ပြည်တွင်းကုန်သွယ်မှုသတင်း

    အောင်လံကုန်စည်ဒိုင်တွင် နှမ်းဈေးကွက်အနေဖြင့် (၄၅)ပိဿာဝင်(၁)အိတ်လျှင် ယခင်အပတ် (၅-၇-၂၀၂၃) ရက်နေ့တွင် နှမ်းနက်(စမုံ)မှာ ကျပ်(၂၇၀၀၀၀)မှ ကျပ်(၂၉၀၀၀၀)ဖြစ်ခဲ့ပြီး ယခုအပတ် (၁၁-၇-၂၀၂၃) ရက်နေ့တွင်လည်း ကျပ်(၂၇၀၀၀၀)မှ ကျပ်(၂၉၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ (၇၈၀၀)အိတ်အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှသိရှိရပါသည်။

  ပဲမျိုးစုံဈေးကွက်၌ ပဲစဉ်းငုံ(နီ)မှာ (၂၀)ပိဿာဝင်(၁)တင်းလျှင် ယခင်အပတ်တွင် ကျပ်(၁၀၁၅၀၀)ဖြစ်ခဲ့ပြီး ယခုအပတ်တွင် ကျပ်(၉၉၀၀၀)ဖြစ်၍ ကျပ်(၂၅၀၀)ဈေးလျော့လာခဲ့ကြောင်း၊ မတ်ပဲမှာ ယခင်အပတ်တွင် ကျပ်(၇၄၀၀၀)ဖြစ်ခဲ့ပြီး ယခုအပတ်တွင် ကျပ်(၇၂၀၀၀)ဖြစ်၍ ကျပ်(၂၀၀၀)ဈေးလျော့လာခဲ့ကြောင်း၊ ကုလားပဲ(H-L)မှာ ယခင်အပတ်တွင် ကျပ်(၈၇၀၀၀)ဖြစ်ခဲ့ပြီး ယခုအပတ်တွင် ကျပ်(၈၆၀၀၀)ဖြစ်၍ ကျပ်(၁၀၀၀)ဈေးလျော့လာခဲ့ကြောင်း၊ ကုလားပဲ(မြကြေး)မှာ ယခင်အပတ်တွင် ကျပ်(၈၉၀၀၀)ဖြစ်ခဲ့ပြီး ယခုအပတ်တွင် ကျပ်(၈၇၀၀၀)ဖြစ်၍ ကျပ်(၂၀၀၀)ဈေးလျော့လာခဲ့ကြောင်း၊ ပဲကြီးမှာ ယခင်အပတ်တွင် ကျပ်(၉၆၀၀၀)မှ ကျပ်(၉၉၀၀၀)ဖြစ်ခဲ့ပြီး ယခုအပတ်တွင် ကျပ်(၉၅၀၀၀)မှ  ကျပ်(၉၈၀၀၀)ဖြစ်၍ ကျပ်(၁၀၀၀) စသည်ဖြင့် အသီးသီးဈေးလျော့ခဲ့ပါသည်။‌ အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် ပဲစဉ်းငုံ(နီ)(၁၀၀၀)အိတ်၊ မတ်ပဲ(၉၅၀)အိတ်၊ ကုလားပဲ(H-L)(၈၀၀)အိတ်၊ ကုလားပဲ(မြကြေး)(၁၁၅၀)အိတ်နှင့် ပဲကြီး(၁၂၀၀)အိတ်တို့အရောင်းအဝယ်ရှိခဲ့ပါသည်။

     မြေပဲလုံးဆံ(ဖြူ)မှာ (၁)ပိဿာလျှင် ယခင်အပတ်တွင် ကျပ်(၆၇၀၀)ဖြစ်ခဲ့ပြီး ယခုအပတ်တွင် ကျပ်(၆၈၀၀)ဖြစ်၍ ကျပ်(၁၀၀)ဈေးမြင့်လာခဲ့ပြီး (၃၀)ပိဿာဝင်အိတ်များဖြင့် (၂၂၀)အိတ်တို့အရောင်းအဝယ်ရှိခဲ့ပါကြောင်းနှင့် နှမ်း၊ ပဲမျိုးစုံသီးနှံများအား ရန်ကုန်မြို့နှင့် မန္တလေးမြို့များသို့ တင်ပို့ရောင်းချရပါကြောင်း အောင်လံကုန်စည်ဒိုင်မှသိရှိရပါသည်။

