ပြည်တွင်းကုန်သွယ်မှုသတင်း

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျွန်းလှမြို့နယ် တာ ဝန်ခံရုံးအနေဖြင့်  စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုး တိုးတက် ရေးလုပ်ငန်းများကိုပါဆောင်ရွက်လျှက်ရှိရာ ကျွန်းလှမြို့နယ်အတွင်းရှိကျေးရွာများတွင် တစ်ပိုင်တစ်နိုင် အနေဖြင့် ရိုးရိုးဗမာပြောင်းဖူးပင်များကို မိမိတို့ တောင်ယာများတွင် စိုက်ပျိုးလျက်ရှိကြောင်းသိရသည်။

     ၂၀၂၅ ခုနှစ်၊ စက်တင်ဘာလ ပထမပတ်တွင် ကျွန်းလှမြို့တွင် ရောင်းချနေသော ရိုးရိုးဗမာပြောင်းဖူး ဈေးနှုန်းများမှာ ရိုးရိုးဗမာပြောင်းဖူး အဖူးကြီး တစ်ဖူးလျှင်(၃၀၀)ကျပ်၊ အဖူးသေး တစ်ဖူးလျှင် (၂၅၀)ကျပ်၊ ငွေကျပ်(၁၀၀၀)ဖိုးလျှင်(၄)ဖူး ဈေးနှုန်းတို့ဖြင့် အ‌ရောင်းအဝယ်ဖြစ်လျက်ရှိလျက်ရှိကြောင်း သတင်းရရှိပါသည်။

DOCA (စစ်ကိုင်း)

     ကျွန်းလှမြို့နယ်အတွင်း ကုန်ဈေးနှုန်းများ အနည်းငယ်မြင့်တက်လျက်ရှိရာမှ အသား/ငါး ဈေးနှုန်း များထဲမှ ပုဇွန်ထုတ် ဈေးနှုန်းသည်လည်း မြင့်တက်လျက်ရှိရာမှပုဇွန်ထုတ်များကို  ဧရာဝတီတိုင်းဒေသ ကြီး၊ မွန်ပြည်နယ် မော်လမြိုင်မြို့နှင့် ရန်ကုန်တိုင်းဒေသကြီးတို့မှ  တစ်ဆင့်ဝယ်ယူရောင်းချကာ ထမင်းဆိုင်များ၊ စားသောက်ဆိုင်များ နှင့် စားဖွယ်စုံရောင်းချသည့် ဆိုင်မျာမှဝယ်ယူအသုံးပြုနေသည့် အတွက် ဈေးကောင်းရရှိနေကြောင်း သိရသည်။

    ၂၀၂၅ ခုနစ်၊ စက်တင်ဘာလ ပထမပတ်တွင် ကျွန်းလှမြို့၏ ပုဇွန်ထုတ် ဈေးနှုန်းများ အနေဖြင့် လက္ကား ဈေး(၁)ပိဿာလျှင်(၅၈၀၀၀)ကျပ်၊ လက်လီဈေး (၁)ပိဿာ လျှင် (၆၀၀၀၀)ကျပ်၊ (၅၀)ကျပ် သားလျှင်(၃၀၀၀၀)ကျပ်၊ (၂၅)ကျပ်သားလျှင်(၁၅၀၀၀)ကျပ် ဈေးနှုန်းဖြင့် ရောင်းချလျက်ရှိပြီး ယခင် အပတ်ထက် ပုဇွန်ထုတ်ဈေး တစ်ပိဿာလျှင်(၃၀၀၀)ကျပ် ကျဆင်းလျက်ရှိကြောင်း သိရသည်။

DOCA (စစ်ကိုင်း)

     သံပုရာသီးကိုနွေသီးနှင့် မိုးသီးဟူ၍ (၂)မျိုးရှိပြီးနွေရာသီတွင် သီးသောအသီးမှာအထွက်နည်း၍ တန်ဖိုးလည်းကြီးပါသည်။ယခုအချိန်ဖြစ်သောမိုးရာသီကာလတွင် သံပုရာသီများလှိုင်လှိုင်ထွက်ပေါ်လာချိန်ဖြစ်၍ တစ်ပင်လျှင်အလုံးရေ(၅၀၀)ခန့်အသီးနှုန်းအားကောင်းလာပါသည်။ထို့ကြောင့် သံပုရာသီးကို နွေသီးနှင့် မိုးသီးဈေးနှုန်းနှိုင်းယှဉ်လျှင် ဈေးကွာခြားချက်များရှိ၍ တစ်နိုင်တစ်ပိုင်စိုက်ပျိုးသူများအနေဖြင့်လည်း အပိုဝင်ငွေများ ရရှိလာမည်ဖြစ်ပါသည်။

