သတင်းနှင့် လှုပ်ရှားမှုများ

      (၂၄-၄-၂၀၂၃) ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံနှင့်ဝန်ထမ်းများသည် မော်လမြိုင်မြို့၊ ဈေးကြိုရပ်ကွက်ရှိ  "ထွန်းတောက်ကြယ်" ဆီစက်လုပ်ငန်းရှင်အား တွေ့ဆုံဆွေးနွေးခဲ့ပါသည်။

      ထို့သို့တွေ့ဆုံဆွေးနွေးခဲ့ရာ ဆီစက်လည်ပတ်မှုအခြေအနေ၊ ကုန်ကြမ်းရရှိမှုအခြေအနေ၊ ကုန်ချောဖြန့်ဖြူးမှုအခြေအနေ၊ ဈေးနှုန်းဈေးကွက်အခြေအနေများ၊ စွန့်ပစ်ပစ္စည်းများအသုံးပြုမှုအခြေအနေတို့အားမေးမြန်းရာ ၎င်းတို့အနေဖြင့် ကုန်ကြမ်း(မြေပဲ)များကို ကရင်ပြည်နယ်၊ မန္တလေး၊ ပုဂံ၊ မကွေးတို့မှ မှာယူရရှိပြီး ကုန်ချောများအား မော်လမြိုင်၊ ဘားအံတို့တွင် ရောင်းချဖြန့်ဖြူးကြောင်း၊ ဈေးနှုန်းအနေဖြင့် မြေပဲဆီ(၁)ပိသာလျှင် (၁၄၀၀၀) ကျပ်ဖြင့်ရောင်းချကြောင်း၊ ထွက်ရှိလာသောစွန့်ပစ်ပစ္စည်းများ၊ မြေပဲဖတ်များအား တိရိစ္ဆာန်အစားအစာအရောင်းဆိုင်များမှ တစ်ပိဿာလျှင် (၃၀၀၀) ကျပ်ဖြင့် လာရောက်ဝယ်ယူကြောင်း သိရှိရပါသည်။

DOCA(မွန်)

      စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ပြည်နယ်ဦးစီးမှူး ဦးဝင်းထွန်းနှင့် ဝန်ထမ်းများသည် (၂၄-၄-၂၀၂၃) ရက်နေ့၊ နေ့လယ် (၁၅:၀၀) နာရီအချိန်တွင် မော်လမြိုင်မြို့၊ သူနာပြုသင်တန်းကျောင်းရှိ သင်တန်းသား/သင်တန်းသူများအား စားသုံးသူကာကွယ်ရေးအသိပညာပေးဟောပြောဆွေးနွေးခဲ့ကြောင်း သိရသည်။

          အဆိုပါဟောပြောပွဲ၌ စားသုံးသူရေးရာဦးစီးဌာန၊ ပြည်နယ်ဦးစီးမှူးက စားသုံးသူကာကွယ်ရေးဥပဒေနှင့်ပတ်သက်၍ သိကောင်းစရာများဆွေးနွေးရာတွင်   စားသုံးသူအခွင့်အရေးများနှင့် စားသုံးသူတို့လိုက်လက်နာရမည့်တာဝန်များ၊ စားသုံးသူတို့အခွင့်အရေးအပြည့်အဝရရှိစေရေး အသိပညာများ၊ ဥပမာများဖြင့် ပြောကြားခဲ့ကြောင်း၊ ဆက်လက်၍ ဒုတိယဦးစီးမှူး ဒေါ်ခင်ကြည်က တိုင်ကြားမှုနှင့်ပတ်သက်၍ ရှင်းလင်းဆွေးနွေးကြောင်း၊ အဆိုပါတွင် စားသုံးသူများသည်နစ်နာဆုံးရှုံးမှုများရှိလာလျှင် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) ဖွင့်လှစ်ထားမှုနှင့် လက်ခံသည့်ပုံစံများပြောကြားကြောင်း၊ (CICC) လုပ်ငန်းဆောင်ရွက်ချက်များ၊ တိုင်ကြားနိုင်သူများနှင့်တိုင်ကြားမည့်နည်းလမ်းတို့အားဆွေးနွေး၍ ယခင်တိုင်ကြားမှုဖြစ်စဉ်တို့အား အသိပညာရရှိစေရေး ထည့်သွင်းဟောပြောဆွေးနွေးခဲ့ကြောင်း၊ ထို့နောက်တွင် ကျောင်းအုပ်ဆရာမကြီးက သိလိုသည်များအားမေးမြန်းခြင်း၊ တက်ရောက်သည့် သင်တန်းသားက မေးမြန်းခြင်းတို့အား စားသုံးသူရေးရာဦးစီးဌာနမှ ပြည်နယ်ဦးစီးမှူး ဦးဝင်းထွန်းက ပြန်လည်ဖြေကြားပေးခဲ့ကြောင်းနှင့် ကျောင်းအုပ်ဆရာမကြီးထံသို့ လက်ကမ်းစာစောင်ပေးအပ်ခြင်းတို့ဆောင်ရွက်ခဲ့ကြောင်းနှင့် ၎င်းဟောပြောပွဲသို့ ဆရာ/ဆရာမ၊ ကျောင်းသား/ကျောင်းသူစုစုပေါင်း ၂၀၀ဦးတက်ရောက်ခဲ့ကြောင်း သတင်းရရှိပါသည်။

