သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ ‌တောင်တွင်းကြီးမြို့နယ်၊ မြို့နယ် ဦးစီးမှူး ဒေါ်ဌေးဌေးသည် (၅.၁၀.၂၀၂၃)ရက်နေ့ နံနက်(၁၀:၀၀)အချိန်တွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ တိုင်းရင်းဆေးပညာဦးစီးဌာန၊ အားကစားနှင့်ကာယပညာဦးစီးဌာနတို့နှင့် ပူးပေါင်း၍ တောင်တွင်းကြီးမြို့၊ အမှတ်(၁၉)အခြေခံပညာမူလတန်းလွန်သဖန်းကျောင်း စာသင်ခန်းမ၌ စားသုံးသူအသိပညာ‌ပေးရေးအစီအစဉ်နှင့် ပြန်ကြားဆက်သွယ်ရေး၊ လူငယ်နှင့်စာပေပူးပေါင်းဆောင် ရွက်ရေးအစီအစဉ်အရ ဆရာ/ဆရာမနှင့် ကျောင်းသား/ကျောင်းသူများအား ကုန်အညွှန်းအမှတ်အသား ပြည့်စုံစွာ ထည့်သွင်းထားသောကုန်စည်များတွင် မြန်မာဘာသာဖြင့်ဖော်ပြထားသော ကုန်စည်များကို သာဝယ်ယူသုံးစွဲစေရေးအတွက် စားသုံးသူကာကွယ်ရေးအသိပညာပေးဆွေးနွေးပွဲအား ကျင်းပခဲ့ပါသည်။

          တောင်တွင်းကြီးမြို့နယ်၊ စားသုံးသူရေးရာဦးစီးဌာန၊ မြို့နယ်ဦးစီးမှူးအနေဖြင့် စားသုံးသူများအား စားသုံးသူကာကွယ်ရေးဥပဒေပါ ပြဌာန်းချက်များ၊ စားသုံးသူအသိပညာပေးဗဟုသုတများ တိုးပွားစေရေးအတွက် သတင်းမီဒီယာများနှင့်ချိတ်ဆက်၍ သတင်းအချက်အလက်များအား စဉ်ဆက်မပြတ်ဖြန့်ဝေခြင်းများ ဆောင်ရွက်သွားမည်ဖြစ်ကြောင်း သိရှိရပါသည်။

DOCA(မကွေး)

          မကွေးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် မကွေးတိုင်းအတွင်းရှိ စျေးများ၌ အပတ်စဉ် တနင်္လာနေ့တိုင်း ပလတ်စတစ်သုံးစွဲမှု လျော့ချရေး Campaign အား ဆောင်ရွက်လျက်ရှိရာ (၉.၁၀.၂၀၂၃) ရက်နေ့ နံနက် (၀၈:၃၀)အချိန်တွင် မကွေးမြို့၊ မြို့မစျေး၌ စည်ပင်သာယာရေးအဖွဲ့၊ အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ သဘာဝပတ်ဝန်းကျင်ထိန်းသိမ်းရေးဦးစီးဌာန၊ စားသုံးသူရေးရာ ဦးစီးဌာနနှင့် ရပ်ကွက်အုပ်ချုပ်ရေးမှူးတို့ ပူးပေါင်းဆောင်ရွက်ခဲ့ပါသည်။

          ဆက်လက်၍ စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန၊ စျေးတာဝန်ခံ (စည်ပင်သာယာရေးအဖွဲ့)တို့ပူးပေါင်းပြီး မကွေးမြို့၊ မြို့မစျေး၌ စားသုံးဆီရောင်းချနေသည့်ဆိုင်များ အား စားသုံးဆီအတုများ ပြုလုပ်သိုလှောင်ဖြန့်ဖြူးရောင်းချမှုရှိ/မရှိနှင့် စားသုံးဆီအတု ပြုလုပ်ရာ၌ မြေပဲဆီ/ နှမ်းဆီအနံ့များရရှိစေရန် ရောစပ်သောဓါတုကုန်ကြမ်းပစ္စည်းများ ရောင်းချဖြန့်ဖြူးနေခြင်း ရှိ/မရှိတို့အား စျေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA(မကွေး)

