သတင်းနှင့် လှုပ်ရှားမှုများ

             ၁၃.၁၁.၂၀၂၅ ရက်နေ့တွင် မွန်ပြည်နယ်၊ ပေါင်မြို့နယ်၌  ဆံပင်ပြုပြင်ရန် သုံးစွဲပစ္စည်းအမျိုးမျိုးနှင့်စပ်လျဥ်း၍ စျေးကွက် စောင့်ကြည့် စစ်ဆေးခြင်းများကို ယနေ့ မွန်းလွဲ (၁) နာရီက ပေါင်မြို့နယ် စားသုံးသူရေးရာ ဦးစီးဌာနနှင့် သက်ဆိုင်ရာတာဝန်ရှိသူ အသီးသီးတို့က မြို့ပေါ်ရပ်ကွက် ( ၄ )ခု၌ ဆောင်ရွက်ခဲ့သည်။

           အဆိုပါ စျေးကွက်စောင့်ကြည့်စစ်ဆေးခြင်းကို ပေါင်မြို့နယ် စားသုံးသူရေးရာ ဦးစီးဌာနမှ မြို့နယ်တာဝန်ခံ ဦးအောင်မျိုးဦးနှင့် တာဝန်ရှိသူ အသီးသီးတို့က စျေးကွက်အတွင်း ရောင်းချနေသော ဆံပင်ပြုပြင်ရန် သုံးစွဲပစ္စည်းအမျိုးမျိုးတွင် စားသုံးသူကာကွယ် ရေးဥပဒေ ပြဌာန်းချက်အတိုင်း ကုန်အမှတ်အသားပြည့်စုံစွာ ဖော်ပြခြင်း ရှိ/မရှိ ၊သက်ဆိုင်ရာ ဌာနများက ကန့်သတ်တားမြစ်ထားသည့် ဆံပင်ပြုပြင်ရန် သုံးစွဲပစ္စည်းများ ရောင်းချခြင်း ရှိ/မရှိ၊ စားသုံးသူ ဘေးအန္တရာယ်ဖြစ်စေနိုင်သော ပစ္စည်းများရောင်းချနေမှုရှိ/မရှိ တို့အား စစ်ဆေးခဲ့ပြီး သတ်မှတ်စံချိန် စံနှုန်းနှင့် ကိုက်ညီ၍ သက်ဆိုင်ရာ ဌာနများမှ ခွင့်ပြုထားသော ကုန်ညွှန်းအမှတ်အသား ပြည့်စုံစွာဖော်ပြထားသော အလှကုန်ပစ္စည်းများကိုသာ စျေးကွက်အတွင်း ရောင်းချခြင်းများပြုလုပ်ကြရန်နှင့် စျေးကွက်အတွင်းရောင်းချခြင်းမပြုသည့် အလှကုန်ပစ္စည်းများကို ရှောင်ရှားကြရန် ဆိုင်ရှင်များအား အသိပညာပေးပြောကြား ခဲ့ကြောင်းသိရသည်။

DOCA (မွန်)

      စားသုံးသူရေးရာဦးစီးဌာနအနေဖြင့် ပြည်တွင်း၊ ပြည်ပမှ ထုတ်လုပ်တင်သွင်းလာသည့် ကုန်စည်နှင့်ဝန်ဆောင်မှုများအပေါ် စားသုံးသူများ ဘေးအန္တရာယ်ကင်းရှင်းစွာ အသုံးပြုနိုင်ရေး၊ စားသုံးသူအခွင့်အရေးများ ပြည့်ပြည့်ဝဝရရှိရေး၊ စားသုံးသူကာကွယ်ရေးဥပဒေနှင့်အညီ ဆောင်ရွက် ပေးလျက်ရှိရာ စားသုံးသူရေးရာဦးစီးဌာန၊ ပြည်ခရိုင်ဦးစီးမှူး၏ လမ်းညွှန်မှုအရ ပြည်မြို့နယ် တာဝန်ခံ ဦးထွန်းနိုင်လင်းနှင့် ဝန်ထမ်းများသည် (၁၂.၁၁.၂၀၂၅)ရက်နေ့၊ နံနက်(၁၀:၀၀)နာရီ အချိန်တွင် ပြည်မြို့၊ နဝဒေးရပ်ကွက်၊ ဒေါနလမ်းနေ STD အမှတ်တံဆိပ် ဘက္ထရီအက်ဆစ် ကွန်ပေါင်းလုပ်ငန်းနှင့် နဝဒေးရပ်ကွက်၊ ခွာညိုလမ်းရှိ Light အမှတ်တံဆိပ် ဘက္ထရီအက်ဆစ် ကွန်ပေါင်းလုပ်ငန်းများသို့ သွားရောက်၍ ထုတ်ကုန်လုံခြုံစိတ်ချရမှုရှိစေရေးအတွက် ကုန်စည်၏ ထုပ်ပိုးမှုအပြင်အဆင်ပေါ်တွင် ကုန်အညွှန်းအမှတ်အသားများ ရေးသားရာ၌ စားသုံးသူကာကွယ် ရေးဥပဒေ၊ အခန်း (၁၈)ပါ ကုန်အညွှန်းအမှတ်အသားပြုလုပ်ခြင်းဆိုင်ရာ ပြဌာန်းချက်များနှင့်အညီ ရေးသားဖေါ်ပြနိုင်ရေး အသိပညာပေးဆွေးနွေးခဲ့ကြောင်း သိရပါသည်။

