သတင်းနှင့် လှုပ်ရှားမှုများ

ကံမမြို့ရှိ ဆေးနှင့်ဆေးပစ္စည်းအရောင်းဆိုင်များအား ဈေးကွက်စောင့်ကြည့်စစ်ဆေး

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် သရက်ခရိုင်ဦးစီးမှူးရုံးမှ ဝန်ထမ်းနှင့် ကံမ မြို့နယ်တာဝန်ခံ ဒု-ဦးစီးမှူး ဒေါ်နွဲ့ယဉ်ဝင်းသည် (၇-၃-၂၀၂၄)ရက်နေ့၊ နံနက်(၀၉:၀၀)နာရီအချိန်တွင် ကံမမြို့၊ မြို့ပေါ်ရပ်ကွက်များရှိ ဆေးနှင့်ဆေးပစ္စည်းအရောင်းများသို့ သရက်ခရိုင်၊ အစား အသောက်နှင့်ဆေး၀ါးကွပ်ကဲရေးဦးစီးဌာန (FDA) နှင့်အတူ မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ကျန်းမာရေးဦးစီးဌာန၊ မြန်မာနိုင်ငံရဲတပ်ဖွဲ့နှင့်ပြန်ကြားရေးနှင့် ပြည်သူ့ ဆက်ဆံရေးဦးစီးဌာနပါဝင်သောအဖွဲ့ဖြင့် ဆေးနှင့်ဆေးပစ္စည်းများအား ဈေးကွက်စောင့်ကြည့်စစ်ဆေးခဲ့ကြပါသည်။

ထိုသို့စစ်ဆေးရာတွင် မိတ်ဖက်ဌာနဆိုင်ရာတာဝန်ရှိသူများသည် ဆေးနှင့်ဆေးဝါးပစ္စည်းအရောင်းဆိုင်များ၌ လုပ်ငန်းရှင်များအား ဆေးဝါးများဈေးနှုန်းမြှင့်တင်ရောင်းချမှုမရှိစေရေး၊ ဆေးဝါးပစ္စည်းများကို ဈေးနှုန်းမြှင့်တင်ဖြန့်ဖြူးရောင်းချမှုမရှိစေရေး၊ ဈေးကစားရန်ရည်ရွယ်၍ သိုလှောင်ထားခြင်းများမရှိစေရေး၊ မှတ်ပုံတင်ထားခြင်းမရှိသောဆေးဝါးများ၊ သက်တမ်းလွန်ဆေးဝါးများကိုရောင်းချခြင်းမပြုရန် အသိပညာပေးပြောကြားခဲ့ပြီး ကံမမြို့နယ်တာဝန်ခံ ဒုတိယဦးစီးမှူး ဒေါ်နွဲ့ယဉ်ဝင်းက ရောင်းချသည့်လုပ်ငန်းရှင်များအား မြန်မာနိုင်ငံစားသုံးသူ ကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ် (၂/၂၀၁၉)အရ ကုန်စည်အုပ်စု(၈)အုပ်စုအနက် ကုန်စည်အုပ်စု(င)တွင်ပါရှိသည့် ပြည့်စုံစွာပါဝင်ရမည့် ဆေးဝါးနှင့်ဖြည့်စွက်စာများး၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများကို ထည့်သွင်းဖော်ပြထားသည့် ဆေးဝါးများကိုသာရောင်းချရန် အသိပညာပေးဆွေးနွေးပြောကြားခဲ့ကြောင်းသိရှိရပါသည်။

DOCA(မကွေး)

ကျွန်းလှမြို့၊ သစ်ရာမြိုင်ဈေးရှိ ကုန်မျိုးစုံရောင်းဝယ်ရေးဆိုင်အား ဈေးကွက်စောင့်ကြည့်စစ်ဆေး

သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ်တာဝန်ခံရုံးအနေဖြင့် စားသုံးသူပြည်သူများဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်းများဆောင်ရွက်လျက်ရှိရာ ၂၀၂၄ခုနှစ်၊ မတ်လ(၁၁)ရက်နေ့၊ နံနက် (၀၉း၀၀)နာရီအချိန်တွင် ကျွန်းလှမြို့၊ သစ်ရာမြိုင်ဈေးအတွင်းရှိ ကိုစိုး+မလဲ့ ကုန်မျိုးစုံရောင်းဝယ်ရေးဆိုင်အား မြို့နယ်အထွေထွေအုပ်ချုပ်ရေးဦစီးဌာနမှ ဒု-ဦးစီးမှူး ဒေါ်ယွန်းမီမီထွန်း၊ ကျွန်းလှမြို့နယ်ရဲတပ်ဖွဲ့မှ ဒု-ရဲအုပ် သော်တာလမင်းနှင့်ဝန်ထမ်းများ၊ မြို့နယ်စည်ပင်သာယာရေးအဖွဲ့မှ ဒု-ဦးစီးမှူး ဦးမင်းကျော့မောင်နှင့် စားသုံးသူရေးရာဦးစီးဌာန၊ ကျွန်းလှမြို့နယ်တာဝန်ခံ ဒေါ်ဝေဝေအောင်တို့ပူးပေါင်းကာ ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြောင်းသိရှိရပါသည်။

ထိုသို့ဈေးကွက်စောင့်ကြည့်စစ်ဆေးရာတွင် ကုန်မျိုးစုံရောင်းဝယ်ရေးဆိုင်၌ရောင်းချနေသော ကုန်ပစ္စည်းများတွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)နှင့်အညီ ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသားဖော်ပြရမည့် အသေးစိတ်စိစစ်ချက်များအတိုင်း ပြည့်စုံစွာထည့်သွင်းဖော်ပြထားခြင်းရှိ/မရှိနှင့် သက်တမ်းလွန်ကုန်စည်များရောင်းချနေခြင်းရှိ/မရှိ မိတ်ဖက်ဌာနများနှင့်ပူးပေါင်းကာ လစဉ်လျာထားချက်များသတ်မှတ်ပြီး ဈေးကွက်စောင့်ကြည့်စစ်ဆေးခြင်းများကို စဉ်ဆက်မပြတ်ဆောင်ရွက်လျက်ရှိကြောင်း၊ ကုန်မျိုးစုံရောင်းချသည့် စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များကို သိရှိနားလည်ထားရန်လိုအပ်ကြောင်း၊ စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားနှင့်ပတ်သက်၍ စားသုံးသူရေးရာဦးစီးဌာန၏ အတည်ပြုချက်ရယူနိုင်ရေး ဆောင်ရွက်ကြရန်နှင့် မိမိတို့စားသုံးသူရေးရာဦးစီးဌာနအနေဖြင့် ကုန်အညွှန်းအမှတ်အသားလျှောက်ထားရာတွင် အခမဲ့ကူညီဆောင်ရွက်ပေးပါကြောင်း၊ ကုန်အညွှန်းအမှတ်အသား ပြည့်စုံသော၊ သက်ဆိုင်ရာဌာန၏ ထောက်ခံချက်ပါရှိသော ကုန်စည်များကိုသာရောင်းချရန်နှင့် ကုန်ပစ္စည်းများလာရောက်ပို့ဆောင်သူများကို ကုန်အညွှန်းအမှတ်အသားပြည့်စုံစွာထည့်သွင်း ဆောင်ရွက်ပေးရန် ပြန်လည်ကူညီပြောကြားပေးရန်လိုအပ်ကြောင်း၊ ဥပဒေပါ စီးပွားရေးလုပ်ငန်းရှင်၏တာဝန်များနှင့် လိုက်နာရမည့်အချက်များအကြောင်းကို အသိပညာပေးဆွေးနွေးခဲ့ပြီး ဌာန၏ ဥပဒေနှင့် ညွှန်ကြားချက်များပါရှိသော အသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)

