သတင်းနှင့် လှုပ်ရှားမှုများ

               ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်တွင် စားသုံးသူပြည်သူများ ဘေးအန္တရာယ်ကင်းရှင်းစွာ သောက်ရေသန့်များသောက်သုံးနိုင်ရန်အတွက်၊ ထုတ်ကုန်လုံခြုံစိတ်ချရမှုရှိစေရန်အတွက်  သောက်ရေသန့်စက်ရုံများကို ရှောင်တခင်ကွင်းဆင်းစစ်ဆေး ဆောင်ရွက်မှုလုပ်ငန်းကို အဖွဲ့စုံဖြင့် (၁.၁၁.၂၀၂၄) ရက်နေ့က ကွင်းဆင်းစစ်ဆေးခဲ့ကြောင်း သိရသည်။

               ထိုသို့ ကွင်းဆင်းစစ်ဆေးရာတွင်  ဧရာဝတီတိုင်းဒေသကြီး FDAအဖွဲ့၊ မြို့နယ်ကျန်းမာ၊ မြို့နယ်ထွေ/ အုပ်၊ မြို့နယ်စားသုံးသူရေးရာဦးစီးဌာန၊ မြို့နယ်ရဲတပ်ဖွဲ့၊ မြို့နယ်စည်/ပင်သာယာရေးအဖွဲ့ တို့ပါဝင်သော မြို့နယ်အစားအသောက်နှင့်ဆေးဝါးကွပ်ကဲရေးကော်မတီအဖွဲ့သည် ညောင်တုန်းမြို့နယ်တွင်း သောက်သုံးလျက်ရှိသော သောက်ရေသန့်များ ဘေးအန္တရာယ်ကင်းစွာအသုံးပြုနိုင်ရေး၊ ပြင်းထန်ဝမ်းပျက်ဝမ်းလျှောဖြစ်ပွားမှုကို ကြိုတင်ကာကွယ်ရာတွင် အထောက်အကူဖြစ်‌စေရန်အတွက် ညောင်တုန်းမြို့နယ်အတွင်းရှိ သောက်ရေသန့် စက်ရုံ(၉)ခုအား ရှောင်တခင်သွားရောက်စစ်ဆေးခဲ့ရာ FDA လက်မှတ် သက်တမ်းလွန် စက်ရုံ(၂)ခုနှင့် GMP နှင့်ကိုက်ညီမှုမရှိသည့်စက်ရုံ(၂)ခုအား ယာယီပိတ်သိမ်းခြင်းများဆောင်ရွက်ခဲ့ပါကြောင်းသိရပြီး သွားရောက်စစ်ဆေးခဲ့ဆောင်ရွက်မှုတွင် ယခုလို ရှောင်တခင်စစ်ဆေးမှုကိုဂရုပြုနိုင်ရန် လုပ်ငန်းရှင်များကို အသိပေးပြောကြားဆောင်ရွက်လာခဲ့ပြီး၊ ယခုလိုစစ်ဆေးမှုကို ဆက်လက်ဆောင်ရွက်နိုင်မည်ဖြစ်၍ သတိပြုလုပ်ကိုင်ဆောင်ရွက်ရန်နှင့် စစ်ဆေးမှုတွင် တွေ့ရှိချက်များကို လိုအပ်သောအရေးယူဆောင်ရွက်မှုကို ပြုလုပ်ခဲ့ကြောင်း သတင်းရရှိပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည်(၄.၁၁.၂၀၂၄)ရက်နေ့၊ နံနက်(၀၉:၀၀)အချိန်တွင် ဇလွန်မြို့၊ (၅)လမ်း၊ ညောင်ပင်ဈေးရပ်ကွက်ရှိ “ရွှေထီး”ငှက်ပျောကြော်လုပ်ငန်းအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

