သတင်းနှင့် လှုပ်ရှားမှုများ

  စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ ညောင်တုန်းမြို့နယ်ဦးစီးမှူး ဦးအောင်လွင်နှင့်ဝန်ထမ်းများသည် (၉-၈-၂၀၂၃) ရက်နေ့တွင် (၁၀:၀၀) နာရီအချိန်တွင် ညောင်တုန်းမြို့ရှိ Good Brother ဆန်စက်သို့ ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးခဲ့ကြပါသည်။

  အဆိုပါကွင်းဆင်းစစ်ဆေးမှုတွင် ညောင်တုန်းမြို့နယ်၊ Good Brother ဆန်စက်လုပ်ငန်းရှင်နှင့်တွေ့ဆုံ၍ ဆန်စက်ကြိတ်ခွဲထုတ်လုပ်မှုနှင့် ရန်ကုန်တင်ပို့မှုအခြေအနေ၊ ဆန်းစပါးဈေးကွက်ဈေးနှုန်းအခြေအနေများနှင့် ပြည်တွင်း/ ပြည်ပဖြန့်ဖြူးတင်ပို့နိုင်ရေးကိစ္စရပ်များကိုဆွေးနွေးခဲ့ကြပြီး  (၉-၈-၂၀၂၃) ရက်နေ့တွင်ဖြစ်ပေါ်နေသော ဆန်စပါးဈေးနှုန်းအခြေအနေဖြင့် ညောင်တုန်းမြို့နယ်၌ (၂၀၂၂/၂၀၂၃) ခုနှစ်ထွက် မိုးမနောသုခစပါး (၅၀)ပေါင်ကွင်းဈေးမှာ ၁၉၃၀၀ကျပ်၊ စက်ဈေးအနေဖြင့် ၁၉၅၀၀ကျပ်၊ မိုးမနောသုခစပါး(၄၆)ပေါင်ကွင်းဈေးမှာ ၁၇၈၀၀/-ကျပ်၊ စက်ဈေးမှာ ၁၈၀၀၀/-ကျပ်၊ မိုးဆန်မနောအလတ်စ (၁၀၈)ပေါင်လျှင် ၇၀၀၀၀/-ကျပ်၊ ထိပ်စဈေးနှုန်းမှာ ၇၂၀၀၀/-ကျပ်ဈေးဖြစ်ပြီး၊ မိုးစပါးနှံကားကွင်းဈေးမှာ (၅၀)ပေါင်လျှင် ၁၆၈၀၀/-ကျပ်၊ စက်ဈေးမှာ ၁၇၀၀၀/-ကျပ်၊ မိုးစပါးနှံကား(၄၆)ပေါငကွင်းဈေးမှာ  ၁၅၅၀၀/ကျပ်၊ စက်ဈေးမှာ ၁၅၇၀၀/-ကျပ်ဖြစ်ပြီး၊ မိုးဆန်မနောသုခ အလတ်စ(၁၀၈)ပေါင်ဈေးမှာ ၆၀၀၀၀/-ကျပ်၊ ထိပ်စဈေးမှာ ၆၂၀၀၀/-ကျပ်ဖြစ်ပေါ်လျက်ရှိကြောင်း၊ ဆက်လက်၍ နွေစပါးဆင်းသုခ/မနောသုခစပါး(၅၀)ပေါင်ကွင်းဈေးမှာ ၁၉၀၀၀/-ကျပ်၊ စက်ဈေးမှာ ၁၉၂၀၀/-ကျပ်၊ နွေစပါးဆင်းသုခ/မနောသုခ (၄၆)ပေါင်ကွင်းဈေးမှာ ၁၇၆၀၀/-ကျပ်၊ စက်ဈေးမှာ ၁၇၈၀၀/-ကျပ်၊ နွေဆင်းသုခ/မနောသုခ ဆန်(၁၀၈)ပေါင်အလတ်စဈေးမှာ ၆၉၀၀၀/-ကျပ်၊ ထိပ်စဈေးမှာ ၇၁၀၀၀/-ကျပ်ဖြစ်ပြီး နွေသီးထပ်ရင်စပါး(၅၀)ပေါင်ကွင်းဈေးမှာ ၁၅၉၀၀/-ကျပ်၊ စက်ဈေးမှာ ၁၆၁၀၀/-ကျပ်၊ နွေစပါးသီးထပ်ရင် (၄၆)ပေါင်ကွင်းဈေးမှာ ၁၄၆၀၀/-ကျပ်၊ စက်ဈေးမှာ ၁၄၈၀၀/-ကျပ်နှင့် နွေသီးထပ်ရင်ဆန်(၁၀၈)ပေါင်အလတ်စဈေးမှာ ၆၀၀၀၀/-ကျပ်နှင့် ထိပ်စဈေးမှာ ၆၂၀၀၀/-ကျပ် ဖြစ်ပေါ်လျက်ရှိကြောင်းကို ရှင်းလင်းပြေကြားပြီး ဆန်စက်မှကြိတ်ခွဲထွက်ရှိလာသော ဆန်များအရည်အသွေးပြည့်မီစေရေး အကြံပြုပြောကြားခဲ့ပြီး စားသုံးသူကာကွယ်ရေးဥပဒေ (၂၀၁၉) ပါ လုပ်ငန်းရှင်တို့လိုက်နာရမည့်တာဝန်များအကြောင်း ကုန်စည် (သို့) ဝန်ဆောင်မှုလုံခြုံစိတ်ချရမှုနှင့်စပ်လျဉ်းသည့်အချက်များအကြောင်း၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်းသည့် ကိစ္စရပ်များအကြောင်းကိုရှင်းလင်းဆွေးနွေးပြီး ဆန်စက်လည်ပတ်မှုအဆင့်ဆင့်ကိုကြည့်ရှုစစ်ဆေးခဲ့ကြကြောင်း သတင်းရရှိပါသည်။

