သတင်းနှင့် လှုပ်ရှားမှုများ

       ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်အတွင်းရှိ ရပ်ကွက်/ကျေးရွာများတွင် စက်သုံးဆီဖြန့်ဖြူးရောင်းချပေးလျက်ရှိသော ဆိုင်များသို့ မြို့နယ်အုပ်ချုပ်ရေးမှူးနှင့် ဌာနဆိုင်ရာ များပူးပေါင်း၍ စက်တင်ဘာလ ၁၈ရက်နေ့၊ နံနက် ၁၁:၄၅ နာရီအချိန်တွင် သွားရောက်ကွင်းဆင်းစစ်ဆေးခဲ့ကြောင်းသိရသည်။

         ထိုသို့ကွင်းဆင်းစစ်ဆေးခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူးနှင့်အဖွဲ့၊ မြို့နယ်မီးသတ်ဦးစီးဌာန၊ မြို့နယ်ရဲတပ်ဖွဲ့နှင့် စားသုံးသူရေးရာဦးစီးဌာနတို့ ပူးပေါင်း၍ Apex စက်သုံးဆီဆိုင်၊ ဆိပ်ကမ်းသာဆီဆိုင်များသို့ စက်သုံးဆီရရှိမှုအခြေအနေ၊ ဖြန့်ဖြူးရောင်းချမှုအခြေအနေ၊ ကားများ၊ ဆိုင်ကယ်တွဲများ စက်သုံးဆီဝယ်ယူနေမှုအခြေအနေများအားစစ်ဆေး၍ စက်သုံးဆီများအား အမှန်တကယ်ဖြန့်ဖြူးရောင်းချနိုင်ရေး၊ မှောင်ခိုရောင်းချမှုမရှိစေရေး၊ စက်သုံးဆီများအား ဝိသမလောဘဇောဖြင့် ဈေးနှုန်းမြှင့်တင်ရောင်းချမှုမရှိစေရေး အသိပညာပေးကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)

   ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်အတွင်းရပ်ကွက်များရှိ ဓာတ်မြေဩဇာဆိုင်များသို့ မြို့နယ်အဆင့်ယူရီယားမြေဩဇာဖြန့်ဖြူးရောင်းချရေးကော်မတီအဖွဲ့သည် စက်တင်ဘာလ ၁၈ရက်နေ့၊ နံနက် ၁၀:၁၅ နာရီအချိန်တွင် ကွင်းဆင်းစစ်ဆေးခဲ့ကြောင်းသိရသည်။

      ထိုသို့ကွင်းဆင်းစစ်ဆေးရာတွင် မြို့နယ်အဆင့်ယူရီးယားမြေဩဇာဖြန့်ဖြူးရောင်းချရေးကော်မတီအဖွဲ့ဖြစ်သည့် မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး အပါအဝင် မြို့နယ်စိုက်ပျိုးရေးဦးစီးဌာန၊ မြို့နယ်မြေစာရင်းဦးစီးဌာန၊ စားသုံးသူရေးရာဦးစီးဌာန၊ သမဝါယမဦးစီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနတို့သည် နိုင်ထူးခန့်ဓာတ်မြေဩဇာအရောင်းဆိုင်၊ ဦးအင်းရွှေနှင့် ညီမဒေါ်အေးကြည်ဓာတ်မြေဩဇာဆိုင်၊ ရွှေညာမြေဓာတ်မြေဩဇာဆိုင်နှင့် ရောင်ခြည်ဦးဓာတ်မြေဩဇာအရောင်းဆိုင်များသို့သွားရောက်၍ ဓာတ်မြေဩဇာဝယ်ယူရရှိမှုအခြေအနေ၊ ရောင်းချရမှုအခြေအနေနှင့် ဈေးနှုန်းအခြေအနေများအား ကွင်းဆင်းစစ်ဆေးခဲ့ပြီးနောက် ဓာတ်မြေဩဇာများအား ဈေးနှုန်းမြှင့်တင်ရောင်းချမှုမရှိစေရေး အသိပညာပေးဆွေးနွေးခဲ့ကြောင်းသိရှိရပါသည်။

DOCA(ရန်ကုန်)        

      ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ မြို့နယ်တာဝန်ခံနှင့် ဝန်ထမ်းများသည် တိုင်းဒေသကြီး စိုက်ပျိုးရေးဦးစီးဌာန၏ ညွှန်ကြားချက်အရ မြို့နယ်စိုက်ပျိုးရေးဦးစီးဌာနမှ ၎င်းဌာနနှင့်ပူးပေါင်းဆောင်ရွက်ပေးပါရန် ညှိနှိုင်းလာပါသဖြင့် စက်တင်ဘာလ ၁၃ရက်နေ့၊ နံနက် ၁၁:၃၀ နာရီအချိန်တွင် မြို့နယ်တွင် ရောင်းချနေသော ဓာတ်မြေဩဇာဆိုင်များသို့ သွားရောက်ကွင်းဆင်းစစ်ဆေးခဲ့ပါသည်။

