သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊       စားသုံးသူရေးရာဦးစီးဌာန၊ လပွတ္တာမြို့နယ်တာဝန်ခံ ဦးမြင့်ဌေးသည် (၃-၇-၂၀၂၃) ရက်နေ့၊ နေ့လယ် (၁၂:၀၀) နာရီအချိန်တွင်  မြို့နယ်စည်ပင်သာယာရေးအဖွဲ့နှင့်ပူးပေါင်း၍ လပွတ္တာမြို့နယ်၊ အမှတ်(၅)ရပ်ကွက်၊ ဘုရားလမ်းရှိ မုန့်မျိုးစုံဆိုင်များသို့သွားရောက်၍ ရောင်းချနေသောမုန့်များ၌ ကုန်အညွှန်းအမှတ်အသားပြည့်စုံစွာဖော်ပြထားခြင်းရှိ/မရှိကို ကွင်းဆင်း၍ ဈေးကွက်စောင့်ကြည့်စစ်ဆေးခဲ့ပါသည်။

   ထိုသို့ကွင်းဆင်းစစ်ဆေးဆောင်ရွက်ရာတွင် လပွတ္တာမြို့နယ်တာဝန်ခံက အမှတ်(၅)ရပ်ကွက်၊ ဘုရားလမ်းအတွင်းရောင်းချနေသော Choco Mucho ချောကလက်ဝေဖာချောင်းမုန့်ဘူးများတွင် ကုန်အညွှန်းအမှတ်အသားပြည့်စုံမှုရှိ/မရှိစစ်ဆေးခဲ့ပြီးနောက် မုန့်မျိုးစုံဆိုင်ပိုင်ရှင်များကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနကထုတ်ပြန်ထားသော စားသုံးသူကာကွယ်ရေဥပဒေ ၂၀၁၉ပါ ပြဋ္ဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များကိုသိရှိရမည်ဖြစ်ကြောင်း၊ စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ (ခ)နှင့် (ဆ)တို့အရ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ကြောင်း၊ စီးပွားရေးလုပ်ငန်းရှင်များအနေဖြင့် ကုန်စည်အမျိုးအစားအလိုက် ထုတ်ပြန်ထားသည့်ဥပဒေညွှန်ကြားချက်များကို လိုက်နာဆောင်ရွက်ကြရန်ဖြစ်ကြောင်း၊ ဈေးကွက်အတွင်းရောင်းချနေသော ကုန်စည်များတွင် ကုန်အညွှန်းအမှတ်အသားပြည့်စုံမှုရှိ/မရှိကို ဌာနကဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွားမည်ဖြစ်သည်ဟု သိရှိစေရန် ပြောကြားခဲ့ကြောင်း သိရှိရပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်အတွင်း အချိုရည်အရောင်းဆိုင်များတွင်ရောင်းချနေသော Sprite အချိုရည်များတွင် ကုန်အညွှန်းအမှတ်အသားနှင့် FDA ထောက်ခံချက်များပါဝင်းခြင်းရှိမရှိတို့ကို မအူပင်ခရိုင်၊ စားသုံးသူရေးရာဦးစီးဌာနနှင့် အစားအသောက်နှင့်ဆေးဝါးကွပ်ကဲရေးဦးစီးဌာန၊ စည်ပင်သာယာရေးအဖွဲ့တို့ပူးပေါင်း၍ မအူပင်မြို့ပေါ်ရှိ အချိုရည်အရောင်း(၃)ဆိုင်သို့သွားရောက်၍ ဈေးကွက်စောင့်ကြည့်စစ်ဆေးခဲ့ကြပါသည်။

