ဝါးပင်ပေါက်ကလေးများပေါများစွာထွက်ရှိသည့် ဒေသဖြစ်ပါသည်။တောထဲတွင် ပေါက်ရောက်သော ဝါးပိုးဝါး၊ ကြက်သောင်းဝါး၊ ဝါးဟောင်းဝါး၊ ထီးတန်းဝါး စသည်တို့မှ မျှစ်များစုံလင်စွာ ရရှိပါသည်။ဝါးပိုးဝါးမှရသော မျှစ်များကို မျှစ်အစိမ်းအဖြစ်သုံး၍ ရနိုင်သလို မျှစ်ချဉ်အဖြစ်လည်း ပြုလုပ်ပြီး ရာသီမရွေးစားသုံး၍ရပါသည်။ဝါးပိုးပင်မှရရှိသည့် ဝါးပိုးမျှစ်များကို လတ်လတ်ဆတ်ဆတ်စားသောက်ရန်အတွက် အခွံနွှာ၍ ပါးပါးလှီးပြီး ရေသန့်တွင် သေချာစွာဆေးပြီးလျှင် မျှစ်အစိမ်းအဖြစ်စားသောက်၍ ရနိုင်ပါသည်။

   ထို့အပြင် ဝါးပိုးမျှစ်ချဉ်ပြုလုပ်ရာတွင် ရေသန့်သန့်တွင် စိမ်ထားသော မျှစ်များကို နှစ်ရက်လျှင် တစ်ကြိမ် ရေအသစ်လဲလှယ်ပေးရပါသည်။ရေသုံးလေးကြိမ်လဲပြီးလျှင် ဆန်ကွဲ၊ ဆား တို့ဖြင့် မျှစ်ဖတ်များကို ရောနှောထားပြီး လေလုံသော အိုးများတွင် အပြည့်သိပ်ထားပြီး အပေါ်ဖတ်မှ ဆားရည်လောင်းထည့်ပေး၍ထားရပါသည်။ နှစ်ပတ်လည်ကြာအောင်ထားပြီးလျှင် အသင့်စားနိုင်သည့် မျှစ်ချဉ်များရရှိလာပါသည်။

   မျှစ်ချဉ်များကို (၂၅)ကျပ်သားလျှင် (၂၀၀၀)ကျပ်၊ (၅၀)ကျပ်သားလျှင် (၄၀၀၀)ကျပ်ဖြစ်ပြီး ဈေးကွက်အတွင်း ရောင်းချပြီး ထွက်ရှိလာသော မျှစ်ချည်များကို မြို့မဈေးသို့ ပို့ဆောင်ရောင်းချကြောင်း သိရှိရပါသည်။      

(DOCA ဧရာဝတီ)

    ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးလုပ်ငန်းများကို အများအပြားလုပ်ကိုင်ကြကြောင်း သိရပါသည်။ စိုက်ပျိုးသီးနှံများဖြစ်သည့် သခွားသီး၊ခရမ်းသီး၊ ကန်စွန်းရွက်၊ ချဉ်ပေါင်ရွက်၊ ကင်ပွန်းချဉ် ရွက်၊ ရုံးပတီသီး၊ ဘူးသီး၊ ငရုတ်သီး စသည့်သီးနှံများကို စိုက်ပျိုးကြသည့်အပြင် သင်္ဘောသီးစိမ်း နှင့်ရွှေဖရုံသီးများကိုလည်း တစ်နိုင်တစ်ပိုင် စိုက်ပျိုး‌ကြပြီး ကန့်ဘလူမြို့မဈေးသို့ လာရောက်ရောင်းချကြကြောင်း သိရှိရသည်။

     ၂၀၂၅ခုနှစ်၊စက်တင်ဘာလ ပထမထပတ်အတွင်း ရောင်းချလျက်ရှိသော သင်္ဘောသီးစိမ်းဈေးနှုန်း မှာသင်္ဘောသီးစိမ်း(၁)ပိဿာလျှင် (၁၅၀၀)ကျပ်၊ (၅၀)ကျပ်သား လျှင်(၈၀၀)ကျပ်နှင့် ရွှေဖရုံသီး(၁)ပိ ဿာလျှင် (၃၀၀၀)ကျပ်၊ ရွှေဖရုံသီး(၁)စိတ်လျှင် (၁၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ကုန်စိမ်းရောင်းချသူထံမှ သိရှိရပါသည်။

(DOCA ဧရာဝတီ)

    မအူပင်မြို့နယ် အခွန်လွတ််ဈေးအတွင်း မျှင်ပုဇွန်ခြောက်အသေးများကို ရောင်းချလျက်ရှိကြောင်း သိရသည်။ မျှင် ပုဇွန်ခြောက်များသည် ဖျာပုံမြို့နယ် ဘက်မှ ထွက်ရှိသော ကုန်စည်များဖြစ်သည်။ ပုဇွန်ခြောက် အသေးများသည် ယခုကာလ ၂၀၂၅ ၊ စက်တင်ဘာလများတွင် ဈေးနှုန်း အသင့်အတင့်ဖြင့်သာ ရောင်းချရသည်။

