သတင်းနှင့် လှုပ်ရှားမှုများ

    စစ်ကိုင်းတိုင်းဒေသကြီးဦးစီးမှူးရုံးအနေဖြင့် စားသုံးသူပြည်သူများ ထုတ်ကုန်လုံခြုံစိတ်ချရမှုရှိစေရန်၊  စီးပွားရေးလုပ်ငန်းရှင်များ စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်နိုင်စေရန်အတွက် တိုင်း၊ ခရိုင်၊ မြို့နယ်အလိုက် စားသုံးသူကာကွယ်ရေးအသိပညာပေးလုပ်ငန်းများ၊ စားသုံးသူတိုင်ကြားမှုဖြေရှင်းခြင်းလုပ်ငန်းများဆောင်ရွက်လျက်ရှိရာ ၂၀၂၃ခုနှစ်၊ စက်တင်ဘာလအတွင်း တိုင်းဒေသကြီးဦးစီးမှူးရုံးအနေဖြင့် မုံရွာမြို့၊ ငါးလုပ်ငန်းဦးစီးဌာနတွင်လည်းကောင်း၊ ကလေးခရိုင်ဦးစီးမှူးရုံးအနေဖြင့် ကလေးမြို့၊ အခြေခံပညာအလယ်တန်းကျောင်းခွဲ(၅) တွင်လည်းကောင်း၊ ကလေးဝမြို့နယ်တာဝန်ခံရုံးမှ ကလေးဝမြို့၊ အခြေခံပညာအလယ်တန်းကျောင်းတွင်လည်းကောင်း၊ ကန့်ဘလူမြို့၊ အမှတ်(၁)အခြေခံပညာအလယ်တန်းကျောင်းခွဲ၊ ကန့်ဘလူမြို့၊ သမဝါယမဦးစီးဌာနတွင်လည်းကောင်း၊ ကျွန်းလှမြို့နယ်တာဝန်ခံရုံးမှ ကျွန်းလှမြို့၊ အင်းကောင်းကျေးရွာရှိ အခြေခံပညာအလယ်တန်းကျောင်းတွင်လည်းကောင်း၊ စစ်ကိုင်းခရိုင်ဦးစီးမှူးရုံးအနေဖြင့် စစ်ကိုင်းမြို့၊ အမှတ်(၃)ရဲသင်တန်းကျောင်းတွင်လည်းကောင်း၊ စစ်ကိုင်းမြို့၊ ခရိုင်စိုက်ပျိုးရေးဦးစီးဌာနတွင်လည်းကောင်း၊ မုံရွာမြို့နယ်တာဝန်ခံရုံးမှ မုံရွာခရိုင်ပြန်/ဆက်ရုံးတွင် Talk Show အစီအစဉ်ပြုလုပ်၍လည်းကောင်း၊  မုံရွာမြို့၊ တိုင်းဒေသကြီးလူမှုဝန်ထမ်းဦးစီးဌာနလည်းကောင်း၊ ရွှေဘိုခရိုင်ဦးစီးမှူးရုံးအနေဖြင့် ရွှေဘိုမြို့၊ အခြေခံပညာအထက်တန်းကျောင်းတွင်လည်းကောင်း၊ စုစုပေါင်း (၁၁)ကြိမ် အသိပညာပေးဟောပြောဆွေးနွေးခဲ့ရာ ဌာန၏မျှော်မှန်းချက်များ၊ ရည်မှန်းချက်တာဝန်များ၊ စားသုံးသူအခွင့်အရေးများ၊ တာဝန်များ၊ ဌာနသို့ဆက်သွယ်တိုင်ကြားနိုင်သည့်နည်းလမ်းများ၊ ဖြေရှင်းဆောင်ရွက်ပေးခဲ့သည့် စားသုံးသူတိုင်ကြားမှုဖြစ်စဉ်များကို အသိပညာပေးဟောပြောခဲ့ကြပြီး စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ပါသည်။

