သတင်းနှင့် လှုပ်ရှားမှုများ

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူပြည်သူများအတွက် ကုန်စည်နှင့်ဝန်ဆောင်မှုများ အသုံးပြုရာတွင် ဘေးအန္တရာယ်ကင်းရှင်းစေရေး၊ လုံခြုံစိတ်ချရမှုရှိစေရေးအတွက် တိုင်းဒေသကြီးဦးစီးမှူးရုံးမှ ထုတ်ကုန်လုံခြုံစိတ်ချမှုဌာနခွဲတာဝန်ခံ၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်း(၃)ဦးတို့မှ ဦးဆောင်၍ တိုင်းဒေသကြီးစက်မှုကြီးကြပ်ရေးနှင့် စစ်ဆေးရေးဦးစီးဌာန၊ တိုင်းဒေသကြီး လျှပ်စစ်အင်ဂျင်နီယာရုံး၊ မြို့နယ်စည်ပင်သာယာရေး အဖွဲတို့သည် ဩဂုတ်လ ၅ ရက်နေ့ နံနက် (၁၀:၀၀) နာရီအချိန်တွင် မုံရွာမြို့၊ ဘုရားကြီးရပ်ကွက်ရှိ “လွင်”လျှပ်စစ်ပစ္စည်းအရောင်းဆိုင်သို့ ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။  

    ထိုသို့ ဆောင်ရွက်ရာတွင် မုံရွာမြို့၊ ဘုရားကြီးရပ်ကွက်ရှိ “ လွင်” လျှပ်စစ်ပစ္စည်းအရောင်းဆိုင်တွင်  စားသုံးသူကာကွယ်ရေးဥပဒေပါ ကုန်အညွှန်းအမှတ်အသားနှင့် ပြည့်စုံမှုမရှိသော ကုန်စည်များ ရောင်းချနေခြင်း ရှိ/မရှိ ၊ မြန်မာနိုင်ငံစားသုံးသူကာကွယ်ရေးကော်မရှင် ညွှန်ကြားချက်အအမှတ် (၂/၂၀၁၉) လိုက်နာမှုရှိ/မရှိ စစ်ဆေးခဲ့ကြပြီး ဆိုင်ပိုင်ရှင်အား  စီးပွားရေးလုပ်ငန်းရှင်၏ တာဝန်များနှင့် ကုန်အညွှန်းအမှတ်အသားပြည့်စုံမှုမရှိသော ကုန်စည်များအား တင်သွင်းရောင်းချခြင်း မပြုကြရန်ပြောကြားခဲ့ပြီး လက်ကမ်းစာစောင်များ ပေးဝေခဲ့ကြောင်း သတင်းရရှိပါသည်။

DOCA(စစ်ကိုင်း)

       ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ စားအုန်းဆီရောင်းချလျက်ရှိသောဆိုင်များတွင် သတ်မှတ်ဈေးနှုန်းဖြင့် စားသုံးသူပြည်သူများ အလွယ်တကူဝယ်ယူရရှိနိုင်ရေး ဖြန့်ဖြူးရောင်းချခြင်းရှိ/မရှိ ဩဂုတ်လ(၃)ရက်နေ့၊ နံနက်(၁၁:၃၀)နာရီအချိန်တွင် တာဝန်ရှိသူများနှင့်ပူးပေါင်း၍ ကွင်းဆင်းစစ်ဆေးခဲ့ကြောင်းသိရသည်။

        ထိုသို့ကွင်းဆင်းစစ်ဆေးခဲ့ရာတွင် ခရမ်းမြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူများနှင့်ဝန်ထမ်းများ၊ မြို့နယ်ရဲတပ်ဖွဲ့မှ မြို့နယ်စခန်းမှူးနှင့်တပ်ဖွဲ့ဝင်များ၊ မြို့နယ်မီးသတ်ဦးစီးမှူး၊ မြို့နယ်စည်ပင်သာယာရေးအဖွဲ့မှ အမှုဆောင်အရာရှိနှင့်ဝန်ထမ်းများ၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများပူးပေါင်းအဖွဲ့သည် အမှတ်(၁၉)၊ ကမ်းနားလမ်း (၂)ရပ်ကွက်ရှိ ရွှေခြင်္သေ့ဆီဆိုင်၊ အမှတ်(၁၃) ကမ်းနားလမ်း(၂)ရပ်ကွက်ရှိ ဒေါ်ခင်သိန်းဆီဆိုင်၊ ရုံ(ဘီ) အမှတ်(၇) စည်ပင်သာယာမြို့မဈေးမှ ဦးအောင်ဝင်းဆီဆိုင်နှင့် ရုံ(အီး) အမှတ်(၁/၂၊ ၉/၁၀) စည်ပင်သာယာမြို့မဈေးမှ ဒေါ်မြသန်းဆီဆိုင်များ၏ စားအုန်းဆီ လက်လီ/ လက်ကားဖြန့်ဖြူးရောင်းချမှုအခြေအနေနှင့် ခရမ်းမြို့နယ်အတွင်းရှိ စားသုံးသူပြည်သူများ သတ်မှတ်ဈေးနှုန်းဖြင့် စားအုန်းဆီများကို အခက်အခဲမရှိဝယ်ယူစားသုံးနိုင်ရေးအတွက် စားအုန်းဆီကိုယ်စားလှယ်များအား သတ်မှတ်ခွဲတမ်းများခွဲဝေချထားပေးပြီးဖြစ်၍ ရရှိသည့်ဆီခွဲတမ်းအလိုက် အခြေခံလက်ကားရည်ညွှန်းဈေးအား ဒေသအရောက် သယ်ယူစရိတ်အပါ (၂)ရာခိုင်နှုန်းအမြတ်ထက်မပိုသောဈေးနှုန်းဖြင့် ဈေးကွက်အတွင်းဖြန့်ဖြူးရောင်းချပေးကြရန် အသိပညာပေးပြောကြားခဲ့ပြီးနောက် ဈေးကွက်အတွင်း ကွင်းဆင်းစစ်ဆေးခဲ့ကြကြောင်းသိရှိရပါသည်။