DOCA(မကွေး)

    မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ဆီထွက်သီးနှံဖြစ်သည့် မိုးမြေပဲကို အဓိကစိုက်ပျိုးလျက်ရှိပြီး ဆောင်းမြေပဲကို အနည်းငယ်သာစိုက်ပျိုးမှုရှိပါသည်။ ၂၀၂၂-၂၀၂၃ ခုနှစ်တွင် မိုးမြေပဲကို (၆၁၂၆၈)ဧက စိုက်ပျိုးခဲ့ပြီး တစ်ဧကပျမ်းမျှအထွက်နှုန်း (၄၂.၂၅) တင်းနှုန်းဖြင့် တင်းပေါင်း(၂၅၈၈၅၇၃)တင်းထွက်ရှိခဲ့ပါသည်။ ဆောင်းမြေပဲစိုက်ပျိုးမှုအနေဖြင့် (၁၉၆)ဧကသာ စိုက်ပျိုးခဲ့ပြီး တစ်ဧကပျမ်းမျှအထွက်နှုန်းမှာ(၄၆)တင်းဖြင့် တင်းပေါင်း(၉၀၁၆)တင်း ထွက်ရှိခဲ့ပါသည်။ ၂၀၂၃-၂၀၂၄ ခုနှစ်တွင် မိုးမြေပဲကို စိုက်ပျိုးရန်လျာထားမှုအနေဖြင့် (၅၈၂၇၁) ဧကလျာထားမှုရှိပြီး ဇွန်လကုန်အထိ (၂၇၅၂၅)ဧကစိုက်ပျိုးပြီးဖြစ်ပါသည်။ ဆောင်းမြေပဲစိုက်ပျိုးရန် လျာထားမှုမှာ(၃၁၉)ဧက ရှိပါသည်။ နှစ်စဉ် ဩဂုတ်လတွင် ကျောက်ပန်းတောင်းမြို့နှင့် ထိစပ် လျက်ရှိသောကျေးရွာများမှ မြို့ပေါ်ရှိပွဲရုံများနှင့် ဆီစက်များသို့လာရောက်ရောင်းချကြပါသည်။ ၂၀၂၂-၂၀၂၃ ခုနှစ်ဇွန်လတွင် မြေပဲဆီဆံတစ်တင်းလျှင် (၆၄၀၀၀)ကျပ်၊ မြေပဲလုံးဆံတစ်တင်း လျှင်(၆၈၈၀၀)ကျပ်၊ မျိုးမြေပဲတစ်တင်းလျှင်(၇၂၀၀၀) ကျပ်များဖြင့် ဈေးနှုန်းများရှိခဲ့ပြီး ယခုနှစ် ကာလတူလတွင် မြေပဲဆီဆံတစ်တင်းလျှင်(၁၀၄၀၀၀)ကျပ်၊ မြေပဲလုံးဆံ တစ်တင်းလျှင် (၁၀၈၀၀၀)ကျပ်၊ မျိုးမြေပဲတစ်တင်းလျှင် (၁၁၂၀၀၀)ကျပ်ဝန်းကျင်များဖြင့် အရောင်းအဝယ်ဖြစ်ပေါ် လျက်ရှိပါသည်။

