သတင်းနှင့် လှုပ်ရှားမှုများ

       (၂၁.၇.၂၀၂၅)ရက်နေ့ နံနက်(၀၉:၀၀)နာရီအချိန်တွင် တိုက်ကြီးမြို့နယ်အထွေထွေအုပ်ချုပ်ရေး ဦးစီးဌာန အစည်းအဝေးခန်းမတွင် တိုက်ကြီး၊ မှော်ဘီ၊ လှည်းကူးခရိုင် ခရိုင်အဆင့်ရှာဖွေရေးသင်တန်း (၁/၂၀၂၅)ဖွင့်ပွဲအခမ်းအနားကျင်းပပြုလုပ်ခဲ့ပါသည်။

          အခမ်းအနားသို့ တိုက်ကြီးခရိုင်စီမံအုပ်ချုပ်ရေးအဖွဲ့ ဥက္ကဌနှင့်အဖွဲ့ဝင်များ၊ တိုက်ကြီး၊ မှော်ဘီ၊ လှည်းကူးခရိုင်/ မြို့နယ်မီးသတ်ဦးစီးဌာနမှ မီးသတ်ဦးစီးမှူးနှင့်ဝန်ထမ်းများ၊ မိခင်နှင့်ကလေးစောင့် ရှောက်မှုကြီးကြပ်ရေးအသင်းအဖွဲ့ဝင်များ၊ စားသုံးသူရေးရာဦးစီးဌာနမှ မြို့နယ်ခွဲတာဝန်ခံနှင့်လူမှုရေး အသင်းအဖွဲ့များ စုစုပေါင်းအင်အား(၁၅၀)ဦးခန့်တက်ရောက်ခဲ့ပြီး အခမ်းအနားတွင် တိုက်ကြီးခရိုင် စီမံအုပ်ချုပ်ရေးအဖွဲ့ဥက္ကဌမှ သင်တန်းဖွင့်မိန့်ခွန်းပြောကြားခြင်း၊ သင်တန်းမှူးမှ ဆက်လုပ်ခွင့်တောင်းခံခြင်းနှင့် ရှာဖွေကယ်ဆယ်ရေးသင်တန်းဖွင့်ပွဲတွင် ကယ်ဆယ်ရေးပစ္စည်းများ ခင်းကျင်းပြသထားမှုအား လိုက်လံကြည့်ရှု၍ သင်တန်းမှူးများမှ ရှာဖွေကယ်ဆယ်ရေးပစ္စည်းများ၏ အသုံးပြုပုံများအား ရှင်းလင်းတင်ပြခြင်း အရန်မီးသတ်တပ်ဖွဲ့ဝင်များနှင့်လူမှုရေးအသင်းအဖွဲ့များမှ သင်တန်းသား(၁၀၀) ဦးအား သင်တန်းပို့ချခြင်း ဆောင်ရွက်ခဲ့ကြောင်း သိရှိရပါသည်။

DOCA (ရန်ကုန်)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၊ စားသုံးသူရေးရာဦးစီးဌာန ၊  ‌ကျောက်ဆည် ခရိုင်ဦးစီးမှူးရုံးအနေဖြင့် ထုတ်ကုန်များအနေဖြင့် လုံခြုံစိတ်ချရမှုရှိစေရေး ၊ ကုန်စည်များတွင် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်း ရှိ/မရှိ ၊ စားသုံးသူများ နေ့စဉ် အသုံးပြုလျှက်ရှိသည့် ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှု ရှိစေရေး ကုန်စည်များကို သတ်မှတ်စံချိန်းစံညွှန်းများ ညွှန်ကြားချက်များနှင့် ကိုက်ညီမှု ရှိ/ မရှိ နှင့် ကုန်အညွှန်းအမှတ်အသားပြည့်စုံစွာပါရှိ‌ရေးအတွက် ထုတ်ကုန်များအား စျေးကွက်မရောက်မီ (Pre Market)စစ်ဆေးခြင်း နှင့် စျေးကွက်အတွင်းစစ်ဆေးခြင်းများအား စဉ်ဆက်မပြတ်ဆောင်ရွက် လျှက်ရှိပါသည်။ ဇူလိုင်လ(၁၇)ရက်၊ နေ့လည်(၁၂:၃၀)အချိန်တွင် ‌ကျောက်ဆည်ခရိုင်ဦးစီးမှူးရုံးသို့ စဉ့်ကိုင်မြို့နယ် ၊ ဆီဆုံကျေးရွာရှိ GOLDEN GODZILLA အမှတ်တံဆိပ်ဖျော်ရည်ရောင်းချသည့် လုပ်ငန်းရှင်မှ ကုန်အညွှန်းအမှတ်အသားဖော်ပြခြင်းနှင့်ပတ်သက်၍တွေ့ဆုံ‌ခဲ့ပါသည်။ ထိုသို့တွေ့ဆုံ ဆွေးနွေးရာတွင် ခရိုင်ဦးစီးမှူး ဦးမောင်ထူးက ကုန်ပစ္စည်းများပေါ်တွင် မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)နှင့်အညီ ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသား‌ဖော်ပြရမည့် အသေးစိတ်အချက်အလက်များအား ပြည့်စုံစွာထည့်သွင်းဖော်ပြထားရန်လိုကြောင်း ၊ သက်ဆိုင်ရာဌာနများ၏ ထောက်ခံချက်ပါရှိသော ကုန်စည်များကိုသာ ရောင်းချရန်လိုကြောင်း နှင့် အခန်း ၁၈ ပါ စီးပွား‌‌ရေး လုပ်ငန်းရှင်များ လိုက်နာရမည့် ကုန်အညွှန်းအမှတ်အသား ဖော်ပြခြင်းနှင့်ပတ်သက်၍ ပုဒ်မ (၄၁)ပါ အချက်အလက်များအား အကျယ်တဝင့်ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(မန္တလေး)