DOCA(ရန်ကုန်)

       ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ စားအုန်းဆီ လက်လီ/ လက်ကားအရောင်းဆိုင်များသို့ ညွှန်ကြားချက်နှင့်အညီ စားသုံးသူပြည်သူများ အလွယ်တကူဝယ်ယူရရှိနိုင်ရန် ဖြန့်ဖြူးရောင်းချနေခြင်းရှိ/မရှိကို ဩဂုတ်လ(၃)ရက်နေ့၊ နံနက်(၁၁:၀၀)နာရီအချိန်တွင် တာဝန်ရှိသူများက ကွင်းဆင်းစစ်ဆေးခဲ့ကြောင်းသိရသည်။

        ထိုသို့ကွင်းဆင်းစစ်ဆေးခဲ့ရာတွင် ကော့မှူးမြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်အုပ်ချုပ်ရေးမှူးနှင့်ဝန်ထမ်းများ၊ မြို့နယ်ရဲတပ်ဖွဲ့မှ ခေတ္တမြို့နယ်မှူးနှင့် တပ်ဖွဲ့ဝင်များ၊ မြို့နယ်စည်ပင်သာယာရေးအဖွဲ့မှ အမှုဆောင်အရာရှိနှင့်ဝန်ထမ်းများ၊ စားသုံးသူရေးရာဦးစီးဌာနမှ မြို့နယ်တာဝန်ခံတို့သည် ဗိုလ်ချုပ်လမ်း၊ ပြည်တော်သာရပ်ကွက်ရှိ ဦးမျိုးငြိမ်းဦးဆီဆိုင်၊ ဗိုလ်ချုပ်လမ်း ဆပုဂံကျေးရွာရှိ ဒေါ်မော်မော်ခိုင်ဆီဆိုင်များ၏ စားအုန်းဆီ လက်လီ/ လက်ကားဖြန့်ဖြူးရောင်းချနေမှုအခြေအနေနှင့် ကော့မှူးမြို့နယ်အတွင်းရှိ စားသုံးသူပြည်သူများဈေးနှုန်းမှန်ကန်စွာ စားအုန်းဆီများကို အခက်အခဲမရှိဝယ်ယူစားနိုင်ရေးအတွက် သတ်မှတ်ခွဲတမ်းများခွဲဝေချထားပေးပြီးဖြစ်၍ ရရှိသည့်ခွဲတမ်းအလိုက် အခြေခံလက်ကားရည်ညွှန်းဈေးအား ဒေသအရောက်သယ်ယူစရိတ်အပါ (၂)ရာခိုင်နှုန်းအမြတ်ထက်မပိုသောဈေးနှုန်းဖြင့် ဈေးကွက်အတွင်းဖြန့်ဖြူးရောင်းချပေးကြရန် အသိပညာပေးပြောကြားခဲ့ပြီးနောက် ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)

      ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၌ ဩဂုတ်လ(၂)ရက်နေ့၊ နံနက်(၁၀း၀၀) နာရီအချိန်တွင် စားသုံးသူရေးရာဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေး ပညာဦးစီးဌာန၊ အားကစားနှင့်လူငယ်ရေးရာဦးစီးဌာနနှင့် ပညာရေးဦးစီးဌာနတို့ပူးပေါင်းပြီး ကွမ်းခြံကုန်းမြို့နယ်ရှိ အ.ထ.က တော်ပန်းကျောင်း၌ အသိပညာပေးဟောပြောပွဲကျင်းပခဲ့ကြောင်းသိရသည်။

