သတင်းနှင့် လှုပ်ရှားမှုများ

                မကွေးတိုင်းဒေသကြီး၊ မကွေးခရိုင်၊ စားသုံးသူရေးရာဦးစီးဌာန၊ မကွေး/ချောက်ခရိုင်ဦးစီးမှူး၊ ဒေါ်တင်တင်လှ (လက်ထောက်ညွှန်ကြားရေးမှူး)သည် (၉.၁၁.၂၀၂၃)ရက်နေ့၊ နံနက်(၁၀:၀၀)နာရီအချိန် တွင် မကွေးမြို့၊ အောင်‌မေတ္တာ (ဂ) သုခိတာလမ်းမှ ထုတ်လုပ်သော “ရွှေစည်တော်”အမှတ်တံဆိပ် (ဆန်ကြာဇံ၊ ဆီချက် ခေါက်ဆွဲ၊ ရှမ်းခေါက်ဆွဲ၊ ဆီသန့်၊ ဆန်ချောင်းကြော်၊ တို့ဟူးနွေး၊ ဆန်ခေါက်ဆွဲ၊ ရှမ်းခေါက်ဆွဲ၊ မုန့်တီ၊ မုန့်ခြောက်ထုပ်၊ ရွှေတောင်ကြီးဂျုံခေါက်ဆွဲ) လုပ်ငန်းရှင် ဦးစောသိန်းနှင့် အောင်မေတ္တာ(ဂ)ဆည်မြောင်းလမ်းမှထုတ်လုပ်သော “ကောင်းပြည့်ကျော်” ပဲကြော်လုပ်ငန်းရှင် ဒေါ်ရင်လေးတို့အား ခရိုင်ဦးစီးမှူးရုံးတွင်ခေါ်ယူတွေ့ဆုံပြီး စားသုံးသူ ကာကွယ်ရေးဥပဒေ-၂၀၁၉၊ အခန်း (၁၈)ပါ ကုန်အညွှန်းအမှတ်အသား ပြည့်စုံမှန်ကန်စွာထည့်သွင်းဖော်ပြပေးရေး အသိပညာ‌ပေးဆွေးနွေးခဲ့ပါသည်။

          လုပ်ငန်းရှင်၏ ပြောကြားချက်အရ “ရွှေစည်တော်”အမှတ်တံဆိပ် (ဆန်ကြာဇံ၊ ဆီချက် ခေါက်ဆွဲ၊ ရှမ်းခေါက်ဆွဲ၊ ဆီသန့်၊ ဆန်ချောင်းကြော်၊ တို့ဟူးနွေး၊ ဆန်ခေါက်ဆွဲ၊ ရှမ်းခေါက်ဆွဲ၊ မုန့်တီ မုန့်ခြောက်ထုပ်၊ ရွှေတောင်ကြီးဂျုံခေါက်ဆွဲ)နှင့် “ကောင်းပြည့်ကျော်” ပဲကြော် စားသောက်ကုန်များကို ဒေသတွင်းမကွေးမြို့နှင့် နီးစပ်ရာမြို့များဖြစ်သည့် တောင်တွင်း၊ မြို့သစ်၊ နတ်မောက်၊ ရေနံချောင်း၊ ချောက်နှင့် စလင်းမြို့များသို့ ဖြန့်ချီရောင်းချလျက်ရှိကြောင်း သိရှိရပါသည်။

          ခရိုင်ဦးစီးမှူး၊ ဒေါ်တင်တင်လှ(လက်ထောက်ညွှန်ကြားရေးမှူး)က လုပ်ငန်းရှင် ဦးစောသိန်းနှင့် ဒေါ်ရင်လေးတို့အား စားသုံးသူကာကွယ်ရေးဥပဒေ-၂၀၁၉၊ အခန်း (၁၈)ပါ ကုန်အညွှန်းအမှတ်အသား ပြည့်စုံမှန်ကန်စွာ ထည့်သွင်းဖော်ပြပေးရေးနှင့် စီးပွားရေးလုပ်ငန်းရှင်များ၏ တာဝန်၊ တားမြစ်ချက်များနှင့် ပြစ်မှု၊ ပြစ်ဒဏ်များကို ရှင်းလင်းဆွေးနွေးခဲ့ပြီး မြန်မာနိုင်ငံစားသုံးသူ ကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ်(၂/၂၀၁၉)လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

        မကွေးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် မကွေးတိုင်းအတွင်းရှိ စျေးများ၌ အပတ်စဉ် တနင်္လာနေ့တိုင်း ပလပ်စတစ်သုံးစွဲမှု လျော့ချရေး Campaign အား ဆောင်ရွက်လျက်ရှိရာ (၁၃.၁၁.၂၀၂၃) ရက်နေ့၊ နံနက် (၀၉:၃၀)အချိန်တွင် မကွေးမြို့၊ မြို့မစျေး၌ စည်ပင်သာယာရေးအဖွဲ့၊ အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ သဘာဝပတ်ဝန်းကျင်ထိန်းသိမ်းရေးဦးစီးဌာန၊ စားသုံးသူရေးရာဦးစီးဌာနနှင့် ရပ်ကွက်အုပ်ချုပ်ရေးမှူးတို့ပူးပေါင်းပြီး ပလတ်စတစ်အိတ်ဖြင့် ထုပ်ပိုးရောင်းချခြင်းမရှိစေရန်အတွက် စစ်ဆေးခြင်းနှင့် အသိပညာပေးခြင်းများ ဆောင်ရွက်ခဲ့ပါသည်။

          ဆက်လက်၍ စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန၊ စျေးတာဝန်ခံ (စည်ပင်သာယာရေးအဖွဲ့) တို့ပူးပေါင်းပြီး မကွေးမြို့၊ မြို့မစျေးရှိ “ငွေနဒီ”အမှတ်တံဆိပ် သောက်ရေသန့် ၌ စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်အညွှန်းအမှတ်အသားများ ပြည့်စုံမှန်ကန်စွာ ပါဝင်မှုရှိ/မရှိ တို့အား စျေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA(မကွေး)

          မြန်မာနိုင်ငံစက်သုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ တိုင်းဒေသကြီး/ပြည်နယ်အလိုက် မြို့ကြီးများ၏ စက်သုံးဆီ လက်ကားရည်ညွှန်းစျေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

          စားသုံးသူရေးရာဦးစီးဌာန၊ မကွေးခရိုင်ဦးစီးမှူးနှင့် ဝန်ထမ်းများသည် (၁၃.၁၁.၂၀၂၃)ရက်နေ့၊ နေ့လယ်(၁၄:၀၀)နာရီအချိန်တွင် စက်သုံးဆီအရောင်းဆိုင်များအား ကွင်းဆင်းစစ်ဆေးခဲ့ရာ မကွေးမြို့ နယ်တွင် စက်သုံးဆီအရောင်းဆိုင် (၂၃)ဆိုင်ရှိရာ ဆိုင်များအားလုံးပုံမှန်ဖွင့်လှစ်ရောင်းချပေးလျက်ရှိပြီး ၂၀၂၃ ခုနှစ်၊ နိုဝင်ဘာလ (၁၃)ရက်နေ့တွင်ရောင်းချပေးနေသော စက်သုံးဆီစျေးနှုန်းများမှာ သတ်မှတ် ရည်ညွှန်းစျေးနှုန်းများဖြစ်သည့် ဓါတ်ဆီ(92)(၁)လီတာလျှင် ကျပ်(၂၁၈၀)၊ ဓါတ်ဆီ(95)(၁)လီတာလျှင် ကျပ်(၂၃၀၀)၊ ဒီဇယ်(ရိုးရိုး)(၁)လီတာလျှင် ကျပ်(၂၁၉၀)နှင့် ဒီဇယ်(ပရီမီယံ)(၁)လီတာလျှင် ကျပ် (၂၂၉၅)တို့ဖြင့်ရောင်းချပေးနေပြီး စက်သုံးဆီများပြတ်လပ်မှုမရှိကြောင်း လေ့လာသိရှိရပါသည်။

DOCA(မကွေး)

