သတင်းနှင့် လှုပ်ရှားမှုများ

        ရန်ကုန်တိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ ညွှန်ကြားချက်အရ သာကေတမြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်အုပ်ချုပ်ရေးမှူး၊ စားသုံးသူရေးရာဦးစီးဌာနမှ အရှေ့ပိုင်းခရိုင်ဦးစီးမှူး၊ မြန်မာ့ဆိပ်ကမ်းအာဏာပိုင်မှ ကြီးကြပ်ရေးမှူး၊ အမှတ်(၃) ရေကြောင်းရပ်ကွက်ကဲမှုအဖွဲ့ခွဲမှ ရဲမှူး၊ ကုန်သွယ်ရေးဦးစီးဌာနမှ လက်ထောက်ညွှန်ကြားရေးမှူး နှင့် အကောက်ခွန်ဦးစီးဌာနမှ ဒု-အကောက်ခွန်မှူးတို့ပါဝင်သော အဖွဲ့များသည် ၃၀-၉-၂၀၂၄ ရက်နေ့၊ နံနက် (၁၀:၀၀)နာရီအချိန်တွင် သာကေတမြို့နယ် ( ယုဇန ) ဆိပ်ကမ်းအား ပုံမှန်သွားရောက်စစ်ဆေးလျက်ရှိကြောင်းသိရှိရပါသည်။

         အဆိုပါ (ယုဇန) ဆိပ်ကမ်းတွင် ဆိုက်ကပ်ထားသော MV တက်နေဝန်းရေယာဉ်ဖြင့် ရန်ကုန်မြို့မှ ကော့သောင်းမြို့သို့ အရက်၊ ဘီယာ၊ အထွေထွေကုန်ပစ္စည်းမျိုးစုံကိုတင်ဆောင်နေကြောင်း စစ်ဆေးတွေ့ရှိခဲ့ပြီး ၎င်းကုန်ပစ္စည်းများမှာ တရားဝင်ကုန်စည်များသာဖြစ်ကြောင်းသိရှိရပါသည်။

DOCA(ရန်ကုန်)

     မြန်မာနိုင်ငံဆန်စပါးအသင်းချုပ် (MRF) မှ သင့်တင့်မျှတသော စျေးနှုန်းဖြင့် ဆန်စျေးနှုန်းများ တည်ငြိမ်မှန်ကန်မှုရှိစေရေး၊ ဆန်အမျိုးအစားအလိုက် သတ်မှတ်ရည်ညွှန်း စျေးနှုန်းများအား လစဉ်ထုတ် ပြန်ပေးလျက်ရှိပြီး မကွေးတိုင်းဒေသကြီး၊ ကုန်စျေးနှုန်းတည်ငြိမ်ရေး လုပ်ငန်းအဖွဲ့မှလည်း စျေးကွက်အတွင်းရှိ ဆန်လက်လီ/လက်ကားအရောင်းဆိုင်များ၌ သင့်တင့်မျှတသော သတ်မှတ်ရည်ညွှန်း စျေးနှုန်းဖြင့် ရောင်းချမှုရှိ/မရှိအား နေ့စဉ်ကွင်းဆင်းကြီးကြပ် ဆောင်ရွက်လျက်ရှိကြောင်း သိရှိရပါသည်။

    မကွေးတိုင်းဒေသကြီးကုန်စျေးနှုန်းတည်ငြိမ်ရေးလုပ်ငန်းအဖွဲ့၏ ကြီးကြပ်လမ်းညွှန်မှုဖြင့် (၂၉.၉.၂၀၂၄)ရက်နေ့၊ နံနက်(၀၈း၀၀)နာရီအချိန်တွင် မကွေးမြို့နယ်ဆန်စပါးလုပ်ငန်းရှင်များ အသင်းမှ ဒေသခံပြည်သူများအား သက်သာသောဈေးနှုန်းဖြင့် မနောသုခဆန် (၁)ပြည်လျှင် ကျပ်(၃၀၀၀)နှုန်းဖြင့် မကွေးမြို့၊ မြင်သာရပ်ကွက်မှ အိမ်ထောင်စု(၄၈၀)စုအား တစ်အိမ်ထောင်လျှင် ဆန်(၁)ပြည်နှုန်းဖြင့် ဆန်(၄၈၀)ပြည်၊ အိတ်ရေ(၂၀)အိတ်အား ရောင်းချပေးခဲ့ပြီး ၂၀၂၄ခုနှစ်၊ စက်တင်ဘာလအတွင်း ရပ်ကွက်(၆)ခုသို့ ဆန်(၁၂၀)အိတ်၊ (၂၈၈၀)ပြည်ရောင်းချပေးခဲ့ပြီးဖြစ်ကြောင်း သိရှိရပါသည်။

DOCA(မကွေး)

       ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ ‌ရန်ကင်းမြို့နယ်အတွင်းရှိ စားသုံးသူပြည်သူများ အဆင်ပြေစွာ အလွယ်တကူဝယ်ယူနိုင်ရေးအတွက် စာအုပ်စနစ်ဖြင့် စားအုန်းဆီများဖြန့်ဖြူးရောင်းချနေမှုအခြေအနေအား ရန်ကင်းထွေထွေအုပ်ချုပ်ရေးဦးစီးဌာနရုံး၌ ၃၀-၉-၂၀၂၄ ရက်နေ့၊ နံနက် ၁၀:၀၀ နာရီအချိန်တွင် သက်ဆိုင်ရာတာဝန်ရှိသူများနှင့်ပူးပေါင်း၍ ကွင်းဆင်းအသိပညာပေးမှုများပြုလုပ်ခဲ့ကြောင်းသိရှိရပါသည်။