  ကျောက်ဆည်ခရိုင်၊ စားသုံးသူရေးရာဦးစီးဌာနမှဦးဆောင်၍ မြို့နယ်ပြည်သူ့ ကျန်းမာရေး ဦးစီးဌာန ၊ မြို့နယ်စည်ပင်သာယာရေးအဖွဲ့တို့ပူးပေါင်းပြီး ဇူလိုင်လ(၁၇)ရက်နေ့တွင် လွင်နှင့်စိုးမိုးသူ ကဖေးလက်ဖက်ရည်ဆိုင် ၊ စားသောက်ဆိုင်အား ကွင်းဆင်းစစ်‌ဆေးခဲ့ကြောင်း သိရှိရပါသည် ။ ထို့သို့စစ်ဆေးရာတွင် အစားအသောက်ရောင်းချသည့် လုပ်ငန်းရှင်များအား အစားအသောက်ပြုပြင် ရောင်းချသည့်နေရာများ သန့်ရှင်းသပ်ရပ်စွာထားရှိရန်၊ အစားအသောက်ကိုင်တွယ်သူများအနေဖြင့် တစ်ကိုယ်ရေ သန့်ရှင်းမှုရှိရန်၊ ဝန်ထမ်းများ ကျန်းမာရေး‌ဆေးစစ်မှုများခံယူရန် ၊ မိမိတို့ဆိုင်မှ ပေးအပ်ထားသည့် ဝန်ဆောင်မှုနှင့်စပ်လျဉ်းပြီး စားသုံးသူအားလုံလောက်သည့် သတင်းအချက် အလက်များပြည့်စုံ မှန်ကန်စွာ အသိပေးပြောကြားရန်နှင့် ရောင်းချသည့် စားသောက်ဖွယ်ရာများ၏ အမျိုးအစား၊အရွယ် အစား(Size)ပမာဏအလိုက် စျေးနှုန်းအား ဖွင့်လင်းမြင်သာစွာ ကြိုတင်အသိပေး ဖော်ပြထားရန် စသည်တို့အား စစ်ဆေးခဲ့ကြောင်း သိရှိရပါသည်။

DOCA(မန္တလေး)

    ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ ဆေးမျိုးစုံအရောင်းဆိုင် များအား စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံနှင့် မြို့နယ်စည်ပင်သာယာရေးအဖွဲ့၊ မြို့နယ်ပြည်သူ့ကျန်းမာရေးဦးစီးဌာနတို့ ပူးပေါင်း၍  ဇူလိုင်လ (၂၂)ရက်နေ့၊ နေ့လည် (၁၁:၃၀) နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရပါသည်။

