ပြည်တွင်းကုန်သွယ်မှုသတင်း

             ကန့်ဘလူမြို့ မဈေးအတွင်းတွင် ကုန်စိမ်းသီးနှံအစုံ ဖြစ်သည် ပန်ဂေါ်ဖီ၊ ‌ဂေါ်ဖီထုတ်၊ ‌ရွှေပဲသီး၊ မုံညှင်းထုတ်၊ ပန်းငရုပ်ပွသီး၊ တိုင်ထောင်ဘိုစားပဲသီး၊ ဂေါ်ရခါး သီး နှင့် ခါကြက်ဥတို့ကို ရောင်းချလျက်ရှိရာ ‌ရွှေပဲသီးကို မန္တလေးမြိူ့မှ မှာယူရောင်းချကြောင်း သိရသည်။

             ၂၀၂၅ ခုနှစ်၊ ယခု ဖေဖော်ဝါရီလ တတိယပတ်တွင် ကန့်ဘလူမြို့မဈေးအတွင်းရှိ ရွှေပဲသီး ဈေးနှုန်းမှာ ရွှေပဲသီး တစ်ပိဿာလျှင်(၈၀၀၀)ကျပ်၊ ၅၀ကျပ်သားလျှင်(၄၀၀၀)ကျပ်နှင့် ၂၅ကျပ်သား လျှင်(၂၀၀၀) ကျပ် ဈေးနှုန်းများဖြင့် အရောင်းအဝယ်ဖြစ်လျက်ကြောင်း ကုန်စိမ်းသီးနှံအစုံ ရောင်းချသူများထံမှ သိရှိရပါသည်။

DOCA(စစ်ကိုင်း)

           ကန့်ဘလူမြို့နယ်အတွင်းရှိ ကျေးရွာများနှင့် မြို့ပေါ် ရပ်ကွက်များတွင် ရှားပါးသော ရာသီ၌ ရောင်းချရန်အတွက် ဒေသအတွင်းထွက်ရှိသည့် မျှစ်များ လှိုင်လှိုင် ပေါချိန်တွင် မျှစ်ချဉ်/မျှစ်ချို တို့ကို နှစ်လည်ခါကြူရောင်းချရန်အတွက် စဉ့်အိုးများ အင်တုံများ ပလပ် စတစ်အကြည်အိပ်များနှင့် သိပ်ထားပြီး ဒေသထွက် မျှစ်ချဉ်ကို ရောင်းချကြပါသည်။

          ၂၀၂၅ ခုနှစ်၊ ယခင် ဖေဖော်ဝါရီလ ‌စတုထ္ထပတ်အတွင်း ကန့်ဘလူမြို့မဈေး၌ ဖြစ်ပေါ်နေသော မျှစ်ချဉ်ဈေးနှုန်းမှာ မျှစ်ချဉ် တစ်ပိဿာလျှင်(၆၀၀၀)ကျပ်၊ (၅၀)ကျပ်သားလျှင်(၃၀၀၀)ကျပ်နှင့် (၂၅)ကျပ် သားလျှင်(၁၅၀၀)ကျပ် တို့ဖြင့် အရောင်းအဝယ်ဖြစ်လျက်ရှိကြောင်း ကန့်ဘလူမြို့၊ မြို့မဈေးတွင် မျှစ်ချဉ် ရောင်းချနေသော ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

            ကန့်ဘလူမြို့တွင် စိုက်ပျိုးရေးကို အဓိကလုပ်ကိုင်လျက်ရှိသော ပြည်သူများရှိသလို တောတောင်ဒေသကိုအမှီပြု၍ ရာသီအလိုက် ပေါက်ရောက်သော သီးနှံများဖြစ်သည့် မျှစ်ရာသီ မျှစ်ချိုးခြင်း၊ မှိုရာသီ မှိုရှာခြင်းနှင့် နှမ်း၊ နေကြာပွင့်ချိန်တွင် ပျားဖွတ်၍ ပျားရည် နှင့် ပျားသလက် ရှာဖွေသည့် လုပ်ငန်းကိုလည်း လုပ်ကိုင်လျက်ရှိသည့်အနက် ပျားသလက်နှင့် ပျားရည်ကို ကန့်ဘလူမြို့မဈေးသို့ လာရောက်ရောင်းချလျက်ရှိကြောင်းသိရသည်။

