စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်ချက်အရ ပခုက္ကူခရိုင်ဦးစီးမှူး၏ကြီးကြပ်မှုဖြင့် ပခုက္ကူခရိုင်ဦးစီးမှူးရုံး၏ (CICC) ခန်းမ၌ “စစ်ဆေးရေးအရာရှိများ လုပ်ငန်းစွမ်းဆောင်ရည်မြှင့်တင်ရေး အလုပ်ရုံဆွေးနွေးပွဲ (၁/၂၀၂၃) ၏ သင်ခန်းစာများအား ဆင့်ပွားရှင်းလင်းဆွေးနွေးပို့ချခြင်းကို (၈-၆-၂၀၂၃) ရက်နေ့၊ နံနက် (၁၀:ဝဝ) နာရီအချိန်တွင် ကျင်းပပြုလုပ်ခဲ့ရာ ပခုက္ကူခရိုင်ဦးစီးမှူးနှင့် ခရိုင်ဦးစီးမှူးရုံးမှ ဝန်ထမ်းများတက်ရောက်ခဲ့ကြပါသည်။
အဆိုပါဆွေးနွေးပွဲတွင် ခရိုင်ဦးစီးမှူး ဦးဝေဠုအောင်က စစ်ဆေးရေးအရာရှိများနှင့် ဝန်ထမ်းများအနေဖြင့် စွမ်းဆောင်ရည်မြှင်တင်နိုင်ရန်နှင့် စစ်ဆေးရေးအရာရှိများ၏ လုပ်ငန်းစွမ်းရည်များပိုမိုမြင့်မားရေးအတွက် အလုပ်ရုံဆွေးနွေးပွဲသင်ခန်းစာများကို ဆင့်ပွားရှင်းလင်းဆွေးနွေးခြင်းအား ဝန်ထမ်းများအားလုံး သေချာစွာလိုက်နာမှတ်သားကြရန်နှင့် ဆွေးနွေးပို့ချမည့် ဦးစီးအရာရှိ ဒေါ်မွန်မွန်စိုးအား ကျေးဇူးတင်ရှိကြောင်း၊ စစ်ဆေးရေးအရာရှိများအနေဖြင့် မြေပြင်ကွင်းဆင်း၍ လုပ်ငန်းများဆောင်ရွက်ရာတွင် များစွာအထောက်အကူပြုမည်ဖြစ်ကြောင်း၊ ယခုလ Thursday Talk အစီအစဉ်တွင် စစ်ဆေးရေးအရာရှိများသည် အလုပ်ရုံဆွေးနွေးပွဲကို အဓိကထား၍ ရှင်းလင်းဆွေးနွေးမည်ဖြစ်ကြောင်း၊ ဝန်ထမ်းများအနေဖြင့်လည်း သင်ခန်းစာများအား ဝိုင်းဝန်းဆွေးနွေးပေးစေလိုကြောင်း ပြောကြားခဲ့ပါသည်။
ဆက်လက်၍ ဦးစီးအရာရှိ ဒေါ်မွန်မွန်စိုးက ဆွေးနွေးပွဲမှ အသိပညာ၊ အတွေ့အကြုံနှင့် အကြောင်းအရာများအား အကျယ်တဝင့်ဆွေးနွေးခဲ့ရာ ထိုဆွေးနွေးပွဲတွင် တိုင်းဒေသကြီး/ ပြည်နယ်ဦးစီးမှူးရုံးများမှ ထုတ်ကုန်လုံခြုံစိတ်ချရမှုဌာနခွဲ၏ လုပ်ငန်းဆောင်ရွက်ချက်များဆွေးနွေးခြင်း၊ ASEAN အာဆီယံလုပ်ငန်းများဆောင်ရွက်နေသော ထုတ်ကုန်လုံခြုံစိတ်ချရမှုလုပ်ငန်းများအကြောင်းကို ရှင်းလင်းဆွေးနွေးပြီး အာဆီယံဆောင်ရွက် နေသောလုပ်ငန်းများတွင် အရှေ့တောင်အာရှနိုင်ငံများ၏ ထုတ်ကုန်လုံခြုံစိတ်ချရမှုဆိုင်ရာ ကနဦးပူးပေါင်းဆောင်ရွက်မှု၊ အာဆီယံစားသုံးသူကာကွယ်ရေးမဟာဗျူဟာလုပ်ငန်းစီမံချက်များနှင့် စင်္ကာပူနိုင်ငံ၊ ထိုင်းနိုင်ငံ၊ မလေးရှားနိုင်ငံ၊ အင်ဒိုနီးရှားနိုင်ငံနှင့် မြန်မာနိုင်ငံတို့တွင် ဆောင်ရွက်လျက်ရှိသော ထုတ်ကုန်လုံခြုံစိတ်ချရမှုလုပ်ငန်းများအကြောင်းအား အသေးစိတ်ရှင်းလင်းခဲ့ပါသည်။ ထို့ပြင်ကုန်သွယ်ရေးမူဝါဒဆိုင်ရာ ဥပဒေအချက်အလက်များ၊ နယ်စပ်ကုန်သွယ်ရေးတွင် နှစ်နိုင်ငံသုံးငွေကြေးအသုံးပြုခြင်း၊ ကုန်အညွှန်းအမှတ်အသားဖော်ပြခြင်း၊ (Labelling) ပြည့်စုံမှုနှင့် မပြည့်စုံမှုတို့ကို ဈေးကွက်စောင့်ကြည့်စစ်ဆေးခဲ့သည့် လုပ်ငန်းဆောင်ရွက်ချက်များနှင့် FDA ကဆောင်ရွက်နေသည့် Food Safety ၊ Food Security၊ Risk၊ Hazard အစားသောက်နှင် ဆေးဝါးကွပ်ကဲရေးဦးစီးဌာန၏လုပ်ငန်းဆောင်ရွက်ချက်များ၊ Group Presentation ဈေးကွက်စောင့်ကြည့်စစ်ဆေးခြင်းနှင့် အခြားသတိပြုရမည့်အချက်များအား အသေးစိတ်ရှင်းလင်းဆွေးနွေးခဲ့ပြီး ဦးစားပေးကုန်စည်(၃)မျိုးဖြစ်သည့် စားသုံးဆီအမျိုးမျိုး၊ အချိုရည်နှင့်ယိုစုံ၊ ကလေးအာဟာရဖြည့်စွက်စာအမျိုးမျိုးတို့အား ဇူလိုင်လတွင် ဦးစားပေးကုန်စည်(၁)မှာ ဟင်းသီးဟင်းရွက်ဆီ၊ ဩဂုတ်လတွင် ဦးစားပေးကုန်စည်(၂)မှာ အသင့်သောက်အချိုရည်၊ စက်တင်ဘာလတွင် ဦးစားပေးကုန်စည်(၃)မှာ Formula နို့မှုန့်များအား ဈေးကွက်စောင့်ကြည့်စစ်ဆေးမည့်အစီအမံများအား ဆွေးနွေးခြင်း၊ ကုန်စည်နှင့် ဝန်ဆောင်မူများကိုလည်း စီးပွားရေးလုပ်ငန်းရှင်နှင့် သက်ဆိုင်ရာဦးစီးဌာနများက Voluntary Recall နှင့် Mandatory Recall, Process ကို သရုပ်ပြပုံ Power Point များဖြင့် အသေးစိတ်ရှင်းလင်းဆွေးနွေးခြင်း၊ Case Study များနှင့် သတင်းအချက်အလက်နည်းပညာဆိုင်ရာသိကောင်းစရာများကိုလည်း အသေးစိတ်ရှင်းလင်းဆွေးနွေးပြီး တက်ရောက်လာသည့်ဝန်ထမ်းများက သိလိုသည်များကို မေးမြန်းမှုအပေါ် ဦးစီးအရာရှိ ဒေါ်မွန်မွန်စိုးက ပြန်လည်ဖြေကြားဆွေးနွေးခဲ့ကြောင်း သိရှိရပါသည်။
DOCA(မကွေး)
