သတင်းနှင့် လှုပ်ရှားမှုများ

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဉီးစီးဌာန၊ ကလေးခရိုင်ဦးစီးမှူးရုံးအောက်ရှိ ဟုမ္မလင်းမြို့နယ်တာဝန်ခံ ဒေါ်ခင်စန်းဝင်း(ဒု-ကြီးကြပ်ရေးမှူး) သည် အောက်တိုဘာလ ( ၂၂ ) ရက်နေ့ နံနက် (၁၀:၃၀) နာရီအချိန်၌  ဟုမ္မလင်းမြို့ရှိ ငါးလုပ်ငန်းဦးစီး ဌာနသို့ သွားရောက်၍ ဝန်ထမ်း ( ၃၀ )ဦးတို့အား စားသုံးသူအသိပညာပေး ဟောပြောပွဲ ကျင်းပပြုလုပ် ခဲ့ပါသည်။

      အဆိုပါအသိပညာဟောပြောပွဲတွင်  ဟုမ္မလင်းမြို့ငါးလုပ်ငန်းဦးစီးဌာန၊ ဒေါ်မြင့်မြင့်လှိုင်က အဖွင့်အမှာစကားပြောကြားခဲ့ပြီး စားသုံးသူရေးရာဉီးစီးဌာန၊ ဟုမ္မလင်းမြို့နယ်တာဝန်ခံ  ဒေါ်ခင်စန်းဝင်း (ဒု-ကြီးကြပ်ရေးမှူး)က ဌာနမှဆောင်ရွက်လျက်ရှိသော လုပ်ငန်းများအကြောင်း၊ စားသုံးသူများ၏ ရသင့်ရထိုက်သော အခွင့်အရေးနှင့်တာဝန်များအကြောင်း၊ ကုန်အညွှန်းအမှတ် အသား ဖော်ပြခြင်းအကြောင်းများနှင့် စပ်လျဉ်း၍ မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါအကြောင်း များ၊ မုန့်မျိုးစုံတွင် ဖော်ပြရမည့် ကုန်အညွှန်း အမှတ်အသား အကြောင်းများ၊ စားသောက်ကုန်၊ အသင့်စားသောက်ကုန်များတွင် စားသုံးသူ ပြည်သူများ သိရှိစေရန်ဖော်ပြသည့် ကုန်အညွှန်းအမှတ်အသားတွင် (မြန်မာဘာသာ၊ မည်သည့်ဘာသာ)နှင့်တွဲ၍ ဖော်ပြချက်များနှင့် ပါဝင်ရမည့်အဓိကအချက်များ၊ ကုန်စည်နှင့် ဝန်ဆောင်မှု အပေါ်ဆုံးရှုံးမှုမရှိစေရေး၊ စားသုံးသူအခွင့်အရေးနှင့် အကျိုးစီးပွား နစ်နာဆုံး ရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများကို အသေးစိတ်ရှင်းလင်းခဲ့ပြီး ငါးလုပ်ငန်းဦးစီးဌာနမှ ဝန်ထမ်းများလည်း မိမိတို့သိရှိလိုသည်များကို ပြန်လည်ဆွေးနွေးပြောကြား ခဲ့ကြောင်း သတင်းရရှိရပါသည်။

DOCA(စစ်ကိုင်း)

   စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးအစည်းအဝေးခန်းမ၌ (၂၄-၁၁-၂၀၂၃) ရက်နေ့၊ နေ့လယ် (၁၃:၀၀) နာရီအချိန်တွင် ကရင်ပြည်နယ်ဦးစီးမှူး ဦးသန်းဦးကိုယ်စား ဦးစီးအရာရှိ ဦးမျိုးဝင်းနိုင်ဦးဆောင်၍ ပြည်နယ်ရုံးမှဝန်ထမ်းများနှင့် လစဉ် လုပ်ငန်းညှိနှိုင်းအစည်းအဝေးနှင့် ဝန်ထမ်းထုဆန္ဒဖော်ထုတ်ပွဲ (ဒါဘာ)ကျင်းပပြုလုပ်ခဲ့ကြောင်းသိရသည်။

