သတင်းနှင့် လှုပ်ရှားမှုများ

            ဧရာဝတီတိုင်းဒေသကြီးအစိုးရအဖွဲ့၏ လမ်းညွှန်ချက်အရ ဇူလိုင်လ တတိယပတ်အတွင်း မြောင်းမြခရိုင်စီမံအုပ်ချုပ်ရေးအဖွဲ့ ဥက္ကဋ္ဌ၊ မြောင်းမြမြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ၊ ခရိုင်စားသုံးသူရေးရာဦးစီးဌာန၊ ခရိုင်စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာန အရာထမ်း၊ အမှုထမ်းတို့ပူးပေါင်းအဖွဲ့ဖြင့် Gasifier အသုံးပြု မြောင်းမြမြို့နယ်၊ ကွယ်လွယ်ကျေးရွာရှိ မနောသုခ ဆန်စက်သို့ သွားရောက်စစ်ဆေးခဲ့ပါသည်၊၊

              အဆိုပါ ဆန်စက်၏ Gasifer မီးဖိုးမှထွက်ရှိသော စက်ဖွဲပြာများအား စစ်ထုတ်နိုင်ရန်အတွက် ရေစစ်ကန်အတွင်း စတီးဇကာဖြင့် စစ်ထုတ်ထားသော ဖွဲပြာများအား စနစ်တကျသယ်ယူ သန့်ရှင်းခြင်းများပြုလုပ်ရေး၊ ရေဆိုးထုတ်စနစ် ရေစစ်ကန်ပြုလုပ်ထားရှိမှု အခြေအနေများအား ညွှန်ကြားချက်နှင့် အညီ ဆောင်ရွက်နိုင်ရေး ကွင်းဆင်းစစ်ဆေးခဲ့ကြောင်း သတင်းရရှိပါသည်၊၊

DOCA (ဧရာဝတီ)

            ဧရာဝတီတိုင်းဒေသကြီးအစိုးရအဖွဲ့၏ လမ်းညွှန်ချက်အရ ဇူလိုင်လ တတိယပတ်အတွင်း မြောင်းမြခရိုင်စီမံအုပ်ချုပ်ရေးအဖွဲ့ ဥက္ကဋ္ဌ၊ မြောင်းမြမြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ၊ ခရိုင်စားသုံးသူရေးရာဦးစီးဌာန၊ ခရိုင်စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာန အရာထမ်း၊ အမှုထမ်းတို့ပူးပေါင်းအဖွဲ့ဖြင့် Gasifier အသုံးပြု မြောင်းမြမြို့နယ်၊ မြရတနာရပ်ကွက်ရှိ ရွှေပြည်ကျော်ဆန်စက်သို့ သွားရောက်စစ်ဆေးခဲ့ပါသည်၊၊

           အဆိုပါ ဆန်စက်၏ Gasifer မီးဖိုးမှထွက်ရှိသော စက်ဖွဲပြာများအား စစ်ထုတ်နိုင်ရန်အတွက် ရေစစ်ကန်အတွင်း စတီးဇကာဖြင့် စစ်ထုတ်ထားသော ဖွဲပြာများအား စနစ်တကျသယ်ယူ သန့်ရှင်းခြင်းများပြုလုပ်ရေး၊ ရေဆိုးထုတ်စနစ် ရေစစ်ကန် ပြုလုပ်ထားရှိမှု အခြေအနေများအား ညွှန်ကြားချက်နှင့် အညီဆောင်ရွက်နိုင်ရေး ကွင်းဆင်းစစ်ဆေးခဲ့ကြောင်း သတင်းရရှိပါသည်၊၊

DOCA (ဧရာဝတီ)

           ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်ကိုနှင့် ဝန်ထမ်းတို့သည် ၂၀၂၅-ခုနှစ်၊ ဇူလိုင်လ ( ၂၅ )ရက်နေ့ နံနက် (10:30) နာရီအချိန်တွင် အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်ကျန်းမာရေး၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မြို့နယ်မွေးမြူရေးနှင့်ကုသရေးဦးစီးဌာနတို့နှင့် ပူးပေါင်း၍ ကွင်းဆင်းစစ်ဆေးခဲ့ပါသည်။

          အဆိုပါကွင်းဆင်းစစ်ဆေးမှုတွင် ဆိုင်အရေအတွက် (23)ဆိုင်၊ အစားအသောက် အရေအတွက် (၂၃)မျိုးအား Chemical ပစ္စည်းများပါဝင်မှုရှိ/ မရှိ Formalin ဆေးထည့်ထားမှုရှိ/ မရှိတို့ကို လိုက်လံကြည့်ရှု့စစ်ဆေးခဲ့ကြောင်း သတင်းရရှိပါသည်။

DOCA (ဧရာဝတီ)

