

    ထိုသို့ ကွင်းဆင်းစိစစ်ရာတွင် ဆန်စပါးဈေးနှုန်း ဈေးကွက်အခြေအနေ၊ ဆန်ကြိတ်ခွဲရာမှ ထွက်ရှိသော ကုန်စည်များ အရည်အသွေးပြည့်မီစေရေး၊ အချိန်အတွယ်များ မှန်ကန်မှုရှိ/မရှိ ၊ ဈေးနှုန်းတည်ငြိမ်မှုရှိ/မရှိ နှင့် MSMEs လုပ်ငန်းဖွံ့ဖြိုးတိုးတက်ရေးအတွက် နည်းစနစ်သစ်များ၊ ခေတ်မီစက်ကိရိယာများ တပ်ဆင်ထားခြင်းရှိ/မရှိ ၊ ထုတ်ကုန်များ ပိုမိုထုတ်လုပ်နိုင်မှသာ ဈေးကွက်စီးပွားရေးစနစ် ပိုမိုကျယ်ပြန့်လာနိုင်သလို ၊ ထုတ်လုပ်မှုအင်အားကောင်းပြီး နေ့စဉ်လည်ပတ်နိုင်မှသာ ဆန်စက်အား မှီခိုအားထားနေသော ဝန်ထမ်းအလုပ်သမား မိသားစုများ၏ စားဝတ်နေရေး ပြေလည်နိုင်မည်ဖြစ်ကြောင်း တွေ့ဆုံဆွေးနွေး ကွင်းဆင်းစိစစ်မှုအပေါ် သတင်းရရှိ ပါသည်။

DOCA(ဧရာဝတီ)