ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ် စားသုံးသူရေးရာဦးစီးဌာန မြို့နယ် တာဝန်ခံရုံးတွင် ခရိုင်(ဦးစီးမှူး) ဦးအောင်စိုးမိုးမှ စက်တင်ဘာလ(၁၂)ရက်နေ့၊ နေ့လည်(၁၄:၃၀) နာရီအချိန်တွင် စားအုန်းဆီလက်ကား ဖြန့်ဖြူးရောင်းချသော လုပ်ငန်းရှင်များအား တွေ့ဆုံဆွေးနွေးခဲ့ကြောင်း သိရသည်။
တွေ့ဆုံဆွေးနွေးပွဲတွင် ခရိုင်ဦးစီးမှူး ဦးအောင်စိုးမိုးမှ မြို့နယ်အတွင်း ရပ်ကွက်၊ ကျေးရွာ များသို့ စားအုန်းဆီလက်လီလက်ကား ဖြန့်ဖြူးမှု အခြေအနေနှင့်ပတ်သတ်၍ ဆီကိုယ်စားလှယ် (၆)ဦးအား တွေ့ဆုံမေးမြန်းခြင်း၊ အိမ်ထောင်စုအလိုက် စာအုပ်စနစ်ဖြင့် လက်လီဖြန့်ဖြူးရောင်းချ နေမှု အခြေအနေများနှင့် စပ်လျဉ်း၍ စာရင်းများအား ကြည့်ရှု့စစ်ဆေးခြင်း၊ စားအုန်းဆီ လက်ကားလက်လီရောင်းချရာတွင် ဈေးနှုန်းများ မြှင့်တင် ရောင်းချမှုမရှိစေရေး၊ သတ်မှတ်ရည် ညွှန်းဈေးနှုန်းအတိုင်း ရောင်းချကြရန်နှင့် စားအုန်းဆီဖြန့်ဖြူးရောင်းချရာတွင် မသမာသောနည်း လမ်းများဖြင့် လုပ်ဆောင်ခြင်းမပြုလုပ်ကြရန်၊ ထိုသို့ ပြုလုပ်ပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း အသိပညာပေးတွေ့ဆုံဆွေး နွေးခဲ့ပါသည်။
ထို့နောက် စားသုံးသူရေးရာဦးစီးဌာန ခရိုင်ဦးစီးမှူး ဦးအောင်စိုးမိုး ဦးဆောင်၍ လန်းလန်း ဆန်းဆန်း ကုမ္ပဏီမှ ဦးကောင်းထက်ဇော်၊ Wilmar ကုမ္ပဏီမှ ဦးမျိုးကိုကိုသိန်း၊ မြန်မာနိုင်ငံ ဆီလုပ်ငန်းရှင်နှင့် ဆီကုန်သည်အသင်းမှ ဦးအေးနိုင်၊ စားသုံးသူရေးရာဦးစီးဌာနမှ ဒုခရိုင်ဦးစီးမှူး နှင့်ဝန်ထမ်းများ၊ မြို့နယ်အထွေထွေအုပ်ချုပ်ရေးဦးစီးဌာနမှ ဒုဦးစီးမှူး ဒေါ်အေးစန္ဒာဝင်းနှင့် ဝန်ထမ်းများ လက်ကားဖြန့်ဖြူးရောင်းချသည့် ဆီကိုယ်စားလှယ်(၆)ဦးနှင့်အတူ အမှတ်(၂) ရပ်ကွက်ရှိ အိမ်ထောင်စုအလိုက် စာအုပ်စနစ်ဖြင့် ဝယ်ယူသည့် စားသုံးသူများထံ အိမ်တိုင်ရာ ရောက်တွေ့ဆုံ၍ ဆီဝယ်ယူရရှိမှု အခြေအနေများနှင့် ပတ်သတ်၍ အမှန်တကယ်ရရှိခြင်းရှိ/မရှိ ဆီစာအုပ်များအား တောင်ယူ၍ ကြည့်ရှု့စစ်ဆေး မေးမြန်းမှတ်တမ်းတင်ခြင်းများ ဆောင်ရွက်ခဲ့ပါ သည်။ ဆက်လက်၍ စပါယ်ချောင်ကျေးရွာရှိ စားအုန်းဆီလက်လီဖြန့်ဖြူးရောင်းချနေမှု အခြေ အနေများအား ကြည့်ရှု့စစ်ဆေးပြီး ဝယ်ယူသည့် စားသုံးသူများအား တွေ့ဆုံ၍ သိရှိလိုသည်များ အား မေးမြန်းစုံစမ်းဆောင်ရွက်ခဲ့ကြကြောင်း သိရှိရပါသည်။
DOCA (ရန်ကုန်)