မွေးမြူရေးအစာစက်ရုံလုပ်ငန်းရှင်အား တွေ့ဆုံဆွေးနွေး

သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးအသိပညာပေးဟောပြောပွဲများအပြင် စီးပွားရေးလုပ်ငန်းရှင်များနှင့်တွေ့ဆုံပြီး ဥပဒေ၊ အမိန့်နှင့်ညွှန်ကြားချက်များကို ရှင်းလင်းဆွေးနွေးခြင်းများဆောင်ရွက်လျက်ရှိရာ (၁၁-၃-၂၀၂၄)ရက်နေ့၊ နေ့လယ်(၁၁:၃၀)နာရီအချိန်တွင် ရွှေဘိုခရိုင်၊စားသုံးသူရေးရာဦးစီးဌာနမှ ခရိုင်ဦးစီးမှူးက ရွှေဘိုစက်မှုဇုံရှိ KT မွေးမြူရေးအစာစက်ရုံလုပ်ငန်းရှင်အား တွေ့ဆုံဆွေးနွေးခဲ့ပါသည်။

ထိုသို့တွေ့ဆုံဆွေးနွေးရာတွင် ရွှေဘိုခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူးက ပြည်တွင်းထုတ်ကုန်ပစ္စည်းများဖြစ်သည့် စားသောက်ကုန်ပစ္စည်း၊ လူသုံးကုန်ပစ္စည်းနှင့် စက်မှုလုပ်ငန်းသုံးပစ္စည်းများထုတ်လုပ်သည့် စက်ရုံများသို့ ကုန်ကြမ်းပစ္စည်းများပြတ်လပ်မှုရှိ/မရှိ ကွင်းဆင်းစစ်ဆေးခြင်းဖြစ်ကြောင်း၊ KTမွေးမြူရေးအစာစက်ရုံအနေဖြင့် ငါးမွေးမြူရေးအစာတောင့်များထုတ်လုပ်ကြောင်းသိရှိရသဖြင့် ကုန်ကြမ်းပစ္စည်းများပြတ်လပ်မှုရှိ/မရှိ၊ ဈေးနှုန်း၊ ဈေးကွက်၊ လုပ်သားသုံးစွဲမှု၊ ကုန်ချောထုတ်လုပ်နိုင်မှုနှင့် တွေ့ကြုံရသည့်အခက်အခဲများကို မေးမြန်းဆွေးနွေးခဲ့ပြီး ဌာန၏ ဆောင်ရွက်လျက်ရှိသောလုပ်ငန်းများ၊ ဌာန၏မျှော်မှန်းချက်၊ ရည်မှန်းချက်များအကြောင်း၊ စားသုံးသူအခွင့်အရေးနှင့် လိုက်နာရမည့်တာဝန်များ၊ စီးပွားရေးလုပ်ငန်းရှင်၏တာဝန်များ၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများ၊ ဌာနနှင့်သက်ဆိုင်သော အကြောင်းများကို မေးမြန်းစုံစမ်းနိုင်သည့် Consumer Call Center အကြောင်းများကို အသေးစိတ်ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

မုံရွာမြို့၊ မြို့သစ်ရပ်ကွက်ရှိ လူသုံးကုန်နှင့် စားသောက်ကုန်ပစ္စည်းအရောင်းဆိုင်များအား ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူပြည်သူများ ကုန်စည်နှင့်ဝန်ဆောင်မှုများကို ဝယ်ယူအသုံးပြုရာတွင် ဘေးအန္တရာယ်ကင်းရှင်းစေရေး၊ လုံခြုံစိတ်ချရမှုရှိစေရေးအတွက် အစဉ်ဆောင်ရွက်လျက်ရှိပါသည်။ စားသုံးသူများအတွက် လုံခြုံစိတ်ချရမှုမရှိသောကုန်စည်များ၊ စားသုံးသူကာကွယ်ရေးဥပဒေ (၂၀၁၉)၊ အခန်း(၁၈)၊ ပုဒ်မ ၄၁ပါ ကုန်အညွှန်းအမှတ်အသားများနှင့်ပြည့်စုံမှုမရှိသော ကုန်စည်များကိုထုတ်လုပ်ဖြန့်ဖြူးခြင်း၊ ဈေးကွက်အတွင်း တင်သွင်းရောင်းချခြင်းမရှိစေရန်ရည်ရွယ်၍ မုံရွာခရိုင် ဦးစီးမှူးရုံးမှ ဒု-ခရိုင်ဦးစီးမှူးဦးဆောင်၍ ဝန်ထမ်း(၂)ဦးတို့သည် (၁၂-၃-၂၀၂၄) ရက်နေ့၊ နံနက်(၁၀:၀၀)နာရီအချိန်တွင် မုံရွာမြို့၊ မြို့သစ်ရပ်ကွက်ရှိ လူသုံးကုန်နှင့် စားသောက်ကုန်ပစ္စည်းအရောင်းဆိုင်များသို့သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

