ပြည်တွင်းကုန်သွယ်မှုသတင်း

        ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်တွင် မိသာစုလုပ်ငန်းများအဖြစ်လုပ်ကိုင်နေသော ဂျုံခေါက်ဆွဲလုပ်ငန်း (၁၁) ခုရှိပါသည်။ ပြင်ပလုပ်သားများငှားရမ်ခြင်းမရှိဘဲ မိသားစုတစ်နိုင်တစ်ပိုင်လုပ်ကိုင်ကြပြီး ဒေသအတွင်း ဖြန့်ဖြူးရောင်းချကာ မိသားစု ပုံမှန်ဝင်ငွေရရှိနေသောလုပ်ငန်းများဖြစ်ပါသည်။

          ဂျုံခေါက်ဆွဲများတွင် ကုန်ကြမ်းအဖြစ် ဂျုံ၊ စားဆီ၊ ဆား၊ အရောင်တင်မှုန့်များကိုသုံးစွဲကြပါသည်။ မိသားစု(၂)ဦးမှ (၅)ဦးအထိ ဝိုင်းဝန်းလုပ်ဆောင်ကြပြီး တစ်ရက်လျှင် ဂျုံခေါက်ဆွဲ (၅၀)kg မှ (၁၀၀)kg ထိထုတ်လုပ်နိုင်ကြောင်းသိရပါသည်။ ဂျုံခေါက်ဆွဲပြုလုပ်သော စက်ပစ္စည်းများကို မန္တလေးမြို့မှ ဝယ်ယူသုံးစွဲကြပြီး ကျပ်(၇၅)သိန်းခန့်ကုန်ကျကြောင်းသိရပါသည်။ ထုတ်လုပ်ရရှိသော ဂျုံခေါက်ဆွဲများကို တာချီလိတ်မြို့နယ်အတွင်းသာမက ရှမ်းပြည်နယ်အတွင်းရှိ အခြားမြို့နယ်များသို့ တင်ပို့ရောင်းချကြကြောင်းသိရပါသည်။ ဂျုံခေါက်ဆွဲများကို (၁)kg အထုပ်နှင့် (၂၅၀)g အထုပ်ဟူ၍ နှစ်မျိုးထုတ်လုပ်ပြီး (၁)kg တစ်ထုပ်ကို (၄၅၀၀)ကျပ်နှင့် (၂၅၀)g တစ်ထုပ်ကို (၁၅၀၀)ကျပ်ဖြင့် ရောင်းချကြကြောင်းသိရပါသည်။ သို့ဖြစ်ပါ၍ ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်ရှိ ဂျုံခေါက်ဆွဲလုပ်ငန်းများသည် မိသားစုတစ်နိုင်တစ်ပိုင်ပြုလုပ်ကြ၍ တစ်နှစ်ပတ်လုံး ပုံမှန်ဝင်ငွေရရှိကာ စီးပွားရေးအဆင်ပြေနေသော လုပ်ငန်းများဖြစ်ကြောင်း ရေးသားလိုက်ရပါသည်။

DOCA(ရှမ်း)

      ရှမ်းပြည်နယ်(တောင်ပိုင်း)၊ ကလောခရိုင်အတွင်း ၂၀၂၄ခုနှစ်၊ စက်တင်ဘာလ၊ ဒုတိယအပတ်မှစ၍ မိုးများခြင်း၊ ရေးကြီးရေလျှံခြင်း၊ မြေပြိုခြင်းများဖြစ်ပေါ်ခဲ့ရာတွင် အခြေခံစားသောက်ကုန်များအားရောင်းချရန် အခက်အခဲများဖြစ်ပေါ်ခဲ့ပါသည်။

       ယခုအခါ စက်တင်ဘာလ၊ စတုတ္ထအပတ်တွင် ရာသီဥတုအခြေအနေ၊ လမ်းခရီးအခြေအနေများမှာ ပုံမှန်ပြန်ဖြစ်ပြီး ရေများပြန်လည်ကျသွားပြီဖြစ်ရာ အခြေခံစားသောက်ကုန်(ကုန်စိမ်း)များအား ပုံမှန်အတိုင်း ပြန်လည်ရောင်းချလျက်ရှိပါသည်။

