သတင်းနှင့် လှုပ်ရှားမှုများ

        ၂၁.၄.၂၀၂၃ ရက်နေ့တွင် စားသုံးသူရေးရာဦးစီးဌာန၊ သထုံခရိုင်ဦးစီးမှူးနှင့် ဝန်ထမ်းများသည် သထုံမြို့ရှိ ဓာတ်မြေဩဇာနှင့် စိုက်ပျိုးရေးလုပ်ငန်းသုံး ပိုးသတ်ဆေးများ လက်လီ/လက်ကား ဖြန့်ဖြူးရောင်းချသူ ဒေါ်နီလာခင်နှင့် တွေ့ဆုံဆွေးနွေးခဲ့ကြောင်း သိရှိရသည်။

  ထိုသို့တွေ့ဆုံဆွေးနွေးရာတွင် ဓာတ်မြေဩဇာနှင့် စိုက်ပျိုးရေးလုပ်ငန်းသုံး ပိုးသတ်ဆေးများ၏ ဈေးနှုန်း/ဈေးကွက် အခြေအနေ၊ မြန်မာစာကုန်အညွှန်းအမှတ်အသားဖော်ပြချက်များအား ပြည့်စုံစွာဖော်ပြပေးရန်၊ သက်ဆိုင်ရာဌာနများ၏ လုပ်ထုံးလုပ်နည်းစည်းကမ်းချက်နှင့်အညီ ဖြန့်ဖြူးရောင်းချရန်၊ စီးပွားရေးလုပ်ငန်းရှင်၏ တာဝန်များအကြောင်း ဆွေးနွေးခဲ့ပြီး စိုက်ပျိုးရေးလုပ်ငန်းသုံးဆေးဖြန်းကိရိယာများနှင့် ပတ်သက်၍ ကုန်အညွှန်းအမှတ်အသားများ ဖော်ပြရန် မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသော ၂/၂၀၁၉ ဖော်ပြပါရှိသော လက်ကမ်းစာစောင်များအား ဖြန့်ဝေပေးခဲ့ကြောင်း သိရှိရပါသည်။

DOCA(မွန်)   

    မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်မှ  ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်စားသုံးသူရေးရာဦးစီးဌာနတို့ပူးပေါင်း၍ ၂၀.၄.၂၀၂၃ရက်နေ့၊ နံနက်(၁၀:၀၀)နာရီချိန် မုဒုံမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးတွင် “စားသုံးသူကာကွယ်ရေးအသိပညာပေး” (Talk Show) ဆွေးနွေးပွဲ ကျင်းပကြောင်း သိရသည်။

       ထို့သို့ ဆွေးနွေးပွဲတွင်  ပြန်ကြားရေးနှင့်ပြည်သူ့ဆက်ဆံရေးဦးစီးဌာန မုဒုံမြို့နယ် ဦးစီးအရာရှိ ဒေါ်မိုးမိုးစန္ဒာက ပြည်သူများအတွက်  အသိပညာရရှိစေရန် ရည်ရွယ်၍ စားသုံးသူကာကွယ်ရေးဥပဒေအကြောင်းအရာများကို အကျယ်တဝင့်ဆွေးနွေးခဲ့ကြောင်း သိရှိရပြီး   ဆက်လက်၍ မွန်ပြည်နယ်စားသုံးသူရေးရာဦးစီးဌာန၊ မုဒုံမြို့နယ်ရုံးတာဝန်ခံ ဦးစည်သူက ဆွေးနွေးရာတွင်  စားသုံးသူကာကွယ်ရေးဥပဒအကြောင်း၊ ဥပဒေအခန်း (၂၃)ပုဒ်မ ၆၂ မှ   ၆၈ အ‌ကြောင်းအရာများ၊ အခန်း ၂၄ပါ ပြစ်မှု၊ ပြစ်ဒဏ်များ ပုဒ်မ ၇၀ မှ ၇၃ထိ  ဥပဒေ အကြောင်းအရာများအား ကျယ်ကျယ်ပြန့်ပြန့်ဆွေးနွေးခဲ့ကြောင်း သိရှိရပါသည်။

DOCA(မွန်)   

    စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ စစ်ဆေးရေးမှူး ဒေါ်နှောင်းနှောင်းဝင်းသည် ၂၀.၄.၂၀၂၃ ရက်နေ့ (၁၄း၀၀) နာရီအချိန်တွင် ဗန်းမော်မြို့၊ အရှေ့သာစည်ရပ်ကွက်ရှိ လက်လီ၊လက်ကား ဖြန့်ဖြူးရောင်းချလျှက်ရှိ‌သော ငုဝါ ကုန်မျိုးစုံရောင်းဝယ်ရေးဆိုင်သို့ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ စားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များနှင့် ကိုက်ညီမှု ရှိ/မရှိတို့အား ဈေးကွက်စောင့်ကြည့်စစ်ဆေးခဲ့ပါသည်။

   ထိုသို့ ဈေးကွက်စောင့်ကြည့်စစ်ဆေးရာတွင် Julie’s SUGAR CRACKERS အမှတ်တံဆိပ်ပါ အသင့်စားမုန့်ထုပ်တွင် ကုန်စည်အမျိုးအစားအလိုက် သတ်မှတ်ချက်နှင့်အညီ မြန်မာဘာသာဖြင့် သိသာထင်ရှားစွာဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်တို့ကို ဖော်ပြထားခြင်းရှိ/မရှိ ဈေးကွက်စောင့်ကြည့်စစ်ဆေးခြင်းလုပ်ငန်းများဆောင်ရွက်ခဲ့ပြီး လုပ်ငန်းရှင်များအနေဖြင့် ကုန်အညွှန်းအမှတ်အသား ဖော်ပြချက်များနှင့် ကိုက်ညီမှုရှိသည့် ကုန်စည်များကိုသာ ဈေးကွက်တွင် ဖြန့်ဖြူးရောင်းချရန် ဆွေးနွေးခဲ့ပါသည်။

DOCA(ကချင်)

          စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ဒေါ်ဆန္ဒမွန်(ဒု-ဦးစီးမှူး)နှင့် ဝန်ထမ်းများသည် ၂၀.၄.၂၀၂၃ ရက်နေ့ (၁၃း၀၀) နာရီ အချိန်တွင် ဗန်းမော်ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန(Community Centre)ခန်းမ၌ ဖွင့်လှစ်သော ရှမ်းစာပေအခြေခံသင်တန်းရှိ ဆရာ/ဆရာမနှင့် သင်တန်းသား/သူများအား စားသုံးသူကာကွယ်ရေးအသိပညာပေး ဟောပြောပွဲ ကျင်းပပြုလုပ်ခဲ့ပါသည်။

         အဆိုပါဟောပြောပွဲတွင် ဒေါ်ဆန္ဒမွန်(ဒု-ဦးစီးမှူး)မှ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍သိကောင်းစရာများ၊ သင်တန်းသား/သူများအား အစားအသောက်များရွေးချယ်ဝယ်ယူ စားသုံးရာတွင် ကုန်အညွှန်းအမှတ်အသားပြည့်စုံမှန်ကန်မှုရှိသော အစားအသောက်များကိုသာ ဝယ်ယူ စားသုံးသင့်ပါကြောင်း၊ စားသုံးသူကာကွယ်ရေးဥပ‌ဒေပါ စားသုံးသူ၏ အခွင့်အ‌ရေးများဖြစ်သည့် ကုန်စည် သို့မဟုတ် ဝန်ဆောင်မှုများကို ရွေးချယ်ဝယ်ယူအသုံးပြုရာတွင် လိုအပ်သောသတင်းအချက်အလက်များ ပြည့်စုံမှန်ကန်စွာသိရှိခွင့်နှင့် ပြေစာ သို့မဟုတ် အထောက်အထားရယူခွင့်ရှိခြင်း၊ ဈေးကွက်အတွင်းရှိ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူစိတ်ကြိုက်ရွေးချယ်ဝယ်ယူနိုင်ခွင့်ရှိခြင်း၊ စားသုံးသူနစ်နာဆုံးရှုံးမှုနှင့် စပ်လျဉ်းသည့် ကိစ္စရပ်များတွင် ရှင်းလင်းတင်ပြခွင့်နှင့် တိုင်ကြားခွင့် ရရှိနိုင်စေခြင်း၊ ကုန်စည်သို့မဟုတ်ဝန်ဆောင်မှုကို ဝယ်ယူအသုံးပြုခြင်းကြောင့်ဖြစ်ပေါ်လာသည့် နစ်နာဆုံးရှုံးမှုများနှင့် စပ်လျဉ်း၍ ကုစားခွင့်ရှိခြင်း၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးတွင် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) ဖွင့်လှစ်ထားရှိမှုနှင့် ဆောင်ရွက်ပေးနေမှုအခြေအနေ၊ တိုင်ကြားပုံနည်းလမ်းများအား အကျယ်တဝင့်ရှင်းလင်းဟောပြောခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေပေးခဲ့ပါသည်။ ဟောပြောပွဲသို့ ဆရာမ(၁)ဦး၊ သင်တန်းသား/သူ(၂၀)ဦး ပေါင်း(၂၁)ဦး တက်ရောက်ခဲ့ပါသည်။