   ဧရာဝတီတိုင်းဒေသကြီး၊       စားသုံးသူရေးရာဦးစီးဌာန၊ မြောင်းမြခရိုင် ဝါးခယ်မမြို့နယ် တာဝန်ခံ ဦးအောင်မိုးသည် မြို့နယ်စည်ပင်သာယာရေးအဖွဲ့နှင့်ပူးပေါင်း၍ (၄.၁၀.၂၀၂၃)ရက်နေ့ ၊နေ့လယ်(၁၃:၀၀)နာရီက  ဝါးခယ်မမြို့နယ် မြို့မဈေးတာဝန်ခံရုံးတွင် ကုန်ဈေးနှုန်းကျဆင်းစေရေး ရည်ရွယ်၍ စားသုံးဆီရောင်းချသော လုပ်ငန်းရှင်များ၊ ကုန်မျိုးစုံဆိုင်ရှင်များအား စားသုံးသူကာကွယ်ရေး အသိပညာပေး ဟောပြောပွဲပြုလုပ် ဆောင်ရွက်ခဲ့ပါသည်။

   ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စားသုံးသူရေးရာဦးစီးဌာန၏ လက်ရှိဆောင်ရွက်နေသော လုပ်ငန်းတာဝန်များ၊ ရှေ့ဆက်လက်ဆောင်ရွက်ရမည့် လုပ်ငန်းတာဝန်များ၊ ဦးစွာရှင်းလင်းပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏တာဝန်များ၊တားမြစ်ချက်များ၊ ပြစ်မှုပြစ်ဒါဏ်များအား အသေးစိတ်ရှင်းလင်းဟောပြောခဲ့ပြီး စားသုံးဆီရောင်းချလျှက်ရှိသော လုပ်ငန်းရှင်များအား ၁/၂၀၂၂ ပါ ညွှန်ကြားချက်များအား ရှင်းလင်းဆွေးနွေးခဲ့ပြီး စားသုံးဆီများဈေးမြှင့်တင်ရောင်းချခြင်းမပြုရန် အသိပညာပေးဆွေးနွေးခဲ့ပါသည်။  ဌာနမှထုတ်ပြန်ထားသော ဥပဒေညွှန်ကြားချက်များကို သိရှိလိုက်နာဆောင်ရွက်ကြရန် ဟောပြောဆွေးနွေးခဲ့ပါသည်၊။ဟောပြောပွဲသို့ လုပ်ငန်းရှင်(၁၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူး ဦးအောင်လွင်နှင့်ဝန်ထမ်းများသည် (၄-၁၀-၂၀၂၂) ရက်နေ့၊ နေ့လယ် (၁၀:၀၀) နာရီအချိန်မှ (၁၂:၀၀)နာရီအချိန်ထိ ညောင်တုန်းမြို့နယ်၊ ပါလှည့် (အ.ထ.က) ရှိ ကျောင်းသား/ ကျောင်းသူ (၃၂၀)ဦးအား မိတ်ဖက်ဌာနများဖြစ်သော ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေးပညာဦးစီးဌာနတို့နှင့်အတူပူးပေါင်း၍ အသိပညာပေးဟောပြောခဲ့ကြပါသည်။

          အဆိုပါဟောပြောပွဲတွင် စားသုံးသူရေးရာဦးစီးဌာနမှ ညောင်တုန်းမြို့နယ်၊ ပါလှည့်အခြေခံပညာအထက်တန်းကျောင်းသို့သွားရောက်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ တာဝန်ရှိသူက လူငယ်နှင့်အားကစား၊ နယ်လှည့်စာကြည့်တိုက်နံရံကပ်စာစောင်များနှင့်ပတ်သက်၍ အသိပညာပေးပြီး စားသုံးသူရေးရာဦးစီးဌာနမှ တာဝန်ရှိသူက စားသုံးအခွင့်အရေး(၈)ချက်နှင့် မြန်မာစာကုန်အညွှန်းအမှတ်အသားပြည့်စုံစွာပါရှိသောကုန်စည်များကို နမူနာပုံစံပြသကာ ၎င်းကုန်စည်နှင့်စားသောက်ကုန်များကို အဓိကထားအသုံးပြု၍ စားသောက်သင့်ကြောင်း၊ ကျောင်းသား(၃၂၀)ဦးအား အသိပညာပေးဆွေးနွေးဟောပြောခဲ့ပါသည်။