       ၂၉-၇-၂၀၂၅ ရက်နေ့တွင် သာစည်မြို့ အ.ထ.က(၁)တွင် သဘာဝဘေးအန္တရာယ် စိမံခန့်ခွဲမှု အဖွဲ့မှ ဦးဆောင်၍ မြို့နယ်ထွေ/အုပ်၊ မြို့နယ်ပြည်သူ့ကျန်းမာရေးဦးစီးဌာန၊ မြို့နယ်မီးသတ်၊ မြို့နယ် ကြက်ခြေနီနှင့် မြို့နယ်ဌာနဆိုင်ရာများပူးပေါင်း၍ ငလျင်ဇာတ်တိုက်ရှာဖွေကယ်ဆယ်ရေး သဏ္ဍာန် တူ သရုပ်ပြပွဲ အခမ်းအနားကို ကျင်းပပြုလုပ်ခဲ့ကြကြောင်းသိရပါသည်။

       အဆိုပါအခမ်းအနားတွင် သဘာဝဘေးအန္တရာယ် စီမံခန့်ခွဲမှုအဖွဲ့၊ မိတ္ထီလာခရိုင်ဦးစီးမှူးရုံးမှ ဦးဆောင်၍မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်ပြည်သူ့ကျန်းမာရေးဦးစီးဌာန၊ မြို့နယ်မီးသတ်ဦးစီးဌာန၊ မြို့နယ်ကြက်ခြေနီ၊ မြို့နယ်ဌာနဆိုင်ရာများ၊ လူမှုကူညီရေးအသင်းအဖွဲ့များ၊ အ.ထ.က (၁) သာစည် မှ ဆရာ/ဆရာမများနှင့် ကျောင်းသူ/သားများ စုစုပေါင်း ၃၅၀ ဦး တက်ရောက်ခဲ့ကြောင်း၊မြို့နယ်စီမံအုပ်ချုပ်ရေးအဖွဲ့မှ မြို့နယ်မီးသတ်ဦးစီးဌာနသို့ ဆုငွေများချီးမြှင့် ခဲ့ကြောင်း၊ မိတ္ထီလာခရိုင်သဘာဝဘေးအန္တရာယ်စီမံခန့်ခွဲမှုအဖွဲ့မှ တက်ရောက်သူများအားမုန့်၊ အအေးတို့ဖြင့် ဧည့်ခံခဲ့ကြောင်း၊ ဘေးအန္တရာယ်ဆိုင်ရာ သဏ္ဍာန်တူ ဇာတ်တိုက်လေ့ကျင့်ခြင်း လုပ်ငန်းစဉ်များကို အခမ်းအနားအစီအစဉ်အတိုင်း ဆောင်ရွက်ခဲ့ကြောင်း သိရပါသည်။

DOCA(မန္တလေး)

        မိတ္ထီလာခရိုင် ၊ သာစည်မြို့နယ်သည် လယ်ယာထွက်ကုန်သီးနှံများစိုက်ပျိုး ဖြစ်ထွန်းရာ မိုးစပါးကို ၂၀၂၅ ခုနှစ် ဇူလိုင်လတွင်စတင်စိုက်ပျိုးကြောင်း၊ ဒီဇင်ဘာလ ပထမအပတ်တွင် ရိတ်သိမ်း မည်ဖြစ်ကြောင်း  ၃၀-၇-၂၀၂၅ရက်နေ့တွင် သာစည်မြို့နယ် ၊ ကုက္ကိုကန်ကျေးရွာအုပ်စု၊ ကွင်းအမှတ်၊ (၁၈၇၃)၊ ဦးပိုင်အမှတ် (၈၀/၁)ရှိ တောင်သူ ဦးထင်အောင်၏ လယ်မြေ၌ မိုးစပါး စိုက်ပျိုးခြင်း သရုပ်ပြအခမ်းအနားကို ပြုလုပ်ကျင်ပခဲ့ကြောင်းသိရှိရပါသည်။

        အဆိုပါအခမ်းအနားတွင် မြို့နယ်စိုက်ပျိုးရေးညှိနှိုင်းမှုအဖွဲ့ဥက္ကဌ ဦးမျိုးသက်ကျော်နှင့် မြို့နယ် စိုက်ပျိုးရေးညှိနှိုင်းမှုအဖွဲ့ဝင်များ၊ ဒေသခံတောင်သူများ တက်ရောက်ခဲ့ပြီး မြို့နယ် စက်မှု လယ်ယာဦးစီးဌာန၊ အမှတ် (၂၆) စက်မှုလယ်ယာစခန်းမှ ဦးဆောင်၍ (၁၀)တန်းသွားမျိုးစေ့ချ ကိရိယာဖြင့် မိုးစပါးစိုက်ပျိုးခြင်း သရုပ်ပြပွဲကို ဆောင်ရွက်ခဲ့ကြောင်း၊ မြို့နယ်စီမံအုပ်ချုပ်ရေး အဖွဲ့ဥက္ကဌမှ အမှာစပါးပြောကြားခြင်း၊ တက်ရောက်လာသော တောင်သူများမှ သိရှိလိုသည်များကို ဆွေးနွေးမေးမြန်းခဲ့မှုအပေါ် တာဝန်ရှိသူများမှ ဖြေကြားပေးခဲ့ကြောင်း သိရပါသည်။

DOCA(မန္တလေး)