သတင်းနှင့် လှုပ်ရှားမှုများ

 စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုဖြင့် သရက်ခရိုင်၊ ကံမမြို့ရှိဈေးကွက်များအတွင်း ရောင်းချဖြန့်ဖြူးလျက်ရှိသော ကုန်စည်များအား ဘေးကင်းလုံခြုံစိတ်ချရမှုရှိစေရေးအတွက် (၁၀-၁၁-၂၀၂၃)ရက်နေ့ ၊ နံနက်(၁၀:၀၀)နာရီအချိန်တွင် သရက်ခရိုင်ဦးစီးမှူးရုံးမှဝန်ထမ်းများနှင့် ကံမမြို့နယ် တာဝန်ခံ၊ ဒုတိယဦးစီးမှူး ဒေါ်နွဲ့ယဉ်ဝင်းသည် မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ ကျန်းမာရေးဦးစီးဌာနပါဝင်သောမိတ်ဖက်အဖွဲ့များဖြင့် ပူးပေါင်း၍ ကံမမြို့၊ အမှတ် (၄)ရပ်ကွက်ရှိ ကုန်စုံဆိုင်(၃)ဆိုင်များတွင် ကုန်အညွှန်းအမှတ်အသားပြည့်စုံသည့် ကုန်စည်များ ဈေးကွက်အတွင်း ရောင်းချဖြန့်ဖြူးနေခြင်း ရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက် ခဲ့ပါသည်။

   ထိုသို့စစ်ဆေးရာတွင် ကံမမြို့နယ်တာဝန်ခံ ဒေါ်နွဲ့ယဉ်ဝင်းက ကံမမြို့မြို့‌ပေါ်ရပ်ကွက်ရှိ ကုန်စုံဆိုင်ပိုင်ရှင်များအား စားသုံးသူကာကွယ်ရေး ဥပဒေ ၂၀၁၉ အခန်း(၁၈) ပုဒ်မ(၄၁)အရ ကုန်စည်များတွင် ကုန်အညွှန်းအမှတ်အသားပြည့်စုံစွာ ဖော်ပြထားသည့်ကုန်စည်များသာ ရောင်းချရန်၊ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြရန်နှင့် မြန်မာဘာသာဖြင့်ဖော်ပြရမည့်အချက်များအား မဖြစ်မနေ ထည့်သွင်းဖော်ပြရမည်ဖြစ်ပြီး ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများကို ထည့်သွင်းဖော်ပြရမည်ဖြစ်ကြောင်း ကုန်အညွှန်းအမှတ်အသားပြည့်စုံစွာ ဖော်ပြထားခြင်းမရှိသော ကုန်ပစ္စည်းများကို ရောင်းချနေကြောင်း စစ်ဆေးတွေ့ရှိပါက စားသုံးသူကာကွယ်ရေးဥပဒေအရ အရေးယူ ဆောင်ရွက်သွားမည် ဖြစ်ကြောင်းနှင့် စားသုံးသူကာကွယ်ရေးဥပဒေအခန်း(၁၀)ပါ စီးပွားရေးလုပ်ငန်းရှင်၏တာဝန်များအကြောင်းကို အသေးစိတ်ရှင်းလင်းအသိပညာပေး ပြောကြားခဲ့ပြီး မြန်မာနိင်ငံစားသုံးသူကာကွယ်ရေးကော်မရှင်၏ ညွှန်ကြားချက်(၂/၂၀၁၉) လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

     ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့၊ ဆန်စက်အသင်းရုံးတွင် စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးအောင်ဇော်ဦးနှင့် ခရိုင်ရုံးဝန်ထမ်းများသည် စားသုံးသူကာကွယ်ရေးဆိုင်ရာအသိပညာများကို စီးပွားရေးလုပ်ငန်းရှင်များသိရှိစေရန်အလို့ငှာ မအူပင်ဆန်စက်လုပ်ငန်းရှင်များအား ဖိတ်ကြား၍ ဟောပြောဆွေးနွေးခဲ့သည်။