     ၂၀၂၂-၂၀၂၃ ခုနှစ်တွင် ကျောက်ပန်းတောင်းမြို့နယ်၏ မြေပဲတစ်ဧကစိုက်ပျိုးမှုကုန်ကျစရိတ် အနေဖြင့်(၄၅၇၀၀၀)ကျပ်ဝန်းကျင်ကျသင့်ပြီး တစ်ဧကပျမ်းမျှအထွက်တင်း(၄၂.၂၅)တင်းနှုန်း ထွက် ရှိခဲ့ပါသည်။ ပေါ်ချိန်တွင် မြေပဲတောင့်တစ်တင်းလျှင်(၁၈၀၀၀)ကျပ်နှုန်းရောင်းချခဲ့ရပြီး၊ တစ်ဧက ဝင်ငွေ(၇၆၀၅၀၀)ကျပ်ရရှိ၍ တောင်သူအကျိုးအမြတ်မှာ (၃၀၃၅၀၀)ကျပ်ရရှိပါသည်။ ဆောင်းမြေပဲ တစ်ဧက စိုက်ပျိုးမှုကုန်ကျစရိတ်မှာ (၄၅၇၀၀၀)ကျပ်ခန့်ကျသင့်ပြီး၊ တစ်ဧကလျှင်  ပျမ်းမျှအထွက် တင်း(၄၆)တင်းဝန်းကျင်ထွက်ရှိ၍ တစ်ဧကဝင်ငွေမှာ(၈၂၈၀၀၀)ကျပ်ရရှိပါသည်။ တစ်ဧကတောင်သူ အကျိုးအမြတ်အနေဖြင့် (၃၇၁၀၀၀)ကျပ်ရရှိပါသည်။ ဒေသတွင်းထွက်မြေပဲများကို ယခင်က အခြားဒေသများသို့ တင်ပို့ရောင်းချမှုများရှိခဲ့သော်လည်း ယခုအချိန်တွင် ပြည်ပသို့ ရောင်းချမှုနည်းပါးလာပြီး ဒေသတွင်း၌သာ ဆီကြိတ်ခွဲသုံးစွဲမှုများလာပါသည်။ တောင်သူအကျိုးအမြတ်ရရှိသော ဆီထွက်သီးနှံ မြေပဲကို ပိုမိုစိုက်ပျိုးပြီး ပြည်ပသို့ရောင်းချခြင်းမပြုပဲ ပြည်တွင်း၌သုံးစွဲခြင်း၊ ဆီကြိတ်ခွဲရောင်းချခြင်းများပြုလုပ်ပါက ဒေသတွင်းဆီစားသုံးမှုဖူလုံလာခြင်း၊ တိရစ္ဆာန်အစာများပေါများလာခြင်း၊ ဒေသတွင်းလုပ်သားများ အလုပ်အကိုင်အခွင့်အလမ်းများ ပိုမိုရရှိစေခြင်းအပြင် ဘေးအန္တရာယ်ကင်းသော ဆီများစားသုံးရခြင်းကြောင့် ကျန်းမာရေးညီညွတ်ကောင်းမွန်လာစေခြင်း စသည့်အကျိုးကျေးဇူးများ ရရှိလာစေသည့်အတွက် ဆီထွက်သီးနှံမြေပဲကို ပိုမိုတိုးချဲ့စိုက်ပျိုးသင့်ပါသည်။

DOCA(မန္တလေး)

    မကွေးမြို့၊ မြို့မစျေး၌ မြို့ပေါ်ရှိစျေးသည်များနှင့် ပတ်ဝန်းကျင်ကျေးရွာများဖြစ်သော ချောင်းဖြူကျေးရွာ၊ မြင်းကင်းကျေးရွာ၊ မကျီးကန်ကျေးရွာ၊ ဆားတိုင်ကန်ကျေးရွာတို့မှ လာရောက်ရောင်းဝယ်ဖောက်ကားလျက်ရှိပါသည်။

