သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်မှ တာဝန်ရှိသူများသည် မြို့နယ်စည်ပင်သာယာရေးအဖွဲ့နှင့်ပူးပေါင်း၍ (၁၃.၁၁.၂၀၂၅) ရက်နေ့တွင် ခရိုင်အတွင်း လက်လီလက္ကား ရောင်းချနေသော ဆန်အရောင်းဆိုင်များအား ကွင်းဆင်းစစ်ဆေးခဲ့ပါသည်။

     ထိုသို့ကွင်းဆင်းဆောင်ရွက်ရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ လက််လီ၊ လက္ကား ရောင်းချနေသော ဆိုင်ရှင်အား ဆန်ဈေးနှုန်းကြီးမြင့်နေမှုကို ဆိုင်ရှင်များအနေဖြင့် စားသုံးသူပြည်သူများအား ဈေးနှုန်းမြှင့်တင်ရောင်း ချခြင်းမပြုကြရန် သတ်မှတ်ရည်ညွှန်းဈေးဖြင့်သာ ရောင်းချပေးရန်၊ ဆန်ဈေးနှုန်းများကို အများ ပြည်သူမြင်သာသောနေရာတွင် မြင်သာသောအရွယ်အစားဖြင့် ရေးသားဖော်ပြ၍ ရောင်းချကြရန်၊ ဆန်စပါးသိုလှောင်မှု အနေဖြင့် မြန်မာ့ဆန်စပါး အွန်လိုင်း Myanmar Rice Online (My RO) တွင် မှတ်ပုံတင်ထားခြင်းမရှိပါက သက်ဆိုင်ရာ မြို့နယ်အလိုက် စားသုံးသူရေးရာဦးစီးဌာနရုံးများနှင့် ချိတ်ဆက်၍ မှတ်ပုံတင်ခြင်းဆောင်ရွက်ကြရန် ဈေးကွက်အတွင်း ဈေးနှုန်း မြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်းများတွေ့ရှိပါက အရေးကြီး ကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း ဆိုင်ရှင်များအား ရှင်းလင်းဆွေးနွေး ပြောကြားခဲ့ပါသည်။

( Doca ဧရာဝတီ )

     ပုသိမ်ခရိုင်၊ သာပေါင်းမြို့နယ်၊ စားသုံးသူရေးရာဦးစီးဌာနမှ စစ်ဆေးရေးအရာရှိ ဒေါ်မြတ်မြတ်စိုးသည် ၁၃.၁၁.၂၀၂၅ ရက်နေ့၊ နံနက် (၁၀:၀၀) အချိန်တွင် အမှတ်(၁) ရပ်ကွက်၊ ကညင်ချောင်းလမ်းရှိ ဦးစံထူးအောင်၏ ထူးသစ်မုန့်တိုက်မှ ထုတ်လုပ်သော မုန့်များအား  မြန်မာဘာသာဖြင့်  ကုန်အညွှန်း အမှတ်အသားများပြည့်စုံစွာဖော်ပြရန်၊ လုပ်ငန်းသုံးပစ္စည်းများ၊ စက်ကိရိယာများ၊ သန့်ရှင်းသပ်ရပ်စွာ အသုံးပြုကိုင်တွယ်ရန်၊ စားသုံးသူများအား ဘေးအန္တရာယ်ဖြစ်စေနိုင်သော ဓါတုဆိုးဆေးများမသုံးစွဲရန် ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

( Doca ဧရာဝတီ )

       ပုသိမ်ခရိုင်၊ သာပေါင်းမြို့နယ်၊  မြို့နယ်ဦးစီးမှူး ဦးထွန်းမင်းလတ်သည် ၁၁.၁၁.၂၀၂၅ ရက်နေ့တွင် လှေကြီးတက်ကျေးရွာအုပ်စု၊ ကြက်သွန်ကွင်းကျေးရွာရှိ ဦးတင်ဦး ကော်ဖီပျိုးပင်ခြံသို့ မြို့နယ်စိုက်ပျိုးတိုးတက်မြင့်မားရေးကော်မတီဥက္ကဋ္ဌ၊ မြို့နယ်အုပ်ချုပ်ရေးမှူးနှင့် အတူ သွားရောက်၍ သီဟိုဠ်စိုက်ပျိုးသူ (၁၅) ဦးနှင့် တွေ့ဆုံ၍ သီဟိုဠ်ပင်များအကြား၌ နှစ်ရှည်ကော်ဖီ (မြေပြန့်) မျိုးများအား စိုက်ပျိုးရေး (၃၀.၉.၂၅) ရက်နေ့ထိ သားပေါင်းမြို့နယ်တွင် ကော်ဖီဧက (၅၀၀) ခန့် စိုက်ပျိုးပြီးစီးခဲ့ပြီး ယခုနှစ် စိုက်ပျိုးရာသီနောက်ကျသဖြင့် ဧက (၅၀) ထပ်မံစိုက်ပျိုးရန် လျာထားသော်လည်း မိုးလွန်ကာလဖြစ်၍ (၉) ဧကအမှီ စိုက်ပျိုးမည်ဖြစ်ကြောင်း ဆွေးနွေးခဲ့ပါသည်။