           ယခု ဖေဖော်ဝါရီလ စတုထ္ထအပတ် ကန့်ဘလူမြို့မဈေးတွင် ရောင်းချနေသော ပျားသလက် ဈေးနှုန်းအနေဖြင့် ပျားသလက် တစ်ပိဿာလျှင်(၁၀၀၀၀)ကျပ်နှုန်း၊ ပျားသလက် (၁၀)ကျပ်သားခန့် တစ်ပြားလျှင်(၁၀၀၀)ကျပ် နှင့် ပျားသလက် (၅)ကျပ်သားခန့် တစ်ပြားလျှင်(၅၀၀)ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း  ပျားသလက်ရောင်းချနေသည့် ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

             ကန့်ဘလူမြို့ရှိ မြို့မစည်ပင်သာယာဈေး ကွက်အတွင်းသို့ ကန့်ဘလူမြို့နယ်အတွင်းရှိ ကျေးရွာများမှ ဘူးသီးများစိုက်ပျိုးကာ လာရောက်ပို့ဆောင်ရောင်းချသော ဒေသထွက် ဘူးသီးများ ဈေးကောင်းရရှိပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

           ၀၂၅ ခုနှစ်၊ ယခု ၂ဖေဖော်ဝါရီလ စတုထ္ထအပတ် ကန့်ဘလူမြို့မဈေးတွင် ဖြစ်ပေါ်နေသော ဘူးသီး ဈေးနှုန်းအနေဖြင့် ဘူးသီးအလုံး(အကြီး)တစ်လုံးလျှင်(၃၅၀၀)ကျပ်၊ ဘူးသီး(အလတ်)တစ်လုံးလျှင် (၃၀၀၀) ကျပ်၊ ဘူးသီး(အသေး)တစ်လုံးလျှင်(၂၅၀၀)ကျပ် နှင့် ဘူးသီး တစ်စိတ်လျှင်(၅၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

            ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အတွင်းနှင့် အခြားမြို့နယ်ဒေသထွက် ထွက်ရှိသော လယ်ယာထွက်ကုန်သီးနှံများနှင့် ရေထွက်ကုန်ပစ္စည်းများကို ညောင်တုန်းမြို့နယ်အတွင်းရှိ ကုမ္ပဏီ(၄)ခုမှ   ၂၀၂၃-၂၀၂၄ ဘဏ္ဍာနှစ်ကာလတွင်  ပြည်ပသို့ တင်ပို့လျှက်ရှိကြောင်းသိသည်။ 

               မြန်မာ့လယ်ယာထွက်ကုန်သီးနှံ့များ၊ မွေးမြူရေးလုပ်ငန်းများရှိသဖြင့် ရေထွက်ပစ္စည်းများ ပြည်ပ နိုင်ငံများသို့   နှစ်စဉ်တင်ပို့လျက်ရှိကြောင်း သိရသည်။

               ညောင်တုန်းမြို့နယ်မှ ပြည်ပတင်ပို့နေသည့် ရွှေဝါနဒီစိုက်ပျိုးထုတ်လုပ်မှု ကုမ္ပဏီ၊ Yoma Sun Co,Ltd. The Perpetual Co.,Ltd. Good Brother Co.,Ltd စသည်တို့သည် ဆန်၊ ဆန်ကွဲ၊ ကိုတင်ပို့လျှက်ရှိပြီး  ရွှေဝါနဒီစိုက်ပျိုးထုတ်လုပ်မှု ကုမ္ပဏီက ပေါင်းဆန်ကို တင်ပို့လျှက်ရှိကြောင်းသိရသည်။