DOCA(မွန်)

စားသုံးသူရေးရာဦးစီးဌာန၊ ဖျာပုံခရိုင်၊ ဘိုကလေးမြို့နယ်တာဝန်ခံနှင့် ဝန်ထမ်းတို့သည်  (၂၀၂၃)ခုနှစ်၊ ဧပြီလ(၁၈)ရက်နေ့၊ နံနက်(၁၁:၃၀)နာရီအချိန်တွင် ကိုဝင်းနောင်ကုန်မျိုးစုံဆိုင်ရှိ စားသုံးသူပြည်သူအလုပ်သမား(၇)ဦးအား စားသုံးသူကာကွယ်ရေး အသိပညာပေးဟောပြော ဆောင်ရွက်ခဲ့ပါသည်။
ထိုဟောပြောပွဲတွင် မြို့နယ်တာဝန်ခံက စားသုံးသူအခွင့်အရေးနှင့်တာဝန်များကို သိရှိကြစေရန်၊ ကုန်အညွှန်းအမှတ်အသား ဖော်ပြချက်များပါဝင်သောကုန်စည်များကိုသာ ရွေးချယ် ဝယ်ယူရောင်းချရန်၊ တရားမဝင်ကုန်စည်များ ဝယ်ယူရောင်းချခြင်းမပြုရန်နှင့် ဘေးအန္တရာယ် မရှိသော ကုန်စည်များကိုသာ  ရွေးချယ်ဝယ်ယူကြရန်တို့အား ရှင်းလင်းပြောကြားကာ ဈေးကွက်အတွင်း ဝယ်ယူသုံးစွဲသော ကုန်စည်နှင့်ဝန်ဆောင်မှုများကြောင့် စားသုံးသူများနစ်နာဆုံးရှုံးမှုများ ရှိလာပါက ရှင်းလင်းတင်ပြခြင်းနှင့် တိုင်ကြားခွင့်စင်တာများ ဖွင့်လှစ်ကာ တိုင်ကြားမှုကို လက်ခံဆောင်ရွက်လျက်ရှိပါကြောင်းနှင့် Call Center မှတစ်ဆင့် ဆက်သွယ်တိုင်ကြားနိုင်ကြောင်း အသိပညာပေးဆောင်ရွက်ခဲ့ပါသည်၊၊

DOCA (ဧရာဝတီ)

ဖျာပုံခရိုင်၊ စာသုံးသူရေးရာဦးစီးဌာနရုံးတွင် ခရိုင်ဦးစီးမှူးနှင့် မြို့နယ်တာဝန်ခံတို့သည် (၁၉.၄.၂၀၂၃)ရက်နေ့၊ နေ့လယ်(၁၂း၀၀)နာရီအချိန်တွင် စာသုံးဆီဖြန့်ဖြူးရောင်းချသူ လုပ်ငန်းရှင်(၁၀)ဦးတို့အား စားသုံးသူကာကွယ်ရေးဆိုင်ရာအသိပညာပေးဆောင်ရွက်ခဲ့ပါသည်။