    အဆိုပါကွင်းဆင်းစစ်ဆေးမှုတွင် မအူပင်မြို့နယ်၊ စားသုံးသူရေးရာဦးစီးဌာနမှ ဦးစီးအရာရှိ ဦးအောင်ဇော်ဦးက Sprite အချိုရည်များတွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ သတ်မှတ်ချက်များနှင့်အညီ ဖော်ပြပါဝင်ခြင်းရှိ/မရှိကိုစစ်ဆေးခဲ့ခြင်း၊ လုပ်ငန်းရှင်များကို မိမိတို့ရောင်းချနေသောကုန်စည်များတွင် ကုန်အညွှန်အမှတ်အသားများကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍တွဲလျက်ဖြစ်စေ ရေးသာဖော်ပြပါဝင်သော ကုန်စည်များကိုသာရောင်းချရန် ပညာပေးပြောကြားခဲ့ခြင်း၊ အစားအသောက်နှင့်ဆေးဝါးကွပ်ကဲရေးဦးစီးဌာန၏ ထောက်ခံချက်ပါဝင်သောကုန်စည်များကိုရောင်းချရန်၊ ဌာနဆိုင်ရာတို့၏ထောက်ခံချက်နှင့် ကုန်အညွှန်းမပါဝင်သောကုန်စည်များကိုရောင်းချခြင်းမပြုကြရန် ပြောကြားခဲ့ခြင်းတို့ဆောင်ရွက်ကာ အချိုရည်များကိုစစ်ဆေးခဲ့ရာ ထောက်ခံချက်နှင့် ကုန်အညွှန်းပါဝင်သောကုန်စည်များသာရောင်းချနေခြင်းတို့ကို စစ်ဆေးတွေ့ရှိခဲ့ကြောင်း သိရှိရပါသည်။

DOCA(ဧရာဝတီ)

  ၂၀၂၃ခုနှစ်၊ ဇူလိုင်လ ၆ရက်နေ့၊ နေ့လယ် (၁၃:၀၀) နာရီအချိန်တွင် ရှမ်းပြည်နယ်(တောင်ပိုင်း)၊ စားသုံးသူရေးရာဦးစီးဌာန၊ တောင်ကြီးခရိုင်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများသည်  အစားအသောက်နှင့်ဆေးဝါးကွပ်ကဲရေးဦးစီးဌာန၊ စည်ပင်သာယာရေးအဖွဲ့၊ အထွေထွေအုပ်ချုပ်ရေးဦးစီးဌာနတို့နှင့်ပူးပေါင်း၍ တောင်ကြီးမြို့ပေါ်ရှိ Ocean Center ဆိုင်သို့သွားရောက်၍ ရောင်းချနေသောကုန်ပစ္စည်းများတွင်  မြန်မာဘာသာဖြင့် ကုန်အညွှန်းအမှတ်အသားပြည့်စုံမှန်ကန်မှုရှိ/မရှိတို့ကို ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပါသည်။

   ထိုသို့ကွင်းဆင်းခဲ့ရာတွင် စားသုံးသူပြည်သူများဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစာအလိုက် ကုန်အညွှန်းအမှတ်အသားများပြည့်စုံမှန်ကန်စွာဖော်ပြခြင်းရှိ/မရှိ၊ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁၊ ပုဒ်မခွဲ (ခ) နှင့် (ဆ) တို့ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ၊ ရေးသားဖော်ပြခြင်းရှိ/မရှိကို ဈေးကွက်စောင့်ကြည့်ပြီးနောက် စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊  စားသုံးသူကာကွယ်ရေးဥပဒေ ၂၀၁၉ပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ပြီးနောက် ကုန်စုံဆိုင်များနှင့် စတိုးဆိုင် (၁) ဆိုင်တို့ကို ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြကြောင်း သတင်းရရှိပါသည်။

DOCA(ရှမ်း)

  ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဦးစီးမှူး ဦးစိုးအောင်နှင့် ဒုတိုင်းဦးစီးမှူးဦးစိုးဦးတို့သည် ၂၀၂၃ခုနှစ်၊ ဇူလိုင်လ ၂ရက်နေ့တွင် ငပုတောမြို့နယ်၊ အထွေထွေအုပ်ချုပ်ရေးမှူးရုံးသို့သွားရောက်၍ မြို့နယ်အုပ်ချုပ်‌ရေးမှူး၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြင့်မြင့်စန်းအပါအဝင် လုပ်ငန်းရှင်များနှင့်တွေ့ဆုံ၍ နိုင်ငံ့စီးပွားမြှင့်တင်ရေးရန်ပုံငွေမှ ကျပ်(၈)ဘီလီယံဖြင့် မြို့နယ်(၂၆)မြို့နယ်တွင် စိုက်ပျိုးရေးလုပ်ငန်းနှင့် စီးပွားရေးကုန်ထုတ်လုပ်ငန်းများဖွံ့ဖြိုးတိုးတက်ရေးဆောင်ရွက်မည့် စီမံကိန်းလုပ်ငန်းများနှင့်ပတ်သက်၍ ရှင်းလင်းဆွေးနွေးခဲ့ပြီးနောက် သက်ဆိုင်ရာကော်မတီအဆင့်ဆင့်၏ ချေးငွေသုံးစွဲခြင်းဆိုင်ရာ စံလုပ်ထုံးလုပ်နည်း(SOP)ပါအတိုင်း တာဝန်ယူကြီးကြပ်စစ်ဆေးဆောင်ရွက်ရန်နှင့် ကွင်းဆင်းစစ်ဆေးတွေ့ရှိမှုများကို တစ်ပတ်လျှင် တစ်ကြိမ် တိုင်းအစိုးရအဖွဲ့ထံသို့ တင်ပြရန်ဖြစ်ကြောင်း၊ ခရိုင်အလိုက် တာဝန်ပေးအပ်ထားသည့် တိုင်းကော်မတီဝင်များက ငပုတောမြို့နယ်သို့ လာရောက်ကွင်းဆင်းဆောင်ရွက်သွားမည်ဖြစ်ကြောင်း၊ တိုင်းဒေသကြီးရန်ပုံငွေမှထုတ်ယူထားသည့် လုပ်ငန်းရှင်များ၏လုပ်ငန်းဆောင်ရွက်ထားမှု မြေပြင်အခြေအနေများ ကွင်းဆင်းဆောင်ရွက်မည့်အစီအစဉ်ကို မြို့နယ်အုပ်ချုပ်ရေးမှူးထံသို့ တင်ပြဆောင်ရွက်ရန်ဖြစ်ကြောင်း ပြောကြားခဲ့ပါသည်၊၊

DOCA(ဧရာဝတီ)

   ကျောက်ဆည်ခရိုင်၊ စားသုံးသူရေးရာဦးစီးဌာနသည် ပြည်တွင်းကုန်သွယ်မှုလုပ်ငန်းများဖွံ့ဖြိုးတိုးတက်ရန်နှင့် အသေးစား၊ အငယ်စား၊ အလတ်စား စီးပွားရေးလုပ်ငန်းများ (MSMEs) ကဏ္ဍဖွံ့ဖြိုးတိုးတက်ရေးအတွက် ကျောက်ဆည်ခရိုင်၊ စားသုံးသူရေးရာဦးစီးဌာနမှ  ဝန်ထမ်းများသည် ကျောက်ဆည်မြို့နယ်၊ အင်ရောင်းကျေးရွာရှိ သပေါ့ဖျာလုပ်ငန်းရှင်များကိုတွေ့ဆုံ၍ ကုန်ကြမ်းရရှိမှု၊ ကုန်ချောဖြန့်ဖြူးမှုနှင့်လုပ်ငန်းလည်ပတ်မှုအခြေအနေများကို ကွင်းဆင်းလေ့လာခဲ့ပါသည်။

