သတင်းနှင့် လှုပ်ရှားမှုများ

           မအူပင်ခရိုင် မြို့နယ်များတွင် လယ်ယာထွက်ကုန်သီးနှံ မိုး၊ ဆောင်းသီးနှံများကို နှစ်စဉ်စိုက်ပျိုး လျှက်ရှိသည်။ မိုးသီးနှံ စိုက်ဧက  ခရိုင်အနေဖြင့် စပါးပေါင်း ၆၁၁၄၀၉ ဧက စိုက်ပျိုးပြီး ဆောင်းသီးနှံစုံအနေဖြင့် ပဲအမျိုးမျိုးနှင့် ဆီထွက်သီးနှံ၊  အခြားသီးနှံစုံ (၂၇) မျိုးကို ၅၇၂၀၄၉ ဧက စိုက်ပျိုးကြောင်း မြို့နယ် မြေစာရင်းများအရသိရသည်။ ပိုက်ဆံလျှော်ကို စိုက်ဧက (၄၄၀၀)ဧက စိုက်ပျိုးပြီး ပန်းတနော်မြို့နယ်အနေဖြင့် စိုက်ဧက (၁၃၅၀) ဧက စိုက်ပျိုးထားကြောင်း သိရသည်။

            သက်ဆိုင်ရာဌာနများ ပူးပေါင်းသောအဖွဲ့ စိုက်ပျိုးရေးဦးစီးဌာန၊ မြေစာရင်းဦးစီးဌာန၊ စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန တို့ပါဝင်ကြပြီး ၂၅-၄-၂၀၂၅ ရက်နေ့ နံနက် (၁၀၀၀)နာရီအချိန်က ပန်းတနော်မြို့နယ်၊ဘဝိုင်းကျေးရွာအုပ်စု၊ကွင်းအမှတ် ၄၆၃၊ ဦးပိုင် ၂၇ ရှိ ဒေါ်ယဥ်ဌေးပါ တောင်သူ ၄ ဦးတို့၏ မြေ ၁၀ ဧက အား ပိုက်ဆံလျှော် (သစ်စိမ်းမြေသြဇာ) ပေးအပ်ထောက်ပံခြင်းနှင့်  ကြဲပက်ခြင်းအသိပညာပေး လှုပ်ရှားဆောင်ရွက်မှုများပြုလုပ်ခဲ့ကြသည်။

            စိုက်ပျိုးသူတောင်သူများကို စားသုံးသူရေးရာဦးစီးဌာန မြို့နယ်တာဝန်ခံ ဦးအောင်ကျော်သက်က ပိုက်ဆံလျှော် သစ်စိမ်းမြေဩဇာပင်များသည် မြေဆီလွှာ၏ အရည်အသွေးကို တိုးတက်စေရုံသာမက ပိုက်ဆံလျှော်ပင်သည် ပေါင်းပင်များပေါ်မှ အုပ်မိုးကြီးထွား လေ့ရှိသဖြင့် ပေါင်းပေါက်ရောက်မှု လျော့ပါးစေခြင်း၊ မြေတွင်းသို့ အခြားသဘာဝမြေဩဇာများ (မြေဆွေး၊ နွားချေး) များ လိုက်လံ ထည့်ပေးရသည်ထက် လုပ်အားခသက်သာခြင်း၊ စိုက်ပျိုးရလွယ်ကူခြင်း၊ ဓာတ်မြေဩဇာသုံးစွဲမှုကို လျော့နည်းစေကာ ကုန်ကျစရိတ်သက်သာစေခြင်း၊ မြေဆီလွှာတိုက်စားမှုမှ ကာကွယ်ပေးခြင်းစသော အကျိုးကျေးဇူးများ ရရှိစေသောကြောင့် တောင်သူများစိုက်ပျိုးသင့်သော သီးနှံဖြစ်ကြောင်း အသိပညာပေးပြောကြားခဲ့ကြောင်း သိရှိရပါသည်။

DOCA (ဧရာဝတီ)

          ကျုံပျော်မြို့နယ်၊ စားသုံးသူရေးရာဦးစီးဌာနမှ တာဝန်ရှိသူများသည် သဖန်းချောင်းကျေးရွာ အုပ်စု၊ ပက်ပက်ပင်းကျေးရွာတွင် MSMEs လုပ်ငန်းတစ်ခုဖြစ်သော  ပီလောပီနံအကြမ်းမှုန့် ထုတ်လုပ်နေသောလုပ်ငန်းရှင် ဦးကိုဦးအား (၂၈.၄.၂၅) ရက်နေ့၊ နံနက် (၁၀:၀၀) နာရီအချိန်တွင် သွားရောက်တွေ့ဆုံ၍ ပီလောပီနံအကြမ်းမှုန့်နှင့် ဆက်စပ်ထုတ်ကုန်များ၏ ဈေးနှုန်းဈေးကွက်နှင့် အကျိုးအမြတ်တို့အား ဆွေးနွေးမေးမြန်းခဲ့ပါသည်။

          ဆွေးနွေးမေးမြန်းရာတွင် ပိုင်ရှင် ဦးကိုဦးမှ လုပ်သားအင်အား(၂၅) ဦးအား တစ်ဦးလျှင် ပျမ်းမျှတစ်နေ့လုပ်အားခ (၈၀၀၀) ကျပ်နှုန်းပေးချေ၍ လုပ်ငန်းလည်ပတ်လျက်ရှိကြောင်း၊ တစ်နေ့လျှင် ပီလောပီနံ အကြမ်းမှုန့် ပိဿာ (၉၀၀)၊ တစ်အိတ်လျှင် ပိဿာရှိသော အကြမ်းမှုန့် (၃၀) အိတ်နှင့် တိရစ္ဆာန်အစားအစာအဖြစ် အသုံးပြုနိုင်သော ပီလောပီနံ အလုံး(၃၀) တင်းတို့အား ပီလောပီနံ ထွက်ရှိ ချိန် (ဇန်နဝါရီလ မှ ဧပြီလထိ) သာ ထုတ်လုပ်လျက်ရှိပြီး ထုတ်လုပ်ထားသော ပီလောပီနံ အကြမ်းမှုန့် များအား တစ်ပိဿာလျှင် (၁၅၀၀) ကျပ်ဖြင့် မြို့ပေါ်ရှိ ပီလောပီနံ အချောမှုန့်ထုတ်လုပ်နေသောစက်ရုံသို့ တင်ပို့ရောင်းချလျက်ရှိကြောင်း သိရှိရပါသည်။

