သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့် တာဝန်ရှိသူများသည် (၂၆-၄-၂၀၂၃) ရက်နေ့၊ နေ့လယ် (၁၃:၀၀) နာရီအချိန်တွင် ကျိုင်းတုံမြို့၊ ကတ်ဖအုပ်စု၊ ကတ်ဖကျေးရွာအတွင်းရှိ “ကျောက်စိမ်း” အမှတ်တံဆိပ် သောက်ရေသန့်ထုတ်လုပ်ရေးစက်ရုံအား ထုတ်ကုန်များလုံခြုံစိတ်ချရမှုရှိစေရေး၊ ကုန်အညွှန်းအမှတ်အသားပြည့်စုံစွာဖော်ပြပါရှိရေးတို့နှင့်ပတ်သက်၍ ဈေးကွက်စောင့်ကြည့်စစ်ဆေးခဲ့ပြီး သောက်ရေသန့်ထုတ်လုပ်သည့် စီးပွားရေးလုပ်ငန်းရှင်အား တွေ့ဆုံဆွေးနွေးခဲ့ပါသည်။

     ထိုသို့ ဆောင်ရွက်ရာတွင် “ကျောက်စိမ်း” အမှတ်တံဆိပ် သောက်ရေသန့်ထုတ်လုပ်ရေးလုပ်ငန်းအနေဖြင့် သက်ဆိုင်ရာဌာန၏ထောက်ခံချက်များပါရှိပြီး ကုန်အညွှန်းအမှတ်အသားပြည့်စုံစွာဖော်ပြထားသည်ကို တွေ့ရှိရပါသည်။

      ဆက်လက်၍ စစ်ဆေးရေးမှူးနှင့် တာဝန်ရှိသူများသည် စားသုံးသူကာကွယ်ရေးဥပဒေ ၂၀၁၉၊ အခန်း (၁၀) ပါ “စီးပွားရေးလုပ်ငန်းရှင်၏တာဝန်များ” ကို သိရှိလိုက်နာဆောင်ရွက်နိုင်ရန် အသိပညာပေးဆွေးနွေးမှုများဆောင်ရွက်ခဲ့ပါသည်။ 

DOCA(ရှမ်း)

    (၂၄-၄-၂၀၂၃) ရက်နေ့တွင် စားသုံးသူရေးရာဦးစီးဌာန၊ မုဒုံမြို့နယ်တာဝန်ခံနှင့် မုဒုံမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ မုဒုံမြို့နယ်ရှိ ရက္ကန်းသင်တန်းကျောင်း၌ စားသုံးသူကာကွယ်ရေးအသိပညာပေးဟောပြောဆွေးနွေးပွဲကျင်းပပြုလုပ်ခဲ့ကြောင်း သိရှိရပါသည်။

     အဆိုပါ ဟောပြောဆွေးနွေးပွဲတွင် ရက္ကန်းသင်တန်းကျောင်းအုပ်ဆရာမကြီးက အဖွင့်အမှာစကားပြောကြားခဲ့ပြီးနောက် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိက စာဖတ်ခြင်းအကျိုးကျေးဇူးနှင့်ပတ်သက်၍ သိကောင်းစရာများအား ဟောပြောဆွေးနွေးခဲ့ပါသည်။ ထို့နောက် စားသုံးသူရေးရာဦးစီးဌာန၊ မုဒုံမြို့နယ်တာဝန်ခံက စားသုံးသူအခွင့်အရေးနှင့်တာဝန်များ၊ ဝန်ဆောင်မှုအကြောင်းသိကောင်းစရာများ၊ ကုန်အညွှန်းအမှတ်အသားဖော်ပြချက်နှင့်ပတ်သက်သည့်အကြောင်းအရာများ၊ Online Shopping နှင့်ပတ်သက်၍ သတိပြုရမည့်အချက်များ၊ စားသုံးသူနစ်နာဆုံးရှုံးမှုအတွက်  တိုင်ကြားနိုင်သည့်နေရာများ၊ Website ၊ Facebook Page Call Center နှင့်ပတ်သက်သည့်အကြောင်းအရာများအား ဟောပြောဆွေးနွေးခဲ့ပါသည်။ အဆိုပါ ဟောပြောဆွေးနွေးပွဲသို့ သင်တန်းသူ (၂၀) ဦးတက်ရောက်ခဲ့ကြောင်း သိရှိရပါသည်။