ထိုသို့ဆောင်ရွက်ရာတွင် မုံရွာမြို့၊ မြို့သစ်ရပ်ကွက်ရှိ လူသုံးကုန်နှင့် စားသောက်ကုန်ပစ္စည်းအရောင်းဆိုင်များ၌ ရောင်းချနေသော ကုန်ပစ္စည်းများတွင် ကုန်အညွှန်းအမှတ်အသားဖော်ပြချက်ပြည့်စုံမှုရှိ/မရှိစစ်ဆေးခဲ့ရာ ကုန်အညွှန်းအမှတ်အသားပြည့်စုံမှုမရှိသော ကုန်စည်များမရှိကြောင်းစစ်ဆေးတွေ့ရှိရပါသည်။ ၎င်းနောက် ဆိုင်ပိုင်ရှင်များအား စီးပွားရေးလုပ်ငန်းရှင်၏တာဝန်များနှင့် ကုန်အညွှန်းအမှတ်အသားပြည့်စုံမှုမရှိသော ကုန်စည်များအား တင်သွင်းရောင်းချခြင်းမပြုကြရန်ပြောကြားခဲ့ပြီး ကုန်အညွှန်းအမှတ်အသားဖော်ပြခြင်းဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)

ကမ္ဘာ့စားသုံးသူအခွင့်အရေးများနေ့အထိမ်းအမှတ် အသိပညာပေး Talk Show ကျင်းပပြုလုပ်

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူးသည် (၈-၃-၂၀၂၄) ရက်နေ့၊ နေ့လယ် (၁၃:၀၀)နာရီအချိန်တွင် ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြု (Community Center)ခန်းမ၌ ကမ္ဘာ့စားသုံးသူအခွင့်အရေးများနေ့အထိမ်းအမှတ် အသိပညာပေး Talk Show ကျင်းပပြုလုပ်ခဲ့ကြောင်းသိရှိရပါသည်။

စားသုံးသူရေးရာဦးစီးဌာန၊ ခရိုင်ဦးစီးမှူး ဒေါ်ဇင်မာဦးက စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ကမ္ဘာ့စားသုံးသူအခွင့်အရေးများနေ့ပေါ်ပေါက်လာပုံ၊ မြန်မာနိုင်ငံ တွင် ကမ္ဘာ့စားသုံးသူအခွင့်အရေးများနေ့ကို “ပဋိဇီဝဆေးအန္တရာယ်ဘေး အစားအစာမှ ဖယ်ရှားပေး” ဆောင်ပုဒ်ဖြင့် ၂၀၁၆ခုနှစ်၊ မတ်လ(၁၅) ရက်နေ့မှစတင်၍ ကျင်းပခဲ့ကြောင်း၊ နှစ်စဉ်မတ်လ (၁၅) ရက်နေ့ရောက်ရှိတိုင်း ကမ္ဘာ့စားသုံးသူအခွင့်အရေးများနေ့အထိမ်းအမှတ် ဆောင်ပုဒ်များသတ်မှတ်ခဲ့ပြီး ကျင်းပခဲ့ကြောင်း၊ ၂၀၂၄ခုနှစ်၊ မတ်လ(၁၅) ရက်နေ့တွင်ကျရောက်မည့် ကမ္ဘာ့စားသုံးသူအခွင့်အရေးများနေ့အထိမ်းအမှတ်ဆောင်ပုဒ်မှာ“မျှတအလေးမူ တာဝန်ယူ စားသုံးသူအကျိုးပြု ဉာဏ်ရည်တု”( Fair and Responsible AI for Consumers) ဖြစ်ကြောင်းနှင့် ဆောင်ပုဒ်၏ ရည်ရွယ်ချက်များအကြောင်း၊ ဆောင်ပုဒ်တွင်ပါဝင်သော AI ၏အဓိပ္ပါယ်အကြောင်း၊ AI ၏အကျိုးကျေးဇူးများနှင့် စိန်ခေါ်မှုများအကြောင်းကိုပြောကြားခဲ့ပြီး လုပ်ငန်းရှင်များကလည်း မိမိတို့၏ ကုန်စည်/ ဝန်ဆောင်မှုများကို AI နည်းပညာဖြင့် စားသုံးသူများအား အကျိုးပြုစေရန် ဆွေးနွေးသွားခဲ့ကြောင်းသိရှိရပါသည်။