    ၂၀၂၃ခုနှစ်၊ ဇူလိုင်လ(ဒုတိယအပတ်)အတွင်း မကွေးမြို့၊ မြို့မစျေး၌ ရောင်းချလျက်ရှိသောစျေးနှုန်းများမှာ ခရမ်းချဉ်သီး(၁)ပိဿာလျှင် ကျပ်(၂၅၀၀)၊ ခရမ်းသီး(၁)ပိဿာလျှင် ကျပ်(၁၈၀၀)၊ ကြက်သွန်နီ(၁)ပိဿာလျှင် ကျပ်(၂၃၀၀)၊ ကြက်သွန်ဖြူ(ရှမ်း)(၁)ပိဿာလျှင် ကျပ်(၈၀၀၀)၊ ကြက်သွန်ဖြူ(ဗမာ)(၁)ပိဿာလျှင် ကျပ်(၈၀၀၀)၊ အာလူး(၁)ပိဿာလျှင် ကျပ်(၃၀၀၀)၊ ငရုတ်သီး(ကျောက်စိမ်း) (၁)ပိဿာလျှင် ကျပ်(၆၀၀၀)၊ ငရုတ်သီးစိမ်း(မိုးမျှော်)(၁)ပိဿာလျှင် ကျပ်(၄၀၀၀)၊ မြေပဲ(၁)ပြည်လျှင် ကျပ်(၈၀၀၀)၊ ကုလားပဲခြမ်း(၁)ပြည်လျှင် ကျပ်(၈၀၀၀)၊ ဘူးသီး(၁)လုံးလျှင် ကျပ်(၁၅၀၀)မှ ကျပ်(၂၀၀၀)အတွင်း၊ ပန်းဂေါ်ဖီပွင့်(၁)ပွင့်လျှင် ကျပ်(၁၅၀၀)မှ ကျပ်(၂၀၀၀)အတွင်း၊ ဂေါ်ဖီ(၁)ထုပ်လျှင် ကျပ်(၁၇၀၀)မှ ကျပ်(၂၀၀၀)အတွင်း၊ ကြက်ဥ(၁)လုံးလျှင် ကျပ်(၂၈၀)မှ ကျပ်(၃၀၀)အတွင်း၊ ဘဲဥ ၁)လုံးလျှင် ကျပ်(၃၀၀)မှ ကျပ်(၃၅၀)အတွင်း၊ မျှစ်ချဉ်(၁)ပိဿာလျှင် ကျပ်(၄၈၀၀)၊ ကြက်သား(CP)(၁)ပိဿာလျှင် ကျပ်(၁၅၀၀၀)၊ ကြက်သား(ဗမာ)(၁)ပိဿာလျှင် ကျပ်(၁၈၀၀၀)၊ ဆိတ်သား(၁)ပိဿာလျှင် ကျပ်(၁၈၀၀၀)၊ အမဲသား(၁)ပိဿာလျှင် ကျပ်(၁၇၀၀၀)၊ ဝက်သား(၁)ပိဿာလျှင် ကျပ်(၁၈၀၀၀)တို့ဖြင့် အသီးသီးအရောင်းအဝယ်ဖြစ်လျက်ရှိကြောင်း စျေးသည်များထံမှသိရှိရပါသည်။

DOCA(မကွေး)

    ဇူလိုင်လ ဒုတိယပတ်အတွင်း မိတ္ထီလာကုန်စည်ဒိုင်၌ ဖြစ်ပေါ်နေသော သီးနှံစျေးနှုန်းအခြေအနေများမှာ နှမ်းဆီ တစ်ပိဿာလျှင် (၁၃၅၀၀-၁၄၀၀၀) ကျပ်၊ မြေပဲဆီ တစ်ပိဿာလျှင် (၁၃၅၀၀-၁၄၀၀၀)ကျပ် နေကြာဆီ တစ်ပိဿာလျှင် (၁၂၅၀၀-၁၃၀၀၀) ကျပ်၊ စားအုန်းဆီ တစ်ပိဿာလျှင် (၈၀၀၀)ကျပ်၊ နှမ်းဖတ် တစ်ပိဿာလျှင် (၂၇၀၀) ကျပ်၊ ပဲဖတ် တစ်ပိဿာလျှင် (၃၁၀၀) ကျပ်၊ နေကြာဖတ် တစ်ပိဿာလျှင် (၁၉၀၀-၁၉၅၀) ကျပ်၊ ကုလားပဲ (V2)  တစ်တင်းလျှင် (၈၀၀၀၀-၈၁၀၀၀)ကျပ်၊ နှမ်းညို တစ်တင်း လျှင် (၈၂၀၀၀) ကျပ်၊ နှမ်းဖြူ တစ်တင်းလျှင်(၁၀၀၀၀၀)ကျပ်၊ နေကြာစေ့ တစ်ပိသာလျှင် (၄၀၀၀) ကျပ် ၊ မန်ကျည်းတောင့် တစ်ပိဿာလျှင် (၈၅၀) ကျပ်၊ ပဲတီစိမ်း  တစ်တင်းလျှင် (၅၅၀၀၀-၅၇၀၀၀) ကျပ်၊ ငရုတ် တစ်ပိသာလျှင် (၁၃၀၀၀ - ၁၃၅၀၀) ကျပ်၊ ကြက်သွန်နီ တစ်ပိဿာလျှင် (၁၉၀၀ - ၂၀၀၀) ကျပ်နှုန်းများဖြင့် အသီးသီးရောင်းဝယ်ဖောက်ကားလျက်ရှိပြီး ယခင်လဒုတိယပတ်နှင့် နှိုင်းယှဉ်ကြည့်လျှင်  စားအုန်းဆီစျေးနှုန်းမှာ တစ်ပိဿာလျှင် (၁၆၂၈) ကျပ်ခန့် မြင့်တက်လျက်ရှိပြီး၊ နှမ်းညိုစျေးနှုန်းမှာ တစ်တင်းလျှင် (၈၀၀၀) ကျပ်ခန့်၊ ကုလားပဲ (V2) တစ်တင်းလျှင် (၈၀၀၀) ကျပ်ခန့် သိသိသာသာ ကျဆင်းလာကြောင်းနှင့် ကျန်သီးနှံစျေးနှုန်းများ တည်ငြိမ်လျက်ရှိကြောင်း သိရပါသည်။