    သံပုရာသီးဈေးမှာလည်း ကျဆင်းလာခဲ့၍ ရောင်းချသောဈေးနှုန်းများမှာ အကြီးတစ်လုံးလျှင် (၁၀၀) ကျပ်နှင့် အသေးတစ်လုံးလျှင် (၅၀) ကျပ်ဖြင့်ဈေးကွက်များတွင် ရောင်းချလျက်ရှိပါသည်။ကန်ကြီးထောင့်မြို့၊မြို့မဈေးသစ်ဈေးကွက်တွင် ရောင်းချနေသောသံပုရာသီးများမှာလည်း ကန်ကြီးထောင့်ဒေသအတွင်း ထွက်ရှိသောသံပုရာသီးများဖြစ်ပြီး ရန်ကုန်မြို့သို့လည်း တင်ပို့ရောင်းချလျက်ရှိကြောင်း သိရပါသည်။

(Doca ဧရာဝတီ)

     ယခုအချိန်သည် ဧရာဝတီတိုင်းဒေသကြီး ၊ ပုသိမ်မြို့နယ်တွင် ဒေသထွက် သီးနှံ နှင့် ကုန်စိမ်း များဖြစ်ထွန်းသည့် ရာသီဖြစ်သည့်အလျောက် ဇူလိုင်လအတွင်း၌တစ်ရက်လျှက် ဒေသထွက် ခဝဲသီးတောင့် (၄၀၀၀၀) မှ (၄၅၀၀၀) အထိ ဝယ်ယူမှုအားကောင်းလာကြောင်း ကုန်စိမ်းရောင်းဝယ်ရေး ပွဲရုံပိုင်ရှင်များထံမှသိရှိရပါတယ်။ ပုသိမ်မြို့ဒေသထွက် ခဝဲသီးများသည် အရည်အသွေးကောင်းပြီး သန့်ရှင်းလတ်ဆက်သည့်အတွက် ဒေသအတွင်း သာမက ရန်ကုန်ဈေးကွက်များအထိ အဝယ် လိုက်နေခြင်းဖြစ်ပြီး ခဝဲသီးတောင့်  (၁၀၀) လျှင် ငွေကျပ်(၂၅၀၀၀) အထိ  ပေါက်ဈေးရှိနေကြောင်း သိရှိရပါ တယ်။

DOCA (ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာန၊ ခရိုင်အတွင်း စပါး/ဆန် သိုလှောင်ထားရှိသူများ ကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ အမိန့် ၈၂/၂၀၂၄ စီးပွားရေးလုပ်ငန်းဆောင်ရွက်ရန်အလို့ငှာ ဆန်တန်ချိန် ၂၅ နှင့်အထက် သိုလှောင်ရုံ သို့မဟုတ်. စပါးတင်း ၂၅၀၀ နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူသည် www.myro.com.mm တွင်. သတ်မှတ်ထားသည်နှင့်အညီ မှတ်ပုံတင်လျောက်ထားရန် ထုတ်ပြန်ခဲ့ပြီး သိုလှောင်ထားရှိသူလုပ်ငန်းရှင်များမှာ myro တွင်မှတ်ပုံတင်ထားရှိပြီး မအူပင်မြို့နယ်အနေဖြင့် ၃၆လုံး သိုလှောင်ရုံ မှတ်ပုံတင်ထားရှိပြီး ဖြစ်ပါသည်။

  မအူပင်ခရိုင်၊ မအူပင်မြို့နယ်မှ  တောင်သူ၊ စက်ပိုင်၊ ကုန်သည်တို့ သိုလှောင်ထားရှိရာလုပ်ငန်းများတွင် စပါး ဆန် လက်ကျန်စာရင်းများကို  လစဉ် လဆန်း ၇ရက်နေ့တွင် myro၌ ကုန်ရ၊ ကုန်ထုတ်၊ လက်ကျန် စပါး/ဆန် ဖြည့်သွင်းရေး အခြေအနေများ ဖြည့်သွင်းဆောင်ရွက်နိုင်ရေးကို ကြပ်မတ်ဆောင်ရွက်လျက်ရှိပြီး စာရင်းကောက်ယူခြင်းများ ဆောင်ရွက်လျက်ရှိပါသည်။ လိုအပ်ပါက ဒေသန္တရာအဖွဲ့အစည်းများဖြင့် မြေပြင်ကွင်ဆင်းအမှန်တကယ် သိုလှောင်မှုအခြေအနေများကို ကွင်ဆင်းခြင်းများ လုပ်ဆောင်လျက်ရှိသည်။ မအူပင်မြို့နယ် ဆန်/စပါး လက်ကျန်အခြေအနေများမှာ စပါးအနေဖြင့် တောင်သူ ၁၅၄၈၉၅၄။ စက်ပိုင် စပါးတင်း ၁၈၈၅၀၀၊ ကုနသည် စပါးတင်း ၂၀၇၃၀၀ စုစုပေါင်း စပါးတင်း ၁၉၄၄၇၄၅ နှင့်၊ ဆန်လက်ကျန် တောင်သူ အိတ် ၈၀၀၊ ကုန်သည် ဆန်အိတ် ၄၄၀၀၊ စုစုပေါင်း ၅၂၀၀အိတ်ရှိကြောင်း မြို့နယ်ကွင်းဆင်းစစ်ဆေးခြင်းစာရင်းများအရ သိရသည်။

DOCA(ဧရာဝတီ)