DOCA(စစ်ကိုင်း)

စားသုံးသူကာကွယ်ရေးအသိပညာပေး Talk Show ကျင်းပပြုလုပ်

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ဘုတလင်မြို့နယ်၊ စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ လူထုအခြေပြု (Community Center) ခန်းမ၌ (၁၁-၃-၂၀၂၄) ရက်နေ့၊ နေ့လယ် (၁၃:၀၀) နာရီအချိန်တွင် စားသုံးသူကာကွယ်ရေးအသိပညာပေး Talk Show ကျင်းပပြုလုပ်ခဲ့ကြပါသည်။

အဆိုပါဆွေးနွေးပွဲတွင် ဘုတလင်မြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့နယ်ဦးစီးမှူးက အဖွင့်မိတ်ဆက်စကားပြောကြားခဲ့ပြီး ဘုတလင်မြို့နယ်၊ စားသုံးသူရေးရာ ဦးစီးဌာန၊ မြို့နယ်တာဝန်ခံက စားသုံးသူကာကွယ်ရေးဥပဒေပါအကြောင်းအရာများ၊ ကုန်စည်များတွင် ဖော်ပြပါရှိရမည့် ကုန်အညွှန်းအမှတ်အသားများကို ပြည့်စုံမှန်ကန်စွာဖော်ပြနိုင်ရေး၊ စားသုံးသူရေးရာဦးစီးဌာန၏ လက်ရှိဆောင်ရွက်လျက်ရှိသော လုပ်ငန်းများနှင့်ပတ်သက်၍ ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

ကျွန်းလှမြို့နယ်ရှိ စက်သုံးဆီဆိုင်များအား ကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်အတွင်းရှိ စက်သုံးဆီဆိုင်များအနက် စားသုံးသူရေးရာဦးစီးဌာန၊ ကျွန်းလှမြို့နယ်တာဝန်ခံ ဒေါ်ဝေဝေအောင်သည် ၂၀၂၄ခုနှစ်၊ မတ်လ (၁၃) ရက်နေ့၊ နံနက်(၀၉း၃၀)နာရီအချိန်တွင် “KKH” စက်သုံးဆီဆိုင်သို့သွားရောက် ကွင်းဆင်းစစ်ဆေးခဲ့ပါသည်။

