သတင်းနှင့် လှုပ်ရှားမှုများ

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ် တာဝန်ခံ သည် (၁၁.၁၁.၂၀၂၅)ရက်နေ့ နံနက်(၁၁:၀၀)နာရီအချိန်တွင် မိတ်ဖက်ဌာနဆိုင်ရာများနှင့်အတူ ပူးပေါင်း၍ မင်းဘူးမြို့ပေါ်ရှိ "ဖြိုး" ကလေးအသုံးအဆောင်ဆိုင်အားသွားရောက်၍ ကလေး တစ်ကိုယ်ရည်သုံး ပစ္စည်း အမျိုးမျိုးအား ဈေးကွက် စောင့်ကြည့်စစ်ဆေးခြင်း ဆောင်ရွက်ခဲ့ ကြောင်း သိရသည်။

            ထိုသို့စစ်ဆေးရာတွင် ကလေးငယ်များဘေးအန္တရာယ်ကင်းရှင်းစေရန်အတွက် ဈေးကွက် အတွင်းရောင်းချသော ကလေးတစ်ကိုယ်ရည်သုံး ပစ္စည်းအမျိုးမျိုးတွင် ကုန်အညွှန်အမှတ်အသား ဖော်ပြချက်များဖြစ်သော ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသား တင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာ ဘေးထွက် ဆိုးကျိုး(သို့) ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်များ ပါဝင်မှုရှိ/မရှိတို့ကို ကွင်းဆင်းစစ်ဆေးခဲ့ရာ ဈေးကွက်အတွင်းတွင် KODOMO(baby cream)၊ KODOMO(baby powder) အစရှိသည့် ကလေးတစ်ကိုယ်ရည်သုံး ပစ္စည်းအမျိုးမျိုး တို့တွင် ကုန်အညွှန်း အမှတ်အသားများ ပြည့်စုံစွာဖော်ပြထားသည်ကို စစ်ဆေး တွေ့ရှိရကြောင်း သိရှိရပါသည်။

DOCA(မကွေး)

  မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ် မီးသတ်ဦးစီးဌာနမှ မီးသတ်ဦးစီးမှူး ဦးစောမောင်နှင့် စားသုံးသူရေးရာဦးစီးဌာနမှ ဒု-ဦးစီးမှူး ဒေါ်ဌေးဌေးတို့က ဦးဆောင်၍ မီးသတ်တပ်ဖွဲ့ ဝင်များသည် “သင်း” ပဲကြော်၊ ပဲလှော်နှင့် အကြော်စုံလုပ်ငန်းပိုင်ရှင်နှင့် အလုပ်သမားများအား (၈.၁၁.၂၀၂၅)ရက်နေ့၊ နံနက်(၀၇:၃၀)အချိန်တွင် မီးဘေးကြိုတင်ကာကွယ်ရေး ဟောပြောခြင်းနှင့် ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရသည်။

          အဆိုပါ ဟောပြောပွဲအခမ်းအနားတွင် တောင်တွင်းကြီးမြို့နယ် မီးသတ်ဦးစီးဌာနမှ မီးသတ်ဦးစီး မှူး ဦးစောမောင်က မီးဘေးလုံခြုံကာကွယ်ရေးအသိပညာပေး ဆွေးနွေးရခြင်း ရည်ရွယ်ချက်များ၊ မီးလောင်မှုအခြေခံသဘောတရားများ၊ မီးငြိမ်းသတ်ခြင်းစနစ်များ၊ မီးအတန်းအစားခွဲခြားခြင်းများ၊ လျှပ်စစ်မီးလောင်မှုဖြစ်စေသည့် အဓိကအကြောင်းအရင်းများ၊ လျှပ်စစ်ဝါယာရှော့(စ်) မဖြစ်အောင် ကာကွယ်ရမည့် နည်းလမ်းများ၊ မီးကို မပေါ့ဆကြရန်နှင့် မီးလောင်ပါက ပစ္စည်းဆုံးရှုံးမှုသာမက အသက် အိုးအိမ်များပါ ပျက်စီးဆုံးရှုံးတတ်ကြောင်းကို ရှင်းလင်းဟောပြောခဲ့သည်။