    ပြည်ခရိုင်၊ ပန်းတောင်းမြို့နယ်အတွင်းရှိ ဆေးဆိုင်များတွင် တရားမဝင်တင်သွင်ဖြန့်ချိလျက်ရှိသည့် Par Bisiure အမှတ်တံဆိပ် (IV/HV injection ) အကြောအားဆေးကို တင်သွင်းရောင်းချလာသည်ဟုသိရှိရပါသဖြင့် (၁၀-၁၁-၂၀၂၃)ရက်နေ့၊ နံနက် (၁၀:၃၀) နာရီအချိန်တွင် စားသုံးသူရေးရာဦးစီးဌာန၊ ပန်းတောင်းမြို့နယ်တာဝန်ခံနှင့်ဝန်ထမ်းများအဖွဲ့သည် သက်ဆိုင်ရာမိတ်ဖက်အဖွဲ့အစည်းများနှင့်အတူသွားရောက်၍ ကွင်းဆင်းစစ်ဆေးခဲ့ပါသည်။

    ထိုသို့ကွင်းဆင်းစစ်ဆေးရာတွင် ပန်းတောင်းမြို့ပေါ်ရပ်ကွက်ရှိ အိမ်သုံးဆေးဝါးများရောင်းချသော မြသွန်းနဒီဆေးဆိုင်၊ ရွှေစိန်ဆေးနှင့်စတိုးဆိုင်၊ အောင်တံခွန်ဆေးဆိုင်နှင့် မိဘဂုဏ်ရည်ဆေးဆိုင်သို့သွားရောက်၍စစ်ဆေးခဲ့ရာ ၎င်းအမှတ်တံဆိပ်ပါ အကြောအားဆေးများကို တင်သွင်းရောင်းချခြင်းမရှိကြောင်း စစ်ဆေးတွေ့ရှိရပါသည်။

DOCA(ပဲခူး)

   ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးလက်အောက်ရှိ ပြည်မြို့နယ်တာဝန်ခံ ဦးထွန်းနိုင်လင်းနှင့်ဝန်ထမ်းများသည် ပြည်မြို့နယ်အတွင်းရှိ ဆေးဆိုင်များသို့သွားရောက်၍ ၂၀၂၃ခုနှစ်၊ နိုဝင်ဘာလ(၉)ရက်နေ့၊ နံနက် (၁၀:၀၀) နာရီအချိန်တွင် တာဝန်ရှိသူများနှင့်အတူ မြေပြင်ကွင်းဆင်းစစ်ဆေးခဲ့ကြပါသည်။

   ထိုသို့ကွင်းဆင်းစစ်ဆေးရာတွင် မိတ်ဖက်ဌာနများဖြစ်သော ပြည်မြို့နယ်၊ စည်ပင်သာယာရေးဦးစီးဌာနမှ ဈေးတာဝန်ခံ၊ မြို့နယ်ကျန်းမာရေးဦးစီးဌာနမှ တာဝန်ရှိကျန်းမာရေးဆရာဝန်များနှင့် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများပူးပေါင်းအဖွဲ့ဖြင့် ဈေးကွက်အတွင်း စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် ဂျာမဏီနိုင်ငံထုတ် Paebisure IV/HV Injection အကြောအားဆေးနှင့်ဆင်တူ တရားဝင်မှတ်ပုံတင်ခွင့်ပြုချက်အမှတ် DRC No. နှင့် Insent ပါရှိခြင်းမရှိသည့် Parbisure အမှတ်တံဆိပ်ပါ ဆေးဝါးများနှင့်ဆင်တူသော ဆေးဝါးများရောင်းချခြင်းရှိ/မရှိနှင့် မိမိတို့၏ဆေးဆိုင်များတွင် မှတ်ပုံတင်ပါရှိသော ဆေးဝါးများကိုသာရောင်းချရန်နှင့် မှတ်ပုံတင်မထားသည့်ဆေးဝါးများရောင်းချသည်ကိုတွေ့ရှိပါက တရားမဝင်ရောင်းဝယ် ဖောက်ကားမှုဥပဒေနှင့်အညီ အရေးယူခံရမည်ဖြစ်ပါကြောင်း အသိပညာပေးဟောပြောခဲ့ပြီး ရှောင်တခင်ကွင်းဆင်းစစ်ဆေးခဲ့ကြကြောင်းသိရှိရပါသည်။

DOCA(ပဲခူး)