         ဓာတ်မြေဩဇာရောင်းချသည့် ဆိုင်များဖြစ်သော ဒေါ်လာဝင်းဓာတ်မြေဩဇာဆိုင်၊ စန်းသော်တာ (မျိုးစေ့၊ စိုက်ပျိုးရေးဆေးနှင့် ဓာတ်မြေဩဇာအရောင်းဆိုင်)၊ မဟာသစ်( KMA Family) ပိုးသတ်ဆေးနှင့် စိုက်ပျိုးရေးပစ္စည်းအမျိုးမျိုးအရောင်းဆိုင်တို့တွင် ဓာတ်မြေဩဇာဈေးနှုန်းများကို သတ်မှတ်ဈေးနှုန်းထက်ကျော်လွန်၍ ရောင်းချမှုမရှိစေရေး၊ အလေးချိန်ပြည့်ဝမှန်ကန်မှုရှိစေရေးတို့ကို မြို့နယ်စိုက်ပျိုးရေးဦးစီးဌာနမှဦးဆောင်၍ စစ်ဆေးခြင်းနှင့် ဆိုင်လုပ်ငန်းရှင်များအား တွေ့ဆုံဆွေးနွေးခြင်းများဆောင်ရွက်ခဲ့ကြပြီး မြို့နယ်စားသုံးသူရေးရာဦးစီးဌာနမှ ပူးပေါင်းပါဝင်ခဲ့ကြောင်း သတင်းရရှိပါသည်။

DOCA(ရန်ကုန်)        

       ပုသိမ်ခရိုင်၊ ငပုတောမြို့နယ်၊ မြို့နယ်စီမံအုပ်ချုပ်ရေးအဖွဲ့၊ စားသုံးသူရေးရာဦးစီးဌာနှင့် ဆီလုပ်ငန်းရှင်အသင်းတို့ ပူးပေါင်း၍ စားသုံးသူပြည်သူများအား သတ်မှတ်ဈေးနှုန်းဖြင့် အဆင်ပြေ ချောမွေ့စွာ စားအုန်းဆီများ ဝယ်ယူရရှိနိုင်ရေးအတွက် ငပုတောမြို့ပေါ်ရှိ ရပ်ကွက်များနှင့်အုန်းပင်စု၊ သက္ကယ်ချောင်း၊ လိပ်ချောင်း၊ ဝက်ဆူ၊ ကံကွင်း၊ တင်ချောင်းကျေးရွာအုပ်စုများ၏ အိမ်ထောင်စုဦးရေအလိုက် တစ်အိမ်ထောင်စုလျှင် စားအုန်းဆီ (၅၀) ကျပ်သားနှုန်းခန့်ကို စုစုပေါင်းအိမ်ထောင်စု (၂၆၃၉) စုအား ဆီပိဿာချိန် (၁၃၂၀) ခန့် ကျေးရွာအရောက် ရောင်းချပေးခဲ့ကြောင်း သိရှိရပါသည်။

DOCA(ဧရာဝတီ)

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ်တာဝန်ခံရုံးအနေဖြင့် စားသုံးသူများအသုံးပြုလျက်ရှိသည့် ကုန်စည်နှင့်ဝန်ဆောင်မှုများကို ဘေးအန္တရာယ်ကင်းရှင်းစေရန်ရည်ရွယ်၍ ဦးစားပေးကုန်စည်များသတ်မှတ်ထားရှိပြီး လစဉ်ကွင်းဆင်းဆောင်ရွက်မှုများသာမက (၃)လပတ်လျာထားဆောင်ရွက်ရမည့် အိမ်သုံးလျှပ်စစ်ပစ္စည်းအမျိုးမျိုးကို  စက်တင်ဘာလ(၁၈)ရက်နေ့၊ နံနက် (၀၉:၀၀)နာရီအချိန်တွင် ကျွန်းလှမြို့ပေါ် ရပ်ကွက်အတွင်းရှိ အိမ်သုံးလျှပ်စစ်ပစ္စည်းအမျိုးမျိုးရောင်းချသည့် အရောင်းဆိုင်များအား မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့စခန်း၊ မြိုနယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာန၊  ကျွန်းလှမြို့နယ်တာဝန်ခံတို့ ပူးပေါင်းအဖွဲ့သည် အိမ်သုံးလျှပ်စစ်ပစ္စည်းအမျိုးမျိုးရောင်းချသည့် အရောင်းဆိုင်များအား သွားရောက်ကွင်းဆင်း၍ ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်းသိရှိရပါသည်။

        ထိုသို့ ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင်  ပြည်ပမှတင်သွင်းသောကုန်စည်များ၊ ပြည်တွင်း၌ထုတ်လုပ်သော ကုန်စည်များကို စားသုံးသူပြည်သူများအသုံးပြုရာတွင် ဘေးအန္တရာယ်ကင်းရှင်းစေရန်နှင့် ထုတ်ကုန်များလုံးခြုံစိတ်ချရမှုရှိစေရန်အတွက် ဈေးကွက်မရောက်မီနှင့် ဈေးကွက်ရောက်ပြီးသောကုန်စည်များကို ဘေးအန္တရာယ်ရှိ/မရှိစောင့်ကြည့်စစ်ဆေးခြင်း၊ ညွှန်ကြားချက်များနှင့်အညီ ကုန်အညွှန်းအမှတ်အသားတွင် ဖော်ပြရမည့်အသေးစိတ်စိစစ်ချက်များကို ဖော်ပြထားခြင်းရှိ/မရှိ စောင့်ကြည့်စစ်ဆေးခြင်းများဆောင်ရွက်ခဲ့ကြောင်း၊ စီးပွားရေးလုပ်ငန်းရှင်များအနေဖြင့် မိမိတို့ရောင်းချသည့်ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားပြည့်စုံစွာဖော်ပြထားသည့် ကုန်စည်များကိုသာရောင်းချကြရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များလိုက်နာဆောင်ရွက်ရမည့် တာဝန်များကို လိုက်နာဆောင်ရွက်ကြရန်လိုအပ်ကြောင်း အကျယ်တဝင့်ပြောကြားခဲ့ပြီး ညွှန်ကြားချက်အမှတ် (၂/၂၀၁၉) ပါ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(စစ်ကိုင်း)