       ထိုသို့ရောင်းချရာတွင် ကလောခရိုင်၊ အောင်ပန်းမြို့၌ ခရမ်းချဉ်အသေးတစ်ပိဿာလျှင် (၁၂၀ဝိ/-) ကျပ်၊ ခရမ်းချဉ်သီးအကြီး ရှယ်တစ်ပိဿာလျှင် (၁၅၀ဝိ/၁၇၀ဝိ/-)ကျပ်၊ ကြက်သွန်ဖြူ (ကြူကုတ်) တစ်ပိဿာလျှင် (၂၀၀၀ဝိ/-)ကျပ်၊ ကြက်သွန်ဖြူ(ရှမ်း) ဥတစ်လုံးတစ်ပိဿာလျှင် (၂၀၀၀ဝိ/- မှ ၂၅၀၀ဝိ/-)ကျပ်၊ ကြက်သွန်နီတစ်ပိဿာလျှင် (၂၃၀ဝိ/- မှ ၂၇၀ဝိ/-)ကျပ်၊ ချင်းအလတ်တစ်ပိဿာလျှင် ၃၅၀ဝကျပ်နှင့် အကြီးတစ်ပိဿာလျှင် ၄၀၀ဝကျပ်၊ အာလူးအသစ်တစ်ပိဿာလျှင် (အလုံးသေး ဂေါ်လီဆိုဒ်မျက်နီတစ်လုံးလျှင် (၁၅၀ဝ/၁၈၀ဝ) ကျပ်၊ အလတ်စားတစ်လုံးလျှင် (၃၅၀ဝ/၄၀၀ဝကျပ်)၊ နနွင်းတက်တစ်ပိဿာလျှင် အညံ့စ ၉၀၀၀ကျပ်၊ တောင်ပို့လ (၁၂၀၀ဝ/၁၂၅၀ဝ)ကျပ်နှင့် ဆင်တောင် (၁၁၀၀ဝ/၁၁၈၀ဝ)ကျပ်၊ ပြောင်းဆံတစ်ပိဿာကျပ် ၁၆၀ဝကျပ်၊ ငရုတ်ခွဲကြမ်းတစ်ပိဿာလျှင် ၁၀၀၀ဝကျပ်တို့ဖြင့် အခြေခံစားသောက်ကုန်စိမ်းများကို ပုံမှန်အတိုင်း ရောင်းချလျက်ရှိကြောင်းသိရှိရပါသည်။

DOCA(ရှမ်း)

    ရှမ်းပြည်နယ် (တောင်ပိုင်း)၊ အောင်ပန်းဒေသတဝိုက်တွင် ထွက်ရှိလျက်ရှိသော ခရမ်းချဉ်သီးနှံသည် ယခုနှစ် ဇူလိုင်လတွင် တစ်ပိဿာလျှင် (၂၀၀၀-၃၀၀၀)ကျပ်ရှိခဲ့ရာမှ ဩဂုတ်လ နှောင်းပိုင်းနှင့် စက်တင်ဘာလ အစောပိုင်းကာလတို့တွင် ကုန်စည်၏အရည်အသွေးကျဆင်းခြင်း၊ စိုက်ခင်းများရေ နစ်မြုပ်မည်ကိုစိုးရိမ်၍ မရင့်မှည့်မီ ခူးဆွတ်ခြင်းနှင့် လမ်းပန်းဆက်သွယ်ရေး အခိုက်အတန့်ပြတ်တောက်မှုကြောင့် ကုန်စီးဆင်းမှုမရှိသဖြင့် ဈေးနှုန်းများကျဆင်းသွားခဲ့ပါသည်။ ယခုအခါ သဘာဝရေဘေးကြောင့် ခေတ္တပိတ်နေသည့် ခရီးလမ်းကြောင်းများပွင့်လာ၍ ကုန်စီးဆင်းမှုပုံမှန်ရှိလာခြင်း၊ ဝယ်လိုအား၊ ရောင်းလိုအားမျှခြေရှိလာခြင်းတို့ကြောင့် ခရမ်းချဉ်တစ်ပိဿာလျှင် (၁၂၀၀-၁၇၀၀) ဈေးဖြင့် လက်ကားရောင်းဝယ်မှုနှင့် လက်လီရောင်းဝယ်သည့် နေရာဒေသစုံသို့ တင်ပို့ရောင်းဝယ်နိုင်ပြီဖြစ်ကြောင်း လေ့လာသိရှိရပါသည်။

DOCA(ရှမ်း)