            ၂၀၂၄-၂၀၂၅ ဘဏ္ဍာနှစ် ဖေဖော်ဝါရီ အထိ ဆန်တင်ပို့မှုအနေဖြင့် ရွှေဝါနဒီစိုက်ပျိုးထုတ်လုပ်မှု ကုမ္ပဏီက ဆန်အရေအတွက်  ၁၃၀၈၆၇ ၊ Yoma Sun Co,Ltd မှ အရေအတွက် ၄၀၃၅ ၊ The Perpetual Co.,Ltd မှ ဆန်အရေအတွက် ၆၇၈၊ Good Brother Co.,Ltd ဆန်အရေအတွက် ၄၃၅၀၄ ကိုလည်းကောင်း၊ ၂၀၂၅ခုနှစ်အတွင်း ဆန်အရေအတွက် ၆၀၀၀ကိုတင်ပို့နိုင်ရန် ဆက်လက်ဆောင်ရွက်သွားမည်ဖြစ်ကြောင်း နှင့်  ၂၀၂၃-၂၀၂၄ ဘဏ္ဍာနှစ်တွင် ကုမ္ပဏီ ၄ခုမှ  ဆန်တင်ပို့မှု အရေအတွက် ၁၄၈,၇၂၇တင်ပို့နိုင်ခဲ့ကြောင်း သိရသည်။

            ဆန်ကွဲတင်ပို့မှု အနေဖြင့် ၂၀၂၃-၂၀၂၄ ဘဏ္ဍာနှစ်တွင် ကုမ္ပဏီ   ဆန်ကွဲတင်ပို့မှု အရေအတွက် ရွှေဝါနဒီစိုက်ပျိုးထုတ်လုပ်မှု ကုမ္ပဏီက ဆန်ကွဲအရေအတွက် ၂၆၂၈၀ နှင့် Good Brother Co.,Ltd ဆန်ကွဲအရေအတွက် ၁၀၂၀၄၂ တင်ပို့နိုင်ခဲ့ပြီး ၂၀၂၄-၂၀၂၅ ဘဏ္ဍာနှစ် ဖေဖော်ဝါရီ အထိ ဆန်ကွဲတင်ပို့နိုင်မှု ရွှေဝါနဒီစိုက်ပျိုးထုတ်လုပ်မှု ကုမ္ပဏီက ဆန်ကွဲအရေအတွက်  ၅၈၂၄၈ ၊ Yoma Sun Co,Ltd မှ အရေအတွက် ၂၃၈၅ ၊ The Perpetual Co.,Ltd မှ ဆန်အရေအတွက် ၁၈၂၊ Good Brother Co.,Ltd ဆန်အရေအတွက် ၇၄၃၆၂ ကိုလည်းကောင်း စုစုပေါင်း ကုမ္ပဏီ ၄ခုမှ ဆန်ကွဲအရေအတွက် ၁၃၅၁၇၇ ကိုတင်ပို့ခဲ့ပြီး ၂၀၂၅ခုနှစ်ကျန်သောလများအတွင်း  ဆန်ကွဲအရေအတွက် ၁၆၀၀၀ ကိုတင်ပို့သွားမည်ဖြစ်ကြောင်းသိရသည်။

            ပေါင်းဆန်တင်ပို့မှု အနေဖြင့် ၂၀၂၃-၂၀၂၄ ဘဏ္ဍာနှစ်တွင် ရွှေဝါနဒီစိုက်ပျိုးထုတ်လုပ်မှု ကုမ္ပဏီက အရေအတွက် ၁၁၁၅၀တင်ပို့နိုင်ခဲ့ပြီး ၂၀၂၄-၂၀၂၅ ဘဏ္ဍာနှစ် ဖေဖော်ဝါရီ အထိ ပေါင်းဆန်တင်ပို့မှုမှာ ရွှေဝါနဒီစိုက်ပျိုးထုတ်လုပ်မှု ကုမ္ပဏီက အရေအတွက် ၂၄၀၀ ၊ The Perpetual Co.,Ltdက အရေအတွက် ၃၆၁၈၊ Good Brother Co.,Ltdက ၇၅၀ တင်ပို့ပြီးဖြစ်ကြောင်း ၂၀၂၅ခုနှစ် ကျန်သောလများတွင် ပေါင်းဆန်အရေအတွက် ၉၇၆၈ ဆက်လက်တင်ပို့သွားမည်ဖြစ်ကြောင်း သိရသည်။

              ပြည်တွင်းမှ ပြည်ပပို့ကုန်အနေဖြင့် လယ်ယာထွက်ပစ္စည်းအပြင်  တိရစ္ဆာန်ထွက်ပစ္စည်း၊ ရေထွက် ပစ္စည်း၊ စက်မှုကုန်ချောနှင့်  တခြားပစ္စည်းများ  တင်ပို့လျက်ရှိကြောင်း သိရှိရပါသည်။ 

DOCA(ဧရာဝတီ)