     လုပ်ငန်းရှင်များနှင့်တွေ့ဆုံဆွေးနွေးအသိပညာပေးမှုများကိုလည်း တိုင်းဒေသကြီးဦးစီးမှူးရုံးအနေဖြင့် (၃)ကြိမ်၊ ကလေးခရိုင်ဦးစီးမှူးရုံးအနေဖြင့် (၄)ကြိမ်၊ ကသာခရိုင်ဦးစီးမှူးရုံးအနေဖြင့် (၃)ကြိမ်၊ ကန့်ဘလူမြို့နယ်တဝန်ခံရုံးအနေဖြင့် (၂)ကြိမ်၊ စစ်ကိုင်းခရိုင်ဦးစီးမှူးရုံးအနေဖြင့်  (၇)ကြိမ်၊ မုံရွာမြို့နယ်တာဝန်ခံရုံးအနေဖြင့် (၂)ကြိမ်၊ ယင်းမာပင်ခရိုင်ဦးစီးမှူးရုံးအနေဖြင့် (၂)ကြိမ်၊ ရွှေဘိုခရိုင် ဦးစီးမှူးရုံးအနေဖြင့် (၄)ကြိမ်၊ စုစုပေါင်း(၂၇)ကြိမ်ဆောင်ရွက်နိုင်ခဲ့ပါသည်။ ထိုသို့တွေ့ဆုံဆွေးနွေးဆောင်ရွက်ခြင်းများပြုလုပ်ရာတွင် စီးပွားရေးလုပ်ငန်းရှင်တို့၏တာဝန်များ၊ လိုက်နာရမည့်အချက်များ၊ ကုန်စည်နှင့်စပ်လျဉ်း၍ ဖော်ပြရမည့်အာမခံချက်များ၊ ရိုးရှင်းမှန်ကန်သောသတင်းအချက်အလက်များပြည့်စုံစွာပေးရန် စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ရန်အချက်များကို ရှင်းလင်းဆွေးနွေးအသိပညာပေးခြင်း၊ ရည်ညွှန်းဈေးသတ်မှတ်ထားသောကုန်စည်များအား သတ်မှတ် ရည်ညွှန်းဈေးဖြင့်ရောင်းချစေရေး ဆွေးနွေးဟောပြောခြင်းများဆောင်ရွက်ခဲ့ပြီး စီးပွားရေးလုပ်ငန်းရှင်နှင့်သက်ဆိုင်သော လက်ကမ်းစာစောင်များ၊ စားသုံးသူကာကွယ်ရေးဥပဒေစာအုပ်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဦးစီးဌာန၊  စားသုံးသူရေးရာဦးစီးဌာနအနေဖြင့်      ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံစီးပွားတိုးတက်စေရန် မျှော်မှန်းချက်နှင့်အညီ စားသုံးသူကာကွယ်ရေးလုပ်ငန်းများအပြင် ဒေသတွင်းကုန်သွယ်မှုဖွံ့ဖြိုး တိုးတက်စေရေးအတွက် ရေသန့်စက်ရုံထုတ်လုပ်သည့် MSMES စီးပွားရေးလုပ်ငန်းရှင်နှင့် တွေ့ဆုံ ဆွေးနွေးခဲ့ကြောင်းသိရှိရပါသည်။

     ရခိုင်ပြည်နယ်၊ အမ်းခရိုင်၊ အမ်းမြို့-စစ်တွေ-ရန်ကုန်ကားလမ်းရှိ အမှတ်(၂၂၆)၊     (၅)ရပ်ကွက်၊ ဦးသစ်လွင် ရေသန့်လုပ်ငန်းမှ ထုတ်လုပ်သော Best Fly အမှတ်တံဆိပ်ပါ သောက်ရေသန့် အမ်းမြို့နယ်တာဝန်ခံ ဦးမောင်ကျော်မြင့် (ဦးစီးအရာရှိ)နှင့် ဝန်ထမ်းများက သွားရောက်၍ ကွင်းဆင်းတွေ့ဆုံဆွေးနွေးခဲ့ပါသည်။   ထိုသို့    ဆွေးနွေးရာတွင်   ဦးစွာ  စားသုံးသူကာကွယ်ရေး ဥပဒေပါ   စီးပွားရေးလုပ်ငန်းရှင်များ၏  တာဝန်များကို သိရှိနားလည်ပြီး လိုက်နာဆောင်ရွက်ရန်လိုအပ်ကြောင်းမိမိတို့ထုတ်ကုန်များကို ထုတ်ကုန်လုံခြုံစိတ်ချရမှုရှိစေရေး အလေးထားဆောင်ရွက်သွားရန် လိုအပ်ကြောင်း၊ ကုန်ပစ္စည်းများထုတ်လုပ် ဖြန့်ဖြူးရောင်းချရာတွင် မြန်မာနိုင်ငံစားသုံးသူကာကွယ်ရေးကော်မရှင်၏ ၂/၂၀၁၉ အရ ကုန်စည်အမျိုးအစားအလိုက် မြန်မာဘာသာဖြင့် ဖော်ပြရမည့် ကုန်အညွှန်းအမှတ်အသားများနှင့်ပတ်သတ်၍ သိရှိရန်နှင့် သက်ဆိုင်ရာအစိုးရဌာနများ၏ ထောက်ခံချက်များ ရယူရန် လိုအပ်ကြောင်း၊ စက်ရုံပတ်ဝန်းကျင်သန့်ရှင်းရေး၊ ရေစီးရေလာကောင်းမွန်ရေး၊ စက်ရုံလုပ်သားများ၏ တကိုယ်ရည် သန့်ရှင်းမှုရှိစေရေး၊ သောက်ရေသန့်ဗူးများသန့်ရှင်းမှုရှိစေရေး အလေးထားဆောင်ရွက်ရန် အသိပညာပေးဆွေးနွေးခဲ့ကြပြီး၊ စားသုံးသူကာကွယ်ရေးအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။         