          ထို့နောက် မြို့နယ်မီးသတ်ဦးစီးမှူးနှင့် စားသုံးသူ‌ရေးရာဦးစီးဌာန ဒု-ဦးစီးမှူး ဒေါ်ဌေးဌေးတို့က “သင်း”ပဲကြော်၊ ပဲလှော်လုပ်ငန်းအတွင်းရှိ မီးဘေးလုံခြုံရေးအတွက် ဆောင်ရွက်ထားရှိသော မီးငြိမ်းသတ်ရေး ပစ္စည်းများ ပြည့်စုံကောင်းမွန်ခြင်းရှိ/မရှိ၊ မီးလောင်လွယ်စေသော လောင်စာများ ရှိ/ မရှိ၊ ပတ်ဝန်းကျင်သန့်ရှင်းသပ်ရပ်မှုရှိ/မရှိ တပ်ဆင်ထားရှိသော လျှပ်စစ်မီးလိုင်းများ ကြံ့ခိုင်ကောင်းမွန်ခြင်း ရှိ/မရှိ နှင့် စားသုံးသူကာကွယ်ရေး ဥပဒေ ပြဌာန်းချက်များနှင့်အညီ ကိုက်ညီမှုရှိ/မရှိတို့ကို လိုက်လံ စစ်ဆေးခဲ့ကြောင်း သိရှိရပါသည်။

DOCA(မကွေး)

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်တာဝန်ခံနှင့် ဝန်ထမ်းများသည် (၁၁.၁၁.၂၀၂၅)ရက်နေ့၊ ညနေ(၁၆:၀၀)အချိန်တွင် တိုင်းဒေသကြီးဦးစီးမှူးရုံးရှိ စားသုံးသူရေးရာဌာနခွဲနှင့် ထုတ်ကုန်လုံခြုံစိတ်ချရမှုဆိုင်ရာဌာနခွဲမှ ဝန်ထမ်းများနှင့် ပူးပေါင်း၍ မကွေးမြို့ပေါ်ရှိ “TZH” Bags & Fashion Shop နှင့် “မျိုး” အထည်ဆိုင်တို့အား မြေပြင်တွင် အမှန်တကယ်ရောင်းချမှုရှိ/မရှိ ကွင်းဆင်း စစ်ဆေးဆောင်ရွက်ခဲ့ကြောင်း သိရသည်။

      ထိုသို့ စစ်ဆေးရာတွင် မြေပြင်လုပ်ငန်းနှင့် မှတ်ပုံတင်ထားရှိမှုကိုက်ညီမှုရှိ/မရှိ၊ လုပ်ငန်းလိပ်စာ မှန်ကန်မှုရှိ/မရှိ စစ်ဆေးခဲ့ပြီး Online စနစ်ဖြင့်ရောင်းချခြင်းလုပ်ငန်းများအား Online Sales လုပ်ငန်း မှတ်ပုံတင်လက်မှတ်များ စိစစ်ထုတ်ပေးသွားမည်ဖြစ်ကြောင်း၊ Online စနစ်ဖြင့် ရောင်းချခြင်းလုပ်ငန်း လုပ်ကိုင်ခြင်းကို အရေးကြီးကုန်စည်နှင့် ဝန်ဆောင်မှုဥပဒေအဖြစ် သတ်မှတ်ထားခြင်းဖြစ်ကြောင်းနှင့် စီးပွားရေးလုပ်ငန်းရှင်များသည် စားသုံးသူကာကွယ်ရေးဥပ‌ဒေပါ စီးပွားရေး လုပ်ငန်းရှင်၏ တာဝန်များ အတိုင်း လိုက်နာဆောင်ရွက်စေလိုကြောင်း အသိပညာပေး ဟောပြောခြင်းများဆောင်ရွက်ခဲ့ကြောင်း သိရှိရပါသည်။

DOCA(မကွေး)