အဆိုပါအခမ်းအနားတွင် ခရိုင်ဦးစီးမှူးက အဖွင့်စကားပြောကြားရာတွင် ဆီကုန်သည်များအနေဖြင့် ရည်ညွှန်းဈေးဖြင့် ရရှိသောစားအုန်းဆီများကို သင့်တင့်မျှတသောဈေးနှုန်းဖြင့် ပြည်သူများအား ရောင်းချပေးရန် ဌာနကလည်းကြီးကြပ်ဆောင်ရွက်ပေးလျက်ရှိပါကြောင်းနှင့် မြို့နယ်အလိုက်  စားဆီအသင်းများကိုလည်း အသင်းအဖွဲ့ စည်းမျဉ်းစည်းကမ်းနှင့်အညီ ဖွဲ့စည်းရန် လိုအပ်ပါကြောင်း   ဆွေးနွေးပြောကြားပါသည်။

ဆက်လက်၍ မြို့နယ်တာဝန်ခံက ဟင်းသီးဟင်းရွက်ဆီ (Vegetable Oil, Cooking Oil)နှင့်စပ်လျဉ်း၍ ကုန်အညွှန်းအမှတ်အသားဖော်ပြရာတွင် စီးပွားရေးလုပ်ငန်းရှင်များ လိုက်နာဆောင်ရွက်ရန်ညွှန်ကြားချက်များအရ ဈေးကွက်အတွင်း စားသုံးဆီများအနက် အချို့သော စားသုံးဆီများကို ဟင်သီးဟင်းရွက်ဆီ (Vegetable Oil, Cooking Oil)ဟု ဖော်ပြပြီး ထုတ်လုပ်ဖြန့်ဖြူးရောင်းချလျက်ရှိကြောင်း စိစစ်တွေ့ရှိပါသည်။ အဆိုပါကုန်စည်၏ ကုန်အညွှန်းအမှတ်အသားဖော်ပြခြင်းဆိုင်ရာ ပြဋ္ဌာန်းချက်များကို စားသုံးသူများ ထင်ယောင်ထင်မှား မဖြစ်စေရေးနှင့် အခြေခံလိုအပ်ချက်အပေါ်တွင်  စိတ်ကျေနပ်မှုရရှိစေရေးတို့အတွက် ပင်ရင်းပါဝင်ပစ္စည်းကို အခြေခံသောကုန်စည်၏ အမျိုးအမည်၊   အသားတင်အလေးချိန်တို့ကို ပိဿာ၊ ကျပ်သားဖြင့် ဖော်ပြရာတွင် မြန်မာဘာသာဖြင့် ဖော်ပြထားရန် (၁၈.၁၂.၂၀၂၂)ရက်နေ့ ကြေးမုံသတင်းစာတွင် ထုတ်ပြန်ထားပြီဖြစ်ပါကြောင်း၊ ပြည်ပမှတင်သွင်းထားသည့် စားသုံးဆီများ ဖြန့်ဖြူးသယ်ယူပို့ဆောင်ခြင်းညွှန်ကြားချက်အရလည်း ရန်ကုန်မြို့ ဆီသိုလှောင်ရုံးခန်းများမှ လက်ကားဖြန့်ချီခြင်းလုပ်ငန်းစဉ်ကို (၂၀၂၂)ခုနှစ်၊ မေလ(၁)ရက်နေ့မှ စတင်အကောင် အထည်ဖော်ဆောင်ရွက်လျက်ရှိပါကြောင်း၊ ဆီကုန်သည်နှင့်ဆီလုပ်ငန်းရှင်များအနေဖြင့် ရန်ကုန်ဆီသိုလှောင်ရုံးခန်းများမှ ဆီများကို လာရောက်ထုတ်ယူရာတွင် သက်မှတ်ထားသည့် အဝါရောင်ပေပါသစ်(သို့မဟုတ်)သန့်စင်ပြီး အဝါရောင်ပေပါများဖြင့် ထုတ်ယူခွင့်ပြုသွားမည်ဖြစ်ကြောင်း အသိပေးကြေညာချက်ကို ဒေသတွင်းဆီလုပ်ငန်းရှင်များ ကျယ်ကျယ်ပြန့်ပြန့်သိရှိစေရန် အသိပေးဆွေးနွေးခဲ့ပြီဖြစ်ပါကြောင်း၊ လုပ်ငန်းရှင်များအနေဖြင့်လည်း အမိန့်၊ ညွှန်ကြားချက်များကို လိုက်နာဆောင်ရွက်ရန်  တိုက်တွန်းလိုပါကြောင်း၊ အခြားသောထုပ်ပိုးထားသည့်ကုန်စည်များလည်း ကုန်အညွှန်းအမှတ်အသားဖော်ပြချက်များ ပြည့်စုံစွာဖော်ပြရန် လိုအပ်ပါကြောင်း  ဟောပြောခဲ့ပါသည်။ ထိုနောက်တက်ရောက်လာသူများက သိရှိလိုသည်များကို မေးမြန်းမှုအပေါ် တာဝန်ရှိသူများက ပြန်လည်ဖြေကြား ပေးခဲ့ကြောင်း သတင်းရရှိပါသည်။