     ထိုသို့ ကွင်းဆင်းခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစွာအသုံးပြုနိုင်စေရန်၊  ထုတ်ကုန်များ လုံခြုံစိတ်ချရမှုရှိစေရန်၊  ကုန်စည်၏အမျိုးအမည်၊ အသားတင်ပမာဏ၊ ထားသိုသိမ်းဆည်းမှု အညွှန်းများအား မြန်မာဘာသာဖြင့် ဖော်ပြရန်နှင့်  ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ တို့ကိုစစ်ဆေးခဲ့ပြီး၊ သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊ ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်းစသည်တို့ကို အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

အခြေခံပညာကျောင်းနေရွယ်ကလေးများ စားသုံးသူအခွင့်အရေးနှင့် လိုက်နာရမည့်တာဝန်များကို လိုက်နာကျင့်သုံးရွေးချယ်တတ်စေရန် ကလေးများ စားသုံးသူကာကွယ်ရေးလုပ်ငန်းစဉ်များကို သိရှိနားလည်တတ်စေရန်၊ မိမိအခွင့်အရေးကို တောင်းဆိုတက်စေရန်အတွက် ဓနုဖြုမြို့နယ်၊ စားသုံးသူရေးရာဦးစီးဌာနနှင့် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ပူးပေါင်း၍ ဓနုဖြူ၊ အမှတ်(၆) (ဘီဘီအမ်)၊ အခြေခံပညာမူလတန်းကျောင်း၊ (၄)ရပ်ကွက် ရှိ ကျောင်းသား/ သူများကို (၄-၁၁-၂၀၂၄) ရက်နေ့၊ နံနက်(၁၀း၃၀) နာရီအချိန်၌ အသိပညာပေးဟောပြောပွဲပြုလုပ်ပေးခဲ့ကြောင်းသိရသည်။
အဆိုပါအသိပညာပေးဟောပြောပွဲတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ တာဝန်ရှိသူက ကလေးငယ်များအား မူးယစ်ဆေးဝါး၏ဆိုးကျိုးများ၊ မူးယစ်ဆေးဝါးအမျိုးအစားများအကြောင်းနှင့် ကျောင်းစာအပြင် ပြင်ပဗဟုသုတရရှိမည့် စာပေများကို လည်းလေ့လာရမည့်အကြောင်း နံရံကပ်စာစောင်နှင့် ဓာတ်ပုံပြပွဲများပြုလုပ်၍ အသိပညာပေးပြောကြားခဲ့သည်။
စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူးရုံးက တာဝန်ရှိသူက ကလေးငယ်များအား စားသုံးသူ၏အဓိပ္ပါယ်ဖွင့်ဆိုချက်၊ စားသုံးသူအခွင့်အရေး(၈)ချက်ဖြစ်သည့် စိတ်ကြိုက်ရွေးချယ်ခွင့်၊ ဘေး အန္တရာယ်ကင်းရှင်းစွာသုံးစွဲခွင့်၊ မှန်ကန်သောသတင်းအချက်အလက်များရရှိခွင့်၊ အခြေခံလိုအပ်ချက်များကို စိတ်ကျေနပ်မှုရရှိခွင့်၊ နစ်နာဆုံးရှုံးမှုများကိုတိုင်ကြားခွင့်၊ နစ်နာဆုံးရှုံးမှုများနှင့်စပ်လျဉ်း၍ ပါဝင်ကြားနာခွင့်၊ အသိပညာဗဟုသုတများ၊ အခွင့်အရေးများနှင့် လိုအပ်သောအချက်အလက်များသိရှိလေ့လာနိုင်ခွင့်၊ ကျန်းမာဝပြောသည့် ပတ်ဝန်းကျင်ကောင်းတွင် ရှင်သန်နိုင်ခွင့်တို့ကို ရှင်းလင်းဟောပြောခြင်း၊ ကျောင်းသား/ ကျောင်းသူများသည် အသင့်စားအစားအစာများကို ဝယ်ယူအသုံးပြုရာတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားသည့် အစားအစာများကို ရွေးချယ်ဝယ်ယူအသုံးပြုရန် နမူနာပစ္စည်းများဖြင့်ရှင်းလင်းခြင်း၊ သက်တမ်းကုန်ဆုံးရက်စွဲများကို သေချာသိရှိနားလည်စေရန် ပုံစံနမူနာပြသ၍ အပြန်အလှန်မေးမြန်းခြင်းတို့ဆောင်ရွက်ခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များပေးခဲ့ပါသည်။ ဟောပြောပွဲသို့ ကျောင်းသား/ ကျောင်းသူ(၁၅၈)ဦး၊ ဆရာ/ ဆရာမ(၆) ဦးတက်ရောက်ခဲ့ကြောင်းသိရပါသည်။
DOCA(ဧရာဝတီ)

ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တွင် ပြည်တွင်းကုန်သွဘ်မှုလုပ်ငန်းများဖွံ့ဖြိုးတိုးတက်စေရေး၊ MSMEs လုပ်ငန်းများဖွံ့ဖြိုးတိုးတက်စေရေးနှင့် အိမ်တွင်းလက်မှုလုပ်ငန်းအောင်မြင်ဖြစ်ထွန်းနိုင်စေရန် လုပ်ငန်းဆောင်ရွက်နှုနှင့် လုပ်ငန်းများထုတ်လုပ်မှုနှင့် လုပ်ငန်းလိုအပ်ချက်အခက်အခဲများရှိ/ မရှိကို မအူပင်ခရိုင်စားသုံးသူရေးရာဦးစီးဌာနက (၄-၁၁-၂၀၂၄)ရက်နေ့၊ နေ့လယ်(၁၃း၀၀)နာရီအချိန်၌ ကွင်းဆင်းမေးမြန်းလေ့လာခဲ့ကြောင်းသိရသည်။
ထိုသို့ကွင်းဆင်းလေ့လာရာတွင် မအူပင်သင်ဖျာလုပ်ငန်းရှင်များအသင်းစု၏ အတွင်းရေးမှုးနှင့်တွေ့ဆုံ၍ သင်ဖျာရက်လုပ်မှုလုပ်ငန်းပခြေအနေအဆင့်ဆင့်ကိုမေးမြန်းရာ သင်ကုန်ကြမ်းကို ပန်းတနော်မှဝယ်ယူ၍ ရက်လုပ်ကြောင်း၊ မအူပင်မြို့တွင် သင်ဖျာရောင်းချသောဆိုင် (၇)ဆိုင်ရှိကြောင်း၊ ပန်းတနော်မြို့နယ်ကဲ့သို့ လုပ်သားအင်အားများများဖြင့် လုပ်ငန်းကို လုပ်ကိုင်ဆောင်ရွက်မှု မရှိသော်လည်း မအူပင်သင်ဖျာအသင်းစုအဖွဲ့၏ တစ်နိုင်တစ်ပိုင်ရက်လုပ်သော လုပ်ငန်းသာဖြစ်ကြောင်၊ နှစ်တစ်နှစ်လုံးတွင် မိုးရာသီ၌ ထွက်ရှိမှုနည်းပါးကြောင်း၊ သင်ရက်လုပ်မှုအနေဖြင့် ကုန်ကြမ်း သင်မ (၆)ထောင်သင်ကို ဈေး ၃၅၀၀၀ကျပ်၊ ၅ထောင်ထွာသင်ပင် ၃၁၀၀၀ကျပ်၊ ၅ထောင်သင်ပင် ၂၉၀၀၀ကျပ်၊ ၄ထောင်ထွာသင်ပင် ၂၃၀၀၀ကျပ်၊ ၄ထောင်သင်ပင် ၂၀၀၀၀ကျပ်၊ ၃ထောင်ထွာသင်ပင် ၂၆၀၀၀ကျပ်ဖြင့်ဝယ်ယူရကြောင်း၊ ၆တောင်သင်ပင်စိတ်ခ ၃၀၀၀ကျပ်၊ ရက်ခအနေဖြင့် ၈၀၀၀ကျပ်၊ ၆တောင်သင်ပင်ကို ၂ချပ်ထွက်ရှိကြောင်းသိရသည်။ ရောင်းချမှုဈေးနှုန်းအနေဖြင့် ၆တောင်သင်ဖျာကို ၇၅၀၀၀ကျပ်၊ ၅တောင်ထွာဖျာ ၄၅၀၀၀ကျပ်၊ ၅တောင်ဖျာ ၄၀၀၀၀ကျပ်၊ ၄တောင်ထွာဖျာ ၃၈၀၀၀ကျပ်၊ ၄တောင်ဖျာ ၃၂၀၀၀ကျပ်၊ ၃ထောင်ဖျာ ၂၆၀၀၀ကျပ်ဖြင့်ရောင်းချကြောင်းသိရသည်။ တစ်နေထုတ်လုပ်နိုင်မှုအနေဖြင့် ဖျာချပ်အမျိုးမျိုး ၄၀ချပ်ထုတ်လုပ်နိုင်ကြောင်း၊ တစ်လကို ၁၂၀၀ချပ်ထွက်ရှိပြီး တစ်နှစ်ကို ၉၆၀၀ချပ်ထွက်ရှိကြောင်း၊ တစ်နှစ်ထုတ်လုပ်နိုင်မှုတန်ဖိုးအနေဖြင့် ပျမ်းမျှ (၇၂၀,၀၀၀,၀၀၀) ကျပ်ခန့်ရှိကြောင်း၊ မအူပင်မြို့သည် ပန်းတနော်ကဲ့သို့ လုပ်ငန်းဆောင်ရွက်မှုနည်းပါးသော်လည်း ရက်လုပ်သောသူများသည် အိမ်တွင်းတစ်နိုင်တစ်ပိုင်လုပ်ကိုင်ကြပြီး မိရိုးဖလာလုပ်ငန်းဖြစ်သောကြောင့် ဆက်လက်လုပ်ကိုင်နေပြီး လုပ်ငန်းအခက်အခဲအနေဖြင့် သင်ဖျာလုပ်ငန်းဖွံ့ဖြိုးတိုးတက်ရန် မတည်ရင်းနှီးငွေလိုအပ်နေခြင်း၊ လုပ်သားအင်အားရှားပါးခြင်း၊ လုပ်ငန်းနည်းပညာလိုအပ်ခြင်း၊ သင်ဖျာကြမ်းနှင့် သင်ဖျာချောနှစ်ချပ်ကိုချုပ်ရန်အတွက် အနားကွပ်ချုပ်သည့်အခါ လက်ဖြင့်သာချုပ်၍ လှိုင်းတွန့်အလှသည် စက်ဖြင့်ပြောင်းလဲချုပ်ရန် ထိရောက်မှုမရှိသည့်အတွက် သင်ဖျာချုပ်စက်များရှိပါက လုပ်ငန်းပိုမိုတွင်ကျယ်မည်ဖြစ်ကြောင်း၊ အိမ်တွင်းလက်မှုလုပ်ငန်းဖြစ်နေ၍ နှစ်ကြာသော မိရိုးဖလာလုပ်ငန်းဖြစ် သည့်အတွက် ဖျာကို လက်ဖြင့်ချုပ်မှသာ လှပသောလှိုင်းအနားတွန့်ထွက်ရှိပြီး သေသပ်သောဖျာတစ်ချပ်ရရှိကြောင်း၊ မအူပင်သင်ဖျာလုပ်ငန်းရှင်အသိစု၏ အတွင်းရေးမှူး၏ ပြောပြချက်အရသိရှိရပြီး စားသုံးသူရေးရာဦးစီးဌာန၊ ကွင်းဆင်းလေ့လာသူတာဝန်ရှိသူများက ယခုကဲ့သို့သော ပြောကြားချက်များကို သင်ဖျာလုပ်ငန်းဖွံ့ဖြိုးတိုးတက်ရန် လုပ်ငန်းလိုအပ်ချက်အခက်အခဲများကို သက်ဆိုင်ရာအထက်အဆင့်ဆင့်သို့ို့ပြပြီး ချိတ်ဆက်ဆောင်ရွက်သွားမည်ဖြစ်ကြောင်းနှင့် မိသားစု တစ်နိုင်တစ်ပိုင်လုပ်ငန်းများဖွံ့ဖြိုးတိုးတက်မှ ဆယ်နှစ်ရာသီရက်လုပ်ရသော လုပ်ငန်းဖြစ်သည့်အတွက် အပိုဝင်ငွေရရှိပြီး မိမိတို့ထုတ်လုပ်သောကုန်စည်များ အရည်အသွေးမြင့်မားသောကုန်စည်ဖြစ်စေရေး ပြည်ပဈေးကွက်ရရှိစေရေးတို့အတွက် ကူညီချိတ်ဆက်ဆောင်ရွက်သွားမည်ဖြစ်ကြောင်း ရှင်းလင်းပြောကြားခဲ့ကြောင်း သတင်းရရှိပါသည်။
DOCA(ဧရာဝတီ)

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မြန်အောင်မြို့နယ်ဦးစီးမှူးသည် ၂၀၂၄ ခုနှစ်၊ နိုဝင်ဘာလ(၄) ရက်၊ နံနက်(၀၉:၀၀) နာရီအချိန်တွင် မြန်အောင်မြို့နယ်၊ရုံးလမ်း၊ အမှတ်(၁) ရပ်ကွက်ရှိ မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင်  စက်မှုလုပ်ငန်းသုံး စားအုန်းဆီထုတ်ယူမည့် လုပ်ငန်းရှင်များနှင့် ညှိနှိုင်းအစည်းအဝေးပြုလုပ်ခြင်း ဆောင်ရွက်ခဲ့ပါသည်။

    အဆိုပါအစည်းအဝေးတွင် မြို့နယ်ဦးစီးမှူး ဦးမြင့်အောင်က စက်မှုလုပ်ငန်းသုံးဆီ ထုတ်ယူမည့် လုပ်ငန်းရှင်များအား မိမိတို့ထုတ်ယူရမည့် လုပ်ငန်းသုံးဆီများ ထုတ်ယူစေရေး၊ သတ်မှတ်ဈေးနှုန်းဖြင့် ရောင်းချပေးနေပြီဖြစ်ကြောင်း၊ မိမိတို့ရရှိသော လုပ်ငန်းသုံးစားအုန်းဆီများအား မိမိတို့ လုပ်ငန်းတွင်သာ အမှန်တစ်ကယ် ‌အသုံးပြုရန်၊ စီးပွားရေး လုပ်ငန်းရှင်၏ တာဝန်များအကြောင်း၊ တားမြစ်ချက်များနှင့် ပြစ်မှုပြစ်ဒဏ်များအကြောင်း၊ လုပ်ငန်းရှင်များအနေဖြင့်  ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်နှင့် သတ်မှတ်အရည်အသွေးပြည့်မီသော ကုန်စည်များကိုသာ ရောင်းချရန်စသည်တို့ကို အကျယ်တဝင့် ရှင်းလင်းဆွေးနွေးခဲ့ပါသည်။ လုပ်ငန်းရှင် (၂၀၀) ဦး တက်ရောက်ခဲ့ပြီး  အစည်းအဝေးကို နံနက် (၁၀:၃၀)အချိန်တွင် ရုပ်သိမ်းခဲ့ကြောင်း သိရှိရပါသည်။

DOCA(ဧရာဝတီ)