DOCA(ပဲခူး)

                 ၁၅.၁၁.၂၀၂၅ ရက်နေ့၊ နံနက်ပိုင်းတွင် မွန်ပြည်နယ်၊ ကျိုက်ထိုခရိုင်၊ စားသုံးသူရေးရာ ဦးစီးဌာနမှ ခရိုင်တာဝန်ခံ ဦးအောင်ကျော်မင်း၊ မြို့နယ်တာဝန်ခံ ဦးဇော်ဦးတို့သည် ဆေးရုံလမ်း၊ ကံကော်ရပ်ကွက် ကျိုက်ထိုမြို့ရှိ ဒေါ်ပွင့်ဝေ၏ “PPA” Fashion Shop အထည်အလိပ်၊ အဝတ်အထည်နှင့် ဆက်စပ်ပစ္စည်းလုပ်ငန်းအား အွန်လိုင်း မှတ်ပုံတင်လျှောက်ထားမှု မြေပြင်စစ်ဆေးခြင်း ဆောင်ရွက်ခဲ့ပါသည်။

          ထိုသို့ ကွင်းဆင်းစစ်ဆေးရာတွင် အွန်လိုင်းမှတ်ပုံတင်ပြုလုပ်ရန် ကျန်သူများကိုလည်း မှတ်ပုံတင်ပြုလုပ်နိုင်ရေး စည်းရုံးဆောင်ရွက်ပေးကြစေလိုကြောင်း၊ အွန်လိုင်းမှတ်ပုံတင်ခြင်း အတွက် အင်တာနက်ရရှိသည့် မည်သည့်နေရာတွင်မဆို အွန်လိုင်းမှလျှောက်တားနိုင်ကြောင်း ( e. Com Reg System ) ကို ၂၀၂၂ ခုနစ် အောက်တိုဘာ (၂) ရက်နေ့တွင် စတင် အသုံးပြုခဲ့ကြောင်း၊မှတ်ပုံတင်သူများလိုက်နာရမည့်စည်းကမ်းချက်များအကြောင်း၊ လုပ်ငန်းရှင်မှ သိရှိလိုသည်များကို ‌မေးမြန်းခဲ့ပြီး ခရိုင်နှင့် မြို့နယ်တာဝန်ခံတို့မှ ပြန်လည် ရှင်းလင်းဆွေးနွေးခဲ့ကြောင်း သိရှိရပါသည်။

DOCA (မွန်)