     ထိုသို့ ကွင်းဆင်းစစ်ဆေးရာတွင် ဆေးဆိုင်များတွင် ရောင်းချလျှက်ရှိသော လူသုံးများ သောဆေးဝါးများနှင့် နာတာရှည်ရောဂါသည်များ သောက်သုံးသော နှလုံးဆေး၊ သွေးပေါင်ကျ ဆေး၊ အာရုံကြောဆေး၊ ဆီးချိုဆေး၊ ကျောက်ကပ်ဆေး၊ အသည်းဆေး၊ အကိုက်အခဲပျောက်ဆေး၊ အရိုးကြောဆေးများ၊ အားဆေးများ၊ လေဆေး၊ ရင်ကြပ်ပျောက်ဆေး၊ ဝမ်းပျက်ဝမ်းလျော ရောဂါကာကွယ်ဆေးဝါးများ ပစ္စည်းပြတ်လပ်မှုရှိ/မရှိနှင့် ရောင်းချနေသော ဆေးဝါးများ၏ ဈေးနှုန်းများ၏ ကုမ္ပဏီမှ ဝယ်ယူမှုအခြေအနေ ယခင်လဈေးနှုန်း၊ ယခုလဈေးနှုန်းများ၏ ဈေးနှုန်း ကွာခြားမှုရှိ/မရှိနှင့် ဆေးပစ္စည်းများ ဆိုင်တွင်လက်ကျန် ကျန်ရှိမှု အခြေအနေများကို စစ်ဆေးခဲ့ ပြီး မြို့နယ်တာဝန်ခံမှ ဆေးဆိုင်ပိုင်ရှင်များအား မိမိတို့ဆိုင်တွင် ဆေးဝါးမှတ်ပုံတင်မရှိဘဲ FDA မှ တားမြစ်ထားသော ဆေးဝါးများအား ရောင်းချခြင်းမပြုလုပ်ကြရန်၊ စပ်ဆေးများအားလည်း မရောင်းချကြရန်နှင့် အမြတ်ရာခိုင်နှုန်းများစွာတင်၍ ရောင်းချခြင်းမပြုလုပ်ဘဲ ဈေးနှုန်းမှန်ကန်စွာ ရောင်းချကြရန်တို့အား အသိပညာပေးခဲ့ကြောင်း သိရှိရသည်။

DOCA(ရန်ကုန်)

   ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးမှူးရုံး၊ သန်လျင်မြို့မှ ဝန်ထမ်းများသည် ကျိုက်ခေါက်ဘုရားလမ်း၊ အောင်ချမ်းသာရပ်ကွက်ရှိ ဆေးနှင့်ဆေးပစ္စည်းများ ရောင်းချသည့် ရွှေအိုးဆေးဆိုင်သို့ ဇူလိုင်လ (၂၂)ရက်နေ့၊ နံနက် (၁၀:၃၀) နာရီအချိန်တွင် ဈေးနှုန်းဈေးကွက် အခြေအနေနှင့် ဈေးကွက်အတွင်း ပစ္စည်းပြတ်လပ်မှုရှိ/မရှိ ကွင်းဆင်းစစ်ဆေးခဲ့ကြောင်း သိရှိရ သည်။

   အဆိုပါ ကွင်းဆင်းစစ်ဆေးမှုတွင် တောင်ပိုင်းခရိုင်ဦးစီးမှူးရုံးမှ ဒေါ်ငြိမ်းငြိမ်းဝင်း (ဦးစီးမှူး) က စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အောက်ရှိ စားသုံးသူရေးရာဦးစီးဌာန အနေ ဖြင့် ဆေးနှင့် ဆေးပစ္စည်းများအား ဈေးကွက်အတွင်း ပြတ်လပ်မှုမရှိစေရေးနှင့် ဈေးနှုန်းမြှင့်တင် ရောင်းချမှု မရှိစေရေးတို့အတွက် တစ်လလျှင်(၂)ကြိမ် တိုင်းဒေသကြီး ဦးစီးမှူးရုံးသို့ တင်ပြရှိပါ ကြောင်း ပြောကြားခဲ့ပြီး ဆေးဆိုင်များအနေဖြင့်လည်း ဆေးနှင့်ဆေးပစ္စည်းများအား ဈေးနှုန်းမြှင့် တင်ရောင်းချခြင်း မပြုလုပ်ကြရန်နှင့် ဈေးကစားရန်ရည်ရွယ်ချက်ဖြင့် သိုလှောင်ထားခြင်း မပြု လုပ်ကြရန်နှင့် ထိုသို့ပြုလုပ်ပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူခံရမည် ဖြစ်ကြောင်း အသိပညာပေး ပြောကြားခဲ့ကြောင်း သိရှိရပါသည်။

DOCA(ရန်ကုန်)