DOCA( ရခိုင်)

    မကွေးတိုင်းဒေသကြီး၊ စားသုံးသူရေးရာဦးစီးဌာနအနေဖြင့် စားသုံးသူပြည်သူများ၏ အခွင့်အရေးနှင့်အကျိုးစီးပွားများကိုကာကွယ်ရန်၊ လုပ်ငန်းရှင်များအားလည်း မိမိတို့လိုက်နာရမည့် တာဝန်နှင့်တားမြစ်ချက်များကိုသိရှိစေရန်၊ စီးပွားရေးကျင့်ဝတ်၊ စည်းကမ်းများနှင့်အညီ ဖြောင့်မတ်မှန်ကန်စွာဆောင်ရွက်နိုင်ရေးအတွက် တိုင်း/ ခရိုင်/ မြို့နယ်အလိုက် စားသုံးသူအသိပညာပေးခြင်းနှင့် လုပ်ငန်းရှင်နှင့်တွေ့ဆုံဆွေးနွေးခြင်းလုပ်ငန်းများဆောင်ရွက်လျက်ရှိပါသည်။ ထိုသို့ဆောင်ရွက်လျက်ရှိရာတွင် ၂၀၂၃ခုနှစ်၊ စက်တင်ဘာလအတွင်း စားသုံးသူအသိပညာပေးဆွေးနွေးခြင်း (၄၃)ကြိမ်၊ လုပ်ငန်းရှင်များနှင့်တွေ့ဆုံဆွေးနွေးခြင်း(၆၀)ကြိမ်ဆောင်ရွက်နိုင်ခဲ့ပါသည်။

     ၂၀၂၃ခုနှစ်၊ စက်တင်ဘာလအတွင်း စားသုံးသူကာကွယ်ရေးဆိုင်ရာ အသိပညာပေးဆောင်ရွက်နိုင်မှုအနေဖြင့် (၄၃)ကြိမ်ဆောင်ရွက်နိုင်ခဲ့ပြီး ချောက်၊ ပခုက္ကူ၊ ကံမ၊ ရေနံချောင်း၊ မင်းဘူး၊ ဆိပ်ဖြူ၊ ဆင်ပေါင်ဝဲ၊ တောင်တွင်း၊ စလင်း၊ မြို့သစ်၊ သရက်၊ အောင်လံ၊ ဂန့်ဂေါ၊ မကွေးမြို့နယ်များအတွင်းရှိ အထက်တန်း၊ အလယ်တန်း၊ မူလတန်းကျောင်းများသို့လည်းကောင်း၊ ပခုက္ကူမြို့၊ ပညာရေးဒီဂရီကောလိပ်ရှိ ကျောင်းသား/သူများအားလည်းကောင်း၊ စားသုံးသူကာကွယ်ရေးဆိုင်ရာ အသိပညာပေးဆွေးနွေးဟောပြောခြင်းများဆောင်ရွက်နိုင်ခဲ့ပြီး မင်းဘူး၊ ပွင့်မြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှကျင်းပပြုလုပ်သော စာဖတ်ဝိုင်းရှိ ကျောင်းသား/သူများအားလည်းကောင်း၊ မင်းတုန်းမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ကျင်းပပြုလုပ်သော စားသုံးသူကာကွယ်ရေးအသိပညာပေး Talk Show ကိုလည်းကောင်း၊ မကွေးမြို့၊ မြန်မာ့လယ်ယာဖွံ့ဖြိုးရေးဘဏ်၌ ဘဏ်ဝန်ထမ်းများနှင့် ကျွန်းပြတ်၊ ကြက်နှစ်ဖ၊ မီးသေ၊ ဒဟတ်တောကျေးရွာများမှ ပြည်သူများအားလည်းကောင်း၊ မကွေးမြို့၊ အသေးစားစက်မှုလက်မှုလုပ်ငန်းဦးစီးဌာန၌ကျင်းပပြုလုပ်သော ထုတ်ပိုးမှုဆိုင်ရာ သင်တန်းတွင် စားသုံးသူကာကွယ်ရေးဆိုင်ရာ အသိပညာပေးဆွေးနွေးခြင်းကိုလည်းကောင်း၊ ပွင့်ဖြူမြို့၊ စံပြရွာ၊ စက်ချုပ်သင်တန်းရှိ သင်တန်းသူများအားလည်းကောင်း၊ ပွင့်ဖြူမြို့၊ ပြည်လုံးကျော်ရွာ၊ လက်ပံနွယ်ရွာရှိ တောင်သူများအားလည်းကောင်း အသိပညာပေးဆွေးခဲ့ပါသည်။