              ၁၅.၁၁.၂၀၂၅ ရက်နေ့တွင် မုဒုံမြို့နယ်ရှိ ရေနံနှင့် ရေနံထွက်ပစ္စည်းဆိုင်ရာလုပ်ငန်းများ ထိန်းသိမ်းကြီးကြပ်ရေးဆပ် ကော်မတီ မြို့နယ်ထွေ/အုပ်မှ ဒုတိယမြို့နယ်အုပ်ချုပ်ရေးမှူး ဦးအောင်ထွန်းထွန်းနိုင် ဦးဆောင်၍ မြို့နယ်ရဲတပ်ဖွဲ့၊ မီးသတ်ဦးစီးဌာန၊ အခွန်ဦးစီးဌာန၊ စားသုံးသူဦးစီးဌာန၊ လျှပ်စစ်၊ လမ်းဦးစီးဌာန၊ မြို့နယ်စည်ပင်သာယာ ရေးအဖွဲ့နှင့် သက်ဆိုင်ရာရပ်ကွက်/ကျေးရွာအုပ်စု အုပ်ချုပ်ရေးမှူးများ ပါဝင်သော ပူးပေါင်းအဖွဲ့သည် ကျော်စံ၊ အာရှမွန်၊ Always၊ အပါးချမ်း စက်သုံးဆီဆိုင်များအား စစ်ဆေးခဲ့ရာ စက်သုံးဆီအရောင်းဆိုင်များအနေဖြင့် ပုံမှန်ရောင်းချလျက်ရှိကြောင်း စစ်ဆေးတွေ့ရှိရပြီး ပူးပေါင်း အဖွဲ့မှ ဆီလက်ကျန်အခြေအနေအား မြို့နယ်ကော်မတီ သို့ နေ့စဉ် သတင်း ပေးပို့ရန်၊ စက်သုံးဆီများအား ပေပါလိုက် ရောင်းချခြင်း မပြုရန်၊ စက်သုံးဆီဆိုင်များ ပုံမှန်ဖွင့်လှစ်ရောင်းချနိုင်ရေးဆောင်ရွက်ရန်နှင့် တရားမဝင်စက်သုံးဆီများ ရောင်းချခြင်း၊ သယ်ဆောင်ခြင်းများ မပြုလုပ်ရန် စက်သုံး ဆီဆိုင်လုပ်ငန်းရှင်များအား မှာကြားခဲ့ကြောင်း သိရှိနိုင်ပါရန် တင်ပြအပ်ပါသည်။

DOCA (မွန်)

             ၁၅.၁၁.၂၀၂၅ ရက်နေ့တွင်  မွန်ပြည်နယ် ဘီးလင်းမြို့နယ်တွင် စက်သုံးဆီရောင်းချ လျက်ရှိသော ဆီဆိုင်များအား ပုံမှန်စျေးနှုန်းအတိုင်း ရောင်းချခြင်းရှိ၊မရှိ ကွင်းဆင်း စစ်ဆေးခြင်းကို ယနေ့ နံနက်ပိုင်းမှစတင်ကာ တာဝန်ရှိသူများက စစ်ဆေးခဲ့ကြောင်း သိရသည်။

            အဆိုပါ စက်သုံးဆီဆိုင်များ သတ်မှတ်စျေးနှုန်းအတိုင်းရောင်းချခြင်း ရှိ၊မရှိ ကွင်းဆင်းစစ်ဆေးခြင်းကို မြို့နယ် ရေနံနှင့်ရေနံထွက်ပစ္စည်းဆိုင်ရာ လုပ်ငန်းများ ထိန်းသိမ်း ကြီးကြပ်ရေး ဆပ်ကော်မတီဥက္ကဌ ဦးစည်သူအောင်၊မြို့နယ် ရဲတပ်ဖွဲ့မှူး ရဲမှူး မင်းတင်နှင့် ကော်မတီအဖွဲ့ဝင်များ ပူးပေါင်း၍ မြို့ပေါ်ရပ်ကွက်အတွင်းရှိ စက်သုံးဆီ အရောင်း ဆိုင်များ ဖြစ်သော SOLO ဆီဆိုင် ၊DENKO ဆီဆိုင်၊ PUMAR ဆီဆိုင်၊ ROYAL ဆီဆိုင်နှင့် ပြည့်ဝ ဆီဆိုင်များသို့ သွာရောက်ကာ စက်သုံးဆီရောင်းချသည့် စျေးနှုန်းများစစ်ဆေးခြင်း၊ ရောင်းချဆီလီတာများ ပြည့်၊မပြည့် စစ်ဆေးခြင်းများကို ဆောင်ရွက်ခဲ့ကြပြီးစက်သုံးဆီ အသုံးပြုသူများ ဆီပြတ်တောက်မှုမရှိအောင် စနစ်တကျရောင်းချပေးရေးနှင့် လိုအပ်သည်များကို တာဝန်ရှိသူများအား ထပ်ဆင့်မှာကြားခဲ့ကြကြောင်း သိရသည်။

DOCA (မွန်)