     အခမ်းအနားတွင် လစဉ်လုပ်ငန်းညှိနှိုင်းအစည်းအဝေးနှင့် ဝန်ထုဆန္ဒဖော်ထုတ်ပွဲအား အစီအစဉ်အတိုင်းကျင်းပခဲ့ရာ ရှေးဦးစွာ ဦးစီးအရာရှိ ဦးမျိုးဝင်းနိုင်က အဖွင့်အမှာစကားပြောကြားခဲ့ပြီးနောက် လုံခြုံရေးနှင့်သဘာဝဘေးအန္တရာယ်စီမံချက်များရေးဆွဲရန်၊ ရုံးအဝင်/အထွက်မှတ်တမ်းစာအုပ်ထားရှိရန်နှင့် ဌာနခွဲအလိုက်ဆောင်ရွက်ရမည့် လုပ်ငန်းလျာထားချက်နှင့် အမှန်ဆောင်ရွက်နိုင်မှုအပေါ် အားသာချက်၊ အားနည်းချက်နှင့် ဆက်လက်ဆောင်ရွက်ရမည့် လုပ်ငန်းစဉ်များအပေါ် တင်ပြရန်ပြောကြားခဲ့သည်။ အစီအစဉ်အရ ပြည်နယ်ရုံးမှ ဌာနခွဲတာဝန်ခံများက မိမိတို့၏လုပ်ငန်းဆောင်ရွက်နိုင်  မှုအခြေအနေများ၊ ဆက်လက်ဆောင်ရွက်ရမည့်အခြေအနေများကို ရှင်းလင်းတင်ပြခဲ့ပြီး ဆက်လက်၍ ဝန်ထမ်းထုဆန္ဒဆော်ထုတ်ပွဲအခမ်းအနားတွင် ဝန်ထမ်းများ၏ အခက်အခဲတင်ပြချက်များအပေါ်  ပြည်နယ်ဦးစီးမှူးကိုယ်စား ဦးစီးအရာရှိ  ဦးမျိုးဝင်းနိုင်က  လိုအပ်သည်များကို ပေါင်းစပ်ညှိနှိုင်းဖြည့်ဆည်းဆောင်ရွက်ပေးခဲ့သည်။

     အစည်းအဝေးတွင် လုပ်ငန်းညှိနှိုင်းအစည်းအဝေးဆုံးဖြတ်ချက် (၁၂)ချက်နှင့် ဝန်းထမ်းထုဆန္ဒဖော်ထုတ်ချက် (၃)ချက်ဖော်ထုတ်နိုင်ခဲ့ပြီး ပြည်နယ်ရုံးမှ ဝန်ထမ်း (၁၅) ဦးတက်ရောက်ခဲ့ကြောင်းနှင့် အစည်းအဝေးကို နေ့လယ် (၁၅း၀၀) နာရီအချိန်တွင်ရုပ်သိမ်းခဲ့ကြောင်းသိရှိရပါသည်။

DOCA(ကရင်)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ အစည်းအဝေးခန်းမ၌ (၂၄-၁၁-၂၀၂၃) ရက်နေ့၊ နေ့လယ် (၁၁:၀၀) နာရီအချိန်တွင်ကျင်းပပြုလုပ်သည့် ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု အသိပညာပေးဟောပြောပွဲဆွေးနွေးခြင်း (၁၁/ ၂၀၂၃) Thursday Talk ကျင်းပပြုလုပ်ခဲ့ပါသည်။