DOCA(ကချင်)

      စားသုံးသူရေးရာဦးစီးဌာန၊ ကရင်ပြည်နယ်ဦစီးမှူးရုံးမှ ပြည်တွင်းဌာနတာဝန်ခံ ဦးမျိုးဝင်းနိုင် ဦးစီးအရာရှိသည် ၂၁-၄-၂၀၂၃ ရက်နေ့ ၁၁၀၀ နာရီအချိန်တွင် စားသုံးသူရေးရာဦးစီးဌာန၊ ကရင်ပြည် နယ် ဦးစီးမှူးရုံး၌ ကရင်ပြည်နယ် စားသုံးဆီကုန်သည်များနှင့် ဆီလုပ်ငန်းရှင်များအသင်း အတွင်းရေးမှူး ဦးဝေလင်းအောင်နှင့်  တွေ့ဆုံ၍ စားသုံးဆီ ဖြန့်ဖြူးရောင်းချမှု အခြေအနေများကို ဆွေးနွေးခဲ့ကြောင်း သိရသည်။

   ထို့သို့ဆွေးနွေးရာတွင် ကရင်ပြည်နယ် စားသုံးဆီကုန်သည်များနှင့် စားသုံးဆီလုပ်ငန်းရှင်များ အသင်းအနေဖြင့် စားသုံးသူရေးရာဦးစီးဌာနနှင့် ပေါင်းစပ်၍ ကရင်ပြည်နယ်အတွင်း စားသုံးဆီဖြန့်ဖြူး ရောင်းချ နေမှုအခြေများ၊ ဒေသတွင်းစားသုံးဆီဖူလုံ ပိုလျှံစေရေးအတွက် အသင်းနှင့် ဌာနမှ ပေါင်းစပ်၍ ဆောင်ရွက်နေမှု အခြေအနေများကိုလည်းကောင်း၊ အသင်းအဖွဲ့များ ခိုင်မာအားကောင်းလာစေရေး နှင့် သင်းဖွဲ့စည်းမျဉ်း ရေးဆွဲဆောင်ရွက်နေမှု အခြေအနေများကိုလည်းကောင်း ဆွေးနွေးခဲ့ကြောင်း သိရသည်။

  ကရင်ပြည်နယ်အတွင်း စားသုံးဆီဖူလုံပိုလျှံစေရေး၊ စားသုံးသူပြည်သူများ ဘေးကင်းလုံခြုံစိတ် ချရမှု ရှိစေရေး၊ နိုင်ငံတော်မှ သတ်မှတ်ရည်ညွှန်းဈေးဖြင့် ဖြန့်ဖြူးရောင်းချပေးလျက်ရှိသော စားအုန်းဆီ များ စားသုံးသူပြည်သူများ လက်ဝယ်သို့ အမှန်တကယ် ရောက်ရှိစေရေးနှင့် စားသုံးဆီကဏ္ဍဖွံဖြိုးတိုး တက်စေရေးအတွက် ကရင်ပြည်နယ် စားသုံးဆီကုန်သည်များနှင့် ဆီလုပ်ငန်းရှင်များအသင်းကို ၁-၅-၂၀၂၂ ရက်နေ့တွင် အသင်းအဖွဲ့ဦးရေ ၁၇ ဦးဖြင့် ဖွဲ့စည်းဆောင်ရွက်ခဲ့ခြင်းဖြစ်ပြီး ကရင်ပြည်နယ် ဆီကုန်သည်နှင့် ဆီလုပ်ငန်းရှင်အသင်းအနေဖြင့် နိုင်ငံတော်မှ ဖြန့်ဖြူးရောင်းချပေးလျက်ရှိသော စားအုန်းဆီများကို ဈေးကား ၂ စီးဖြင့် တစ်ရက်လျှင် ၁၃၂၀ ပိဿာခန့် ကို သတ်မှတ်ရည်ညွှန်း ဈေးနှုန်းအတိုင်း ဖြန့်ဖြူး ရောင်းချပေးလျက်ရှိကြောင်း သိရသည်။

DOCA(ကရင်)