ပြည်တွင်းကုန်သွယ်မှုသတင်း

      မိတ္ထီလာမြို့နယ် စားဖိုဆောင်သီးနှံဖြစ်သည့် အာလူးကို ဒေသတွင်းစိုက်ပျိုးမှုမရှိ၍ ဈေးကွက်အတွင်း ရှမ်းပြည်နယ်၊ အောင်ပန်းဘက်မှ အာလူးများ အရောင်းအဝယ်ဖြစ် ၊ ဈေးကွက်အတွင်း ယခုလက်ရှိ စက်တင်ဘာလ နောက်ဆုံးပတ် အာလူးတစ်ပိဿာလျှင် အသေး (၃၅၀၀) ကျပ်၊ အလတ် (၄၀၀၀-၅၀၀၀) ကျပ်၊ အကြီး တစ်ပိဿာလျှင် (၆၀၀၀) ကျပ်ဈေးဖြင့် အရောင်းအဝယ်ဖြစ်လျက်ရှိပြီး ၊ ယခင်လဩဂုတ်လ စတုတ္တပတ်တွင် အာလူးတစ်ပိဿာလျှင် အသေး (၂၅၀၀) ကျပ်၊ အလတ် (၃၅၀၀) ကျပ်၊ အကြီး တစ်ပိဿာလျှင် (၄၀၀၀) ကျပ် ဈေးသာရှိခဲ့ပြီး၊ ယခင်လနှင့် ယခုလနှိုင်းယှဉ်လျှင် တစ်ပိဿာ (၁၀၀၀) ကျပ်ခန့် ဈေးနှုန်းမြှင့်တက်လျက်ရှိပါသည်။ ဈေးနှုန်းမြှင့်တက်လာရခြင်းမှာ လမ်း ပန်းဆက်သွယ်ရေးအခက်အခဲများကြောင့် သယ်ယူစရိတ်မြင့်မားလာခြင်း၊ ဈေးကွက်အတွင်း ပုံမှန်ဝင်ရောက်မှုနည်းနေသေးကြောင်း အာလူးပွဲရုံများမှ သိရှိရသည်။

DOCA(မန္တလေး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရှိရာ ၂၀၂၄ခုနှစ်၊ စက်တင်ဘာလ၊ စတုတ္ထအပတ်တွင် အရောင်းအဝယ်ဖြစ်သည့် သီးနှံဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့်ဆက်သွယ်မေးမြန်းခဲ့ပါသည်။ ဆက်သွယ်မေးမြန်းမှုအရ မြေပဲလုံးဆန်များမှာ စက်တင်ဘာလ၊ ဒုတိယအပတ်မှ စတင်၍ ရွှေဘိုဈေးကွက်သို့ ဝင်ရောက်ခဲ့ကြောင်း၊ စက်တင်ဘာလ စတုတ္ထအပတ်တွင် အရောင်းအဝယ်ဖြစ်သည့်ဈေးနှုန်းမှာ မြေပဲလုံးဆန်တစ်တင်းလျှင် (၁၂၁၆၀ဝိ/-)ကျပ်ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ (၄၅၀၀)တင်း/ (၁၀၃)တန်ဖြစ်ကြောင်း၊ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်ပတ်၌     မြေပဲလုံးဆန်တစ်တင်းလျှင် (၁၃၆၀၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင် ယခင်အပတ်အောက်   မြေပဲလုံးဆန် တစ်တင်းလျှင်(၁၄၄၀ဝိ/-)ကျပ် ဈေးလျော့နည်းခဲ့ကြောင်း၊ ယခင်နှစ်ကာလတူနှင့် အရောင်းအဝယ်ဖြစ်သည့်ဈေးနှုန်း နှိုင်းယှဉ်ပါက ယခင်နှစ်ကာလတူ၌ မြေပဲလုံးဆန်တစ်တင်းလျှင်(၁၀၈၈၀ဝိ/-)ကျပ်ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ကာလတူထက်  မြေပဲလုံးဆန်တစ်တင်းလျှင်(၁၂၈၀ဝိ/-)ကျပ် ဈေးပိုမိုရရှိခဲ့ကြောင်း၊ ဝင်ရောက်သမျှ အရောင်းအဝယ် ဖြစ်လျက်ရှိ‌ကြောင်း သတင်းရရှိပါသည်။

DOCA(စစ်ကိုင်း)

    ဧရာဝတီတိုင်းဒေသကြီး၊ မအူပင်မြို့တွင် ဒေသထွက်ကုန်အနေဖြင့် ပုဇွန်ချဉ်လုပ်ငန်းအား တစ်နိုင်တစ်ပိုင် လုပ်ကိုင်လျက်ရှိပြီး မအူပင်မြို့အခြေပြု ထုတ်လုပ်ရောင်းချလျက်ရှိသော ပုဇွန်ချဉ် အမှတ်တံဆိပ်များတွင် (ဒေါ်နီ)ပုဇွန်ချဉ်၊ ကစ်ကစ် ပုဇွန်ချဉ်လုပ်ငန်းနှင့် မလွင် ပုဇွန်ချဉ် ကျေးရွာများမှ ငါးချဉ်လုပ်ငန်းများ လုပ်ကိုင်လျက်ရှိကြောင်း သိရသည်

