သတင်းနှင့် လှုပ်ရှားမှုများ

            စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒုခရိုင်ဦးစီးမှူး ဦးကျော်ခိုင်ပါ(၄)ဦး၊ မြို့နယ်ကျန်းမာရေးဦးစီးဌာနမှ ဒေါ်အိအိခိုင်(အမျိုးသမီးကျန်းမာရေး)၊ မြို့နယ်စည်ပင်သာယာအုပ် ချုပ်ရေးဦးစီးဌာနမှ ဦးစန်းမြင့်(ဒုအုပ်ချုပ်ရေးမှူး)တို့လိုက်ပါလျက် (၂၃.၇.၂၀၂၅)ရက်နေ့ နံနက် (၁၀:၅၀)နာရီအချိန်တွင် အစားအသောက်ဝန်ဆောင်မှုကဏ္ဍနှင့်ပတ်သက်ပြီး ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ ဆောင်ရွက်ခဲ့ရာတွင် Boss Bar စားသောက်ဆိုင်မှ တာဝန်ခံ ဦးအောင်မြင့်မြတ်ဆိုင်သို့ ရောက်ရှိခဲ့ရာ သန့်ရှင်းသပ်ရပ်မှုကို အဓိကဆောင်ရွက်ထားပြီး အစားအသောက်ချက်ပြုတ်သောနေရာတွင် သန့်ရှင်းသပ်ရပ်မှုရှိခြင်း၊ ဟင်းသီးဟင်းရွက်နှင့် သားငါးများကို သီးခြားစီခွဲထားပါကြောင်း၊ ဟင်းချက်ရာတွင်လည်း ဝတ်ဆင်ရမည့်အေပရွှန်၊ ခေါင်းစွပ်များကို သေချာစွာဝတ်ဆင်ထားပါကြောင်း၊ မီနူးတွင် ဈေးနှုန်းများမြင်သာအောင် ဖော်ပြထားခြင်း၊ အိုးခွက်ပုဂံများကိုလည်း (၅)ရက် (၁)ခါ ပိုးသတ်ဆေးဖြင့် ဆေးကြောခြင်း၊ အမှိုက်ပုံးများကိုလည်း စနစ်တကျဖုံးအုပ်ထားပါကြောင်း စစ်ဆေးတွေ့ရှိရကြောင်း သိရှိရပါသည်။

DOCA (ရန်ကုန်)

           (၂၃.၇.၂၀၂၅)ရက်နေ့ နံနက်(၁၀:၀၀)နာရီမှစ၍ စားသုံးသူရေးရာဦးစီးဌာန၊ မြောက်ပိုင်းခရိုင်ဦး စီးမှူးရုံးမှ ဒုခရိုင်ဦးစီးမှူး ဦးကျော်ခိုင်ပါ(၄)ဦး၊ ကျန်းမာရေးဦးစီးဌာနမှ(၁)ဦး၊ မြို့နယ်စည်ပင်သာယာ အုပ်ချုပ်ရေးရုံးမှ (၁)ဦးတို့သည် လှိုင်သာယာ(အနောက်ပိုင်း)မြို့နယ်ရှိ  သိန်းမေတ္တာ(၁)စားသောက် ဆိုင်သို့ ကွင်းဆင်းစစ်ဆေးခဲ့ပါသည်။