    ရောင်းချနေသော မျှင်ပုဇွန်ခြောက် ဈေးနှုန်းများမှ  နိုးဆီ ၁ဗူးလျင် ၁၅၀၀ကျပ်၊ ၂၀၀၀ကျပ်၊ ၂၅၀၀ကျပ် ဖြင့် ရောင်းချလျက်ရှိကြောင်း ဈေးကွက်အတွင်းမှ သိရသည်။ မိုးအေးသော ကာလဖြစ်၍ ဈေးကြီးမြင့်ခြင်း မရှိဟု ရောင်းချသူထံမှ သိရသည်။ ယခင်ဈေးဖြင့် နှိုင်းယှဉ်ပါက ဈေးနှုန်း ၅၀၀ကျပ် ကျဆင်းလျက်ရှိသည်ဟု သိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊  မအူပင်မြို့တွင် မန္တလေးတိုင်း၊ ကျောက်ဆယ်မြို့နယ် ထွက် သဲတောမြို့နယ်နှင့် ဝမ်းတွင်းမြို့နယ်များမှ ထွက်ရှိသော ထိုင်ဝမ်ကျောက်စိမ်းဖရဲသီးများအား မအူပင်မြို့နယ်တွင် သုံးဘီးဆိုင်ကယ်ဖြင့် တစ်ဆင့်ဝယ်ယူရောင်းချသူများ အဆင်ပြေလျက်ရှိ ကြောင်း ဖရဲသီးရောင်းချသူ ဈေးသည်တစ်ဦးထံမှ သိရသည်။

   ကျောက်စိမ်းဖရဲသီးများကို ဝယ်ယူရာတွင် အလုံးအကြီးအသေးအလိုက် ဈေးနှုန်း မတူညီပဲ လက်ကားဈေး ဖရဲသီးရှယ်အလုံးကြီး ၁လုံး ၄၀၀၀ကျပ်၊ အလတ်၊ ၃၀၀၀ကျပ် ဖြင့် အရောင်းအဝယ် ဖြစ်နေပြီး၊  ရောင်းချသည့်အခါ အသီးတစ်လုံးတွင် အမြတ်ငွေ(၅၀၀)ကျပ်မှ (၁၀၀၀) ကျပ်အထိ ရရှိသဖြင့် ဖရဲသီးဝယ်ယူရောင်းချရာတွင် အဆင်ပြေလျက်ရှိကြောင်း နှစ်စဉ် ဆက်တိုက် ထိုင်ဝမ်ကျောက်စိမ်းဖရဲသီးရောင်းချသူမှ ပြောပြ၍ သိရသည်။ ပွင်းလင်းရာသီသို့ရောက်ရှိလာပါက ဒေသစိုက်ပျိုးသော ဖရဲသီးများနှင့် ယှဉ်ရောင်းချရသဖြင့် ဈေးကျဆင်းကြောင်း၊ ဒေသစိုက် ဖရဲသီး မပေါ်ခင်တွင် ဈေးကောင်းကြောင်း ဖရဲသီးရောင်းချသူမှ ရှင်းပြ၍ သိရသည်။

DOCA(ဧရာဝတီ)

          စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင် ရာသီစာ အသီးအနှံ မာလကာသီးနှင့်ဩဇာသီးများ ရောင်းချလျက်ရှိကြောင်းသိရှိရပါသည်။ မာလကာသီးနှင့် ဩဇာသီးသည် အသီးတင်သာမက အရွက်ရော အခေါက်ပါဆေးဖက်ဝင်သော အပင်ဖြစ် သည်။ မာလကာသီး နှင့် ဩဇာသီးပင်များ မိမိတို့၏နေအိမ်ခြံဝင်းများနှင့် ယာတောများတွင် တစ်နိုင်တစ်ပိုင်စိုက်ပျိုးကြပြီး လာရောက်ရောင်းချကြောင်း သိရှိရပါသည်။

                      ၂၀၂၅ ခုနှစ် ၊ စက်တင်ဘာလ ဒုတိယအပတ်အတွင်း မုံရွာမြို့ ကန်သာယာဈေးရှိ  သစ်သီးဆိုင်များတွင်မာလကာသီး အကြီး(၁)လုံးလျှင်(၈၀၀)ကျပ်၊ အသေး (၁)လုံးလျှင် (၅၀၀)ကျပ်၊  ဩဇာသီး အကြီး(၁)လုံးလျှင်(၅၀၀)ကျပ်နှင့် အသေး(၁)လုံးလျှင် (၃၀၀)ကျပ်၊ (၄)လုံးလျှင် (၁၀၀၀)ကျပ်ဖြင့် ရောင်းချလျက်ရှိရာ လူကြီးလူငယ်မရွေး ကြိုက်နှစ်သက်သည့် အတွက် အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)