( Doca ဧရာဝတီ )

    ဧရာဝတီတိုင်းဒေသကြီး ၊ဖျာပုံခရိုင်၊ ဒေးဒရဲမြို့နယ်တွင် စားသုံးသူရေးရာဦးစီးဌာနမှ ဒုခရိုင်မှူး ဦးဆောင်၍ဝန်ထမ်းများနှင့်အတူ ၂၀၂၅ခုနှစ်၊နိုဝင်ဘာလ(၁၂)ရက်နေ့၊ နံနက်(၁၀:၀၀) နာရီ အချိန်တွင် ဒေးဒရဲမြို့ အမှတ်(၂)ရပ်ကွက်၊ကမ်းနားလမ်းရှိ “ဦးသန်းကြိုင်”စက်မှုလုပ်ငန်းသို့ သွားရောက်ပြီး MSMEs လုပ်ငန်းဖွံ့ဖြိုးတိုးတက်ရေးအတွက် ကွင်းဆင်းစိစစ်ခြင်းကို ဆောင်ရွက်ခဲ့ကြပါသည်။

    ထိုသို့ကွင်းဆင်းစိစစ်ရာတွင် ဒုခရိုင်ဦးစီးမှူးက“ဦးသန်းကြိုင်” စက်မှုလက်မှုလုပ်ငန်းမှ တာဝန် ရှိသူအားထုတ်လုပ်သည့် ပစ္စည်းများနှင့်ပတ်သတ်ပြီး မေးမြန်းရာတွင် အနိမ့်တင် ရေစက်များ၊ရေတင် ပိုက်လုံးများကို အဓိကထားထုတ်လုပ်ပြီး ဒေးဒရဲကျေးရွာများမှလာရောက် ဝယ်ယူကြောင်းနှင့် ဖြတ်ဆက်၊ဖြတ်စက်၊ဝရိန်ဆော်ခြင်းများကိုလည်းအဓိကထား လုပ်ဆောင်ကြောင်းနှင့် လုပ်သားဦးရေ မှာ မိသားစုဖြင့်သာလည်ပတ်ကြောင်း ရှင်းလင်းပြောကြားခဲ့ပြီး မြို့နယ် တာဝန်ခံမှလိုအပ်သည်များ မှာကြားခဲ့ကြောင်း သတင်းရရှိပါသည်။

( Doca ဧရာဝတီ )

      (၁၇.၁၁.၂၀၂၅)ရက်နေ့ နံနက်( ၀၉:၃၀)နာရီအချိန်တွင် စားသုံးသူရေးရာဦးစီးဌာန၊ လှည်းကူးခရိုင်၊ လှည်းကူးမြို့နယ်ခွဲတာဝန်ခံ ဦးထွန်းထွန်းဦးသည် ရန်ကင်း(၅)လမ်း၊ သာသနာရိပ်သာရပ်ကွက်၊ လှည်းကူးမြို့နယ်ရှိ အမ်ကေဗန်းဒစ်အော့ဖစ်(စ်)လုပ်ငန်းအား မြေပြင်ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။

        ထိုသို့ကွင်းဆင်းစစ်ဆေးရာတွင် မြေပြင်ကွင်းဆင်းစစ်ဆေးရမည့်အချက်(၁၈)ချက်နှင့်ကိုက်ညီမှုရှိ/ မရှိကို DOCA Application တွင် ထည့်သွင်း၍ စစ်ဆေးခဲ့ပြီး မှတ်ပုံတင်လက်မှတ်ရရှိသူ၏တာဝန်များနှင့် စပ်လျဉ်း၍ လိုက်နာဆောင်ရွက်ရမည့်အချက်များနှင့် စီးပွားရေးလုပ်ငန်းရှင်၏ လိုက်နာရမည့် တာဝန်များအကြောင်း အသိပညာပေးကွင်းဆင်းစစ်ဆေးခဲ့ကြောင်း သိရှိရပါသည်။

DOCA (ရန်ကုန်)