        ၎င်းအသိပညာပေးဟောပြောပွဲတွင် စားသုံးသူရေးရာဦးစီးဌာန၊ ကွမ်းခြံကုန်းမြို့နယ်တာဝန်ခံ ဒေါ်နွယ်နွယ်အေးက စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသားဆိုင်ရာသိကောင်းစရာများ၊ ကုန်စည်(သို့မဟုတ်)ဝန်ဆောင်မှုများကိုအသုံးမပြုမီ သတိထားရမည့်အချက်များ၊ စားသုံးသူပြည်သူများအနေဖြင့် နစ်နာဆုံးရှုံးမှုများရှိပါက တိုင်ကြားနိုင်မည့်နည်းလမ်းများ၊ Online စနစ်ဖြင့် ရောင်းချခြင်းလုပ်ငန်းများမှတ်ပုံတင်လက်မှတ်လျှောက်ထားခြင်းနှင့်ပတ်သက်၍ သိသင့်သိထိုက်သောအကြောင်းများကို အကျဉ်းချုပ်ဆွေးနွေးဟောပြောခဲ့ကြောင်းသိရသည်။ အဆိုပါဟောပြောပွဲတွင် ဆရာ/ဆရာမ၊ ကျောင်းသား/သူများ၊ စုစုပေါင်း (၁၁၀)ဦး တက်ရောက်ခဲ့ကြောင်းသိရှိရပါသည်။

DOCA(ရန်ကုန်)

      ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ စက်သုံးဆီအရောင်းဆိုင်များတွင် စက်သုံးဆီရောင်းချနေမှုအခြေအနေအားသိရှိစစ်ဆေးနိုင်ရန်အတွက် ဩဂုတ်လ(၁)ရက်နေ့၊ နေ့လယ်(၁၂း၃၀)နာရီအချိန်တွင် ပဲခူး-ရန်ကုန် ကားလမ်းမကြီးဘေးဝဲယာရှိ စက်သုံးဆီအရောင်းဆိုင်များ၌ စက်သုံးဆီရောင်းချမှုအခြေအနေအား ကွင်းဆင်းစစ်ဆေးခဲ့ကြောင်းသိရသည်။

        ထိုသို့ကွင်းဆင်းစစ်ဆေးခဲ့ရာတွင် ခရမ်းမြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ မြို့နယ်မီးသတ်ဦးစီးဌာနမှ မြို့နယ်ဦးစီးမှူး၊ မြို့နယ်ရဲတပ်ဖွဲ့မှူးနှင့် တပ်ဖွဲ့ဝင်များ၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများပူးပေါင်းအဖွဲ့သည် ပဲခူး-ရန်ကုန်ကားလမ်းမကြီးဘေးဝဲယာ အေးချမ်းသာယာ (၃)ရပ်ကွက်ရှိ Apex(ရတနာ)စက်သုံးဆီအရောင်းဆိုင်၌ ယာဉ်များတန်းစီစောင့်ဆိုင်းဝယ်ယူနေရခြင်းရှိ/မရှိ၊ ခွဲတမ်းအချိုးကျစနစ်ဖြင့်ရောင်းချခြင်းရှိ/မရှိ၊ အပြည့်အဝဖြန့်ဖြူးရောင်းချပေးနိုင်ခြင်းရှိ/မရှိတို့အား သွားရောက်ကွင်းဆင်းစစ်ဆေးခဲ့ရာ စက်သုံးဆီအရောင်းဆိုင်မှ တာဝန်ရှိသူများက မိမိတို့၏ဆီဆိုင်တွင် သတ်မှတ်ထားသည့်ခွဲတမ်းများကိုလည်း အချိန်မီထုတ်ယူရရှိနေသဖြင့် မည်သည့်စက်သုံးဆီအမျိုးအစားကိုမဆို အပြည့်အဝဖြန့်ဖြူးရောင်းချပေးလျက်ရှိကြောင်း၊ ယာဉ်များတန်းစီတိုး၍ ဝယ်ယူနေရသည့်အခြေအနေများမရှိကြောင်း ပြန်လည်ဖြေကြားခဲ့ပြီး ဆက်လက်၍ ဌာနဆိုင်ရာတာဝန်ရှိသူများက လက်ရှိဖြစ်ပေါ်နေသောအခြေအနေများအရ စက်သုံးဆီသိုလှောင်ကန်များတွင် စက်သုံးဆီရှိလျက် စက်သုံးဆီရောင်းချပေးခြင်းမရှိသော စက်သုံးဆီ အရောင်းဆိုင်များအား ဥပဒေနှင့်အညီ အရေးယူဆောင်ရွက်သွားရန်အတွက် မြို့နယ်စက်သုံးဆီစိစစ်ရေးအဖွဲ့အား ဖွဲ့စည်းဆောင်ရွက်လျက်ရှိကြောင်း အသိပညာပေးပြောကြားခဲ့ပြီး သတ်မှတ်ဈေးနှုန်းဖြင့် ရောင်းချနေခြင်း ရှိ/မရှိ၊ စက်သုံးဆီဆိုင်များတွင် တပ်ဆင်ထားသော CCTV များမှ ထိန်းချုပ်ထားမှုစနစ်ကောင်းမွန်မှုရှိ/မရှိနှင့် ဆီအမျိုးအစားအလိုက် လက်ကျန်စာရင်းတို့အား ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)