DOCA(မွန်)

    (၂၄-၄-၂၀၂၃) ရက်နေ့တွင် စားသုံးသူရေးရာဦးစီးဌာန၊ ကျိုက်ထိုခရိုင်ဦးစီးမှူးနှင့် ကျိုက်ထိုမြို့နယ်တာဝန်ခံတို့သည် ရန်ကုန်-မော်လမြိုင်အဝေးပြေးလမ်းမဘေးရှိ အောင်ဝင်းဝင်း ဆန်စက်ပိုင်ရှင်အား တွေ့ဆုံဆွေးနွေးခဲ့ပါသည်။     

   ထို့သို့ တွေ့ဆုံဆွေးနွေးခဲ့ရာတွင် နွေစပါးထွက်ရှိချိန်၌ ဝယ်ယူမှုအခြေအနေ၊ ဈေးနှုန်းအခြေအနေ၊ ဖြန့်ဖြူးမှုအခြေအနေ၊ ဆန်စပါးစီးဝင်/စီးထွက်မှုအခြေအနေအားမေးမြန်းခဲ့ရာ စပါးများကို ကျိုက်ထို၊ ပဲခူးတို့မှ ဝယ်ယူရရှိပြီး မော်လမြိုင်၊ ဘားအံသို့ တင်ပို့ရောင်းချကြောင်း ပေါ်ဆန်းစပါး တင်း (၁၀၀) လျှင် (၂၁၀၀၀၀၀) ကျပ်ရှိပြီး ဆန် ၂၄ပြည်ပါတစ်အိတ်လျှင်   (၇၆၀၀၀၀) ကျပ်ဖြင့် အရောင်းအဝယ်ဖြစ်နေကြောင်း သိရှိရပြီး စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်တာဝန်များအား ဆွေးနွေးခဲ့ပြီး ဆန်အိတ်ပေါ်၌ ကုန်အမှတ်တံဆိပ်၊ ကုန်အမျိုးအစား၊ အသားတင်ပမာဏ၊ ဆက်သွယ်ရမည့်လိပ်စာများအား ပြည့်စုံစွာဖော်ပြရန် ဆွေးနွေးခဲ့ကြောင်း သိရှိရပါသည်။

DOCA(မွန်)

       (၂၅-၄-၂၀၂၃) ရက်နေ့တွင် စားသုံးသူရေးရာဦးစီးဌာန၊  သထုံခရိုင်ဦးစီးမှူးရုံးမှ  ဝန်ထမ်းများသည် သထုံမြို့နယ်၊ ဒေးဗရိန်းကျေးရွာအုပ်စု၊  ရွာလယ်ဓမ္မရုံတွင်   စားသုံးသူကာကွယ်ရေးအသိပညာပေး‌ဟောပြောဆွေးနွေးပွဲပြုလုပ်ခဲ့ကြောင်း သိရှိရသည်။

       အဆိုပါဟောပြောဆွေးနွေးပွဲတွင်   သထုံမြို့နယ်တာဝန်ခံက   စားသုံးသူရေးရာဦးစီးဌာ၏  Vission၊ Mission များ ၊စားသုံးသူ၏အခွင့်အရေးနှင့်တာဝန်များ၊ ကုန်အညွှန်းအမှတ်အသားဖော်ပြချက်နှင့်ပတ်သက်၍ သိကောင်းစရာများ  စားသုံးသူနစ်နာဆုံးရှုံးမှုများအတွက် တိုင်ကြားနိုင်သည့်အကြောင်းအရာများ၊ Wesite Mobile Application၊ Call Center နှင့်ပတ်သက်သည့် အကြောင်းအရာများအား ဟောပြောဆွေးနွေးခဲ့ကြောင်း သိရှိရပါသည်။

      အဆိုပါဟောပြောဆွေးနွေးပွဲသို့   ရပ်ကွက်အုပ်ချုပ်ရေးမှူးနှင့်အတူ ကျေးရွာနေပြည်သူများစုစုပေါင်း (၃၅) ဦးတက်ရောက်ခဲ့ပြီး စားသုံးသူကာကွယ်ရေးဆိုင်ရာလက်ကမ်းစာစောင်များအား ဖြန့်ဝေပေးခဲ့ကြောင်း သိရှိရပါသည်။