      ဂျူးမြစ်ကို တောင်ကြီးနှင့် ပင်းတယမြို့တို့တွင် အများဆုံးစိုက်ပျိုးကြပြီး ထိုမှတစ်ဆင့် မြို့များနှင့် နယ်များရှိ ဈေးများသို့ တင်ပို့ရောင်းချကြပါသည်။ ပြည်မြို့ရှိ ဈေးကွက်များသို့လည်း တင်ပို့ရောင်းချသဖြင့် စားသုံးသူများလည်း ဝယ်ယူစားသုံးကြပါသည်။ ဂျူးမြစ်ကို အတို့အမြုပ်အနေဖြင့်လည်းကောင်း၊ ချဉ်ရည်ဟင်းချက်၍သော်လည်းကောင်း စားသုံးကြသလို ရှမ်းပြည်ဘက်တွင် မြေပဲ၊ ပဲပုတ်တို့ဖြင့်ရော၍ကြော်ပြီး စားသုံးကြသလို ရောင်းချသည်များလည်း ရှိပါသည်။ ထိုဂျူးမြစ်ကြော်ကို မြေပြန့်ဒေသမှ စားသုံးသူပြည်သူများက ဝယ်ယူစားသုံးကြပါသည်။ ဂျူးမြစ်ကို ထိုသို့တန်ဖိုးမြှင့် ထုတ်ကုန်အဖြစ် ထုတ်လုပ်ရောင်းချသဖြင့် လူအများကရှမ်းပြည်လက်ဆောင်အဖြစ် လက်ဆောင်များပေးခြင်း၊ မိမိကိုယ်တိုင်စားသုံးရန်အတွက်ဖြစ်စေ ဝယ်ယူကြပါသည်။ ဂျူးမြစ်မှ ထုတ်လုပ်နိုင်သော တန်ဖိုးမြှင့်ထုတ်ကုန်များမှာ အအေးခံဂျူးရွက်၊ ဂျူးမြစ်ရှာလကာရည်၊ သီးရွက်စုံဆလတ်၊ ငါးဂျူးမြစ်ခဲပတ်ကင်နှင့် အသင့်သုံးကျန်းမာရေး ဟင်းခတ်အမွှေးအကြိုင်တို့ဖြစ်ပါသည်။ ထိုသို့ ဂျူးမြစ်မှတဆင့်တန်ဖိုးမြှင့် ထုတ်ကုန်များကို ပြည်ခရိုင်အနေဖြင့် ထုတ်လုပ်ရောင်းချနိုင်မည်ဆိုလျှင် အမြစ်အတိုင်း အစိမ်းရောင်းချခြင်းထက် ပိုမိုအကျိုးအမြတ်များစွာ ရရှိနိုင်မည်ဟု ခန့်မှန်းရပါသည်။ စက်တင်ဘာလတတိယအပတ်တွင် ဈေးကွက်အတွင်းရောင်းချသော ဂျူးမြစ်ဈေးမှာ ဂျူးမြစ်အစည်း တစ်စည်းလျှင် (၆၀၀-၇၀၀)ကျပ်ဖြင့် ရောင်းချကြောင်း သိရပါသည်။ ယခင်နှစ်ဖြစ်သော ၂၀၂၃ခုနှစ်တွင် ဂျူးမြစ်အစည်းတစ်စည်းလျှင် ၅၀၀ကျပ်ဖြင့် ယခုနှစ်တွင် ဈေးအနည်းငယ် မြင့်တက် လာသည်ဟု သိရပါသည်။

DOCA(ပဲခူး)

     မြန်မာနိုင်ငံတွင် အမျိုးသားအများစုမှာ ကွမ်းစားတက်သူများဖြစ်၍ ကွမ်းစားသူများ အများအပြားရှိသဖြင့် ကွမ်းသီး၊ ကွမ်းရွက်များနေ့စဉ် အရောင်းအဝယ်ဖြစ်လျက်ရှိပါသည်။ ပြည်ခရိုင်၊ ပြည်မြို့တွင် အရောင်းအဝယ်ဖြစ်လျက်ရှိသော ကွမ်းသီးများကို ရန်ကုန်မြို့မှတစ်ဆင့် မှာယူတင်သွင်း ရောင်းချနေကြောင်းသိရပါသည်။ ပြည်မြို့တွင်ကွမ်းသီးပင်ကို စီးပွားဖြစ်စိုက်ပျိုးခြင်းမရှိဘဲ အိမ်ခြံဝန်းများအတွင်းတွင် အလှပန်းပင်အနေဖြင့် စိုက်ပျိုးကြပါသည်။

     စက်တင်ဘာလတတိယအပတ်တွင် ပြည်ဈေးကွက်တွင် အရောင်းအဝယ်ဖြစ်လျက်ရှိသော ကွမ်းသီးဈေးနှုန်းများမှာ ကွမ်းသီးစိတ် (အသန့်)တစ်ပိဿာလျှင် ၁၃၀၀၀ကျပ်၊ ကွမ်းသီးအခြမ်း (အသန့်)တစ်ပိဿာလျှင် ၈၀၀၀-၈၅၀၀ ကျပ် နှင့် ကွမ်းသီးခြမ်း(ဂျွန်)တစ်ပိဿာလျှင် ၇၅၀၀ကျပ်ဖြင့် ရောင်းချလျက်ရှိကြောင်း သိရပါသည်။ ယခင်နှစ်တွင် အရောင်းအဝယ်ဖြစ်ခဲ့သော ကွမ်းသီးဈေးနှုန်းများမှာ ကွမ်းသီးစိတ် (အသန့်) တစ်ပိဿာလျှင် ၄၅၀၀ကျပ်၊ ကွမ်းသီးစိတ် သောင်းပြောင်းရောရာ တစ်ပိဿာလျှင် ၄၀၀၀ကျပ်ဖြင့် ရောင်းချခဲ့သဖြင့် ယခုနှစ်တွင် ကွမ်းသီးဈေးများ မြင့်တက် လာကြောင်း သိရပါသည်။ ပြည်ဈေးကွက်တွင် ရောင်းချလျက်ရှိသော ကွမ်းသီးများကို ဒေသတွင်းရှိ ဈေးများတွင် ဖြန့်ဖြူးရောင်းချသကဲ့သို့ အနီးနားရှိနယ်ဈေးများသို့လည်း တင်ပို့ရောင်းချသဖြင့် တစ်နေ့လျှင် ပိဿာချိန် ၁၀၀အထိ အရောင်းအဝယ်ဖြစ်ကြောင်း ကွမ်းသီးရောင်းချသူတစ်ဦးထံမှ သိရှိရပါသည်။

DOCA(ပဲခူး)