    ပုဇွန်ချဉ်ပြုလုပ်ရာတွင် အဓိကအသုံးပြုသည့် ရေချိုပုဇွန်အမျိုးအစားကိုသာသုံးပြီး  ထမင်း၊ ဆားပါဝင်ကာ ကုန်ကြမ်းအဖြစ် အသုံးပြုသည့် ပုဇွန်များကို မအူပင်မြို့ရှိ ဈေးများမှ ရောင်းချသော ပုဇွန်ရောင်းချသည့် ဈေးသည်များမှ ဝယ်ယူအသုံးပြုလျက်ရှိကြောင်း၊  ပုဇွန်ချဉ်ထုပ်ပိုးရာတွင် အသုံးပြုသည့် တောင်စွန်းဖက်ရွက်များကို အရွက်ကြီးလျှင် တစ်ချပ်၊ အရွက်သေးလျှင် နှစ်ချပ်ခန့်ဖြင့် သုံးရပြီး တောင်စွန်းဖက် အရွက် ၁၀၀၀ ကို ငွေကျပ် ၄၀၀၀/-ကျပ်ဖြင့်ဝယ်ယူရကြောင်း၊ သင်အူကြိုးပတ်၍ ထုပ်ပိုးရသည်။ ပုဇွန်ချဉ် တစ်ထုပ်လျှင် ငါးချဉ် ၁၀ ကျပ်သားခန့်ပါရှိကာ တောင်စွန်းဖက် နှစ်ရွက်ခန့် အသုံးပြု၍ ထုပ်ပိုးရောင်းချကြောင်း သိရသည်။

     ပုဇွန်ချဉ်ထုတ်လုပ်သည့် လုပ်ငန်းငယ်တစ်ခုတွင် တစ်ရက်လျှင် ပုဇွန်ပိဿာချိန် ၅ပိဿာခန့်နှင့် ထမင်း ၂ပိဿာ၊ ဆား ၁၀ကျပ်သား၊ အသုံးပြု၍ ပုဇွန် ၁ပိဿာလျှင် ၄၅၀၀၀/-ကျပ် ဝယ်ယူရပြီး ပုဇွန်၊ထမင်း၊ဆားရောနှောပြီး ပိဿာချိန် ၇ပိဿာလျှင် ပုဇွန်ချဉ် ၁၀ ကျပ်သားပါ အထုပ်အရေအတွက် ၇၀ ခန့် ထွက်ရှိကြောင်း၊ ပုဇွန်ချဉ်ထုတ်လုပ်မှု ကုန်ကျစရိတ်အနေဖြင့် လုပ်သားခ၊ ကုန်ကြမ်း၊ စုစုပေါင်း၍ ၂၇၅၀၀၀/-ကျပ်ခန့် ကုန်ကျကြောင်း၊ စျေးနှုန်းအနေဖြင့် စက်တင်ဘာလတတိယပတ်တွင် ပုဇွန်ချဉ် ၁၀ ကျပ်သား     ၁ ထုပ်လျှင် ငွေကျပ် ၅၀၀၀နှုန်းဖြင့် ရောင်းချလျက် ရှိကြောင်း၊ တစ်ရက်လျှင် ပုဇွန်ပိဿာချိန် ၅ပိဿာ အသုံးပြုရပြီး ပုဇွန်ချဉ် ထုတ်လုပ်နိုင်ပါက ငွေကျပ် ၃၅၀၀၀၀/-ကျပ်ရရှိပြီး အကျိုးအမြတ်အနေဖြင့် ၇၅၀၀၀/-ကျပ် ရရှိကြောင်း၊စျေးကွက်အနေဖြင့် ဒေသတွင်းကိုသာ အဓိကထားရောင်းချပြီး ရန်ကုန်မြို့များမှ သီးသန့်မှာယူမှသာ တင်ပို့ရောင်းချကြောင်း၊ အခြားဒေသများမှ ၂၀သားထုတ်၊ ၂၅ကျပ်သားထုတ် မှာယူပါက ထုပ်ပိုးရောင်းချပါကြောင်း  ဖျာပုံ ၊ မြောင်းမြနှင့် ညောင်တုန်း ဓနုဖြူ၊ ပန်းတနော်မြို့တို့က မှာယူမှသာ တင်ပို့ရောင်းချလျက်ရှိကြောင်း  ဝယ်ယူသုံးစွဲသူများလည်း ရှိကြောင်း သိရသည်။ 

DOCA(ဧရာဝတီ)