ထိုသို့ကွင်းဆင်းစစ်ဆေးရာတွင် မြို့နယ်အတွက် စက်သုံးဆီပြတ်လတ်မှုမရှိစေရေး၊ စက်သုံးဆီဈေးနှုန်းများမြှင့်တင်ရောင်းချခြင်းမပြုရန်နှင့် စက်သုံးဆီတင်သွင်းဖြန့်ဖြူးရောင်းချနေမှု အခြေအနေ၊ စက်သုံးဆီပြတ်လတ်မှုရှိ/မရှိ၊ (PPRD) စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ နေ့စဉ်သတ်မှတ်ထုတ်ပြန်ထားသော စက်သုံးဆီရည်ညွှန်း ဈေးနှုန်းအတိုင်း ရောင်းချမှုရှိ/ မရှိ၊ အချင်အတွယ်နှင့် အလေးချိန်မှန်ကန်မှုရှိ/မရှိ၊ စက်သုံးဆီမြေပြင်လက်ကျန်အခြေအနေတို့ကိုစစ်ဆေးရာ သတ်မှတ်ရည်ညွှန်းဈေးနှုန်းအတိုင်း ရောင်းချလျက်ရှိပြီး အချင်အတွယ်မှန်ကန်ကြောင်း စစ်ဆေးတွေ့ရှိရပါသည်။ စက်သုံးဆီလုပ်ငန်းရှင်အနေဖြင့် တရားမဝင်စက်သုံးဆီ၊ ချောဆီများတင်သွင်းဖြန့်ဖြူးရောင်းချနေခြင်းကို စိစစ်တွေ့ရှိရပါက အရေးယူဆောင်ရွက်သွားမည်ဖြစ်ကြောင်းနှင့် ပြည်သူများ အဆင်ပြေချောမွေ့စွာဝယ်ယူနိုင်ရေးအတွက် စက်သုံးဆီအရောင်းဆိုင်များ၌ စက်သုံးဆီပြတ်လတ်မှုမရှိစေရေးနှင့် ပုံမှန်ဖွင့်လှစ်ရောင်းချနိုင်ရေးနှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များလိုက်နာဆောင်ရွက်ရမည့် တာဝန်များအကြောင်းကိုရှင်းလင်းပြောကြားပြီး စားသုံးသူကာကွယ်ရေးဥပဒေပါ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(စစ်ကိုင်း)

စားသုံးသူအသိပညာပေးရေးလုပ်ငန်းများ ပိုမိုဖွံ့ဖြိုးတိုးတက်လာစေရန် ရည်ရွယ်၍ ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးခန်းမတွင် စားသုံးသူကာကွယ်ရေးဆိုင်ရာ အသိပညာပေးဟောပြောပွဲနှင့် ဉာဏ်စမ်းပဟေဠိပြိုင်ပွဲ ကျင်းပဆောင်ရွက်

သတင်းနှင့် လှုပ်ရှားမှုများ

ချင်းပြည်နယ်အတွင်းရှိ စားသုံးသူပြည်သူများအား စားသုံးသူကာကွယ်ရေးဆိုင်ရာ အသိပညာများ ပိုမိုဖွံ့ဖြိုး တိုးပွားလာစေရန် ရည်ရွယ်၍ စားသုံးသူအသိပညာပေးဟောပြောပွဲနှင့် ဉာဏ်စမ်းပဟေဠိပြိုင်ပွဲကို ၂၀၂၄ခုနှစ်၊ မတ်လ ၁၃ ရက်နေ့၊ နံနက် (၁၀:၀၀) နာရီအချိန်တွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးခန်းမ၌ ကျင်းပပြုလုပ်ခဲ့ကြောင်း သိရသည်။

အစည်းအဝေးတွင် စားသုံးသူရေးရာဦးစီးဌာန၊ချင်းပြည်နယ်ဦးစီးမှူး ဦးလှမိုးနိုင်က အဖွင့်အမှာစကားပြောကြားရာတွင် အခုလို အခမ်းအနားတွင် တက်ရောက်လာကြသော ကျောင်းအုပ်ကြီးနှင့်တကွ ကျောင်းသား/သူများ အားလုံးကို အထူးပင်ကျေးဇူးတင် ရှိပါကြောင်းနှင့် စားသုံးသူအခွင့်အရေးဆိုင်ရာ ဉာဏ်စမ်းပဟေဠိကျင်းပရသည့် ရည်ရွယ်ချက်ကို အကျယ်တဝင့် ရှင်းလင်းဆွေးနွေးခဲ့ပါသည်။ ထို့နောက် ပြည်နယ်ဦးစီးမှူးရုံးမှ ဒေါ်သူဇာမြင့် (ဦးစီးမှူး)က စားသုံးသူအခွင့်အရေးနှင့်ပတ်သက်၍ စားသုံးသူကာကွယ် ရေးဥပဒေတွင် ပြဋ္ဌာန်းချက်များကို ရှင်းလင်းဆွေးနွေးခြင်း၊ ကျောင်းသား/သူများနှင့် အမြင်ချင်းဖလှယ်ဆွေးနွေးခြင်း ပြုလုပ်ခဲ့ပြီးနောက် ကျောင်းမှာသင်ကြားသည့် အတန်းပညာများ အပြင် စားသုံးသူအခွင့်အရေးဆိုင်ရာ အသိပညာပဟုသုတများကိုလည်း လေ့လာမှတ်သား စေလိုကြောင်းနှင့် မိမိဘဝ ဖွံ့ဖြိုးတိုးတက်ရေးအတွက် လက်တွေ့အသုံးချဆောင်ရွက်သွားကြရန် တိုက်တွန်းပြောကြားခဲ့ပြီးနောက် ဉာဏ်စမ်းပဟေဠိပြိုင်ပွဲအစီအစဉ်ကို ဆက်လက် ကျင်းပခဲ့ကြောင်း သိရသည်။ ဆိုပါအခမ်းအနားတွင် ဆရာ/မများ၊ ကျောင်းသား/သူများ စုစုပေါင်း (၃၅)ဦး တက်ရောက်ခဲ့ကြောင်း သိရပါသည်။