          ထိုသို့ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးလှစိုးသည် မြို့နယ်အတွင်းရရှိသော ဆီခွဲတမ်းများကို ရပ်ကွက်များရှိ အိမ်ထောင်စုအလိုက် စာအုပ်စနစ်ဖြင့် စားအုန်းဆီရောင်းချပေးနေမှုအခြေအနေများနှင့် စားသုံးသူပြည်သူများ အခက်အခဲမရှိ လက်ဝယ်ရောက်ရှိအောင် ဝယ်ယူစားသုံးနိုင်ရေးနှင့် သတ်မှတ်ဈေးနှုန်းဖြင့် ဖြန့်ဖြူးရောင်းချပေးကြရန်နှင့် သိုလှောင်ထားခြင်းများမပြုလုပ်ကြရန် အသိပညာပေးပြောကြားခဲ့ကြောင်းသိရှိရပါသည်။

DOCA(ရန်ကုန်)

        ရန်ကုန်တိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ချေးငွေရယူရန် လျှောက်ထားသည့် MSME  လုပ်ငန်းများအား ချေးငွေထုတ်ချေးပေးနိုင်ရေး ( ၁-၁၀-၂၀၂၄ ) ရက်နေ့၌ ခရိုင်စိစစ်ရေးကော်မတီအဖွဲ့များက သင်္ဃန်းကျွန်းမြို့နယ်၊ ဦးဘဟန်လမ်း၊ အိမ်အမှတ် (72) လေးထောင့်ကန်လမ်းရှိ ပတ္တမြားပဲသန့်စင်လုပ်ငန်းအား ပြည်တွင်းအခွန်များဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ စက်မှုကြီးကြပ်နှင့်စစ်ဆေးရေးဦးစီးဌာန၊  မြန်မာ့စီးပွားရေးဘဏ်၊ စားသုံးသူရေးရာဦးစီးဌာန စသည့်အဖွဲ့ဝင်များက ကွင်းဆင်းဆောင်ရွက်ခဲ့ကြကြောင်းသိရှိရပါသည်။

      ထိုသို့ကွင်းဆင်းဆောင်ရွက်ရာတွင် ချေးငွေရယူရန် ‌လျှောက်ထားသည့် လုပ်ငန်းများအတွက် သက်ဆိုင်ရာဌာနများ၏ သတ်မှတ်ထားသည့် အချက်အလက်များနှင့်ကိုက်ညီမှုရှိ/မရှိနှင့် လက်ရှိ ဆောင်ရွက်နေသည့် လုပ်ငန်းအခြေအနေတို့ကိုစိစစ်မေးမြန်းခဲ့ပြီး စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးက စားသုံးသူကာကွယ်ရေးဥပဒေပါ စီးပွားရေးလုပ် ငန်းရှင်၏တာဝန်များနှင့် ကုန်အညွှန်းအမှတ်အသားဖော်ပြခြင်းဆိုင်ရာ ပြဋ္ဌာန်းချက်များကို သိပညာပေးပြောကြားခဲ့ကြောင်း သတင်းရရှိပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးသည်  လုပ်ငန်းများဖွံ့ဖြိုးတိုးတက်စေရန်ရည်ရွယ်၍ (၃၀-၉-၂၀၂၄) ရက်နေ့တွင် တောင်ဥက္ကလာပမြို့နယ်၊ အမှတ် (၁၅၀)၊ ပထမထပ်၊ သူရ(၄)လမ်း၊ (၉)ရပ်ကွက်အတွင်းရှိ အသေးစား၊  အငယ်စား၊ အလတ်စား စီးပွားရေးလုပ်ငန်းရှင်ဖြစ်သည့်  Smile May လူသုံးကုန်လုပ်ငန်းနှင့် အမှတ်(၉၆၈) သီလလမ်း၊ (၄)ရပ်ကွက်ရှိ သီသီအောင်အထည်ချုပ်လုပ်ငန်းတို့အား ပြည်တွင်းအခွန်များဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ စက်မှုကြီးကြပ်နှင့်စစ်ဆေးရေးဦးစီးဌာန၊  မြန်မာ့စီးပွားရေးဘဏ်၊ စားသုံးသူရေးရာဦးစီးဌာန၊ အရှေ့ပိုင်းခရိုင်မှူး  ဦးလှစိုးအပါအဝင် စသည့်အဖွဲ့ဝင်များက ကွင်းဆင်းဆောင်ရွက်ခဲ့ကြကြောင်းသိရှိရပါသည်။

          ထို့ဆောင်ရွက်ရာတွင် အသေးစားကုန်ထုတ်လုပ်ငန်းဖြစ်သော်လည်း လူသုံးကုန်ပစ္စည်းများဖြစ်သည့်အတွက် ဈေးကွက်ဖြန့်ဖြူးရောင်းချရာ၌ စားသုံးကာကွယ်ရေးဥပဒေတွင် ဖော်ပြပါရှိရမည့် စီးပွားရေးလုပ်ငန်းရှင်များ လိုက်နာဆောင်ရွက်ရမည့်တာဝန်များကို တိတိကျကျလိုက်နာဆောင်ရွက်ရန်နှင့် သက်ဆိုင်ရာအဖွဲ့အစည်း/ဌာနများ၏ထောက်ခံချက်များကိုလည်း လိုက်နာရန်လိုအပ်ကြောင်း အသိပညာပေးဆွေးနွေးခြင်းများဆောင်ရွက်ခဲ့ကြောင်းသိရှိရပါသည်။

DOCA(ရန်ကုန်)