    လုပ်ငန်းရှင်များနှင့် (၆၀)ကြိမ်တွေ့ဆုံဆွေးနွေးခြင်းများဆောင်ရွက်ခဲ့ရာတွင် မင်းဘူး၊ ရေနံချောင်း၊ မကွေး၊ ဆိပ်ဖြူ၊ ဆင်ပေါင်ဝဲမြို့နယ်များရှိ စည်ပင်သာယာဈေးများ၌ ကုန်မျိုးစုံအရောင်းဆိုင်များ၊ မုန့်ထုတ်လုပ်သူလုပ်ငန်းရှင်များ၊ စတိုးဆိုင်လုပ်ငန်းရှင်များအား ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍လည်းကောင်း၊ မကွေးမြို့၊ နတ်မောက်မြို၊ အောင်လံမြို့၊ စလင်းမြို့၊ မြို့သစ် မြို့များရှိ ဆီစက်လုပ်ငန်းရှင်များအား သန့်ရှင်းမှုရှိစေရေးနှင့် လုပ်ငန်းရှင်၏တာဝန်များအကြောင်း အသိပေးဆွေးနွေးခြင်း၊ နတ်မောက်မြို့၊ သရက်မြို့၊ မကွေးမြို့နှင့် ကံမမြို့ရှိ ဆေးဆိုင်လုပ်ငန်းရှင်များ အား FDA ထောက်ခံချက်မရှိသော ဆေးဝါးများရောင်းချခြင်းမပြုရန်နှင့် ရောင်းချခွင့်ရှိသောဆေးဝါးများတွင်လည်း မြန်မာဘာသာဖြင့် ကုန်အညွှန်းအမှတ်အသားပြည့်စုံစွာဖော်ပြထားသည့် ဆေးဝါးများကိုသာရောင်းချသွားရန် အသိပညာပေးဆွေးနွေးခြင်း၊ ပခုက္ကူမြို့ရှိ ဧရာဦးသောက်ရေသန့်၊ အောင်လံမြို့၊ ပြလို့ကျေးရွာရှိ ဝတီသောက်ရေသန့်လုပ်ငန်းရှင်နှင့် ကျော်သောက်ရေသန့်လုပ်ငန်းရှင်တို့အား ကုန်အညွှန်းအမှတ်အသားဖော်ပြခြင်းနှင့် လုပ်ငန်းရှင်၏တာဝန်များအကြောင်း အသိပေးဆွေးနွေးခြင်း၊ စလင်းမြို့၊ မင်းဘူးမြို့၊ ပခုက္ကူမြို့၊ ပွင့်ဖြူမြို့များရှိ စားသောက်ကုန်လုပ်ငန်းရှင်များအား ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ အသိပေးဆွေးနွေးခြင်း၊ တောင်တွင်းကြီးမြို့ရှိ စက်သုံးဆီအရောင်းဆိုင်လုပ်ငန်းရှင်များအား LED Board တွင် ဈေးနှုန်းများဖော်ပြရေး၊ စက်သုံးဆီများပြတ်လပ်မှုမရှိစေရေး၊ အချင်အတွယ်မှန်ကန်မှုရှိစေရေး အသိပေးဆွေးနွေးခြင်းများဆောင်ရွက်နိုင်ခဲ့ကြောင်း သတင်းရရှိပါသည်။

DOCA(မကွေး)

    ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်စားသုံးသူရေးရာဦးစီးဌာနမှမြို့နယ်  တာဝန်ခံနှင့်ဝန်ထမ်းတို့သည် ၂၀၂၃ခုနှစ်၊ စက်တင်ဘာ(၁၈)ရက်နေ့၊ နံနက်(၁၁:၃၀)နာရီအချိန်တွင်   ဘိုကလေးမြို့ ရွှေမင်းပူတင်းပေါင်မုန့်လုပ်ငန်းရှိ ဝန်ထမ်း(၆)ဦးအား စားသုံးသူကာကွယ်ရေး   အသိပညာပေးခြင်းကိုဆောင်ရွက်ခဲ့ပါသည်။

     အဆိုပါဟောပြောပွဲတွင် မြို့နယ်တာဝန်ခံက စားသုံးသူ အခွင့်အရေးနှင့်တာဝန်များ၊ ကုန်အညွှန်းအမှတ်အသားဖော်ပြချက်များပါဝင်သော ကုန်စည်များကိုသာ ရွေးချယ်ဝယ်ယူရောင်းချ  ရန်နှင့် ထုတ်လုပ်သောကုန်စည်နှင့်ပတ်သက်၍ကုန်အညွှန်းအမှတ်အသားဖော်ပြချက်များထည့်သွင်း  ရောင်းချကြရန်နှင့် ကုန်စည်အရေအသွေးပြည့်စုံစွာ ထုတ်လုပ်နိုင်ရေးကို အထူးဦးစားပေးရမည်   ဖြစ်ကြောင်း၊ ကုန်စည်နှင့်ဝန်ဆောင်မှုများကိုသုံးစွဲခြင်းကြောင့် စားသုံးသူများ နစ်နာမှုရှိလာပါက  တိုင်ကြားနိုင်ကြောင်းနှင့် Call Center 1535 မှလည်း ဆက်သွယ်တိုင်ကြားနိုင်ကြောင်း အသိပညာ‌  ပေးဟောပြောခဲ့ကြောင်း သတင်းရရှိပါသည်။

DOCA( ဧရာဝတီ)

  ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊မြောင်းမြခရိုင် အိမ်မဲမြို့နယ်တာဝန်ခံရုံးမှ ဒေါ်ဇင်မာသန်းသည် (၂၆.၉.၂၀၂၃)ရက်နေ့၊ နံနက်(၁၀:၀၀)နာရီတွင် မြို့နယ်ထွေ/အုပ်၊ မြို့နယ်စည်ပင်သာယာရေး အဖွဲ့နှင့်ပူးပေါင်း၍ အိမ်မဲမြို့ရှိ ဆေးဆိုင်များအား ကလေးအာဟာရ ဖြည့်စွက်စာများ ရောင်းချမှုအား နယ်မြေဈေးကွက် စောင့်ကြည့် စစ်ဆေးဆောင်ရွက်ခဲ့ပါသည်။

   ထိုသို့ကွင်းဆင်းစစ်ဆေးဆောင်ရွက်ရာတွင် စားသုံးသူရေးရာဦးစီးဌာန မြို့နယ်တာဝန်ခံက ဆေးဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော ၂၀၁၉ ပါ ဥပဒေပြဌာန်းချက်များမှ ဥပဒေအခန်း(၁၈) ပုဒ်မခွဲ (ခ)နှင့်(ဆ)တို့ပါ ကုန်အညွှန်း အမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ကြောင်း စီးပွားရေးလုပ်ငန်းရှင် များအနေဖြင့် ထုတ်ပြန်ထားသောညွှန်ကြားချက်များ၊ လိုက်နာဆောင်ရွက်ကြရန်၊ ကလေးအာဟာရ ဖြည့်စွက်စာ အမျိုးမျိုးနှင့်စပ်လျဉ်း၍ ကုန်အညွှန်းအမှတ်အသားဖော်ပြချက်နှင့် ထားသိုသိမ်းဆည်းမှု အညွှန်းအတိုင်းထားသိုရောင်းချကြရန် ထုတ်လုပ်သည့်ရက်စွဲ၊ သက်တမ်းကုန်ဆုံးသည့် ရက်စွဲများ ကိုလည်းစစ်ဆေးရောင်းချကြရန်နှင့် အစားအသောက်ဖြစ်သည့်အတွက် အလေးထားဆောင်ရွက်ကြရန် ဆေးဆိုင်ပိုင်ရှင်များအား အသိပညာပေးမှာကြားခဲ့ကြောင်း သတင်းရရှိပါသည်။

DOCA( ဧရာဝတီ)