DOCA(ချင်း)

ဈေးကွက်စောင့်ကြည့်စစ်ဆေးခြင်း

သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊စားသုံးသူရေးရာဦးစီးဌာနအနေဖြင့်ပြည်သူများဘေးအန္တရာယ်ကင်းရှင်းသော ကုန်စည်များ သုံးစွဲနိုင်ရန်နှင့် စျေးကွက်အတွင်း ရောင်းချလျက်ရှိသောကုန် ပစ္စည်းများတွင်ကုန်အညွှန်းအမှတ်အသားပြည့်စုံစွာ ပါဝင်ခြင်းရှိ/မရှိ စစ်ဆေးခြင်းလုပ်ငန်းများအား ဆောင်ရွက်လျက်ရှိရာ ၁၃.၃.၂၀၂၄ ရက်နေ့တွင် စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးကျော်မိုးလွင် (ဌာနခွဲစာရေး)သည် မိုးညှင်းမြို့၊ မြို့မရပ်ကွက်ရှိ ဦးကျော်မိုးဟိန်း (ကုန်စုံဆိုင်)သို့ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

ထိုသို့ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင် ရွှေမြန်မာ အမှတ်တံဆိပ်ပါ အသင့်စား ကြက်ဥခေါက်ဆွဲခြောက်ထုပ် အမျိုးမျိုးတို့တွင် ကုန်အညွှန်းအမှတ်အသားဖော်ပြခြင်းဆိုင်ရာ ကုန်စည်အမျိုးအစားအလိုက် သတ်မှတ်ချက်များနှင့်အညီ မြန်မာဘာသာဖြင့် ပြည့်စုံစွာ ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင်ပမာဏ၊ သုံးစွဲပုံနည်းလမ်းတို့ကို ကုန်အညွှန်းအမှတ်အသားဖော်ပြခြင်းဆိုင်ရာ သတ်မှတ်များနှင့်ကိုက်ညီမှု ရှိ/မရှိ၊ သက်ဆိုင်ရာဌာနများ၏ ထောက်ခံချက် ရှိ/မရှိ စစ်ဆေးခြင်းများဆောင်ရွက်ခဲ့ပါသည်။ ဆက်လက်၍ ရောင်းချသူဆိုင်ရှင်အား ကုန်ပစ္စည်းများရောင်းချရာတွင်ကုန်အညွှန်းအမှတ်အသားပြည့်စုံစွာပါဝင်သည့် စားသောက်ကုန်များကိုသာ ရောင်းချရန်နှင့်အစားအသောက်နှင့်ဆေးဝါးကွပ်ကဲရေးဦးစီးဌာနမှ ထုတ်ပြန်ထားသည့်တားမြစ်စား သောက်ကုန်များကိုရောင်းချခြင်းမပြုရန်အသိပညာပေးဆွေးနွေးခြင်း၊ကုန်အညွှန်းအမှတ်အသားဖော်ပြခြင်းနှင့်စပ်လျဥ်း၍ သိသာထင်ရှားစွာဖော်ပြရမည့်အချက်များအား ရှင်းလင်းဆွေးနွေးခြင်းများ ဆောင်ရွက်ခဲ့ပါသည်။

DOCA(ကချင်)