          ထိုသို့စစ်ဆေးခဲ့ရာတွင် သိန်းမေတ္တာ(၁)ဆိုင်ရှင် ဦးမြင့်ဇော်ဦးဆိုင်သို့ ရောက်ရှိခဲ့ရာ ချက်ပြုတ်သည့်နေရာများ သန့်ရှင်မှုမရှိခြင်း၊ သားငါး၊ ဟင်းသီးဟင်းရွက်များစနစ်တကျထားသိုမှုမရှိခြင်း၊ အမှိုက်ပုံးများ ဖုံးအုပ်မထားခြင်း၊ ဟင်းချက်စဉ် အေပရွှန်၊ ခေါင်းစွပ်တို့ကို မဝတ်ဆင်ထားခြင်း၊ မီးနူး စာရွက်များတွင် ဈေးနှုန်းများရေးထားခြင်း မရှိခြင်းတို့တွေ့ရှိရပြီး မိမိတို့ဌာနမှ အစားအသောက်သည် စားသုံးသူပြည်သူများအား ကျန်းမာရေးကို အဓိကကျသော အချက်ဖြစ်သောကြောင့် သန့်ရှင်းသပ်ရပ်စွာ ချက်ပြုတ်ရောင်းချရမည်ဖြစ်ကြောင်း၊ အမှိုက်ပုံးများကို စနစ်တကျဖုံးအုပ်ထားရန်၊ ဟင်းချက်စဉ် အသုံးပြုရမည့် ဝတ်စားဆင်ယင်မှုများကိုလည်း ပြုလုပ်ရမှာဖြစ်ကြောင်း ဈေးနှုန်းများကိုလည်း အများမြင်သာသောစာလုံးအရွယ်ဖြင့် ဖော်ပြရန်လိုအပ်ကြောင်း ဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူး ရုံးအနေဖြင့် စားသုံးသူကာကွယ်ရေး အသိပညာပေးဟောပြောပွဲများ၊  စီးပွားရေးလုပ်ငန်းရှင်များနှင့် တွေ့ဆုံပြီး ဥပဒေ၊ အမိန့်နှင့် ညွှန်ကြားချက်များအား ရှင်းလင်းဆွေးနွေးခြင်းများ ဆောင်ရွက်လျက် ရှိသည့်အပြင် ထုတ်ကုန်များလုံခြုံ စိတ်ချရမှုရှိစေရေးနှင့် ကုန်အညွှန်းအမှတ်အသားများ ပြည့်စုံစွာ ထည့်သွင်းဖော်ပြရေးအတွက် ဈေးကွက်စောင့်ကြည့်စစ်ဆေးခြင်းများကို လစဉ်ဆောင်ရွက်လျက်ရှိရာ ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူးဦးဆောင်၍ စားသုံးသူရေးရာဌာနခွဲတာဝန်ခံနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံတို့သည် (၂၂.၇.၂၀၂၅)ရက်နေ့၊ နံနက်(၁၁:၀၀)နာရီအချိန်တွင် ရွှေဘိုမြို့၊ အမှတ်(၃)ရပ်ကွက်ရှိ (မေခ)ကုန်မျိုးစုံရောင်းဝယ်ရေးဆိုင်ရှိ  စားသုံးဆီအမှတ်တံဆိပ် အမျိုးမျိုး အား ဈေးကွက်စောင့်ကြည့်စစ်ဆေးခဲ့ပါသည်။

     ထိုသို့ဈေးကွက်စောင့်ကြည့်စစ်ဆေးရာတွင် ဒု-ခရိုင်ဦးစီးမှူးက ဌာနအနေဖြင့် ထုတ်ကုန်များ လုံခြုံစိတ်ချရမှုရှိစေရေးအတွက် ဈေးကွက်ရောက်ပြီးကုန်စည်များအပြင် ဈေးကွက်မရောက်မီကုန်စည်များကိုလည်း ဈေးကွက်စောင့်ကြည့်စစ်ဆေးလျက်ရှိကြောင်း၊ စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်းအကြောင်းများ၊ ကုန်အညွှန်းအမှတ် အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါအကြောင်းများ၊ စားသုံးဆီနှင့်ပတ်သက်၍ ညွှန်ကြားချက်အမှတ်(၁/၂၀၂၁)ပါအကြောင်းများ၊ စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနမှဆောင်ရွက်နေသောလုပ်ငန်းများကို သိရှိလိုပါက ရုံးဖွင့်ရက်ရုံးချိန်အတွင်း Consumer Call Center No 1535သို့ ဆက်သွယ်မေးမြန်းနိုင်သည့် အကြောင်းများကို ရှင်းလင်းဆွေးနွေးခဲ့ကြကြောင်း သတင်းရရှိပါသည်။

DOCA(စစ်ကိုင်း)

  စားသုံးသူရေးရာဦးစီးဌာန၊ မန္တလေးတိုင်းဒေသကြီးအနေဖြင့် ပြည်သူများအား စားသုံးသူ အခွင့်အရေး အပြည့်အဝရရှိစေရန်နှင့် စားသုံးသူကာကွယ်ရေးဆိုင်ရာ အကြောင်းအရာများ  ပိုမိုသိရှိ စေရန်အတွက် အသိပညာပေးဟောပြောပွဲများကျင်းပြုလုပ်လျက်ရှိရာ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ ဒေါ်အိအိထွေး၊ ဦးစီးအရာရှိ၊ ဦးတင်ချစ်ကောင်း၊ ဦးစီးအရာရှိ နှင့်အဖွဲ့သည် ၁၁.၇.၂၀၂၅ရက် (သောကြာနေ့) နံနက်(၁၀:၃၀)အချိန်၌ မန္တလေးတိုင်းဒေသကြီး၊ မဟာအောင်မြေခရိုင်၊ ချမ်းအေးသာစံမြို့နယ်ရှိ အ.ထ.က(၁၂)တွင် တက်ရောက်ပညာ သင်ကြားလျက်ရှိသော ကျောင်းသား/ကျောင်းသူများအား စားသုံးသူကာကွယ်ရေးဆိုင်ရာ အသိပညာဗဟုသုတများ တိုးပွားလာစေရန်၊ စားသုံးသူအခွင့်အရေးများသိရှိပြီးနားလည်ပြီး အခွင့်အရေး အပြည့်အဝရရှိစေရန်၊ စားသုံးသူနစ်နာဆုံးရှုံးမှုနှင့်ပတ်သက်၍ ကုစားခွင့်ရရှိစေရန်နှင့် တိုင်ကြား နိုင်သည့် နည်းလမ်းများသိရှိစေရန်အတွက် စားသုံးသူကာကွယ်ရေးအသိပညာပေး ဟောပြော ဆွေးနွေးခဲ့ပါသည်။