   အဆိုပါဆွေးနွေးခြင်းတွင်  မအူပင် ဒု-ခရိုင်ဦးစီးမှူး ဦးအောင်ဇော်ဦးက စီးပွားရေးလုပ်ငန်းရှင်နှင့်တွေ့ဆုံရသည့် ရည်ရွယ်ချက်ကိုရှင်းလင်းဆွေးနွေးခဲ့ပြီးနောက် စီးပွားရေးလုပ်ငန်းရှင်များ၏ ဆန်စက်ကိစ္စများနှင့် လုပ်ငန်းဆောင်ရွက်မှုအခြေအနေများတင်ပြလာမှုအပေါ် ဆွေးနွေးအကြံပြုခဲ့ပြီးနောက် စားသုံးသူကာကွယ်ရေးဥပဒေ (၂၀၁၉) ကို အကျယ်တဝင့်ရှင်းလင်းဆွေးနွေးခဲ့သည်။ ဆက်လက်၍ ဆွေးနွေးရာ “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ဆန်စက်လုပ်ငန်းရှင်များသိရှိနားလည်ရန် ထပ်ဆင့်ရှင်းလင်းခဲ့ပြီးနောက် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏တာဝန်များကို လေးစားလိုက်နာကြရမည်ဖြစ်ပါကြောင်း၊ စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားဖော်ပြရာတွင် သတ်မှတ်ချက်များနှင့်အညီ ဆောင်ရွက်ရမည်ဖြစ်ကြောင်းနှင့် မိမိတို့ဌာန၏ အတည်ပြုချက်ရယူနိုင်ကြောင်းကိုပါ ထည့်သွင်းဆွေးနွေးခဲ့ပါသည်။ ၎င်းဆွေးနွေးပွဲသို့ ဆန်စက်လုပ်ငန်းရှင် (၁၃)ဦးတက်ရောက်ခဲ့ကြောင်း သတင်းရရှိပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊  ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းနှင့်ဝန်ထမ်းများသည် (၂-၁၁-၂၀၂၃) ရက်နေ့၊ နေ့လယ် (၁၃း၀၀) နာရီအချိန်တွင် ဓနုဖြူမြို့နယ်ရှိ သမာဓိဆန်စက်သို့သွားရောက်၍ ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးခဲ့ကြပါသည်။

   အဆိုပါကွင်းဆင်းစစ်ဆေးမှူတွင် ခရိုင်ဦးစီးမှူး ဦးဇော်မင်းက နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက်ထားသည့် မိုးစပါးစိုက်ပျိုးထုတ်လုပ်သော တောင်သူများအနေဖြင့် ရိတ်သိမ်းချွေလှေ့ပြီး ပြန်လည်ပေးသွင်းနိုင်ရေးအတွက် စီစဉ်ဆောင်ရွက်ထားရှိမှုအခြေအနေများကို လုပ်ငန်းရှင်ဖြစ်သည့် ဦးဇာနည်အောင်နှင့်တွေ့ဆုံဆွေးနွေး၍ စပါးများလာရောက်ပေးသွင်းရန်အတွက် အဝယ်စခန်းဖွင့်လှစ်ထားမှုနေရာများကို တောင်သူများအား ကြိုတင်အသိပေးထားရန်၊ နိုင်ငံစီးပွားရန်ပုံငွေမှရယူထားသည့် တောင်သူများအနေဖြင့် စပါးပေးသွင်းမှုအပေါ် လုပ်ငန်းရှင်က စပါးဈေးနှုန်းကို ပေါက်ဈေးဖြင့် ဝယ်ယူချင်တွယ်သည့်အခါ တောင်သူများနှင့်အဆင်ပြေညှိနှိုင်းပေါင်းစပ်၍ ဝယ်ယူခြင်းများဆောင်ရွက်ရန်၊ ဝယ်ယူပြီးသောစပါးများကို ကြိတ်ခွဲတင်ပို့ရာတွင်လည်း မြို့နယ်ဝယ်ယူကြိတ်ခွဲတင်ပို့သည့် အစုအဖွဲ့များသို့ ပုံမှန် စာရင်းဇယားများပေးပို့ရန် ဆွေးနွေးမှာကြားခဲ့ပြီးနောက် စားသုံးသူကာကွယ်ရေးဥပဒေကိုလည်းရှင်းလင်းကာ ထုတ်ကုန်လုံခြံစိတ်ချရမှုရှိစေရေး ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာ ဦးစီးဌာန၊ကရင်ပြည်နယ်ဦးစီးမှူးရုံးမှ ဝန်းထမ်းများသည် ၁၁-၁၁-၂၀၂၃ ရက်နေ့ နံနက် ၆:၀၀ နာရီအချိန်တွင်  ကရင်ပြည်နယ်၊ဘားအံမြို့ အ.မ.က ရွှေကင်းကျောင်းဝန်း၌ ဌာနဆိုင်ရာဝန်ထမ်းများ၊ လူမှုရေးအသင်းအဖွဲ့များ၊  ကျောင်းသူ/သားများနှင့်အတူ စုပေါင်းသန့်ရှင်း ရေးပါဝင်ဆောင်ရွက်ခဲ့ကြောင်း သိရသည်။