  ကွင်းဆင်းလေ့လာမှုအရ အင်ရောင်းကျေးရွာ၌ အိမ်ထောင်စု(၂၁၀)ရှိပြီး သပေါ့ဖျာလုပ်ငန်းလုပ်ကိုင်သူဦးရေ(၁၆၀)ဦးရှိကြောင်း၊ သပေါ့ဖျာလုပ်ငန်းကို ရှေးအစဉ်အလာမိရိုးဖလာအဆင့်ဆင့် လက်ဆင့်ကမ်းရက်လုပ်လာခဲ့ပြီး ယခုအခါ မိသားစုတစ်နိုင်တစ်ပိုင်မှ စီးပွားဖြစ်ရက်လုပ်လာကြပါသည်။ သပေါ့ဖျာရက်လုပ်ရန်အတွက် အပင်(၁၀၀)ပါ (၁၀)ချပ်တစ်စည်းလျှင် ငွေကျပ်(၁၅၀၀၀/-)ကျပ်ပေးရကြောင်း၊ အပင်(၁၀၀)စည်းတွင် ဖျာအကြီး/အလတ်/အသေး(၁၀)ချပ်ရရှိကြောင်း၊ သပေါ့ဖျာ(၁၀)ချပ်လျှင် (၅၀၀၀၀/-)ကျပ်ရရှိကာ လူတစ်ဦးလျှင် တစ်နေ့(၂)ချပ်မှ (၃)ချပ်အထိပြီးစီးအောင်ယက်လုပ်နိုင်ကြောင်း၊ (၁၀)ချပ်ကို (၅)ရက်နှင့်အပြီး ရက်လုပ်သဖြင့် လူတစ်ဦး တစ်ရက်လျှင် (၇၀၀၀/-)ကျပ်ရရှိပါကြောင်း၊ လယ်ယာလုပ်ငန်းလုပ်ကိုင်ရာတွင် လူတစ်ဦး တစ်နေ့လျှင် (၄၅၀၀/-)ကျပ်သာရရှိပြီး ယခုကဲ့သို့ ဖျာရက်လုပ်ရောင်းချပါက အရင်းအနှီးနှင့် နေ့တွက်လုပ်ခအပါအဝင် (၃၂၅၀၀/-)ကျပ်သာကုန်ကျပြီး တစ်ရက်လျှင် (၂၅၀၀)ကျပ်ပိုမိုရရှိသဖြင့် အိမ်တွင်နေရင်း အိမ်မှုကိစ္စများပြုလုပ်၍ ဖျာများရက်လုပ်ရောင်းချသောကြောင့် မိသားစုအပိုဝင်ငွေတိုးလျက်ရှိကြောင်း၊ ရာသီသုံးမျိုးလုံး ဖျာရက်လုပ်ငန်းလုပ်ကိုင်နိုင်ရန် အရင်းအနှီးလိုအပ်ကြောင်း၊ မိုးတွင်းအတွက်ကြိုတင်၍ နှီးပေါများဝယ်လှောင်ရန်အတွက် လူတစ်ဦးလျှင် အရင်းအနှီး(၁၅၀၀၀၀/-)ကျပ်ခန့်လိုအပ်လျက်ရှိကြောင်း၊ ရက်လုပ်ပြီးသောဖျာများကို လှည့်လည်၍ ရောင်းချစရာမလိုဘဲ လာရောက်ဖောက်သည်ယူရောင်းသူများထံသို့သာ ရောင်းချရသဖြင့် သပေါ့ဖျာရက်လုပ်သောလုပ်ငန်းရှင်များမှာ အဆင်ပြေလျက်ရှိကြောင်း၊ သပေါ့ဖျာရက်လုပ်သော လုပ်ငန်းရှင်များ၏ပြောကြားချက်အရ သိရှိရပါသည်။ သပေါ့ဖျာလုပ်ငန်းလုပ်ကိုင်ခြင်းဖြင့် ကျေးရွာတစ်ရွာတွင် ထုတ်ကုန်တစ်မျိုးထုတ်လုပ်လာနိုင်သည့်အတွက် SME လုပ်ငန်းများဖွံ့ဖြိုးတိုးတက်ရန် ပံ့ပိုးကူညီဆောင်ရွက်ပေးသင့်ကြောင်း ရေးသားတင်ပြအပ်ပါသည်။

DOCA(မန္တလေး)