DOCA(ဧရာဝတီ)

   စားသုံးသူရေးရာဦးစီးဌာန၊ ကယားပြည်နယ်ဦးစီးမှုးရုံးမှ ပြည်နယ်ဦးစီးမှူးသည် ၂၀၂၃ခုနှစ်၊ ဩဂုတ်လ(၉)ရက်နေ့၊ နေ့လယ် (၁၄:၀၀) နာရီအချိန်တွင် မိုင်းလုံးရပ်ကွက်၊ Royal Village စားသောက်ဆိုင်၌ ပြည်နယ်အတွင်း ကူးသန်းရောင်းဝယ်ရေး၊ ဈေးနှုန်းဈေးကွက်အခြေအနေ၊  MSME လုပ်ငန်းများနှင့်စပ်လျဉ်း၍ ကယားပြည်နယ်ကုန်သည်များနှင့် စက်မှုလက်မှုလုပ်ငန်းရှင်များအသင်း(၉)ဦးနှင့်တွေ့ဆုံဆွေးနွေးခဲ့ပါသည်။ 

    အဆိုပါတွေ့ဆုံဆွေးနွေးပွဲတွင် စားသုံးသူရေးရာဦးစီးဌာန၊ ပြည်နယ်ဦးစီးမှူးက MSME လုပ်ငန်းများနှင့်စပ်လျဉ်း၍ စားသုံးသူကာကွယ်ရေးဥပဒေ ၂၀၁၉၊ အခန်း (၁၈) ပါ ကုန်အညွှန်းအမှတ်အသားသတ်မှတ်ချက်များအားလည်းကောင်း၊ စီးပွားရေးလုပ်ငန်းရှင်များ၏တာဝန်များ၊ ထုတ်ကုန်လုံခြုံစိတ်ချရမှုနှင့်စပ်လျဉ်း၍ ဌာနမှဆောင်ရွက်ပေးနေသည့်ကိစ္စရပ်များအားလည်းကောင်း၊ ပြည်တွင်းကုန်သွယ်မှုဖွံ့ဖြိုးတိုးတက်ရေးအတွက် ဌာနကဆောင်ရွက်ပေးနေရသည့်အခြေအနေများကိုလည်းကောင်း၊ ပြည်နယ်အတွင်း စီးပွားရေးဆိုင်ရာအသင်းအဖွဲ့များဖွံ့ဖြိုးမှုနှင့် ပူးပေါင်းဆောင်ရွက်ရသည့်အခြေအနေများကိုလည်းကောင်း၊ ပြည်နယ်အတွင်း စက်မှုထုတ်ကုန်၊ စိုက်ပျိုးရေးထုတ်ကုန်အရည်အသွေးမြင့်မားစွာတိုးမြှင့်ထုတ်လုပ်နိုင်ရေး၊ မျိုးကောင်းမျိုးသန့်များဖြင့် စိုက်ပျိုးထုတ်ကုန်များထုတ်လုပ်ဖြန့်ဖြူးနိုင်ရေးတို့အတွက် အသိပညာပေးနေမှုများအားလည်းကောင်း၊ စီးပွားရေးလုပ်ငန်းရှင်များအနေဖြင့် ပြည်နယ်ကုန်သွယ်မှုဖွံ့ဖြိုးတိုးတက်ရေးအတွက် သက်ဆိုင်ရာအစိုးရဌာန၊ ကုန်သည်၊ လုပ်ငန်းရှင်၊ အသင်းအဖွဲ့များ ဝိုင်းဝန်းပူးပေါင်းဆောင်ရွက်သွားရမည်ဖြစ်ပါကြောင်းနှင့် ဌာနအနေဖြင့်  လိုအပ်သောအချက်အလက်များကို   လိုအပ်သလို ပူးပေါင်းကူညီဆောင်ရွက်သွားမည်ဖြစ်ပါကြောင်းတို့ကိုဆွေးနွေးခဲ့ရာ တက်ရောက်လာသောလုပ်ငန်းရှင်များကလည်း လတ်တလောဒေသအခြေအနေအရ ကုန်သွယ်ရေး၊ စီးပွားရေး၊ လူမှုရေးလုပ်ငန်းများအားလုံးကိုဆောင်ရွက်ရာတွင် အခက်အခဲရှိပါကြောင်း၊ ကူးသန်းရောင်းဝယ်မှုပြုရာတွင် ပိုမိုခက်ခဲပါကြောင်း၊ နိုင်ငံရေးနှင့်စီးပွားရေးသည် ချိတ်ဆက်ပါကြောင်း၊ ပြည်နယ်တည်ငြိမ်အေးချမ်းမှုရှိမှသာ စီးပွားရေးဖွံ့ဖြိုးမှုလုပ်ငန်းများကိုပိုမိုဆောင်ရွက်နိုင်မည်ဖြစ်ပါကြောင်း၊ မိမိတို့အနေဖြင့် လက်ရှိအခြေအနေအရ ဆောင်ရွက်နိုင်မှုနည်းပါးပါကြောင်း၊ ပြည်နယ်အတွင်း စားသုံးဆီအား သင့်တင့်မျှတသောဈေးနှုန်းဖြင့်ရောင်းချနိုင်ရေး အသင်းဝင်များနှင့်ညှိနှိုင်းဆွေးနွေးတိုင်ပင်လျက်ရှိပါကြောင်း၊ ပြည်နယ်၏ စီးပွားရေးလုပ်ငန်းများဖွံ့ဖြိုးရေးအတွက် အစိုးရဌာန၊ အသင်းအဖွဲ့များနှင့်မိမိတို့ စီးပွားရေးလုပ်ငန်းရှင်များပူးပေါင်းဆောင်ရွက်သွားမည်ဖြစ်ပါသည်ဟု အသီးသီးပြန်လည်ဆွေးနွေးခဲ့ပါကြောင်း သတင်းရရှိပါသည်။