   ၎င်းနောက် ကျောင်းတွင်းရှိမုန့်ဈေးဆိုင်တန်ရှိ မုန့်ဆိုင်(၄)ဆိုင်သို့သွားရောက်ကာ ဈေးသည်များရောင်းချနေသောမုန့်မျိုးစုံများနှင့်အချိုရည်များတွင် ကျန်းမာရေးနှင့်ညီညွတ်၍ မြန်မာစာကုန်အညွှန်းအမှတ်အသားပြည့်စုံစွာဖော်ပြခြင်းရှိ/မရှိ ကွင်းဆင်းစစ်ဆေးကာ ကျန်းမာရေးနှင့်ညီညွတ်ပြီး မြန်မာစာကုန်အညွှန်းအမှတ်အသားပြည့်စုံစွာပါဝင်သော အစားအသောက်များကိုသာရောင်းချသင့်ကြောင်း အသိပညာပေးပြောကြားခဲ့မှုကိုးသိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူး ဦးအောင်လွင်နှင့်ဝန်ထမ်းများသည် (၃-၁၀-၂၀၂၂) ရက်နေ့၊ နေ့လယ် (၁၀:၀၀) နာရီအချိန်မှ (၁၂:၀၀)နာရီအချိန်ထိ ညောင်တုန်းမြို့နယ်၊ ဆားမလောက်ကျေးရွာရှိ ဖြူစင်သန့်ဆန်စက်သို့သွားရောက်၍ ထုတ်ကုန်လုံခြုံစိတ်ချရမှုရှိစေရေး ကွင်းဆင်းဆောင်ရွက်ခဲ့ကြပါသည်။

      ထိုသို့ကွင်းဆင်းစစ်ဆေးဆောင်ရွက်ရာတွင် ဖြူစင်သန့်ဆန်စက်ပိုင်ရှင်နှင့်တွေ့ဆုံ၍ ဆန်စက်ကြိတ်ခွဲထုတ်လုပ်မှုအဆင့်ဆင့်၊ ထွက်ရှိလာသောဆန်များကို ဈေးကွက်သို့တင်ပို့ရောင်းချမှုအခြေအနေ၊ ဆန်/စပါးဈေးနှုန်းဈေးကွက်အခြေအနေများာကိုမေးမြန်းရား (၂၀၂၂-၂၀၂၃) ခုနှစ်၊ မိုးမနောသုခစပါး (၅၀) ပေါင်လျှင် ကွင်းဈေးမှာ ၁၉၃၀၀/-ကျပ်၊ စက်ဈေးနှုန်းမှာ ၁၉၅၀၀/-ကျပ်ဖြစ်ကြောင်း၊ (၂၀၂၂-၂၀၂၃)ခုနှစ်၊ မနောသုခဆန်(၁၀၈)ပေါင်လျှင် လတ်စဈေးမှာ ၇၀၀၀၀/-ကျပ်၊ ထိပ်စဈေးမှား ၇၂၀၀၀/-ကျပ်နှင့် (၂၀၂၂-၂၀၂၃) ခုနှစ်၊ မိုးနှံကားစပါး(၅၀)ပေါင်လျှင် ကွင်းဈေးမှာ ၁၆၈၀၀/-ကျပ်၊ စက်ဈေးမှာ ၁၇၀၀၀/-ကျပ်နှင့် ( ၂၀၂၂-၂၀၂၃) ခုနှစ်၊ မိုးနှံကားဆန်(၁၀၈)ပေါင်လျှင် လတ်စဈေးမှာ ၆၀၀၀၀/-ကျပ်နှင့် ထိပ်စဈေးမှာ (၆၂၀၀၀)ကျပ်ရှိကြောင်းရှင်းလင်းပြောကြားပြီး ဆန်စက်မှထွက်ရှိလာသောဆန်များကို အရည်အသွေးမြင့်ကုန်စည်ထွက်ရှိစေရေးနှင့် လုပ်ငန်းရှင်တို့၏ ကုန်စည်အပေါ် အာမခံချက်ပေးနိုင်ခြင်းနှင့်စပ်လျဉ်း၍ ဆွေးနွေးခြင်း၊ လုပ်ငန်းရှင်လိုက်နာရမည့်တာဝန်၊ တားမြစ်ချက်များ၊ ပြစ်မှု၊ ပြစ်ဒဏ်များအကြောင်းကို ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)