DOCA(ဧရာဝတီ)

           ကျုံပျော်မြို့နယ်၊ စားသုံးသူရေးရာဦးစီးဌာနမှ စစ်ဆေးရေးအရာရှိနှင့် ဝန်ထမ်းတို့သည် ၂၀၂၅ ခုနှစ်၊ ဧပြီလ (၂၈) ရက်နေ့၊ နေ့လယ် (၁၄း၀၀) နာရီအချိန်တွင် Online Sale မှတ်ပုံတင်ထားသည့် ဗိုလ်ချုပ်လမ်း၊ အောင်ဆန်းရပ်ကွက်ရှိ မင်းအောင်စတိုးဆိုင်အား မြေပြင်ကွင်းဆင်းစစ်ဆေးရမည့် အချက်များ စစ်ဆေးဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် (၂၈.၄.၂၅) ရက်နေ့၊ နံနက် (၁၀:၀၀) နာရီအချိန်တွင် ကျောင်းကုန်းမြို့နယ်၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် ပူးပေါင်း၍ ကျောင်းကုန်းမြို့နယ်၊ အမှတ်(၂) ရပ်ကွက်၊ မြို့မဈေးအတွင်းရှိ အခြေခံစားသောက်ကုန်ရောင်းချသောဆိုင်များအား သတ်မှတ်ရည်ညွှန်းဈေးနှင့် ကျော်လွန်၍ ရောင်းချခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးခြင်းရာတွင် ဈေးကွက်အတွင်းရောင်းချနေသော အခြေခံစားသောက်ကုန်များတွင် ဆန်ဈေးနှုန်း သတ်မှတ်ရည်ညွှန်းဈေးဖြင့် ရောင်းချရန်၊ စားအုန်းဆီများအား သတ်မှတ်ရည်ညွှန်းဈေးဖြင့်သာရောင်းချရန် အသိပညာပေး ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၏ လမ်းညွှန်မှုအရ ဓနုဖြူမြို့နယ်ဦးစီးမှူးနှင့် ဝန်ထမ်းများသည် ဌာနဆိုင်ရာများနှင့်ပူးပေါင်း၍ (၂၄-၄-၂၀၂၅)ရက်နေ့၊ နံနက်(၁၀:၀၀) နာရီအချိန်တွင် ဓနုဖြူမြို့အတွင်းရှိ အိမ်သုံးဆေးဝါးအမျိုးမျိုး ပြတ်လပ်မှုရှိ/ မရှိ ကွင်းဆင်းစစ်ဆေးခြင်းပြုလုပ်ဆောင်ရွက်ခဲ့ကြောင်းသိရှိရသည်။

         ထိုသို့ကွင်းဆင်းဆောင်ရွက်ရာတွင် ဓနုဖြူမြို့နယ်ဦးစီးမှူး ဦးဝင်းမင်းစိုးက တစ်ကိုယ်ရည်သုံး သန့်ရှင်းရေးပစ္စည်းများ၊ အိမ်သုံးဆေးဝါးများဖြစ်သော ဓာတ်ဆား၊ လိမ်းဆေးအမျိုးမျိုး၊ အဖျားပျောက်ဆေး၊ နှာစေးပျောက်ဆေး၊ ပိုးသတ်ဆေး၊ အစာအိမ်ဆေး၊ သွေးတိုး၊ ဆီးချို၊ နှယြူးဆေး၊ သွေးကျဲဆေးစသည့်ကုန်စည် ဈေးနှုန်းများကိုမေးမြန်းခဲ့ပြီး ယခင်အပတ် ဈေးနှင့် နှိုင်ယှည်ပါက  ဈေးနှုန်းတည်ငြိမ်နေကြောင်း စစ်ဆေးတွေ့ရှိရပြီး မြန်မာဆေးများ သက်တမ်းလွန် ကုန်စည်များ ရှိ/မရှိကို စစ်ဆေးခြင်း သက်ဆိုင်ရာထောက်ခံချက်များကို စစ်ဆေးခြင်းများဆောင်ရွက်ခဲ့သည်။ ဆေးဝါးများ ဈေးကွက်အတွင်းပစ္စည်းပြတ်လပ်မှုမရျိပဲ ပုံမှန်အရောင်းအဝယ်ဖြစ် နေကြောင်း တွေ့ရှိရပြီးလုပ်ငန်းရှင်များမှ ကုန်စည်မှာ ယူရသည့်ပြေစာဖြတ်ပိုင်းများကို သိမ်းဆည်းထားရန် ဈေးအမျိုးမျိုးရောင်းချရာတွင် တရားဝင်ကုန်စည်များကိုသာရောင်းချရန် ကုန်အညွှန်အညွှန်းအသား ပြည်စုံသောကုန်စည်များကိုရောင်းချရန်၊ သင့်တင်မျှတသောဈေးဖြင့်သာ ရောင်းချကြရန် အသိပေးပြေကြားခဲ့ကြောင်း သိရှိရပါသည်။

DOCA(ဧရာဝတီ)