 ထိုသို့ပြုလုပ်ရာတွင် သစ်ပင်ခြုံနွယ်များ ခုတ်လှဲခြင်း၊ မြက်ပင်များကို မြက်ရိတ်စက်ဖြင့်မြက် ရိတ်ခြင်း၊ အမှိုက်သရိုက်များ လှဲကျင်းစွန့်ပစ်ခြင်းတို့ဖြင့် ကျောင်းဝန်းအတွင်း/အပြင်တို့တွင် သန့်ရှင်းရေးရှင်းလင်းဆောင်ရွက်ခဲ့ကြရာ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက သန့်ရှင်းရေးပြု လုပ်ဆောင်ရွက်ကြသူများကို ကြည်ရှု့အားပေးစကားပြောကြားခဲ့ကြောင်းနှင့် စားသုံသူရေးရာဦးစီးဌာန၊ ကရင်ပြည်နယ်ဦးစီးမှူးရုံးအနေဖြင့် ကရင်ပြည်နယ်တွင်း ပြည်နယ်အစိုးရအဖွဲ့မှဦးဆောင်၍ ဌာနဆိုင်ရာများ ၊အသင်းအဖွဲ့များနှင့်အတူ ကျောင်းပတ်ဝန်းကျင်သန့်ရှင်းရေးနှင့် စိမ်းလန်းစိုပြေရေးအတွက်  အပတ်စဉ်စနေနေ့တိုင်း သွားရောက်စုပေါင်းသန့်ရှင်းရေး ပါဝင်ဆောင်ရွက်လျက်ရှိကြောင်း သိရသည်။

DOCA(ကရင်)  

     ကျုံပျော်ခရိုင်၊ ရေကြည်မြို့နယ်၊ စားသုံးသူရေးရာဦးစီးဌာန မြို့နယ်တာဝန်ခံ ဒေါ်ချယ်ရီမြင့်နှင့် ဝန်ထမ်းများသည် ရေကြည်မြို့ မြို့မစည်ပင်သာယာဈေးအတွင်း စားသုံးဆီ ရောင်းချသော ဆိုင်များသို့ နိုဝင်ဘာလ ၅ ရက်နေ့ ဈေးကွက်အတွင်း စားသုံးဆီရောင်းချနေသည့် ဆိုင်များသို့ သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်၊၊ ထိုသို့သွားရောက်ခဲ့ရာတွင် မြို့နယ် အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူး ၊ မြန်မာနိုင်ငံရဲတပ်ဖွဲ့မှ မြို့နယ် ရဲတပ်ဖွဲ့မှူး ၊ မြို့နယ်စည်ပင်သာယာရေးအဖွဲ့မှ စည်ပင်အလုပ်အမှုဆောင်အရာရှိ မွေးမြူရေးနှင့် ကုသရေးဦးစီးဌာနတို့ပူးပေါင်းပါဝင်၍ ဈေးအတွင်းဆီရောင်းချနေသော အရောင်းဆိုင်များတွင် ပဲဆီစစ်များနှင့် စားအုန်းဆီကုမ္ပဏီအမှတ်တံဆိပ်ပါ ဘူးသွပ်ဆီများ ရောင်းချရန် ပဲလတ်ဆီ၊ ပဲနှောဆီများ ရောင်းချခြင်းမပြုလုပ်ရန် လုပ်ငန်းရှင်များအား အသိပညာပေး ဈေးကွက်စောင့်ကြည့်စစ်ဆေးခဲ့ပါသည်၊၊

DOCA(ဧရာဝတီ)