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်တာဝန်ခံ ဒေါ်တင်တင်လှနှင့် ဝန်ထမ်းများသည် (၁၂.၁၁.၂၀၂၅)ရက်နေ့၊ နံနက်(၁၀:၃၀)အချိန်တွင် မကွေးမြို့ပေါ်ရှိ ကုန်စုံဆိုင်နှင့် စတိုးဆိုင်များတွင် ရောင်းချနေသော စားသုံးဆီအမျိုးမျိုးအား စျေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရသည်။

          ထိုသို့ စစ်ဆေးရာတွင် စားသုံးသူများ နေ့စဉ် အသုံးပြုလျက်ရှိသော ကုန်စည်နှင့် ဝန်ဆောင်မှု များကို ဘေးအန္တရာယ်ကင်းရှင်းစွာ အသုံးပြုနိုင်စေရန် ရည်ရွယ်၍ စျေးကွက်အတွင်း ရောင်းချနေသည့် စားသုံးဆီအမျိုးမျိုးတွင် ကုန်အညွှန်းအမှတ်အသားများကို (၂/၂၀၁၉)နှင့်အညီ မြန်မာ ဘာသာဖြင့် ဖော်ပြ ထားခြင်းရှိ/မရှိနှင့် (၁/၂၀၂၁)နှင့်အညီ ပိဿာ/ ကျပ်သားတို့ကို ဖော်ပြထားခြင်းရှိ/မရှိ စစ်ဆေးခဲ့ကြောင်း၊ လုပ်ငန်းရှင်များအနေဖြင့် သက်ဆိုင်ရာဌာနများ၏ ထောက်ခံချက်မရှိသော စားသုံးဆီများ၊ တရားမဝင် တင်သွင်းလာသော စားသုံးဆီများကို ဆိုင်တင်ရောင်းချခြင်းမပြုရန် အသိပညာပေး ဟောပြောဆွေး နွေးခြင်းများဆောင်ရွက်ခဲ့ကြောင်း သိရှိရပါသည်။

DOCA(မကွေး)

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်တာဝန်ခံရုံး၌ (၁၁.၁၁.၂၀၂၅) ရက်နေ့၊ နေ့လယ်(၁၃:၄၅)အချိန်တွင် ဒေသတွင်းထုတ်လုပ်လျက်ရှိသော “မယ်နု” မြေပဲဆီ/နှမ်းဆီ လုပ်ငန်းမှ ကုန်အမှတ်တံဆိပ် ပြုလုပ်ရန် လာရောက်လျှောက်ထားလာသည့် လုပ်ငန်းရှင်အား မကွေး ခရိုင်တာဝန်ခံမှ အသိပညာပေးရှင်းလင်းဆွေးနွေးခြင်းများ ဆောင်ရွက်ခဲ့ကြောင်း သိရသည်။

          ထိုသို့ ဆွေးနွေးရာတွင် မကွေးခရိုင်တာဝန်ခံက စီးပွားရေးလုပ်ငန်းရှင်များလိုက်နာရမည့် စားသုံး သူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ပုဒ်မ(၄၁)ပါ အချက် အလက်များအား ရှင်းလင်းဆွေးနွေးခြင်းနှင့် ၎င်းအချက်အလက်များမှ ပုဒ်မခွဲ (ခ)ပါ ကုန်စည်၏ အမျိုး အမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံ နည်းလမ်း၊ ကျန်းမာရေးဆိုင်ရာဘေးထွက်ဆိုးကျိုး၊ ဓါတ်မတည့်ကြောင်းဖော်ပြချက်၊ ကြိုတင်သတိပေး ချက်တို့အား မြန်မာဘာသာဖြင့် ဖြစ်စေ၊ မြန်မာဘာသာနှင့်အခြားဘာသာတစ်ခု သို့မဟုတ် တစ်ခုထက် ပို၍ တွဲလျှက်ဖြစ်စေ ထည့်သွင်းဖော်ပြရမည်ဖြစ်ပြီး စီးပွားရေးလုပ်ငန်းရှင်များဘက်မှလည်း ကုန်စည် အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်ရန် လိုအပ် ကြောင်း အသိပညာပေးဆွေးနွေးရှင်းလင်းခြင်းများဆောင်ရွက်ခဲ့ကြောင်း သိရှိရပါသည်။

 DOCA(မကွေး)