DOCA(မန္တလေး)

   ပန်းအလှ၌ ပန်းတိမ်ဆရာလက်မှိုင်ချရသည်အထိ တင်စားခေါ်ဆိုသောပန်းတိမ်ငိုပန်းသည် သုံးရာသီရှိသောမြန်မာ့ရေမြေတွင် မိုးတွင်းကာလ၌ပွင့်တက်သည့် ပန်းတစ်မျိုးဖြစ်သည်။ ပန်းတိမ်ငိုမျိုးတွင် တစ်ထပ်ပန်းတိမ်ငို၊ နှစ်ထပ်ပန်းတိမ်ငို၊ သုံးထပ်ပန်းတိမ်ငို (ခေါ်) ဆင်စွယ်ဟူ၍သုံးမျိုးရှိသည်။ မျိုးကွဲပေါင်းများစွာရှိပြီး ပန်း၏အရောင်မှာ အပန်းရောင်၊ ခရမ်းရောင်နှင့် အဖြူရောင်တို့ရှိကြသည်။ ဖေဖော်ဝါရီလတွင် ဥများကိုတူးဖော်ကာစိုက်ပျိုးကြသည်။ အပင်အမြင့်သည် ၁၈လက်မမှ ၂၄လက်မအထိရှိပြီး အရွက်များမှာ အမြဲစိမ်းစိုနေသည်။ ပန်းတိမ်ငိုပန်းကို အအေးပိုင်းဒေသများတွင် အများဆုံးစိုက်ပျိုးကြပါသည်။ ပန်းတိမ်ငိုပန်းကို ရှမ်းပြည်နယ်၊ ရွာငံနှင့် ပင်းတယမြို့နယ်တို့တွင် အများဆုံးစိုက်ပျိုးကြသည်။ ယခုအခါ အပူပိုင်းဒေသများတွင်လည်း စတင်စိုက်ပျိုးကြပါသည်။ အပူရှိန်မြင့်မားသည့်ဒေသများတွင် ပန်းတိမ်ငိုပန်းကိုစိုက်ပျိုးနိုင်ရန် အမိုးအကာပြုလုပ်၍ စိုက်ပျိုးကြသည်။ ဆူကာသီး (ခေါ်) ဂေါ်ရခါးသီးစင်၊ ဗူးစင် စသည့်အရိပ်ရသောစင်များအောက်တွင်လည်း စိုက်ပျိုးနိုင်ပါသည်။ ပန်းတိမ်ငိုပန်းပင်သည် ရေကြိုက်နှစ်သက်သော်လည်း ရေဝပ်သည့်ဒဏ်ကိုမခံနိုင်ကြောင်း သိရပါသည်။ ပန်းတိမ်ငိုပန်းသည် ဘုရားပန်းအဖြစ်သာမက အခမ်းအနားများတွင်လည်း တန်ဖိုးထားသော အလှဆင်သည့်ပန်းတစ်မျိုးဖြစ်သဖြင့် ပန်းစိုက်သူတို့အတွက် တွက်ခြေကိုက်သောပန်းတစ်မျိုးဖြစ်ပါသည်။ ယနေ့ဒေသပေါက်ဈေးအနေဖြင့် ပန်းတိမ်ငိုပန်း (အဖြူရောင်) (၁၀) ပင်ပါ (၁)စည်းလျှင် ၁၅၀၀ကျပ်နှုန်းရှိပြီး ပန်းတိမ်ငိုပန်း (ခရမ်းရောင်) (၁၀) ပင်ပါ (၁) စည်းလျှင် ၂၅၀၀ကျပ်နှုန်းနှင့် ပန်းတိမ်ငိုပန်း (အပန်းရောင်) (၁၀) ပင်ပါ (၁)စည်းလျှင် ၃၅၀၀ကျပ်နှုန်းတို့ဖြင့်ရောင်းချလျက်ရှိပါကြောင်း ဈေးကွက်မှသိရှိရပါသည်။

DOCA(ရှမ်း)