DOCA(ကယား)

  စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး၌ (၁၀-၈-၂၀၂၃)  ရက်နေ့၊ နေ့လယ် (၁၃:၀၀) နာရီအချိန်တွင် ပြည်နယ်ဦးစီးမှူး၊ ဦးသန်းဦးနှင့် ဆန်စပါးကုန်သည်များအသင်း၊ ကရင်ပြည်နယ်၊ ဆန်စက်လုပ်ငန်းရှင်များအသင်းတို့ တွေ့ဆုံဆွေးနွေးခဲ့ကြောင်းသိရှိရသည်။

    အဆိုပါတွေ့ဆုံဆွေးနွေးရာတွင် ပြည်နယ်ဦးစီးမှူး၊ ဦးသန်းဦးက ဆန်စပါးကုန်သည်များအသင်း၊ ကရင်ပြည်နယ်၊ ဆန်စက်လုပ်ငန်းရှင်များအသင်းတို့အနေဖြင့် စားသုံးသူကာကွယ်ရေးဥပဒေ ၂၀၁၉တွင်ပါဝင်သော စီးပွားရေးလုပ်ငန်းရှင်ဘက်က လိုက်နာရမည့်တာဝန်များအကြောင်းကိုလည်းကောင်း၊ ကုန်စည်နှင့်စပ်လျဉ်း၍ ဖော်ပြရမည့်အာမခံချက်များနှင့်စပ်လျဉ်း၍ စားသုံးသူကလက်ခံသုံးစွဲနိုင်သော အရည်အသွေးရှိခြင်း၊ ကုန်စည်၏အရည်အသွေး၊ အချိန်အတွယ်ပမာဏနှင့် အလေးချိန်မှန်ကန်မှုရှိခြင်း၊ ဘေးအန္တရာယ်ကင်းရှင်းစေခြင်း၊ သုံးစွဲသူ၏လိုအပ်ချက်အတွက် သင့်လျော်မှုရှိခြင်း၊ နမူနာပစ္စည်းတွင် ဖော်ပြထားသည့်အတိုင်း တူညီစွာပါရှိခြင်း၊ အာမခံချက်ပေးထားသည့်ကာလ သို့မဟုတ် အသုံးပြုနိုင်မည့်ကာလအတွင်း အပိုပစ္စည်းရရှိနိုင်ခြင်း၊ ပြန်လည်ပြုပြင်နိုင်ခြင်း သို့မဟုတ် လဲလှယ်နိုင်ခြင်း၊ ကုန်အညွှန်းအမှတ်အသားပါ အချက်အလက်၊ ကြော်ငြာ၊ ကမ်းလှမ်းချက် သို့မဟုတ် အရောင်းမြှင့်တင်ခြင်းတွင်ပါဝင်သော ဖော်ပြချက်နှင့်ကိုက်ညီမှုရှိခြင်း စသည့်ဖော်ပြရမည့်အချက်များကို  သိသာထင်ရှားစွာဖော်ပြရမည်ဖြစ်ကြောင်းကို အသေးစိတ်ဆွေးနွေးပြောကြားခဲ့ပြီး ဆက်လက်၍ ပြည်တွင်းကုန်သွယ်မှုဖွံ့ဖြိုးတိုးတက်ရေးအတွက် စားသုံးသူရေးရာဦးစီးဌာနမှ ‌ဆောင်ရွက်ပေးနေမှုအခြေအနေများကိုလည်းကောင်း ဈေးကွက်ချဲ့ထွင်နိုင်ရေးအတွက် ကူညီဆောင်ရွက်ပေးနေမှုအခြေအနေများကို ဆွေးနွေးပြောကြားခဲ့ကြောင်းသိရှိရပါသည်။