     စားသုံးသူရေးရာဦးစီးဌာနမှ ဝန်ထမ်းများသည်ဈေးကွက်အတွင်း အိမ်ဆောက်ပစ္စည်း၊ ဘိလပ်မြေ များ၊ ပစ္စည်းပြတ်လပ်မှုရှိ/မရှိနှင့်ဈေးနှုန်း၊ လက်ကျန်အခြေအနေများအား အိမ်ဆောက်ပစ္စည်းအရောင်း ဆိုင်များသို့ အပတ်စဉ်ကွင်းဆင်းပြီး လေ့လာစုံစမ်းတင်ပြပေးလျက်ရှိပါသည်။

    မကွေးမြို့နယ်အတွင်း ၂၀၂၄-ခုနှစ်၊ စက်တင်ဘာလ (တတိယပတ်)အတွင်း ဖြစ်ပေါ်နေသော ဘိလပ်မြေဈေးနှုန်းများမှာ ကြံ့နှစ်ကောင်အမှတ်တံဆိပ်တစ်အိတ်လျှင် ကျပ်(၁၀၄၀၀)၊ အပါချီ အမှတ်တံဆိပ် တစ်အိတ်လျှင် ကျပ်(၁၁၆၀၀)၊ အယ်ဖာ အမှတ်တံဆိပ် တစ်အိတ်လျှင် ကျပ်(၁၀၃၀၀)တို့ဖြစ်ပြီး စက်တင်ဘာလ (ဒုတိယပတ်)နှင့် နှိုင်းယှဉ်ပါက ကြံ့နှစ်ကောင် အမှတ်တံဆိပ် တစ်အိတ်လျှင် ကျပ်(၆၀၀) နှင့် အယ်ဖာအမှတ်တံဆိပ် တစ်အိတ်လျှင် ကျပ်(၅၀၀)ခန့် ဈေးအနည်းငယ်ကျလာပြီး အပါချီအမှတ် တံဆိပ်ဘိလပ်မြေမှာ ဈေးနှုန်းတည်ငြိမ်လျှက်ရှိကြောင်း၊ လက်ကျန်အနေဖြင့် ကြံ့နှစ်ကောင်(၁၂၇၂) အိတ်၊ အပါချီ(၄၉၀)အိတ်နှင့် အယ်ဖာ (၃၈၀)အိတ်၊ စုစုပေါင်း (၂၁၄၂)အိတ် ကျန်ရှိနေပြီး ယခုအပတ်အတွင်း မိုးရွာသွန်းမှုအခြေအနေအရ တည်ဆောက်ရေးလုပ်ငန်းများရပ်နားနေ၍ ဘိလပ်မြေအရောင်းအဝယ်နည်းပါးကြောင်း သိရှိရပါသည်။

DOCA(မကွေး)

         ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့တွင်ရှိသော ငါးမွေးကန်များ၏ အဓိကအစားအစာသည် ဖွဲနုများဖြစ်သည်။ သာယာဝတီခရိုင်အတွင်းရှိ ဆန်စက်များကြိတ်ခွဲထုတ်လုပ်ရာမှထွက်ရှိသော ဆန်ထွက်ပစ္စည်းဖွဲနုများကို ဒေသတွင်းတိရိစ္ဆာန်အစားအစာအဖြစ် အသုံးပြုလျက်ရှိကြောင်းနှင့် အခြားသောတိုင်းနှင့်ပြည်နယ်များသို့လည်း တင်ပို့ရောင်းချလျက်ရှိကြောင်းသိရှိရပါသည်။ ယခင်ဩဂုတ်လ၊ နောက်ဆုံးအပတ်တွင် ဖွဲနုတစ်ပေါင်လျှင် ၃၁၀ကျပ်ဖြစ်ခဲ့ပြီး၊ ဖွဲနု ၆၅ပေါင်ပါ တစ်အိတ်လျှင် ၂၀၁၅၀ကျပ်ဈေးဖြင့် အရောင်းအဝယ်ဖြစ်နေကြောင်း၊ ယခုစက်တင်ဘာလ နောက်ဆုံးပတ်တွင် ဖွဲနုတစ်ပေါင်လျှင် ၃၅၀ကျပ်ပေါက်ဈေးသာရှိနေကြောင်း၊ ဖွဲနု ၆၅ပေါင်ပါ တစ်အိတ်လျှင် ၂၂၇၅၀ကျပ်ဈေးဖြင့် (လက်လီ)ရောင်းချရကြောင်း၊ ဖွဲနုဈေးကွက်အနေဖြင့် ယခင်လနှင့် ယခုလဈေးနှုန်းတို့ကိုနှိုင်းယှဉ်ပါက ဒေသတွင်းလိုအပ်ချက်များသောကြောင့် ဈေးနှုန်းသည် အတက်ဘက်သို့ ဦးတည်လျက်ရှိကြောင်း ပွဲရုံ ပိုင်ရှင်တစ်ဦးထံမှသိရှိရပါသည်။

DOCA(ပဲခူး)