DOCA(မွန်)

ဧရာဝတီတိုင်းဒေသကြီး၊ ဖျာပုံခရိုင်၊ ကျိုတ်လတ်မြို့နယ်၊ မြို့နယ်တာဝန်ခံနှင့်ဝန်ထမ်းတို့သည် (၁၈.၄.၂၀၂၃)ရက်နေ့၊ နံနက်(၁၁:၀၀)နာရီအချိန်တွင် ကျိုတ်လတ်မြို့၊ အမှတ်(၁)ရပ်ကွက် ကားလမ်းဘေးရှိ အုန်းဆံကြိုးလုပ်ငန်းရှင်နှင့် တွေ့ဆုံဆွေးနွေးခဲ့ပါသည်။

သို့ဆွေးနွေးခဲ့ရာတွင် အုန်းခွံလှေတစ်စီးကို (၁၈၀၀)ကျပ်ဖြင့် ဝယ်ယူရပြီး အုန်းဆံကြိုး  ထုတ်လုပ်ရန် ဆောင်ရွက်မှုအနေဖြင့် အုန်းခွံများအား အုတ်ရေကန်ဖြင့် (၂)ညခန့် ရေစိမ်ပြီးအမျှင်  ထုတ်စက်ဖြင့် အမျှင်ထုတ်ခြင်း၊ သန့်စင်ခြင်းတို့ပြုလုပ်ပြီး သန့်စင်ပြီး အမျှင်များအား (၁)နာရီခန့် နေလှန်းခြင်း၊ အမျှင်များကို ဗိုင်းထောင့်အဖြစ် လိမ်ပြီး ကြိုးကျစ်စက်ထဲသို့ နိုင်လွန်အပ်ချည်‌ ရော၍ ကြိုးကျစ်ရပါသည်။ ရရှိလာသော အုန်းဆံကြိုးများအား (၁၅)လက်မ အရှည်အပတ်(၃၀)ခန့် အခင်းဖြစ်အောင် ပြုလုပ်ရပါသည်။ အလုပ်သမား(၇)ယောက်ရှိပြီး တစ်ယောက်လျှင် တစ်နေ့လုပ်အားခ (၄၅၀၀)ကျပ် ပေးချေရကြောင်း၊ အင်ဂျင်ပါဝါ (၂၅)ကောင်ရေဖြင့် လည်ပတ်ရသောကြောင့် ဒီဇယ်(၅)ဂါလံကို (၂)ရက် လည်ပတ်ရကြောင်းနှင့် အုန်းဆံကြိုးစက်ရုံ (၁)ရက်လည်ပတ်လျှင် စုစုပေါင်းကုန်ကျစရိတ်မှာ (၁၁၀၀၀၀)ကျပ်ခန့်ရှိပြီး ရရှိသောအုန်းဆံကြိုးများ ရောင်းချရသော ဈေးနှုန်းမှာ အခင်(၂၀၀)ပါ အထုံးကြီးတစ်ထုံးလျှင် (၆၅၀၀၀)ကျပ်ဖြင့် ရောင်းရကြောင်း၊ ယခုနှစ်တွင် ယခင်နှစ်လောက် အရောင်းအဝယ်မကောင်းကြောင်း မိသားစုတစ်နိုင်တစ်ပိုင် လုပ်ငန်းဖြစ်သည့်အတွက် အမြတ်ငွေ နည်းပါးကြောင်း  အလုပ်သမားများ အဆင်ပြေစေရန်အတွက် ဆက်လက်လုပ်ကိုင်နေရခြင်းဖြစ်ကြောင်း အုန်းဆံကြိုးများကို ကျိုတ်လတ်မြို့နယ်အတွင်းနှင့် ပတ်ဝန်းကျင်မြို့နယ်များသို့ ပြန်လည်ရောင်းချကြောင်း၊ အုန်းဆံကြိုးထုတ်လုပ်သည့်လုပ်ငန်းများ ဖွံ့ဖြိုးတိုးတက်လာရေးအတွက် သက်ဆိုင်ရာဌာနများ၊ အသင်းအဖွဲ့များနှင့် ပူးပေါင်းဆောင်ရွက်သွားမည်ဖြစ်ကြောင်း သတင်းရရှိပါသည်။

DOCA(ဧရာဝတီ)