DOCA(ကရင်)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ် တာဝန်ခံရုံးအနေဖြင့်  စားသုံးသူပြည်သူများ ဘေးအန္တရာယ် ကင်းရှင်းစေရေးနှင့် ထုတ်ကုန်များ လုံခြုံ စိတ်ချရမှုရှိစေရေးအတွက် ဈေးကွက်စောင့်ကြည့် စစ်ဆေးခြင်းများဆောင်ရွက်လျက်ရှိရာ ၂၀၂၃ခုနှစ်၊ ဩဂုတ်လ (၁၀)ရက်နေ့ နံနက်(၀၉;၀၀)နာရီ အချိန်တွင် ကျွန်းလှမြို့၊ သစ်ရာမြိုင်ရပ်ကွက်ရှိ  ကုန်စုံဆိုင်များအား ကျွန်းလှမြို့နယ် စီမံအုပ်ချုပ်ရေးအဖွဲ့ရုံးမှ ဒုတိယ ဦးစီးမှူး ဒေါ်ယွန်းမီမီထွန်း၊ မြို့နယ်စည်ပင်သာယာရေး အဖွဲ့ရုံးမှ ဒုတိယ ဦးစီးမှူး ဦးမင်းကျော့မောင် ၊ ကျွန်းလှမြို့မစခန်းမှ ရဲတက သိန်းဇော်ဌေး၊ မြို့နယ် မီးသတ်ဦးစီးဌာနမှ ဝန်ထမ်းတစ်ဦး နှင့် စားသုံးသူရေးရာဦးစီးဌာန၊  ကျွန်းလှမြို့နယ်တာဝန်ခံရုံး (အကြီးတန်းစာရေး)ဒေါ်ဝေဝေအောင်တို့မှ  ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

     အဆိုပါ ကုန်မျိုးစုံရောင်းဝယ်ရေးဆိုင်များတွင် ရောင်းချသည့် ကုန်ပစ္စည်းများအား ထုတ်ကုန်လုံခြုံစိတ်ချရမှု ရှိ/ မရှိ ၊ ကုန်အညွှန်း အမှတ်အသားများ ပြည့်စုံစွာဖော်ပြထားခြင်း ရှိ/ မရှိ နှင့် သက်တမ်းလွန် ကုန်စည်များ ရောင်းချနေခြင်း ရှိ / မရှိ ဈေးကွက်စောင့်ကြည့် စစ်ဆေးခဲ့ရာ  ထုတ်ကုန်လုံခြုံစိတ်ချရမှုရှိသည့် ကုန်စည်များကိုသာတွေ့ရှိရကာ ကုန်အညွှန်းအမှတ်အသား ဖေါ်ပြခြင်းနှင့် ကိုက်ညီမှုရှိပြီး သက်တမ်းလွန်စားသောက်ကုန်များ ရောင်းချမှုမရှိသော်လည်း ရောင်းချသည့် စီးပွားရေးလုပ်ငန်းရှင်များ အနေဖြင့် မိမိရောင်းချသည့် ကုန်စည်အပေါ် တာဝန်ရှိမှုကို နားလည်သိရှိစေရန် စားသုံးသူကာကွယ်ရေး ဥပဒေပါ စားသုံးသူနှင့် စီးပွားရေးလုပ်ငန်းရှင်တို့၏ အဓိပ္ပါယ်ဖွင့်ဆိုချက်များ  အခန်း(၁၈)ပါ ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)နှင့်အညီ ကုန်ပစ္စည်းများကို မြန်မာဘာသာဖြင့် ကုန်အညွှန်းအမှတ်အသား ပြည့်စုံစွာ ထည့်သွင်ဖော်ပြ၍ ထုတ်လုပ်ဖြန့်ဖြူးသည့် ကုန်ပစ္စည်းများကိုသာ ရောင်းချကြရန် စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားနှင့် ပတ်သက်၍ စားသုံးသူရေးရာဦးစီးဌာန၏ အတည်ပြုချက် ရယူနိုင်ရေး ဆောင်ရွက်ကြရန်နှင့် မိမိတို့ စားသုံးသူရေးရာဦးစီးဌာနမှ အခမဲ့ကူညီဆောင်ရွက်ပေးပါကြောင်း ၊ ဥပဒေပါ စားသုံးသူ၏ အခွင့်အရေးနှင့် တာဝန်များအကြောင်း ၊ စီးပွားရေးလုပ်ငန်းရှင်၏ တာဝန်များနှင့် လိုက်နာရမည့် အချက်များအကြောင်း အသိပညာပေး ဆွေးနွေးခဲ့ပြီး စားသုံးသူကာကွယ်ပေးရေး အသိပညာပေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်အနေဖြင့် ကုန်စည်များတွင်  ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြရေး၊ ထုတ်ကုန်များ လုံခြုံ စိတ်ချရမှုရှိစေရေးနှင့် စားသုံးသူများအတွက်လည်း ဘေးအန္တရာယ်ကင်းရှင်းသော ကုန်စည်များကို ဝယ်ယူရရှိစေရန်ရည်ရွယ်၍ ဈေးကွက်စောင့်ကြည့်စစ်ဆေးခြင်းများကို လစဉ်ဆောင်ရွက်လျက်ရှိပါသည်။ (၄.၈.၂၀၂၃)ရက်နေ့နှင့် (၉.၈.၂၀၂၃)ရက်နေ့များတွင်  ဒု-ခရိုင်ဦးစီးမှူးမှ ဦးဆောင်၍ ရွှေဘိုမြို့နယ်  တာဝန်ခံ၊ ခရိုင်ဦးစီးမှူးရုံးမှဝန်ထမ်း(၂)ဦးနှင့် ခရိုင်ပြည်သူ့ကျန်းမာရေးဦးစီးဌာနတို့ ပူးပေါင်း၍ ရွှေဘိုမြို့ပေါ်ရှိ အချိုရည်နှင့် ကုန်မျိုးစုံအရောင်းဆိုင်များတွင် ထိုင်းဘာသာဖြင့် ကုန်အညွှန်းအမှတ်အသား ဖော်ပြထားသည့် Sprite အချိုရည်များ ရောင်းချခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ပါသည်။