    Thursday Talk ဟောပြောပွဲတွင် ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊ စားသုံးသူရေးရာဌာနခွဲမှ ဒေါ်နှင်းယုမွန်  (အငယ်တန်းစာရေး) သည် ဌာနခွဲ၏ နေ့စဉ်၊ လစဉ်ဆောင်ရွက်ချက်မျာ၊ ဘဏ္ဍာနှစ်အလိုက် ဆောင်ရွက်ချက်များ၊ စားသုံးသူအခွင့်အရေး (၈) ချက်နှင့် စားသုံးသူအကြောင်း သိကောင်းစရာများနှင့်ပတ်သက်၍ အကျယ်တဝင့်ဆွေးနွေးပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုနှင့်အတူ ပခုက္ကူခရိုင်ဦးစီးမှူးရုံး၏ကြီးကြပ်ကွပ်ကဲမှုအောက်တွင်ရှိသည့် ဂန့်ဂေါခရိုင်ဦးစီးမှူးရုံးမှ မြို့နယ်တာဝန်ခံ ဒုတိယဦးစီးမှူး ဒေါ်ဇာဇာချိုဦးနှင့် အငယ်တန်းစာရေး ဒေါ်ခင်နွဲ့ဝင်းတို့သည် စားသုံးသူပြည်သူများ စားသုံးသူအခွင့်အရေးများနှင့် တာဝန်များအားသိရှိစေရန်၊ အစားအသောက်များအားဝယ်ယူစားသောက်ရာတွင် ကုန်အညွှန်းအမှတ်အသားများပါဝင်ပြီး သတင်း အချက်အလက်ပြည့်စုံသော ကုန်စည်များကိုရွေးချယ်ဝယ်ယူတတ်စေရန်၊ စားသုံးသူအခွင့်အရေးနှင့် အကျိုးစီးပွားကာကွယ်ရန်အတွက်  (၇.၁၁.၂၀၂၃)ရက်နေ့၊ နံနက်(၀၈:၃၀)အချိန်တွင် ဂန့်ဂေါမြို့၊ မြို့မတောင်ပိုင်းရှိ အခြေခံပညာမူလတန်းကျောင်း၌ ဆရာ၊ ဆရာမ(၁၀)ဦး၊ ကျောင်းသား၊ ကျောင်းသူ(၈၀)ဦးနှင့် (၈.၁၁.၂၀၂၃)ရက်နေ့၊ နံနက်(၀၈:၃၀)အချိန်တွင် အခြေခံပညာမူလတန်းလွန် တပ်တွင်းကျောင်း၌ ဆရာ၊ ဆရာမ(၁၂)ဦး၊ ကျောင်းသား၊ ကျောင်းသူ(၉၀)ဦးတို့အား စားသုံးသူကာကွယ်ရေးအသိပညာပေး ဟောပြောပွဲ ပြုလုပ်ဆောင်ရွက်ခဲ့ပါသည်။

   ရှေးဦးစွာ မြို့မရပ်ကွက်ရှိအခြေခံပညာမူလတန်းကျောင်းနှင့်  အခြေခံပညာမူလတန်းလွန် တပ်တွင်းကျောင်းမှ ကျောင်းအုပ်ဆရာမကြီးတို့က ကြိုဆိုနှုတ်ခွန်းဆက်စကားပြောကြားပြီး ဒုတိယဦးစီးမှူး ဒေါ်ဇာဇာချိုဦးကဆွေးနွေးရာတွင် ဌာန၏သမိုင်းကြောင်း၊ ဆောင်ပုဒ်နှင့်မျှော်မှန်းချက်၊ ရည်မှန်းချက်များအကြောင်း၊ စားသုံးသူကာကွယ်ရေးဥပဒေ ၂၀၁၉ တွင်ပါဝင်သော စားသုံးသူ၏အခွင့်အရေး နှင့်တာဝန်များ၊ ကုန်အညွှန်းအမှတ်အသားဖော်ပြချက်များ၊ တိုင်ကြားခြင်းအကြောင်းနှင့် စားသုံးသူပြည်သူများအတွက် ကုန်စည်(သို့)ဝန်ဆောင်မှုနှင့်စပ်လျဉ်း၍ ဘေးအန္တရာယ်ကင်းရှင်းစေရေး၊ စားသုံးသူက တောင်းဆိုနိုင်သည့် အခွင့်အရေးများအကြောင်းနှင့် ထုတ်ကုန်များလုံခြုံစိတ်ချရမှုရှိစေရေးတို့ကို ဆောင်ရွက်နေရုံသာမက စားသုံးသူနစ်နာဆုံးရှုံးမှုများအတွက် စားသုံးသူသတင်း ပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ(CICC) ဖွင့်လှစ်ထားရှိမှုများ၊ တိုင်ကြားနိုင်သည့်နေရာများနှင့် နည်းလမ်းများအကြောင်း၊ စားသုံးသူရေးရာကိစ္စများ စုံစမ်းမေးမြန်းရန်အတွက် (Comsumer Call Center)အား ဖွင့်လှစ်ထားရှိကြောင်း၊ ခေါ်ဆိုနိုင်သည့်နံပါတ်မှာ 1535 ဖြစ်ပြီး မည်သည့်ဖုန်းဆင်းကဒ် နှင့်မဆိုခေါ်ဆို၍ သိလိုသည်များ၊ တိုင်ကြားလိုသည်များကို တိုင်ကြားမေးမြန်းနိုင်ကြောင်း အသေးစိတ် ရှင်းလင်းဆွေးနွေးခဲ့ပြီး စားသုံးသူအသိပညာပေး လက်ကမ်းစာစောင်များကိုလည်း ဖြန့်ဝေခဲ့ကြောင်း သိရှိရပါသည်။