   အဆိုပါဟောပြောဆွေးနွေးပွဲသို့ ဆရာ/ဆရာမ (၇)ဦး၊ ကျောင်းသား/ကျောင်းသူ ၂၀၀ ခန့် တက်ရောက်ခဲ့ပြီး ကျောင်းသား/ကျောင်းသူများအား စားသုံးသူနစ်နာဆုံးရှုံးမှုများရှိလာပါက စားသုံးသူရေးရာဦးစီးဌာနသို့ အလွယ်တကူဆက်သွယ်နိုင်ရန် ၁၅၃၅သို့ ဖုန်းခေါ်ဆိုခြင်းများအား လက်တွေ့ဆောင်ရွက်ခဲ့ပါသည်။ ၎င်းနောက် ကျောင်းတွင်းရှိ ကျောင်းမုန့်ဈေးတန်းသို့ သွားရောက်ပြီး ထုတ်ကုန်လုံခြုံစိတ်ချရမှုရှိစေရေးအတွက် ရောင်းချလျက်ရှိသော မုန့်ပဲသရေစာများအား ကုန်အညွှန်း အမှတ်အသားဖော်ပြရာတွင်ပါဝင်ရမည့်အချက်များနှင့် ကိုက်ညီမှုရှိမရှိစစ်ဆေးခဲ့ပြီး ကုန်အညွှန်း အမှတ်အသားပြည့်စုံစွာဖော်ပြထားသည့် အစားအစာများကိုသာ ရွေးချယ်ရောင်းချစေရေး အသိပညာ ပေးဆောင်ရွက်ခဲ့ကြောင်းသိရှိရပါသည်။

DOCA(မန္တလေး)

  စားသုံးသူရေးရာဦးစီးဌာန၊ ကျောက်ဆည်ခရိုင်ဦးစီးမှူးရုံး၌ မန္တလေးတိုင်းဒေသကြီး ဆန်စက် လုပ်ငန်းရှင်များအသင်း ၂၀၂၅ - ၂၀၂၈ သက်တမ်းကာလအတွက် အမှုဆောင်အဖွဲ့ဝင်များ ပြန်လည် ရွေးချယ်နိုင်ရေးအတွက် ကျောက်ဆည်မြို့နယ်၊ဆန်စက်လုပ်ငန်းရှင်များအသင်း ပြန်လည်ဖွဲ့စည်းမှု အခမ်းအနားအား ဇူလိုင်လ(၁၆)ရက်နေ့တွင် ကျင်းပပြုလုပ်ခဲ့ပါသည်။ ကျောက်ဆည်ခရိုင်ဦးစီးမှူးက ပြောကြားရာတွင် မြန်မာနိုင်ငံဆန်စက်ပိုင်ရှင်များအသင်း၏ လက်ရှိအမှုဆောင်အဖွဲ့ဝင်များသည် ၂၀၂၅ခုနှစ်၊ဇူလိုင်လတွင် (၃)နှစ်သက်တမ်း ပြည့်မည်ဖြစ်ပါသဖြင့် ၂၀၂၅ - ၂၀၂၈ သက်တမ်းကာလ အတွက် အမှုဆောင်အဖွဲ့ဝင်များကို ပြန်လည်ရွေးချယ်ဖွဲ့စည်းရခြင်းဖြစ်ကြောင်း၊အသင်းအဝင်များ အကျိုးအတွက် စိတ်အားထက်သန်စွာဆောင်ရွက်‌ပေးနိုင်မည့် အမှုဆောင်ကိုယ်စားလှယ်များကို အများဆန္ဒနှင့်အညီ ‌ရွေးချယ်ဖွဲ့စည်းသွားမည်ဖြစ်ကြောင်းပြောကြားခဲ့ပါသည်။ထို့နောက် ဆန်စက် လုပ်ငန်းရှင်များအသင်း ဥက္ကဌ ဦးကြည်လွင်မှ ဆန်စက်လုပ်ငန်းရှင်များအသင်း ဖွဲ့စည်းရခြင်း၏ ရည်ရွယ်ချက်များကိုအကျယ်တဝင့်ပြောကြားခဲ့ပြီး ကျောက်ဆည်မြို့နယ်ဆန်စက်လုပ်ငန်းရှင်များ အသင်းပြန်လည်ဖွဲ့စည်းနိုင်ရေးအတွက် တက်ရောက်လာသော ဆန်စက်လုပ်ငန်းရှင်(၂၉)ဦး၏ သဘောတူညီချက်အရ ကျောက်ဆည်မြို့နယ်ဆန်စက်လုပ်ငန်းရှင်များအသင်းအား အလုပ်အမှုဆောင် (၉)ဦးဖြင့် ဖွဲ့စည်းခဲ့ကြောင်း  သတင်းရရှိပါသည်။

DOCA(မန္တလေး)