    ထိုသို့စစ်ဆေးသည့်ဆိုင်များတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ပြဌာန်းချက်များနှင့်အညီ ထုတ်လုပ်ထားခြင်းမရှိသည့်အပြင် FDAတွင်မှတ်ပုံတင်ထားခြင်းမရှိသည့်  ထိုင်းဘာသာဖြင့်ဖော်ပြထားသော Spriteအချိုရည်များ ရောင်းချမှုမရှိကြောင်း စစ်ဆေးတွေ့ရှိရသဖြင့် ကုန်စည်ကို ထုတ်လုပ်၊ ဖြန့်ဖြူးရောင်းချသည့် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားပြဌာန်းချက်များနှင့်အညီ ထုတ်လုပ်ထားသည့် ကုန်စည်များကို သာရောင်းချရန်၊ ဥပဒေပါ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသား ဖော်ပြခြင်း အကြောင်းများ၊ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူကာကွယ်ရေး ကော်မရှင်၏ ညွှန်ကြားချက်အမှတ် (၂/၂၀၁၉)ပါအကြောင်းများ၊ စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနမှ ဆောင်ရွက်နေသောလုပ်ငန်းများကို သိရှိလိုပါက ရုံးဖွင့်ရက် ရုံးချိန်အတွင်း Consumer Call Center No 1535သို့ ဆက်သွယ်မေးမြန်းနိုင်သည့်အကြောင်းများနှင့်  Spriteအချိုရည်အကြောင်းများ အသိပညာပေးဆွေးနွေးခဲ့ပြီး စားသုံးသူကာကွယ်ရေး အသိပညာပေး လက်ကမ်းစာစောင်များ ဖြန့်ဝေခဲ့ကြကြောင်း သတင်းရရှိပါသည်။

DOCA(စစ်ကိုင်း)