ဒေးဒရဲမြို့နယ် အမှတ်(၂) ရပ်ကွက်၊ ကံ့ကော်လမ်း “ထွန်းမြရောင်” ဝပ်ရှော့လုပ်ငန်း MSMEs လုပ်ငန်းဖွံ့ဖြိုးတိုးတက်ရေး ကွင်းဆင်းဆောင်ရွက်ခြင်း

သတင်းနှင့် လှုပ်ရှားမှုများ

ဧရာဝတီတိုင်းဒေသကြီး ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာန မြို့နယ်တာဝန်ခံသည် ၂၀၂၄ ခုနှစ်၊ မတ်လ (၉) ရက်နေ့၊နေ့လယ် (၁၂:၀၀) နာရီအချိန်တွင် ဒေးဒရဲမြို့နယ် အမှတ်(၂) ရပ်ကွက်၊ ကံ့ကော်လမ်း ထွန်းမြရောင် ဝပ်ရှော့လုပ်ငန်း MSMEs လုပ်ငန်းဖွံ့ဖြိုးတိုးတက်ရေး ကွင်းဆင်းဆောင်ရွက်ခဲ့ပါသည်။

ကွင်းဆင်းဆောင်ရွက်ခဲ့ရာတွင် လုပ်ငန်းရှင် ဦးမောင်လှနှင့် တွေ့ဆုံ၍ ကုန်ကြမ်းပစ္စည်းရရှိမှု အခြေအနေ၊ ကုန်ပစ္စည်းထုတ်လုပ်နိုင်မှုအခြေအနေ၊အကျိုးအမြတ်ရရှိမှုအခြေအနေ၊ လုပ်ငန်းတိုးချဲ့ ဆောင်ရွက်နိုင်ရေး အခြေအနေများကို ဆွေးနွေးဆောင်ရွက်ခဲ့ပါသည်။ “ထွန်းမြရောင်” ဝပ်ရှော့လုပ်ငန်း မှ လယ်ယာလုပ်ငန်းတွင် အသုံးပြုသောအနိမ့်တင်ရေပိုက်နှင့်ပတ်သက်၍ သံပိုက်၊ PVC ပိုက်အသစ် ပြုလုပ်ရောင်းချခြင်း၊ အဟောင်းပြုပြင်ခြင်း စက်ပစ္စည်းများပြုပြင်ပေးခြင်း၊ ဂဟေဆော်ခြင်းလုပ်ငန်းနှင့် သံထည်ပစ္စည်းများ ဖြတ်ခြင်း၊ ပြုပြင်ပေးခြင်းတို့ကို အဓိကထားလုပ်ကိုင်လျက်ရှိကြောင်း ကွင်းဆင်းခဲ့မှုအပေါ် သတင်းရရှိပါသည်။

DOCA(ဧရာဝတီ)

Languages

Main menu

သတင်းနှင့် လှုပ်ရှားမှုများ

ကံမမြို့ရှိ ဆေးနှင့်ဆေးပစ္စည်းအရောင်းဆိုင်များအား ဈေးကွက်စောင့်ကြည့်စစ်ဆေး

ကျွန်းလှမြို့၊ သစ်ရာမြိုင်ဈေးရှိ ကုန်မျိုးစုံရောင်းဝယ်ရေးဆိုင်အား ဈေးကွက်စောင့်ကြည့်စစ်ဆေး

မွေးမြူရေးအစာစက်ရုံလုပ်ငန်းရှင်အား တွေ့ဆုံဆွေးနွေး

ကမ္ဘာ့စားသုံးသူအခွင့်အရေးများနေ့အထိမ်းအမှတ် အသိပညာပေး Talk Show ကျင်းပပြုလုပ်

စားသုံးသူကာကွယ်ရေးအသိပညာပေး Talk Show ကျင်းပပြုလုပ်

ကျွန်းလှမြို့နယ်ရှိ စက်သုံးဆီဆိုင်များအား ကွင်းဆင်းစစ်ဆေးခြင်း

ဈေးကွက်စောင့်ကြည့်စစ်ဆေးခြင်း

Pages

You are here

သတင်းနှင့် လှုပ်ရှားမှုများ

Pages