DOCA (ဧရာဝတီ)

       အစားအသောက်နှင့်ဆေးဝါးကွပ်ကဲရေးဦးစီးဌာန၊ တောင်ငူခရိုင်ဦးစီးမှူးရုံးမှ တောင်ငူမြို့အတွင်း ရောင်းချနေသော အလှကုန်များ၊ စားသောက်ကုန်များနှင့် ဆေးဝါးများကွင်းဆင်းစစ်ဆေးရာတွင် ပူးပေါင်းပါဝင်ဆောင်ရွက်ပေးနိုင်ပါရန် ညှိနှိုင်းလာပါသဖြင့် စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ခရိုင်ဦးစီးမှူးရုံးမှ စစ်ဆေးရေးအရာရှိများဖြစ်ကြသော စားသုံး/ထုတ်လုံ ဌာနခွဲတာဝန်ခံ ဦးမင်းဇော်၊ တောင်ငူမြို့နယ်တာဝန်ခံတို့နှင့်အတူ (၂၄.၄.၂၀၂၃)ရက်နေ့၊ နံနက်ပိုင်းက ပူးပေါင်းပါဝင်ဆောင်ရွက်ခဲ့ပါသည်။

      ပူးပေါင်းအဖွဲ့တွင် စားသုံးသူရေးရာဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာနနှင့် တောင်ငူမြို့နယ်စည်ပင်သာယာရေးအဖွဲ့တို့ပါဝင်လျက် တောင်ငူမြို့ ဘုရင့်နောင်ဈေးအတွင်း ရောင်းချနေသော ဆေးဆိုင်များတွင် တရားမဝင်ဆေးဝါးများနှင့် ရက်လွန်ဆေးဝါးများ ရောင်းချခြင်းရှိ/မရှိ၊ အလှကုန်ဆိုင်များတွင် ရက်လွန်အလှကုန်ပစ္စည်းများ ရောင်းချခြင်းရှိ/မရှိ၊ စားသောက်ကုန်ပစ္စည်းအရောင်းဆိုင်များ၌ ခွင့်မပြုဓါတုဆိုးဆေးများ ပါဝင်သည့် စားသောက်ကုန်များ ရောင်းချခြင်းရှိ/မရှိတို့ကို ကွင်းဆင်းစစ်ဆေးကြည့်ရှုခဲ့ပါသည်။

    စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးသည် ဈေးအတွင်း ကွင်းဆင်းစစ်ဆေး ဆောင်ရွက်စဉ်တွင် ဆိုင်ပိုင်ရှင်များနှင့် အရောင်းကိုယ်စားလှယ်များအား တရားမဝင်ဆေးဝါးနှင့် ကုန်ပစ္စည်းများ ရောင်းချခြင်းသည် စားသုံးသူကို နစ်နာဆုံးရှုံးမှုဖြစ်စေသည့်အပြင် နိုင်ငံတော်အတွက်လည်း ရသင့်ရထိုက်သည့် အခွန်ငွေကို ဆုံးရှုံးစေသဖြင့် တရားမဝင်ကုန်ပစ္စည်းများ ရောင်းချခြင်းမပြုရန်၊ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားများဖော်ပြရန် ၊  မြန်မာ နိုင်ငံစားသုံးသူကာကွယ်ရေးကော်မရှင်က ညွှန်ကြားထားပြီးဖြစ်ရာ မြန်မာဘာသာဖြင့် ဖော်ပြရောင်းချကြရန်နှင့် သတ်မှတ်ထားသည့် ကုန်အညွှန်းအမှတ်အသားများ ဖော်ပြထားခြင်းမရှိသော ကုန်စည်များကို ရောင်းချကြခြင်းမပြုရန် ဆွေးနွေးအသိပညာပေးခဲ့ကြောင်း သိရပါသည်။

DOCA(ပဲခူး)