DOCA(မကွေး)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုဖြင့် (၂၀-၁၁-၂၀၂၃)ရက်နေ့၊ နေ့လယ်(၁၃:၀၀)နာရီအချိန်တွင် သရက်ခရိုင်ဦးစီးမှူးရုံးမှဝန်ထမ်းများနှင့် ကံမမြို့နယ်တာဝန်ခံ၊ ဒုတိယဦးစီးမှူး ဒေါ်နွဲ့ယဉ်ဝင်းသည်  ကံမမြို့၊ ဂျွန်းတောင်ကျေးရွာရှိ အခြေခံပညာမူလတန်းကျောင်း၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဝန်ထမ်းများနှင့်ပူးပေါင်း၍ ကျောင်းသား၊ ကျောင်းသူများအား စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ပါသည်။

  ထိုသို့ဟောပြောရာတွင် ကံမမြို့နယ်တာဝန်ခံ ဒေါ်နွဲ့ယဉ်ဝင်းက ဌာန၏သမိုင်းကြောင်း၊ မျှော်မှန်းချက်၊ ရည်မှန်းချက်များ၊ ဌာနမှဆောင်ရွက်နေသည့်လုပ်ငန်းများအကြောင်း၊  စားသုံးသူအခွင့်အရေးနှင့် လိုက်နာရမည့်တာဝန်များအကြောင်းကိုလည်းကောင်း၊  ဒုတိယကြီးကြပ်ရေးမှူး ဦးကျော်ရွှေက  ကုန်ပစ္စည်းဝယ်ယူအသုံးပြုရာတွင် အဓိကပါဝင်ရမည့်အချက်များနှင့် ထုတ်လုပ်ရက်စွဲ၊ သက်တမ်းလွန်ရက်စွဲများကို သေချာစွာ ကြည့်ရှုဝယ်ယူသုံးစွဲကြပါရန်၊ စားသုံးသူကာကွယ်ရေးဥပဒေအခန်း(၁၈) ကုန်အညွှန်းအမှတ်အသား ဖော်ပြခြင်းနှင့် မြန်မာဘာသာဖြင့်ဖော်ပြပါရှိသော ကုန်စည်များသာဝယ်ယူသုံးစွဲကြရန် အသေးစိတ် အသိပညာပေး‌‌ဟောပြောခဲ့ပါသည်။ ဆက်လက်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီး အရာရှိဒေါ်သန်းသန်းဆင့်က လူငယ်ရေးရာအကြောင်း ဟောပြောခြင်းများဆောင်ရွက်ခဲ့ပြီး မြို့နယ်တာဝန်ခံ ဒေါ်နွဲ့ယဉ်ဝင်းမှ ကျောင်းအုပ်ဆရာမကြီးထံသို့ စားသုံးသူကာကွယ်ရေးဥပဒေ လက်ကမ်းစာစောင်များပေးအပ်ခဲ့ပြီး အဆိုပါဟောပြောပွဲသို့ ဆရာမ(၅)ဦး၊ ကျောင်းသား၊ ကျောင်းသူ(၁၂၆)ဦး၊ ပြန်ဆက်ဝန်ထမ်း(၄)ဦး တက်ရောက်ခဲ့ကြောင်း သိရှိရပါသည်။

DOCA(မကွေး)